459
26
36
港鐵銅鑼灣站 C 出口, 步行約2分鐘 繼續閱讀
電話號碼
26173328
開飯介紹
提供日式燒肉放題的餐廳,特別供應其他放題少見的蟹膏甲羅燒。大部分食物都未經醃製,可自行以多款調味料調味。 繼續閱讀
附加資料
消費$300以上可使用信用卡
營業時間
今日營業
12:00 - 15:30
17:00 - 00:00
星期一至四
12:00 - 15:30
17:00 - 00:00
星期五至六
12:00 - 15:30
17:00 - 01:00
星期日
12:00 - 15:30
17:00 - 00:00
付款方式
Visa Master AlipayHK 支付寶 現金 AE 銀聯 微信支付
座位數目
120
其他資料
網上訂座
Wi-Fi
酒精飲品
自帶酒水 詳細介紹
電話訂座 詳細介紹
賞訂座積分
外賣服務
加一服務費
當面支付
有關獎賞計劃
食評 (566)
等級4 2019-12-18
4940 瀏覽
朋友係銅鑼灣做完gym就約左食個早飯提早慶祝聖誕節,周圍都有聖誕氣氛,都幾開心啊!今日有4 個人,去左食熊本燒肉任食。飲品都係任飲,我第一時間拎左sparkling 既利賓納,平時放題好見到耶!朋友們都估到我一定飲!呢到選擇都多! 朋友就要左荔枝烏龍茶。除左燒肉,仲有刺身同shabu shabu,食物選擇有好多,好抵食!好滿足!shabu shabu 有好多海鮮,蝦超大隻!仲有青口同帶子,都好好味!係偏甜嘅醬油味,仲可以配菜、菇、芋絲一齊食!燒肉有不同款左既牛,有牛小排、肉眼、牛舌同五花牛等等,想食啲咩用ipad自己點好方便!喜馬拉雅玫瑰岩鹽大大舊放在鐵板上,增加食物既味道,更惹味。我地仲點左啲海鮮,蝦、多春魚、鯖魚,全部都好味,因為個火好好,不會過猛,令到食物燒得剛好,脆皮,不會焦焦的!另外配豆蔬菜,翠肉瓜、粟粉同雞肶菇,除左另色彩豐富啲,仲可以解一解肥膩。最後,仲有一人一杯Haagen dazs雪糕!味道有士多啤梨、朱古力、曲奇、咖啡,我就最喜歡咖啡雪糕,好濃!朋友就揀左士多啤梨,燒完肉食可以解油膩! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-12-03
3938 瀏覽
天氣凍凍地除咗啱打邊爐之外,燒肉都好啱呀!我今日我揀咗一間日式燒肉。平日加每人288一位,之後每人再加多$38就可以食升級之選,任食和牛同鹿兒島五花肉啦!升級嘅和牛有牛小排,牛肉眼,牛柳。牛味好重,牛塊比較薄,好快就會熟,所以我狂叫狂食,十分滋味!😍😍大家可以燒完啲肉之後放喺岩面,令到肉味更更提升。另外仲有鹿兒島五花肉,同樣好香既豚肉味👍另外只要 like 左佢地某個社交平台page, 仲可以有海鮮拼盤送添啊!有帶子、特大虎蝦、鮑魚、青口。如果人多嘅話就會有甲羅燒。雖然我哋得兩個人但係我玩左佢嘅一字馬遊戲,都有一個好好味嘅甲羅燒,勁開心呀!撈勻晒啲材料,等4分鐘就食得,蟹味勁出,超正!💕💕💕除咗升級自選嘅燒肉之外,佢普通嘅牛豚雞都相當唔錯,特別令我深刻嘅就係明太子雞翼,雞肉好鮮嫩,配料都好味!仲有大蔥雞肉、特級五花牛肉,諗返起都垂涎三尺🤤🤤佢仲有得燒蔬菜🥬有我鍾意食嘅甜番薯🍠仲有雞髀菇、洋蔥、蘆筍等等,選擇都叫幾多下😍食返啲蔬菜就可以令到油膩感減少,good!仲有刺身架,有三文魚、油金魚、帶子、甜蝦......雖然唔係話有好多款式,但係都OK。另外仲有嘢飲可以任飲。最後食返啲熱食就真係非常非常之飽啦!我叫咗芝士年糕、厚燒玉子同埋洞庭烏冬,好幸福嘅感覺啊😋😋甜品係另一個胃,我哋一人有一杯Häagen-Dazs雪糕🍦☺️☺️食足太滿足了! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-25
1494 瀏覽
最近天氣凍左咁多,成日心思思都食燒肉,今次係銅鑼灣行完街就上左熊本燒肉食,餐廳好有日本氣氛,每張枱都有獨立抽氣,唔怕有油煙味一入門口就見到非常有趣既活動,一字馬可以換野食,腳長既筋骨柔軟既必試,非常有特色。用電子平板點餐既方向,一份一塊/粒,食幾多點幾多,所有既選擇亦不少,仲有飯同烏冬楝架~野飲仼飲,非常多選擇,而且不主動提供飲管,響應環保,非常加分!薄切牛小排最中意牛小排,油脂分布平均,食落牛味重唔會太肥,燒完肉汁豐富,食完一塊完全唔夠喉,正!牛仔骨味道十足,燒完完全唔韌,仲見到骨架旁邊既肉汁流出嚟,牛味十足而且香口仲叫左雞翼、雞軟骨、豬腩肉、海蝦、牛丸⋯⋯非常多既種類,各樣都不錯,烤爐上有一塊大大塊既海鹽,燒完肉可以放上去沾一沾,更添惹味望住快熟既牛肉,真係口水都流埋當然少不了蔬菜類:有蘆筍、粟米、菠蘿、茄子⋯⋯燒菠蘿最多汁,正快快手燒肉,一轉色就可以燒第二面,好快熟架熟食仲有叫清酒煮蜆,刺身北寄貝、帶子⋯⋯清酒煮蜆頗鮮味,但有少少沙,刺身不錯👍多完化既燒肉,有得一路玩一路食,趣味化既活動,令到燒肉更有風味~ 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-20
3069 瀏覽
有好一段時間沒有放縱食燒肉放題,今晚和太太一於豪一豪,上網找到這家熊本燒肉吃日式燒肉。餐廳空間寬敞,亦有幾張卡位,可以坐得舒服慢慢食,而抽氣直接在燒烤爐的上方,所以食完亦不會太大味。餐廳晚市燒肉放題收費$288加一,綜合食物質素,可以說是性價比高,另外十分建議加$38升級和牛拼盤、鹿兒島五花肉放題。刺身刺身料精而鮮,當中包括油甘魚、三文魚、珍寶帶子等,每種刺身都鮮甜可口,令人回味,特別是珍寶帶子,個頭巨大,鮮甜軟糯。熟食燒肉前可以先點一些熟食填填肚,薯仔沙律表現令人喜出望外。飲品櫃在外面,可以自取多種飲品,亦有韓國罐裝啤酒任飲。入座後侍者會送上圍巾,以防被油脂濺到,十分貼心。海鮮拼盤侍者先奉上海鮮拼盤,重本用上珍寶海蝦及鮑魚等海鮮,珍寶海蝦身型巨大,一咬蝦肉爽滑鮮甜,滋味雋美。和牛拼盤、鹿兒島五花肉加$38升級的任食和牛拼盤、鹿兒島五花肉,和牛有三款不同的部位,入口即化,油香豐腴馥郁,質地軟身,只加一點鹽提味,可品嚐本身的油脂香味。牛類而其實基本款的牛類亦絕不遜色,當中的牛側腹棋肌是牛隻的稀有部位,肉質如牛柳軟嫩,但同時肉味卻更濃郁,入口肉汁豐腴,十分滋味。燒烤爐上有一塊岩鹽,可以在燒肉時加上最天然的調味。豬、雞類除了牛肉外,其他肉類的選擇亦十分多,其中以明太子雞翼最為特別,一咬辛香微辣,十分惹味。蔬菜當然也要吃點蔬菜,中和一下飽膩感。最後也有甜品,布朗尼意外地香濃軟糯,每人也有一杯Haagen Dazs的雪糕。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-11-20
2049 瀏覽
天氣涼浸浸,特別想食燒肉😝男朋友成日都話想食,我終於搵到一間係質素唔錯嘅😘😘先食咗啲前菜先,刺身裏面三文魚超肥美,其他刺身都好新鮮❤️佢啲八爪魚勁大粒🤤和牛拼盤一共有三款和牛,仲有必食鹿兒島五花肉,和牛脂肪比例啱啱好,肉質鮮嫩,肥美得來唔會好油膩,所以食多多都仲係覺得好味道☺️五花肉就嫩滑🤤燒一陣就熟曬, 可以大快朵頤🤤😋爐嘅上面放左一舊喜馬拉雅玫瑰岩鹽,可以自行調味,別有一番風味!海鮮拼盤食到我舔舔脷,首先隻虎蝦勁大隻,啖啖肉,爽滑彈牙😝加埋炭燒感覺更美味鮑魚大大隻,一個字: 鮮!帶子都好鮮美,最後仲有青口😉值得一叫嘅係燒魷魚,辣辣地,超彈牙😘燒蔬菜點會少得,我最鍾意食冬菇,勁多汁,唔會好似其他鋪頭食嘅時候覺得乾爭爭,極推介冬菇❤️雞髀菇都唔錯😋燒菠蘿又係超正,勁鮮甜juicy🍍甜薯一定要嗌啦,軟腍甜甜蜜蜜🤤熟食方面就叫左蜆,份量好多!最後仲有Häagen-Dazs雪糕收尾,滿足!呢度嘢食款式好多,質素都幾好,仲有服務一流,推薦一大班人或者兩三個知己一齊食😁有秀髮嘅好仔嚟食都唔使驚,因為有好完善嘅抽氣設備☺️ $288一人(平日成人放題價錢 ) 加$38(一人價錢)就可以任食和牛,價錢合理,性價比高! 繼續閱讀
(以上食評乃用戶個人意見 , 並不代表OpenRice之觀點。)