熺會館

營業中

休息中

琴晚同朋友慶祝生日，我地通常試到一間好食既就會成日去，今次冇去以往食開既餐廳，朋友建議試下新野，佢㨂餐廳一向都有d要求，咁就㨂左呢間大家都未試過既去啦。餐廳隔局幾好，我地一行4人被安排坐一個小包廂，座位都幾舒適，店員既服務都好周到，因為我入門口上完樓梯店員問完我訂位姓名，佢話完俾另一位帶位同事知邊枱，就好主動咁拎我手上既生日蛋榚話幫我雪起佢先（其實好小既事我已經感覺到間餐廳氣氛）。 未開始打邊爐之前飲左佢地個湯底，我地叫左醉雞湯底，湯夠濃、鮮、無味精！ 海鮮、肉類、連餃類都非常新鮮，冇一樣食物係令我覺得唔滿意。 真係值得再讚除左食物質素好好，對得住個價錢之外，呢間餐廳既員工都好友善、勯快、有禮貌同親切，寫食評真係想多d支持番香港既飲食業，遇到好餐廳一定要表揚🎊🎉、我一定會推介俾身邊既朋友 😛

上菜極慢！！不斷漏單！！朋友 7:15入座，但我地竟然 等到 8:30 個火鍋湯底先到，沒有誇張（不是餸菜，而是湯底都要等這麼耐！）連刺身都等了差不多 45 分鐘。當晚不只是我們這台客是這樣，見到另一張枱都等了很久！！好幾樣都漏了單，提醒了還是沒有，所以最後放棄了。第二次落單時職員仲聲稱今次會即刻上，點知都係有野漏。平心而論，食物其實是質素不錯的，他們亦都知道不好意思，所以給了個九折我們，但這樣的上菜速度實在是極為離譜！

尋晚Gathering去左山林道呢間朋友重推既熺會館我哋叫左兩個湯底，招牌花膠雞湯鍋冇得輸！滿滿少女膠原+濃郁嘅雞湯味🥰 估唔到胡椒豬肚鮮雞湯仲驚喜，辣度適中，入口香濃😋 適合重口味嘅朋友飲完湯食個刺身先，加拿大象拔蚌刺身大大隻，厚切上枱，嗰種鮮甜爽脆，好似喺個口度跳緊舞咁🪸 再嚟個活魚刺身，夠新鮮！魚油甘香，似喺日本食刺身咁嘅質素🐟鬼哥介紹咗三款肥牛，我哋三款叫曬😆 真係食得出三款唔同質感和味道。個人最喜歡牛小排和牛頸脊🐂，重牛味又夠腍。另外叫左蟶子，珊瑚蚌，桂花蚌，雞子，鵝腸，鹿兒島黑豚肉，黑柏葉，樣樣新鮮又大碟。連d菜都好好味，可能因為湯底夠正！只有鴨血係我覺得太厚切，如果薄身少少，口感會更好。整體嚟講，cp值高，新鮮又大碟。環境同服務質素都好好。非常適合想享受高質火鍋嘅朋友🤩

經朋友推介，食材非常新鮮，店員服務質素都好好，當日我地一行10人到店，店員已經好快手咁帶我地入去vip room ，原來仲有得唱K ,間房有獨立洗手間「正」經我觀察成間房連個廁所都好乾淨，仲要一入房就有香味，首先，我哋點咗兩個小食，椒鹽魷魚鬚和椒鹽豆腐，兩個都一定必食推介👍👍超級正🤤，跟住就點咗兩個湯底，胡椒豬肚雞湯，花膠雞湯，兩個湯都好濃好重料，又係超好味，個胡椒豬肚仲要係新鮮豬肚整的👍好難得，特別想講叫咗三碟牛肉都係超水準👍，其實食過咁多打爐，呢間真係樣樣都好高質，包括啲店員😆👍，本人都係咪個高要求既人，熺會館可以話係天花板級既然煱店🤩真心可以推介比朋友😍👍👍👍👍

餐廳所供應的海鮮都是非常新鮮,從選料到烹調都能保持最佳的鮮度。這能突出食材的優質水準。海鮮選擇很多，能滿足挑剔食客的需求。各種海鮮的最佳烹調方法,能將食材的天然鮮甜發揮得淋漓盡致。無論是刺身，香煎還是火鍋,都能呈現出美味佳餚。火鍋湯底,不論是花膠雞湯還是胡椒豬肚雞湯都能充分釋放鮮味。😋服務人員細心周到,能為客人提供貼心的建議和照應。讓用餐過程賓至如歸。總之,從食材、烹飪、服務到氛圍各方面,全面讚美這間海鮮火鍋餐廳的出色之處,定能令顧客留下深刻印象。

今日來到於尖沙咀山林道的熺會館，經朋友介紹知道這裡的火鍋和小菜都很出色。大約六時多到達，店員看到我們馬上很殷勤帶我們到座位並介紹一下他們馳名的火鍋以及小菜選擇。這次選擇了他們花膠雞湯鍋、金沙椒鹽九肚魚、特級手切封門柳（細）以及熺會四寶丸。▶️金沙椒鹽九肚魚首先上菜的是這款金沙椒鹽九肚魚，其實在香港很難吃到好吃的椒鹽九肚魚。這裡的九肚魚讓我非常有驚喜。首先九肚魚的魚肉非常飽滿，師傅的工架十足，經過油炸的九肚魚完全沒有油膩感，再配合椒鹽和咸蛋，味道非常合襯。▶️花膠雞湯鍋這裡的火鍋湯底是沒有任何味精的，每個鍋都是很足料可以先喝湯，吃湯料然後再火鍋。這個雞湯質地非常濃稠，雞肉吃得出是很新鮮的，花膠亦毫不吝嗇非常大塊，這個充滿膠質的湯底非常多骨膠原，很喜歡。由於這個湯底非常足料，我和朋友把湯料都吃剛剛後已經有六七分飽，哈哈。▶️ 特級手切封門柳（細）吃火鍋怎能不吃牛肉呢？店員教我們大約熟六至八秒，這裡的封門柳肉味非常濃，肉質非常軟腍，和坊間的牛肉有點不同，這裡吃得出是很高質的牛肉。▶️ 熺會四寶丸四寶丸包括手打鮮蝦丸、手打墨魚丸、手打鯪魚丸及手打牛丸。個人最喜歡的是手打墨魚丸和手打鯪魚丸。墨魚丸非常彈

火鍋店到處皆是, 誰都懂用食材吸客, 此店平日生意穩定, 周末晚上訂座常滿. 淡市奇葩, 的確勝人幾式 :-1 招牌花膠滑鷄湯, 料正湯甜, 回家都不口渴, 必叫之選2 竟然有法國香檳提供, 售價克制, 很多女士不喜歡啤酒撐肚子, 香檳冰涼剔透, 12度, 火鍋絕配3 老闆友善, 打點落力, 有空便與客人閒聊共酢兩杯, 服務員也到位, 態度認真熺燴館也備海鮮, 丰檢由人, 收費合理, 裝修也算企理, 厠所乾淨衞生. 怪不得回頭客多, 贏一招 '從不失望' !

店名: 熺會館 地址: 尖沙咀山林道29-31號廣利樓1樓佐敦站D出口，行3分鐘環境: 4/5價錢: 4/5味道: 4/5熺會館以海鮮、刺身同自家火鍋聞名，佢地既海鮮都係新鮮處理，佢地既火鍋湯底好出名，每鍋都係獨立由師傅，逐鍋炮製，絕不加任何味精，務求做到新鮮鮮味既效果🤩熺會館椰子雞湯 （半隻） ❤️❤️❤️❤️❤️$328椰子雞湯非常足料，湯底超濃郁，而且吾會過鹹，雞湯入口順滑，椰子香味十足，雞件皮嫩肉滑😆忍唔住飲多幾啖熺會館四寶餃(每款兩粒)❤️❤️❤️❤️$118鮮猪肉韭菜餃，皮薄，韭菜爆料😗皇牌魚皮餃同鳳城水餃則比坊間一般為大，熺會鮮蝦靚雲吞，皮非常薄，蝦仁彈牙爽口🤩手切雪花牛小排 （細） ❤️❤️❤️❤️$288小排雖然係細版，但份量仍然十足，肉質軟滑，油花十分均勻🥰而且有咬口，牛味亦好出😆必叫之選‼️雜菜拼盤 ❤️❤️❤️❤️$118拼盤一次過有齊幾款打邊爐必備既菜，有生菜、白菜等，大大盤，適合樣樣都想試啲，又想食得健康既人😍

朋友老闆宴請他們到「熺會館」用膳後，朋友大讚其選擇豐富又高質，火鍋湯底食材矜貴、用料及日式刺身非常新鮮，小菜有鑊氣又惹味；加上環境非常具私隱度，於是加入了收藏名單；今晚終於相約到幾位知己好友到訪共聚-金沙椒鹽鮮魷魚 $138鮮魷炸至金黃色再灑上蒜粒外皮香脆乾身，魷魚新鮮爽滑，椒鹽香比金沙香突出推介指數：8.5/10-黑松露蝦仁炒滑蛋 $178堆得如一座小山丘，蝦肉份量充足雞蛋炒得嫩滑濕潤，帶淡淡黑松露清香；蝦肉鮮甜爽彈推介指數：8.5/10-薑蔥台山蠔煲 $268店家推薦菜色上檯時香噴噴，台山蠔肥大肉厚又鮮味，薑蔥爆得惹味香口，芡汁調較恰到好處，惟個人略嫌稍油膩推介指數：8/10
-
熺會館花膠雞湯鍋 $468店員會先將花膠雞湯分成細碗給客人享用，湯頭鮮甜濃郁而不膩，帶有淡淡花膠香及雞味，更加入適量補血紅棗推介指數：8.5/10-特級手切封門柳 (大) $518封門柳脂肪比例不高，食落軟嫩有彈性，牛肉鮮味甘甜推介指數：8.5/10-白鱔片 $138晶瑩剔透的外表非常吸引，魚肉爽鮮帶獨特香味，腥味全無推介指數：9/10-脆肉鯇片 $78口感爽脆惟魚味不重推介指數：7.5/10-熺會手打四

同朋友慶祝生日，趁天氣涼了，大家都想打邊爐，在朋友挑選下，決定試一試呢一間。試了兩款餐前小食，已經十分滿足。熺會鳳尾蝦多士蝦多士精緻，每一件上面都有一隻鳳尾蝦，炸到金黃酥脆，香口好味。黃金沙炸魚皮邪惡的小食，每一塊魚皮都包裹住香濃的鹹蛋黃醬，很滋味。即使外層有香濃的鹹蛋黃醬，魚皮仍然很脆身。令人忍不住食完一塊接一塊。 由於大家都是愛辣之人，所有點了川式麻辣鍋，麻辣鍋用了不少香料，可以見到有辣椒同花椒，香氣十足，充滿四川風味，惹味十足。極肥脆肉鯇魚腩、台山蠔同桂花蚌分量足又夠新鮮肥美，極品魚肚及蜂巢豆腐吸收了麻辣湯底精華，咬落去的時候有滿滿的麻辣汁，十分推薦。四寶丸可以試到蝦丸、牛丸，墨魚丸同魚肉丸，最推薦的是蝦丸，爽口彈牙，可以食到蝦肉。另外試了兩款牛肉，牛肉油花分布平均，新鮮帶有牛味，肉質嫩身。雖然餐廳價值比較貴，但食物有質素，值得一試。

book 左19:30，我哋嚟到已經可以即刻入座，有個叔叔見齊人，已經推介刺身比我地，禮貌一流， 因為我哋坐嗰個位比較大風，我拎咗件外套笠埋頂帽，個叔叔會走埋嚟問我係唔係太大風， 之後我諗住望下洗手間係邊，佢都即刻走埋嚟問有咩幫到我，我覺得好窩心，我覺得呢位叔叔好好人，其他職員都好有禮貌。食物質素到一流，我哋叫咗個花膠雞鍋， 足料，湯好夠味，唔似係味精湯 🤔🤔， 因為飲咗成窩都唔覺得口渴😂😂我哋叫咗個小牛排，好正，另外會推介鹿兒島黑豚同埋象拔蚌刺身，正。整體我覺得，價錢同食物絕對成正比，下次會再去

book 左19:30，我哋嚟到已經可以即刻入座，有個叔叔見齊人，已經推介刺身比我地，禮貌一流， 因為我哋坐嗰個位比較大風，我拎咗件外套笠埋頂帽，個叔叔會走埋嚟問我係唔係太大風， 之後我諗住望下洗手間係邊，佢都即刻走埋嚟問有咩幫到我，我覺得好窩心，我覺得呢位叔叔好好人，其他職員都好有禮貌。食物質素到一流，我哋叫咗個花膠雞鍋， 足料，湯好夠味，唔似係味精湯 🤔🤔， 因為飲咗成窩都唔覺得口渴😂😂我哋叫咗個小牛排，好正，另外會推介鹿兒島黑豚同埋象拔蚌刺身，正。整體我覺得，價錢同食物絕對成正比，下次會再去

跟朋友手房間聚餐，點了象拔蚌刺身，又一條魚做刺身，其他部份椒鹽烹煮，之後再點花膠湯底打邊爐，湯底照正。手切肥牛正，餃子都好食。地點方便，山林道直入就到。據知仲有小菜提供。

每枱由職員自動奉上9格自助調味料，然後侍客人揀選完就拿走。湯底-- 醉雞煱--(半隻雞)上枱巳聞見陣陣酒香，藥膳湯料也非常多，入口味道非常濃郁，很好味，雞肉嫩滑十分滋補--鱔片--肉質新鮮--四寶丸--除了蝦丸(推介)入口彈牙，肉質新鮮外，可encore, 其餘的牛丸，墨魚丸，魚肉丸口感味道也麻麻，不推薦。--黑柏葉--爽脆新鮮--雞子--size是迷李版，感覺一般般。--山根----蒿筍 --新鮮翠綠

今日舅父終於係加拿大返黎探我地，做姪女既緊係要同長輩食啲好野，我地就黎佐熺會館，有裝修有美食！我地先點佐糯米蟹🦀糯米蟹原籠蒸籠咁上，鮮蟹好大隻，仲好多蟹膏，清蒸鮮甜味出晒黎，加上少少蔥花芫荽調味，更鮮味！之後叫佐馳名生炒菠蘿咕嚕肉🐽豬肉炸到好鬆脆，一粒粒一口size，好易入口，加上洋蔥、青紅椒、菠蘿一齊用酸甜醬去炒，好fresh好開胃，超好食！另外貪心既我地叫埋糯米飯同埋黑松露蝦仁炒滑蛋🤤糯米飯咕會太硬，用臘味炒既糯米飯油香十足，加上脆脆既花生粒去炒口感好好，用砂鍋上好熱好好食！而蝦仁炒蛋就好地道既粵菜，蝦仁大隻彈牙，炒蛋好滑，加埋黑松露就更鮮味更好食😋