煲煲店

營業中

休息中

冬寒地凍，逛商場間突然好想食個煲仔飯，暖下胃，醒起商場有個food court，於是上去覓食。晚餐～～窩蛋牛肉餅飯 $53煲仔飯整個煲上，熱騰騰，牛肉餅嫩，份量適中，食物味道不錯

#煲煲店 😋😋😋😋😋claypot rice is hk traditional food. but those famous one likes 坤記 and 嚐囍 are almost cost $100+ atleast. this place just 59$, including drinks and veggie. very nice. the rice volumn is doubled. the topping is relatively not enuf. but they hv cripsy rice bottom as well.just needa wait 15mins from order. reasonable time. other place is 30 mims crazy🤮🤮🤮very yummy and cheap bowl rice. yummy👍👍👍must come back.

天氣轉涼，又落雨，想唔淋雨都食到煲仔飯~這間性價比高，即叫即煮。我叫了臘腸潤腸飯，加$13要埋豬潤，超好食！豬潤不乾，新鮮。開11點，最好早d去到，因為遲少少就變得多人(感覺係PolyU另一個食堂~)

以前次次去親紅館都食佢，今次隔幾年又黎，見佢仲喺度，咁當然要食啦叫左個窩蛋牛肉煲仔飯，佢話等25分鐘，最後等左3 個字就拎得個賣相幾靚仔，但一揭起塊牛，d 飯好濕，仲要係碎米，米碌黎我淨係食左d 飯焦，中間d 飯冇食，真係搞唔掂，唔再幫襯

有冇人都同鼠尾草一樣鍾意食煲仔飯？一啖裏面可以食到唔同嘅口感，有脆卜卜嘅燶邊，又有臘腸、潤腸嘅油膩感覺，最後有飯將所有元素融合埋一齊，即係諗吓都覺得好吸引。今次就嚟到位於紅磡嘅一個food court，舖頭嘅種類唔算好多，不過見到有呢間煲仔飯舖頭，於是就嗌咗一個回味下。以$55呢個價錢，可以食到煲仔飯已經算好抵，而且味道都符合預期中嘅感覺。唯一可以挑剔嘅就係臘腸同潤腸未夠油膩，如果再邪惡啲，就有以前喺街邊食煲仔飯嘅感覺。不過講真嗰句，重點都係$55 ，仲有咁多配料，已經好正。

本人食堂推介之一，經常幫襯係煲仔飯同埋湯飯，午市商場比較多人，座無虛席，午市煲仔飯有九折，而湯飯要等到下午兩點半後才有九折。煲仔飯味道方面，窩蛋牛肉餅煲仔飯值得推介，我多數會加錢加臘肉/臘腸或潤腸，米飯質感不太淋啱我，但飯焦比較厚，比較難咬。湯飯方面，可選三餸折後大概$4X，首選牛肉/鯇魚腩及粉腸，湯底跟什菜蕃茄非常清甜，配上鯇魚腩沾上豉油後味道冇得輸。美中不足的是此店的凍/熱飲無論咖啡或奶茶味欠佳，建議舖頭作出改善。

食晏好選擇地方整潔，多選擇。最重要好味😋上次試左煲仔飯，這間潤腸好香玫瑰露酒味👍🏻👍🏻👍🏻啲排骨佢老細自家製😋入味，雖然要等佢煲耐啲時間，但個人覺得等都值，大大煲超滿足，食完仲有好邪惡既飯焦😋😋，飲埋罐可樂爽爽口正呀🤩今次就試下米線🍜食得辣可叫店員加辣🤪🤪🤪正到爆下次會再試下佢既湯飯，同其他煲仔配搭先😚價格都合理，見佢裝修前後價格無點加價，有良心既煲煲掂😊值得支持下。

落咗個幾月雨，今日陽光普照！嚟紅磡火車站做嘢，遇啱食飯時間喺foodcourt見到呢間煲仔飯食下都好喎。。。想食窩蛋牛肉飯點知咁早就賣哂 🥺點咗個鳳爪排骨飯加咗份12蚊嘅豬潤等咗十零分鐘，原來真係即叫即煲嘅！有飯有菜有飲品，六十蚊鬆啲，ok吖啲餸都唔算少，舖滿成個煲味道都唔錯排骨唔係雪到冇哂味同咬口嗰種合格有餘！不過好後悔加咗豬肝配煲仔飯真係唔掂 😖總括嚟講，除咗開頭個飯有少少濕係好食嘅，有相為證！