煌苑

Royal Courtyard
4
3
0
餐廳: 煌苑
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵尖沙咀/尖東站 B1 出口, 港鐵尖沙咀/尖東站 N5 出口 繼續閱讀
所有分店 (16)
電話號碼
29042188
營業時間
今日營業
11:00 - 23:00
星期一至六
11:00 - 23:00
星期日
10:00 - 23:00
付款方式
Visa Master 現金 銀聯
有關餐廳
宴會至尊 貼心服務
「煌府婚宴專門店」是一間經營高級粵菜的餐飲集團,自2006年創辦以來,專注中式高級婚宴和社團宴會業務。分店遍佈港九新界,創意獨特的婚宴場地,例如:飛天馬車、童話城堡、升降樓梯、旋轉舞台、100呎水晶catwalk天橋從地面升起等,成為家喻戶曉的人氣品牌,是結婚擺酒場地的首選。

堅持「顧客至上,用心服務」的理念,首創「婚宴一條龍」服務。提供高級的餐飲料理之外,更推出空中花園證婚、自助餐酒會、花車、律師證婚、婚紗攝影、結婚蛋糕、請帖、DVD製作、旅遊巴士接送等貼心項目,省卻新人的奔波勞碌,讓他們安心享受完美的婚禮過程。

美食以外,集團致力打造低碳的餐飲環境,提供優質環保菜單。連續多年,榮獲「香港環保卓越計劃大獎」、「傑出企業社會責任獎」、「香港星級品牌大獎」等殊榮。

食評 (9)
等級4 2019-05-23
2490 瀏覽
好朋友結婚請飲,當然人到禮到😂😂乳豬全體—皮脆卜卜,又夠香,皮脆肉嫩👍珊瑚丰帶子—-又新鮮又爽口😋釀蟹蚶——爽口彈牙蟹肉鮮甜👍瑤柱釀瓜甫——大大粒瑤柱,足料👍翅——斤兩十足,正👍原隻鮑魚——大大隻✌️✌️炇得彈牙又夠味✌️星班——時間蒸得剛剛好,內嫩鮮甜😋😋又係讚下廚師調較時間剛剛好👍👍👍👍雞——味道不錯,肉質又夠滑😋😋甜品——-❤️❤️sweet heart甜到入心😂 繼續閱讀
(以上食評乃用戶個人意見 , 並不代表OpenRice之觀點。)
等級4 2018-12-03
3144 瀏覽
少有去飲宴,明知煌系專做宴會,都係咁上下,加上曾在太子的有不好的總驗,今次可能在冇期望有所改觀。只是好憎the one的格局,坐lift都要先上escalator, 走時超多人一齊等,只可兜兜兜用escalator落樓。現場光猛長方型好用,估唔到野食味道同份量都對辦!冇影到的炸蟹鉗好念食昌,熱辣辣,外面的麵包夠脆!最緊要係服務!D侍應算好上心又唔求其,冇整到打大風,分菜分得好,加汽水啤酒都快手!加分! 繼續閱讀
(以上食評乃用戶個人意見 , 並不代表OpenRice之觀點。)
等級3 2018-05-07
3857 瀏覽
本身係menu果本簿到見到有意見表可以填但臨走前唔記得左所以就係到打翻個好評啦😂首先係門口做接待同帶位嘅姐姐好有禮貌同好好服務比到我好好嘅印象👍🏼食物嘅配搭同套餐好多元化我同朋友都商量左幾個字先落單食物價錢合理味道偏好吃腸粉好滑🤤最尾送嘅紅豆沙又夠熱整體黎講都算唔錯☺️食得好滿足 繼續閱讀
(以上食評乃用戶個人意見 , 並不代表OpenRice之觀點。)
等級2 2018-01-23
3774 瀏覽
我們到尖沙咀做節即係團年飯味道很香呀,湯水準平平,雞不夠入味。魚都可以,算新鮮唯飯可以像百份百般加穀類鮑魚菜多些汁會更好,68 以上小菜。算是一般及令人回味6到8人以上吃抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2017-05-03
6753 瀏覽
勞動節同事結婚我去飲宴,早啲去到觀禮,酒樓樓底幾高,西式粉色裝修,仲有一個平台可以做證婚,今日天清氣爽,平台好舒服,不過對住啲高樓大廈,平台裝飾好雜亂,水池、玻璃天橋、真假花草,啲色仲要好俗(桃紅+黃)放好多型格嘅擺設但幾十種感覺放埋一齊就俗咗!大廳窄長方型,台在中央,我們坐大廳兩邊盡頭嘅只可以睇電視廣播,望唔到台!蜜月鴻運乳豬全體:隻豬唔大,個頭燒燶晒,好在隻豬嘅身無事,唔熱皮脆肉薄,點燒豬醬好味!翡翠帶子蝦球:西芹爽脆無渣,蝦球爽口,帶子淋身,好味百花釀蟹鉗:炸得香脆,蝦膠彈牙,點甜酸醬好味!翡翠玉環瑤柱甫:我自己唔喜歡呢尾菜,只係食咗瓜脯,索晒湯淋身紅燒海皇竹笙大生翅:夠熱!有啲刺口,配料嘅竹笙都食唔到!飲啖湯其實可以唔使用翅!蠔皇原隻8頭鮑魚:鮑魚淋身入味,不過啲汁唔夠鮮!生菜爽脆!清蒸大沙巴龍躉:魚肉蒸得幾嫩滑!幾好!當紅一品燒雞:又係同隻豬一樣太燶,皮唔脆,肉幾嚡!唔好味!幸福炆伊麵:伊麵索晒蠔油汁,煙韌好味!美滿炒飯:無食!百年好合:紅豆大粒,不過唔起沙,雖然濃但唔糊!味道正常美點雙輝:隻心心榚嘅粉紅色好俗艷,似慕絲棉花糖合體,好甜又唔好味!合時鮮果:橙,摵咗一個,好甜!食物正常,圍菜真係好難做到驚喜!負責我哋張枱嘅店員係一個臨時工婆婆,佢件衫腋下位爆開見到底衫,又唔熟手,好多時都要其他枱嘅店員提,而且好求其,好多時一放低就走!臨尾先分菜,咁都幾好,我都唔鍾意分菜!酒樓上魚我第一次見店員求其用大匙叉開一下就算,𢳂有湯嘅菜式,跌晒出來一枱都係!臨尾好攪笑,婆婆見我哋唔攞橙,一定要迫我哋攞!我朋友幫手摵一個大家食!佢先唔再迫我哋攞袋橙!好媽媽式嘅照顧!但服務水準就唔合格!可樂罐都係好意頭嘅!幾好!地方靚,廁所乾淨!環境幾好!食物只係一般! 繼續閱讀
(以上食評乃用戶個人意見 , 並不代表OpenRice之觀點。)