影片
港鐵葵芳站 D 出口, 步行約6分鐘
繼續閱讀
電話號碼
63087470 (WhatsApp)
營業時間
今日營業
13:30 - 21:00
星期一至日
13:30 - 21:00
公眾假期
13:30 - 21:00
公眾假期前夕
13:30 - 21:00
以上資料只供參考, 請與餐廳確認詳情
招牌菜
搬咗上嚟3樓第一次食，係有少少難搵，都搵咗一段時間。（喺Top世界入面，上海灘直入雞蛋仔隔離) 但比起2樓係闊落咗，食嘢都唔使咁迫，舒服啲。叫咗個芫荽湯蜆！即叫即整，所以都等咗一陣先有。食得出係新鮮蜆嘅，冇沙，加埋粉絲就$55🤤🤤不過下次會加返爆茜滿足啲！睇到網上啲人話服務麻麻，其實又唔係呀🧐見到佢哋人手足夠或者唔忙嘅時候都會同你傾吓偈而且每碗都會提你小心熱！幾warm嘅係值得讚👍🏻👍🏻
繼續閱讀
去葵廣掃街，一個人食唔到咁多就諗住叫個蜆粉絲，掃街黎講都唔平，4x起無野飲，茶記仲可以坐低食，叫左個蒜蓉蜆粉絲，蜆幾大隻但成兜份量唔多味道幾夠蒜味，但蜆味唔出食完完全無小小飽既感覺
繼續閱讀
調左舖之後係有d難揾3樓直入條食街 行過寫住類似美食廣場既牌匾位彎入去先揾到但呢邊無2樓同3樓大巷咁多人清靜d 感覺乾淨d又食得舒服d同其他食評講既一樣服務態度唔太好係真既如果好介意服務既話 真係唔洗試不過食物本身係ok既 幾好食但真係等得比較耐講緊人流唔多既情況下都要等20分鐘如果趕時間 又係唔洗試今次第一次食 試左原味爆蒜同花椒麻辣兩款都有加粉絲我覺得粉絲份量唔算話好少 (見有食評話粉絲少)唔會食兩啖食完咁蜆洗得好乾淨 無沙每碗8粒 多肉既湯底我覺得原味正d有海水咸香 又有好濃既蒜味食蜆最啱既經典組合花椒麻辣味似日清即食粉絲果種麻辣味唔係難食 但原味係香d!!!另外少貴都係真既一個湯蜆$47 加埋粉絲就$55
繼續閱讀
去得葵廣掃街，都唔預會好好態度，但今日買咗四五間小食店，呢間態度真係好惡劣，見到職員好似得一個人又要負責煮又要收錢，我哋都好有耐性咁等佢整完，佢個人行到去個收銀，以為佢可以幫我落單，講咗「唔該我要....」已經俾佢用好串嘅語氣講等等先，落單問我哋拎走定喺度食，由於都冇堂食位置，我哋口快快講咗拎走，但都諗兩秒改口諗喺度食，佢收錢口寸咁問我哋:「諗清楚啦嘛」口快快錯咗啫，使唔使咁寸呀，舖頭出面位置又窄，我哋行咗陣先返嚟拎食物，佢俾我哋嗰下又好似講：「其實已經得咗好耐」叫咗蒜蓉煮蜆，風味唔係特別好重，蜆又得幾隻，完全唔值呢個價，仲要貼錢買難受
繼續閱讀
每次去葵廣指定動作，掃街。今次揀左食「煮你隻蜆」，小店以新鮮沙白為主，煮蜆分別有7款唔同湯底，仲有d 台灣夜市車仔小食提供，最後我揀左台灣沙茶濃湯配粉絲台灣沙茶濃湯配粉絲驟眼睇d蜆都有8隻，蜆肉都偏細隻，沙茶濃湯湯底微辣，再加上花生香，粉絲索晒蜆同沙茶湯既精華，惹味又好食即叫即整，所以都等左一陣先有，店員會提醒碗蜆好熱，要小心，味道係唔錯的，但份量真係太少了，得個兩住粉絲，完全唔會飽肚，$58就有點貴🙈
繼續閱讀