影片
港鐵奧運站 D1 出口, 步行約10分鐘
繼續閱讀
營業時間
*星期日: 休息(如當日是初一、十五，休息日將提前一日)
星期一至五
11:45 - 15:30
17:30 - 20:30
星期六
11:45 - 15:30
星期日
全日休息
以上資料只供參考, 請與餐廳確認詳情
最近轉食素，昨天冇意中搜尋到這間小店，第一次去試食，早到等了一會入坐。味道很適合素食人士，最重要係不需飲可樂(本人有味精敏感症)，但被告知👉這店將會在8月尾結業！😔市面上的素食店十居其八都有味精🤔包括一些名牌老店!!!不需要吧，一般素食人士都係想食得清淡😲有心做好素食的店舖將結業，實在很可惜！
繼續閱讀
一間小店！滿有格調，說不出什麼等格！但有湯麵、有漢煲、炸物選擇！所以都岩不同人口味！相片未提及炸雞髀菇，都是大推的小食♥️♥️♥️飲品、小食、湯都可以跟餐，價格都算合理！店舖還提我小量特色樂器供人試玩！
繼續閱讀
跑完步路過見佢全間店係做全素外賣，好奇之下試一試。叫左$56佛陀碗外賣。廚師係個後生仔，係廚房好自在同專心咁煮我盒外賣，一定好新鮮。返到屋企，一打開個盒，咁大盒嘅，賣相好靚，但食完至記得無影相🥹！入面有我好想食嘅金平牛蒡，牛蒡好香，又配上甘筍絲，再灑上炒香的芝麻，畫龍點睛，味道好好，好好食。仲有黃薑粉炒碎豆腐，扮蛋扮得好似🤣。另外仲有紅菜頭，酸酸地。食完盒飯，好飽，仲要無味精，腸胃無負擔。下次再試佢嘅滷水飯！
繼續閱讀
今日真漢子終於試咗想試好耐嘅煮植，地址係大角咀海庭道 8 號富榮花園第一期地下。老闆幾有型又友善，間鋪自己一個人打理哂，但聽住佛經一路煮嘢食又好悠然自得。☺️我今次試咗：🪙 秘製滷水五寶飯 $56五寶包括普寧豆腐，麵腸，木耳，雞脾菇（杏鮑菇），花生，仲搭咗啲好新鮮嘅菜心。啲餸好入味，尤其係豆腐同雞脾菇，配埋啲滷水汁好好送飯。花生炆得夠哂腍，阿叔最愛。木耳係原塊上，好爽又有咬口。麵腸好多傳統齋鋪都有，估唔到呢度都食到，咬落好彈牙。😁🪷 佛陀碗 $56有金平牛蒡，紅菜頭，黃薑炒滑豆腐（高仿蛋），灼時蔬。牛蒡絲好多好爽口，紅菜頭係厚切一片片，食落清新又多汁。高仿蛋個味調得好好食，強烈建議應該加入其他菜式度，例如高仿蛋治。🍳🥪至於點解叫佛陀碗呢，我 Google 咗：“佛陀每天無論步行到何處，都會帶著缽化緣。人們把食物放在缽裡供養，最後佛陀會吃完缽中的食物。這便是最起初的佛陀碗「來自人民、方便取得，且願意提供與分享的一大碗食物。」演變至今，佛陀碗主要目標是盡可能多吃各種顏色和營養豐富的食物。”🥣 紅菜頭什菜湯 $18（跟餐 +$12）酸酸哋有啲似羅宋湯，咁熱天時飲啱哂啦，夠哂開胃。😋店內所有菜式都係純素，嘢食好味之餘又偏清淡同健康，菜式夠特別，保證唔會係其他地方食到。雖然位置有啲唔就腳，但咁有 heart 又高質嘅食肆真係要多多幫襯同支持。👏👏
繼續閱讀
試左B餐黑椒汁薯仔甜椒煎雞髀菇飯有驚喜，黑椒汁夠濃，撈飯好味，雞髀菇界左花再煎，有口感又juicy，薯仔切細粒，夠淋索晒d汁，薯仔怪表示出色。舖頭仔得兩個位，最好叫外賣，如果自備盒同餐具仲可以減3蚊。
繼續閱讀