熱火朝天

營業中

休息中

有一日行過諗住入去買餸點知有間好奇特嘅餐廳吸引了我的注意，佢個招牌寫好大個字三十文有個炒飯食。我諗會唔會有古惑？就專登行近d睇睇佢個招牌內容寫啲乜嘢？點知睇咗佢部電視廣告睇左好耐都冇乜內容。淨係得啲食物圖片同價格，裏面啲野都好平我諗會唔會好迷你就專心嗌咗份幹炒牛河試試，等左七八分鐘終於見到我份30幾文嘅乾炒牛河原來都好大碟老闆買嘢都好有良心 ，試埋個味道都仲可以，畀好多賣緊六七十文嘅牛河都好味所以專登寫段野叫大家去試下 。

阿媽去寶琳街市買餸，話係門口個度見到間新開張餐廳，價錢同學生餐差唔多平，所以買咗啲野食返黎試下我食肉，所以嗌咗乾炒牛河黎食畢竟好食又夠鍋氣嘅乾炒牛河最能夠睇得出餐廳嘅手勢食完果然無令我失望雖然係外賣，但係阿媽攞到返黎比我食個陣仲熱辣辣阿媽就買咗素雜錦炒麵可能年紀大咗，唔想食咁多肉😂所以我媽同我講話間鋪頭都幾好可以一次過買曬啱我地兩個人嘅野食唔洗佢額外再行去第二度買個老闆話糖水都好好飲推介我媽買個桃膠銀耳露黎試下話啱曬女人養顏美容仲好好人咁送咗個小食我地試下話新店開張，推廣一下佢咁好人，加上味道真心唔錯所以就上黎openrice度比個好評佢希望多啲街坊可以食到佢地嘅美食真係平靚正

今日試咗外賣自取，都幾方便，唔洗去到鋪頭度order同等，又啱曬我哩啲I人，唔想開口嘅問題😂比錢方法都多咗好多種類，唔洗去到淨係可以八達通同現金，外賣自取可以alipay同其他e payment 👍🏻

同朋友打完羽毛球，搵緊餐廳食晚飯，見到街市哩間野食幾平，都多款式，就一齊買黎食，附近有啲堂食檯可以坐低吹下水，慢慢享受都唔錯，最緊要係有冷氣！！！我地嗌咗一個乾炒牛河，兩個熱火炒飯，兩個酸豆角炒桂林米粉，幾碗綠豆沙加椰汁糕，再試埋全部小食，埋單都係唔洗60蚊一個人，真係好平，癡線😂最好味係椰汁糕，綠豆沙，因為唔會好甜，啱曬宜家天氣熱，做完運動食，好解暑👍🏻主食最好味都係乾炒牛河同酸豆角桂林米粉😋可惜我地打完波已經7點幾，去到河粉得返最後一份，下次會早啲過去嗌多份幹炒牛河食🤤真係好抵食，仲要份量都唔少，食完好飽好滿足👍🏻可惜太肚餓，食完先記得影相🤣

去寶琳街市買餸，經過見到開咗一間新鋪頭，買咗乾炒牛河黎試下，竟然味道都唔錯，仲要好平🤩30幾蚊一份，下次會再試其他！#寶琳街市 #熟食中心 #郵局門口直入左手邊第一間