煲底海鮮火鍋料理 (已結業)

收工後約咗同朋友打邊爐，估唔到又幾有驚喜～雖然價格偏貴，但係食物質素高，對得住價錢啦😋如果想同朋友食返餐好嘅，呢間都係一個好選擇🤩。湯底：椰子花甲蟹鍋 （$229）一上碟就已經覺得好吸睛🤩湯入面真係有一隻蟹🦀仲有唔少花甲，非常真材實料！舖頭推薦打邊爐之前飲一碗湯先，飲落椰子味好香好重～個湯飲落覺得好鮮甜，而且仲有啲Creamy嘅感覺。冰火魷魚（$109）呢個都係舖頭嘅招牌菜式之一，係凍食嘅麻辣魷魚～食落係偏麻、小辣，我本身唔太食辣都接受得到！不過有啲位比較韌，有少少難咬斷🫣。乾杯！蠔（$128）呢個係我最推介嘅菜式！一份有六隻，用shot杯裝住生蠔，上面仲有三文魚籽，配以柚子醋。食嘅時候可以成杯「飲」🤪食落係好新鮮嘅生蠔，非常滿足😋。潮牛（小）（$319）打邊爐點可以唔食牛！雖然我哋嗌細份嘅牛，但係份量都幾多，而且質素都好好，脂肪分布均勻，肉質嫩滑。花樣油條（$79）一份六件，喺油炸鬼上面釀咗墨魚滑，可以揼落湯亦都可以即食～油炸鬼好脆，墨魚滑都幾彈牙😬口感豐富。百花釀魚肚（8件）（$139）魚肚吸咗湯之後好甜好入味，同蝦滑呢個組合基本上都好穩陣🫡但揼落湯之後蝦滑同魚肚會分散咗😂要

朋友尖咀相約飯局之下，第一次初嘗已開業4年既煲底，主打不同冇味精自家出品火鍋湯底😋最signature 既一定係佢地既湯底，揀左椰子花甲蟹鍋🦀 首先賣相夠靚，老闆娘話靚料靚湯冇味精，真係想飲多幾碗😋 個湯真係好好飲椰香又濃又滑🥥貪靚既女仕絕對可以飲多2碗亦唔會熱氣。另外老闆娘精選推介今日最靚嘅手切牛肉牛爪邊，牛肉做到重肉味有咬口，亦有油脂香，一試難忘。另外牛胸爽亦都做到厚切有口感👍🏻👍🏻一間有heart💛嘅火鍋鋪就係醬料都係餐廳秘製，分別推介有食得到嘅脆脆XO醬，亦配合牛肉嘅薑皇醬，同埋秘製辣醬。朋友就叫咗冰火魷魚，辣辣地甜甜地，魷魚味道調得好好又爽口，口感亦都好唔錯。另外亦都叫左兩杯特色飲品，柑桔話梅冰、冰搖蜜糖檸檬茶。送飲品一流！至於其他亦都有好有自家風味既自家製蟹粉湯包、黑松露湯包、花樣油條，絕對係餐廳特色。而手打四寶芝士流心雞丸、梅菜豬肉丸就有待改進。整體火鍋材料都食得出有heart，以新鮮材料同用心製作主力，絕對會encore😋

尖沙咀區內有質素嘅樓上火鍋店😋湯底同肉類選擇多又足料🤩自家製嘅火鍋配料同醬料亦誠意十足🥰👍🏻三五知己聚會食野既好選擇👩‍👩‍👧‍👧👨‍👨‍👦‍👦🥥椰子花甲蟹鍋好香濃椰子味，而且好多料，除咗蟹仲有花甲、粟米、什菌，滾出黎既湯底又香又鮮甜🐂牛爪邊（小）雖然小份但都多肉，切成小片方便一口食用，肉質幾軟腍唔會韌，重肉味，咬口同口感都唔錯🐟百花釀魚肚(8件）厚厚既蝦滑釀係爽脆既魚肚上面，蝦滑味道鮮味濃郁，整體口感爽彈，仲有蟹籽作為點綴🦀自家製蟹皇包(半份）隻隻都大大粒，餡料份量十足，個皮厚薄適中，食落蟹味十足，蟹皇香口，味道濃郁🥟自家製墨魚韭菜餃(半份）皮薄餡足，咬開滿滿墨魚韭菜餡，餡料紮實飽滿，呢個配搭既味道都幾夾，食落咸香適中🔥冰火魷魚（辣）食落微涼，少少香辣，味道幾開胃惹味，魷魚質感爽口，而且唔韌，口感唔錯🍹柑桔話梅冰唔會好甜，陣陣話梅味，柑桔味酸酸甜甜咁，開胃解膩🍋冰搖蜜糖檸懞茶用個波波裝住都幾有趣，飲落幾香蜜糖味，偏香甜，味道香甜得黎又帶點層次既檸茶

今日同老公慶祝周年紀念帶我試吓高質素嘅火鍋於是就揀咗呢間煲底火鍋，一入嚟就見到好多Mirror嘅相😍啱晒啲鏡粉嚟食飯打卡。椰子花甲蟹鍋（ $228 ）呢個蟹鍋有好多食材包括咗椰子、花甲、蟹、雜菌及粟米等等，一水滾就飲咗啲湯先，有好濃郁嘅椰子味好飲到飲咗兩大碗。吊龍伴（$319 ）牛肉🐮我哋揀咗吊龍伴因為好少食想試吓，果然比較瘦但肉味好濃好正😋自家製蟹黃包同黑松露帶子餃各半份（ $129）。爆汁四寶丸（$129）包括左右牛、豬、蝦及墨魚丸四款，全部都有爆漿餡，食嘅時候要小心啲，另外再叫咗三寶餃（$108）有水餃、雲吞、同埋韭菜墨魚餃都唔錯！冰火魷魚（$108 ）呢款必食推介果然好正！配上甜甜地嘅醬汁加上特色辣醬，味道甜甜地又唔係太辣。飲品叫咗煲底賓治及蜜糖檸檬茶🍋特飲（ $55 ）圓形嘅杯裝住好適合打卡👍呢度7:30前埋單仲有七五折，下次可以再嚟試吓其他嘅湯底。

一出升降機已經見到 mirror成員歡迎我哋喇🤩，非常興奮🎉，入面仲好多 mirror 嘅poster及打卡牆，一眾粉絲喺度食火鍋都一定好開胃😝餐廳以黑黃色為主調，環境闊落，有卡枱及有圓枱，啱哂一大班朋友歡聚以至兩小口子共餐，坐得非常舒適 坐下不久已經放下了九宮格醬料🧂（$18/人），裏面包含咗三款自家製醬料👇-芝麻黃薑油：黃薑味好突出-蒜香辣椒醬：蒜味香濃，少少辣-xo醬：蝦米味濃香，而且咸鮮又惹味🍲竹笙花膠冬瓜盅$299睇都知呢個鍋底超濃郁，半隻雞及冬瓜即場剪開好有儀式感，仲有花膠、姬松茸、素翅、竹笙及紅棗；一定要先飲咗個湯，因為非常濃香雞味；至於雞肉方面係非常新鮮嫩滑又香雞味；佢哋添加嘅豬骨湯底係無鹹味，所以唔使擔心個湯底越滾越鹹👍🐂潮牛(小) $319精選部位為廚師發板，今次嘅部位叫匙皮，即係牛小排，油花分佈平均，牛味香濃並帶有口感🥢自家製墨魚腐$99因為有墨魚嘅關係，所以比平常嘅魚腐多咗份咬口感，比較Q彈🥢自家製墨魚韭菜餃(半份)$45餡料實泵泵，入口即感受到韭菜嘅濃香，同時又食到墨魚餃嘅厚實質感，餃皮唔會因為滾得耐而鬆散🥢鹹蛋黃炸魚皮$129炸魚皮剛剛炸起新鮮熱辣，夠哂香脆

行過金馬倫道，見到呢間有得食牛唔同刁鑽部位，好多部位我都冇食過，所以就上去試試。椰汁花甲蟹鍋，上枱時，勁香椰子嘅香味，入面都好足料，有蟹，花甲大大隻，仲有大量菇，未打邊爐先飲啖湯，個湯底都幾濃郁，好鮮甜。乾杯蠔，呢個係頭盤小食，每粒蠔都用酒杯裝住，上面仲有魚子，一啖吸入個口，酒味好香，蠔味鮮甜，正。花樣油條，呢個又可當小食食落脆卜卜，又可以放湯淥一淥，吸吓湯底嘅味道，上面d墨魚膠好彈牙，幾好食。冰火魷魚，呢個小食非常惹味，d水魷好爽口，佢地d秘制辣醬，好好味，唔算太辣。食落涼浸浸但又辣辣地，唔錯。自家制黑松露帶子湯包拼蟹黃湯包，大大粒脹卜卜， 黑松露帶子，一啖咬落去勁香黑松露香味，入面d帶子涵好鮮甜，蟹黃湯包入面充滿晒蟹肉，一咬落去d蟹黃流晒出黎，勁正。牛抓邊，呢個牛嘅部位未食過，係肋骨附近嘅肉，睇落脂肪均勻，食落好重牛味，好嫩滑，一d都唔韌，好食。四寶丸包括有爆汁梅菜豬肉丸，芝士海蝦丸，流沙墨魚丸，酒心雞肉丸，粒粒都彈牙同埋有涵喺裏面，一咬落去，d涵爆晒出黎，每粒d涵都好豐富，勁正。打邊爐唔少得野飲，叫咗2款，2款嘅賣相都好靚，煲底賓治同冰搖蜜糖檸檬茶，賓治個果味好香，酸酸甜甜好開胃

呢間火鍋店真係好正！平日夜晚去都好多人，全間餐廳都幾乎坐滿，無論創意度、食物質素定種類款式都滿分！先講火鍋醬料，除左一般火鍋醬炒外，仲有三款自家製醬料，分別係香蔥麻辣醬、XO醬同埋蛋薑絲蟹黃醬，淨係醬料都睇得出餐廳好有心思，好既醬料絕對令食物提升去另外一個層次！湯底鮮茄濃蝦鍋湯底鮮甜，店員話用咗鮮蝦熬製，你打邊爐之前要先飲個湯，茄味濃郁，再加上鮮嫩多汁嘅蝦肉，冇味精，完全靠食物嘅鮮味，真係無得輸！潮洲肥牛非常出色，肥牛嫩滑，肥瘦均勻，肉質鮮美，入鍋一煮就即食，口感非常好自家製蟹皇湯包自家製蟹皇湯包包住豐富嘅蟹肉餡料，一口咬落去就食到濃郁嘅蟹味，湯汁鮮美可口爆汁四寶丸必試嘅招牌菜式！爆汁四寶丸有多款口味，最鐘意鮮蝦丸同芝士爆漿丸，每一口都彈牙有彈性，滿口爆汁，質感超好自家製芝士釀蟹鉗芝士醬與蟹鉗完美結合，一咬開，芝士醬爆哂出黎，蟹鉗肉爽口彈牙，啖啖肉，非常好味！餐廳環境舒適整潔，服務員態度好好

今日同朋友過咗嚟尖沙咀嗰邊打邊爐就揀咗呢一間餐廳佢位置係處於金馬倫道附近位置嚟講都係非常理想，而且非常容易搵，距離地鐵站都唔係好遠嘅路程！想推介吓呢一間餐廳海鮮，呢一間餐廳食海鮮非常新鮮，絕對係有驚喜！貴妃蚌非常鮮甜，而且食落去絕對唔會有沙，係清潔嘅過程非常乾淨，基圍蝦就非常爽口彈牙食得出佢嘅新鮮，沙白亦都每一粒非常飽滿，加埋佢嘅湯底簡直係冇得輸！之後想但係佢嘅鮑魚非常好厚肉，嚟到嘅時候都仲係郁緊食得出係新鮮，正！

再次到訪，打邊爐最緊要湯底同食材！這邊廂還有舒適環境，服務態度非常友善，有買二送一啤酒，也有其他飲料，滿足飲酒不飲酒的客人。卡位坐得舒服，樓底高，同三五朋友傾偈打邊爐的好地方

初初未來過嘅同事都擔心續碟收費會好貴，但事實上又唔係；6個人兩鍋；一個鴛鴦鍋，一個杏汁豬肺，未開始放嘢食就先飲湯好好飲。然後，醬料值得推介佢哋自家製薑油同XO醬，因為之前食過一次，不用豉油，將啲薑同XO醬夾埋一齊食超好味。至於食物方面，都有好多選擇，除咗生料又有小食，而且生料仲有半份，如果想食多少少又怕一份太多就可以選擇半份，適合想試新嘢但又怕唔啱食而浪費嘅朋友。除此之外，枱面仲固定攞放凍水和湯底，見無又會自動更換，唔駛吓吓追加湯、加水。

尖沙咀高質靚湯海鮮火鍋 主打10多款港式靚湯 可以先飲湯 後打邊爐 店內環境黃色為主 卡位梳化舒適👍🏻最近店內做緊偶像應援 周圍都係Mirror 適合fans打卡‼️午市最抵5點前離座 65折‼️7點半前離座 同9點半後入座都有75折 .一定要先講講湯底 佢哋有10多款湯底每款都好特別 好多港底湯底例如 蕃茄海鮮濃湯 花膠翅鍋 蕃茄薯仔牛粒鍋今次試左⭐️椰子花甲蟹鍋$229😍湯底奶白色 係幾吸引 會聞到椰香👍🏻湯底勁鮮甜 足料 大量蜆 蟹 椰肉 菇 粟米 蘿蔔😋湯底係會想keep住 飲完再飲果種.其他每樣野食都高質⭐️冰火魷魚（辣）$109😋魷魚爽彈 但最高分係佢地醬汁 超級惹味 必點⭐️潮牛（大）$369 👍🏻叫左牛頸脊 同牛爪邊 2款油花都勁靚牛頸脊相對肥d淋d 牛爪邊 比較重肉味份量幾算多 大碟 打邊爐必點⭐️自家製蟹皇/黑松露帶子湯包 $69半份2款都皮薄多餡 超濃味 足料蟹皇包咬開重蟹粉蟹肉 黑松露都好香⭐️花樣油條$79其實係 油炸鬼釀墨魚滑 外脆 墨魚彈可以即食 好香口 亦都可以吸一吸湯汁再食⭐️手打四寶丸$99⭐️西川象拔蚌$398呢個刺身 勁新鮮 鮮甜 口感爽脆 完全唔腥.整體各方面

位於尖沙咀金馬倫道嘅煲底火鍋♨️午市選擇豐富而且非常抵食🤑一人火鍋💲8️⃣9️⃣可自選湯底、肉類、丸類、配菜、主食，非常自由有得揀🗳。沙爹湯底🥜非常濃厚，好有方榮記feel。份量亦都十足，一人份一定夠飽。另加配咗黑柏葉，非常爽口彈牙。除火鍋外，仲有醉雞系列、日式魚生飯🍣等，可惜啱啱今日日菜廚師休息，試唔到魚生飯，要下次再試。醉鮑魚午市套餐，$98，有三隻醉鮑魚🦪🦪🦪兩隻醉蝦🦐🦐同菜甫雲衣，鮑魚新鮮爽口，花雕酒香氣醉人，配燉湯🥣同菜飯🥬🍚，菜飯熱辣辣，米飯粒粒分明，調味得宜。鮑魚雞粒荷葉飯🍁，$78，係去飲個荷葉飯咁大嘅份量，同樣米粒粒粒分明，而且餡料豐富，CP值極高。

朋友撲唔到姜濤演唱會唯有帶佢去食姜濤最想要既打邊爐位於尖沙咀既煲底海鮮火鍋料理 大量Mirror海報· 可以同偶像打邊爐！重點係朋友食火鍋一枱頭· 見到姜濤⋯⋯⋯張海報同自己四目交投·即時心跳快左兩下！♡鮮茄濃蝦鍋（$229)一上枱已經聞到·好似屋企蕃茄薯仔湯果陣香味湯底好濃蕃茄酸甜· 而且用料十足裡面有超多既鮮蝦同雜菇· 忍唔住飲多兩碗！♡乾杯！蠔（$128)好特式的冷盤小食· 好岩打卡影相生蝦用小杯盛載· 配上三文魚籽同酸汁蠔肉鮮嫩而蠔味濃郁一小杯真係好岩用黎乾杯· 非常有話題性♡潮牛（$289)牛既肩胛部位· 油脂分佈均勻入口軟腍而肉香濃郁· 輕輕灼3-4秒即可食用♡蘇格蘭聖子皇（$68/隻)蟶子皇超巨型· 爽彈鮮甜咁大隻真係幾抵食！♡自家製蟹皇包（$69/半份)平時任食都會見有小籠包之類· 但好易一煮就爛但呢款完全完全唔會！而且咬開要小心· 裡面有小爆汁蟹皇蟹肉製成既內餡· 蟹鮮味超濃後悔只點了半份♡芝士鮮蝦丸（$64/半份)鮮蝦丸好彈牙· 蝦味幾濃唔會剩係得口感芝士唔會爆開· 但絕對會令你滿足♡花樣油條（$79)係釀油條· 新鮮炸起彈牙香脆口感可以直接食·亦可以用黎泡一泡湯兩

今天和朋友來到煲底慶祝新婚快樂👫主角是一名鏡粉，即是當紅男團Mirror的粉絲，所以選了這家難得會為偶像應援的港式火鍋店，場內有不少佈景和道具適合打卡拍照📸 這裏是單點火鍋店🥘所以價錢會稍高，不過食物質素有保證，鍋底價錢由$79到$269，今天選了一個椰子花甲蟹鍋$229，湯底有椰子的天然甜味和奶香感，入口溫和沒有假甜鮮味，湯料有很多花甲和一隻蟹🦀加上雜菌和粟米蘿蔔有養生感 叫了大份的安格斯手切肥牛$329🐮大部分的肉都是肥瘦均勻，入口肉香油脂兼備，小部份偏肥 還有一個海鮮拼盤$598有蝦、蟹、鮑魚、生蠔和帶子，最好吃的是生蠔🦪非常有鮮味不會腥臭，口感嫩彈，其他都是正常水準 爆汁四寶丸$129價格有點偏高❌️4款創意自製丸子各有2顆共8顆，最好吃的是芝士蝦丸，其他都還好，試一次就夠 響鈴和鮮雞也是推薦必點，高質素的火鍋食材，其他就看口味隨便點🔆 生啤有買二送一，打泡技術不錯🍻還點了一瓶非常適合女生的柚子酒，入口甜滑順喉

煲底海鮮火鍋料理, 主打靚料火鍋，同時有海鮮提供，喜歡火鍋又愛海鮮人士不能錯過😎 環境非常舒適, 冷氣好夠，設有VIP 房，人多可以訂房，包保食得自在滿意, 加上食物質素極好, 真係食完笑住走😎. 湯底 🔺鮮茄濃複鍋 $229湯底非常鮮甜，足料蕃茄之餘有大量菇菌，仲飲到濃濃蝦之鮮味，而且好多蝦🦐，食極都仲有 🤣 建議飲翻碗先開始打邊爐😎 必點😎.🔺花樣油條 $79油炸鬼釀墨魚滑，外脆內彈牙，可以即食，我就落湯滾滾佢😂 吸收湯汁之後又另一番風味😌.🔺乾杯！蠔 $128以shot 杯盛載住生蠔，再配三文魚籽、柚子醋，入口鮮甜爽滑，非常滿足😎 而且爽滑鮮甜，必點😎.🔺紅酒牛肉 $329碟中間會有一杯倒置嘅紅酒，食前輕輕拉起紅酒杯，讓紅酒流入碟中，浸滿牛肉，紅酒好香濃，牛肉浸紅酒🍷 ，入口帶有濃濃酒香，牛肉選用左安格斯近牛小排位置，脂肪比例完美，牛肉入口充滿牛味，軟腍好食👍🏻 .🔺自家制蟹黃包 併黑松帶子湯包 $129平日打邊食開餃子，今次見有湯包，當然要試下，食果陣要小心😂 好熱呀😂 蟹皇包皮薄餡靚，成粒都係蟹粉蟹肉，好癲😂 黑松露餃未食聞已經好香，兩樣都必點😎.🔺自家製墨魚腐(半份）$59