焯記

營業中

休息中

一家三口再次出動搵野食。見網上comment話佢嘅上海湯麵唔錯，即管一試。點了豬扒上海麵+墨魚條上海麵+筍雞肉豬扒上海麵。湯底類似日本拉麵嘅湯底，但係飲一啖後發覺一陣大地魚香味，而且去油，所以唔似日本豬骨拉麵湯底咁咁重口味負擔重。上海麵有咬口，唔會煮得過火。炸豬扒質素好高。首先唔會炸到黑蚊蚊 (應該唔係用萬年油)，肉質鬆軟而且有肉汁，醃得唔重手。墨魚條都唔錯，內裏有粟米、蝦肉，十分彈牙。筍雞肉就雞肉嫩滑。整體質素唔錯，性價比幾高。

餐廳主打上海麵，配上日式湯底，有另一種風味。食上海麵嗰時加埋餐廳自家製櫻花蝦油，鮮味會更上一層樓。炸雞翼墨魚條上海麵炸雞翼外皮酥脆，肉質鮮嫩，令我一口接一口。配埋墨魚條，鮮香海味目雞肉嘅香氣相得益彰。上海麵口感滑順，吸晒濃郁嘅醬汁，整體味道非常和諧，絕對值得品嚐。鹵水拼盤鹵水拼盤令人感到驚喜，全部鹵味好入味，特別係細生腸同豬脷，雞腎好有口感，魷魚同紅腸都鮮味十足，加埋甜醬介辣食回味無窮。咖喱豬扒飯咖喱豬扒飯嘅咖喱汁濃郁香滑，搭配豬扒嘅肉質，口感好細膩。豬扒外脆內嫩，加塿飯食完美，份量相當足，係滿足嘅主食選擇。油菜油菜清新爽口，帶有一絲脆感，好有清新的口感，加埋蠔油食超正，係一道健康嘅選擇。黑芝麻豆漿香濃芝麻味道彌漫口腔，帶有適中嘅甜度。吾單山有助於消化，仲為依餐劃上完美句號。

星期六係長沙灣睇完戲，俾呢間餐廳嘅懷舊裝修吸引住，呢間是主打上海麵嘅舖頭，都幾岩我口味，入去試吓先！炸豬扒上海麵$42份量都大碗，有多件豬扒，豬扒炸得好鬆化，食落一啲油膩感都冇，最重要脆漿不會太厚，醃得又好入味！另外，湯底都好有驚喜，係日式湯底，強烈建議加枱頭的餐廳自家製櫻花蝦油，湯底會有不同體驗，正呀👍🏻👍🏻👍🏻咖喱牛腩飯$55一黎到已經聞到濃郁咖喱香味，食落唔會太辣，牛腩質地夠腍，呢個都值得一試👍🏻👍🏻滷水拼盤$58分別有紅腸，雞腎，生腸，墨魚，豬舌，配上甜醬，芥辣醬一齊食超有街頭風味👍🏻👍🏻👍🏻總括：呢間小店出品都不錯，下次有機會再試試其他嘢食😋😋😋

長沙灣依間焯記真係好高質我特別鍾意佢嘅炸豬扒麵，上海麵Q彈有嚼勁，搭配著香脆多汁的炸豬扒，再淋上一勺辣肉醬，辣味香濃，就好似食緊擔擔麵咁，加點一份燉得入味的牛腩，軟腍又入味。唔想食麵嘅話，依度都有飯，「蒲燒鰻魚飯」鰻魚燒得剛剛好，入口即化，散發著濃濃的蒲燒醬香氣，搭配著鬆軟的米飯，一口接一口的享受。仲想食多啲嘅話，我建議試吓佢哋清湯蘿蔔，清淡清爽，湯汁清澈透亮，蘿蔔煮得軟嫩可口，保留了原本的甜味。飲無論豆漿定冷泡茶都好唔錯，豆漿就順滑濃郁而且仲有黑芝麻味添，而冷泡茶都好清新。

長沙灣特色上海麵店🍜日式湯底炸豬扒🐷係長沙灣睇戲前簡單食啲野，揀左主打上海麵的餐廳「焯記」。餐牌行懷舊風，新開乾淨企理，除咗粉麵仲有飯餐，如果大家黎開呢頭或者係附近返工都可以試下！我哋要左招牌既炸豬扒配上海麵，仲可以加其他配料，加左墨魚條。麵的湯底係日式湯底，有少少似豬骨湯咁甜甜地，上海麵都幾有咬口，枱頭仲有餐廳自家製櫻花蝦油，加一啲會惹味好多！炸豬扒出色，夠晒香脆😋😋墨魚條外脆內彈牙😗小食方面，要左滷水拼盤，好耐無食過，都幾有特食，有豬舌、墨魚、生腸、雞腎、紅腸五款，都幾入味😋仲有辣味魷魚🦑都真係幾辣🥵🔸炸豬扒上海麵🔸港式滷水拼盤🔸辣味魷魚🔸炸雞翼 📍#焯記 (#長沙灣美食)#長沙灣 元州街498號青華閣地下C號舖#香港美食 #香港必食 #香港探店 #香港打卡 #香港旅遊 #香港必喝 #長沙灣探店 #香港好去處 #長沙灣推薦食品

《日式湯底秘製車仔麵🇭🇰》———————————————-#焯記 🍜-呢間餐廳乾淨企理，同一般嘅車仔麵檔好唔同😂 有得嘆冷氣之餘，店鋪門外有唔少新派特色擺設💈小店主打上海麵，用心製作值得一讚🥰-🍜 炸豬扒上海麵炸豬扒炸至金黃，薄薄哋十分香口，略帶鹹香～湯底非常出色，同傳統雞湯湯底有啲唔同，湯底充滿日式風味，一定要加埋枱頭嘅自家製櫻花蝦油，更加惹味香濃🦐-🍜墨魚條生麵而另一個面我哋就嗌咗墨魚條做配料，十分彈牙，帶有墨魚味，都幾唔錯😌-佢啲小食都好唔錯，我哋嗌咗炸燒賣，外皮炸至酥脆可口，魚肉燒賣肉質彈牙😜 辣味魷魚都值得推介，醬汁整得好好味，醃得好入味🔥令我哋仲食咗炸春卷同炸餃子，水準都好出色，而且性價比十足，嗌到成枱嘢都唔算好貴💰-🍌 抵deal 指數：7/10

不是住在這一區，真不知道這裏有間充滿港式味道的上海麵店，今日幸得朋友帶路才知道。店內裝飾充滿香港情懷。店員服務也親切有禮，有港人好客之道。在餐桌上留意到辣椒油是餐廳自家製櫻花蝦油，試過一次就愛上。價錢亦很親民。炸豬扒上海麵 （$42）薄薄金黄的外層，包着嫩滑的豬扒，十分香口。而且味道適中不會太咸。湯底的顏色已告知不是清雞湯，喝一口才知日式湯底。上海麵份量也不少，軟硬適中，還加上菜心作伴，健康美味。墨魚條生麵（$42）+竹筍雞絲（$9）墨魚條經過煎炸仍十分彈牙，有墨魚味。雞絲是意想不到的嫩滑，見到朋友的吃得如此滋味，後悔自己沒加這雞絲。港式鹵水小食（$13串）難得這裏有鹵水小食，立刻叫了一串生腸、一串墨魚，兩者皆很入味，口感一流。油菜（$18）新鮮嫩綠的菜心，只加小小的調味就已經很美味了。涼拌木耳（$18）涼拌青瓜（$18）這兩涼拌小食很醒胃，而且醃製入味。原味豆漿（$13支）很香豆香味，而且不會太甜，飯後一支，很滿足。

長沙灣超高性價比上海麵，炸豬扒炸雞翼好出色‼️🔻炸豬扒上海麵 💰42 🌟係呢間餐廳嘅招牌👍🏻炸豬扒非常出色，即叫即炸，外皮酥脆面衣又薄，豬扒十分軟嫩多汁🍜上海麵的湯底係日式鰹魚湯底，加上自家製櫻花蝦辣椒油係另一種風味～😍🔻炸雞翼辣肉醬上海麵 💰50 🌟呢間餐廳嘅炸物好出色🤤面衣嘅配比調控得好好，炸雞翼鮮嫩多汁，每一隻都超級大！一碟有4隻咁多，份量好足😋加一款餸係9蚊，辣肉醬有啲似平時食米線果啲肉醬，鹹香味～🔻港式滷水拼盤 💰58拼盤內有曬各款小食，有生腸、雞腎、紅腸、豬舌同墨魚🦑都可以單嗌，每串$13，可以自己落醬～整得幾好，就算內臟都冇咩腥味，十分爽口😋🔻涼拌雞絲 💰22涼拌雞絲好多肉，青瓜都好清爽，但係有啲辣，建議起menu度加返個辣椒仔🌶️

今日收工約咗朋友喺長沙灣行街，行完街見到呢間餐廳嘅炸豬扒好吸引，決定去試吓餐廳係主打上海麵嘅舖頭裏面，選擇有以下各種，主要分粉麵，飯類同埋小食，我同朋友喺各類都叫咗一樣炸豬扒上海麵($42)首先粉麵我試咗炸豬扒上海麵，豬扒肉質鮮嫩，皮炸到金黃色，食落好鬆脆，湯底是日式湯底，建議加枱頭的餐廳自家製櫻花蝦油，湯底會有不同體驗🫶🏻咖喱牛腩飯($55)飯方面就叫咗咖喱牛腩飯，咖喱汁很開胃，牛腩肉質嫩滑，入口即溶😊涼拌雞絲($22) 滷水拼盤($58)小食方面就叫咗滷水拼盤同涼拌雞絲，到拼盤每一串食落爽口，涼拌雞絲食落很開胃，大家食煮食前可以試咗個涼拌雞絲先😉

這間自家製炸豬扒麵餐廳，以懷舊風格的裝修讓人一進門就感受到濃厚的情懷。餐廳的特色在於即叫即整的炸豬扒，每一份都是現炸，外脆內嫩，豬肉的鮮香味道令人垂涎。搭配自家滷水串 ，滷汁入味仲有必配黃芥辣同甜醬最值得一提的是他們的櫻花蝦辣醬，這是一道獨特的調味醬，融合了櫻花蝦的鮮香和微辣的口感，為炸豬扒麵增添了層次感，讓人一試成主顧。無論是喜愛懷舊風味的食客，還是追求新鮮口感的朋友，都能在這裡找到滿足。整體而言，這間餐廳不僅提供美味的炸豬扒麵，還帶來了一種懷舊的用餐體驗，值得一試。

長沙灣新開炸豬扒上海麵👍🏻💕😋🦥😍餐廳是主打上海麵的新舖，上海麵的湯底是日式湯底，滿特別且創新，餐廳更自家製櫻花蝦油，所以一定要先飲一啖湯，會有不同體驗！👍🏻👍🏻而且炸豬扒超！好！食！👏🏻👏🏻👏🏻炸豬扒炸得很鬆脆，炸得外酥內嫩，輕盈的炸粉，炸得恰到好處，不會太油，而且令豬肉甘醇在口中散開。《炸豬扒上海麵》$42另外可追加其他配料，是此加了竹筍雞絲，另外$9炸豬扒當然勁好味！但更要喝一啖湯，是餐廳自家製的日式湯底，很配搭上海麵。👍🏻👍🏻如果不吃麵，更可選擇飯，《蔥油炸豬扒飯》$55炸豬扒同樣是一樣的烹調方法，但在豬扒上面加上蔥油的醬汁，令炸豬扒更加惹味！ 😋😋😋《港式滷水拼盤》$58小食之中居然有港式滷水，包括生腸、雞腎、豬舌、紅腸和墨魚，沾上甜醬、芥末等風味更突出！當然可以單點。《清湯蘿蔔》$22港式風味十足的清湯蘿蔔，清湯不混濁、不油膩，非常清甜，蘿蔔沒有根，口感很柔軟。餐廳更設有自製的冷泡茶。

海麵炸豬扒麵🐷上海麵質地滑順，搭配上炸至金黃酥脆的豬扒，讓人一眼就食指大動。豬扒的肉質鮮嫩，外皮香脆，裹上特製的櫻花蝦油後，讓整道菜的香氣更加濃郁。湯底鮮美，清爽的日式風味與豬扒的濃郁口感形成了絕妙的平衡😀咖喱牛腩飯🍛牛腩經過精心燉煮，肉質軟嫩，入味十足。咖喱醬的香氣撲鼻而來，濃郁的咖喱味與牛腩的鮮美相得益彰，讓人忍不住想要多吃幾口。搭配的白飯吸收了咖喱的精華，讓整道菜更加豐富😀炸燒賣💛小點心，外皮炸至金黃，酥脆可口。內裡的餡料鮮美，肉質滑嫩，搭配上特製的醬油，讓人每一口都充滿驚喜。這道點心的創新之處在於炸製的方式，讓傳統的燒賣多了幾分脆口的感覺☺️炸雞翼🐔外皮香酥，內裡肉質鮮嫩。每一口都能感受到雞肉的鮮美與香脆的外皮交融。這道菜的調味適中，讓人吃得津津有味，並且十分下飯。無論是當作小食還是搭配主菜😁

焯記販售上海麵為主，由於炸豬扒上海麵表現出眾，幾乎是每桌來客必選的人氣麵食，此外焯記也有各式各樣的小食供應，毫不單調，焯記餐點走平價路線，極之親民，想吃甚麼都可盡情在此點餐。終於找到好吃的炸豬扒上海麵，炸豬扒份量澎湃，足足有兩層炸豬扒，不像一般店把豬扒肉打到變薄，真材實料。酥炸過後香香的炸豬扒，咬起來鮮嫩不乾柴，肉汁教人再三回味，炸豬扒配著清爽的湯麵享用超有飽足感。除了豬扒上海麵，我另加配豬肉丸，豬肉丸經焯記秘製的日式湯底煮熟後，體現濃郁的豬肉肉甜，我都被圈粉，大推豬肉丸。上海麵頗有彈勁，本來蠻會吸附湯汁，焯記湯頭走日系風味，使麵條更彈口，快速地把上海麵吃光。炸雞翼油炸處理細膩，趁熱咬下炸雞翼湧出鹹香滋味，即使高溫炸過，炸雞翼的肉質依然保持細嫩，雞皮同樣迷人，雞汁完美鎖在裡頭，吃貨心中的幸福感瞬間在心底升起。墨魚條個頭不少，用料不手軟，墨魚條脆皮下不只有軟彈的墨魚膠，還有明顯彈彈口感的肥嫩大塊墨魚塊海味釋出，墨魚條香脆不膩，嚼起來實在爽，就算熱量爆表還是抵擋不住邪惡魅力，叫人愛不釋口。焯記還有一項鎮店之寶，就是自家製櫻花蝦辣椒油，這吸引了無數食客甘願為了自家製櫻花蝦辣椒油前仆後繼來焯記

長沙灣新開抵食焯記粉麵 必食招牌炸豬扒 呢間最平$38 今次試試⭐️單餸炸豬扒上海麵$42👍🏻豬扒超大份 而且厚身 炸粉幾薄 夠香脆上海麵比較粗身 配日式湯底仲有油麵/生麵/米粉/出前一丁選擇一定要試試 佢哋自家製櫻花蝦辣椒油🔥香辣惹味 食到粒粒櫻花蝦鍾意辣椒油嘅朋友一定會鍾意仲可以買一罐返屋企食.蔥油豬扒都好正 同樣好大份香蔥醬油 甜度適中 超好食餸飯除此之外 佢哋仲有港式滷水小食生腸/墨魚/紅腸/豬舌/雞腎⭐️炸燒賣 ⭐️炸墨魚條 ⭐️炸蝦肉春卷可以點埋泰式辣醬一齊食呢間炸嘢食真係做得唔錯🙈.#焯記 (長沙灣)地址：長沙灣元州街498號青華閣地下C號舖.（記住Like同分享 係我繼續出誠實記錄動力 感謝支持🙏🏻）.

平民抵食上海麵❤️焯記ʕ๑’ㅅ’๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡焯記主打正宗上海麵🍜價錢幾抵食✨位置近長沙灣 荔枝角附近👍🏻平民小店推介！▪️炸豬扒上海麵$42💛(另外加餸:竹筍雞絲 $9)聽人講話呢到嘅炸豬扒幾正！就叫左佢哋招牌 炸豬扒🐽炸豬扒勁大塊 炸到幾香脆〰️炸粉都唔太厚 仲冇乜油膩感 加餸加左竹筍雞絲 雞絲夠滑 啖啖肉🐔上海麵我都幾鐘意食 偏粗身 口感唔錯👍🏻佢地係日式鰹魚湯底 幾濃厚✨推薦大家加幾滴餐廳自家製櫻花蝦油 辣辣地更惹味🌶️▪️咖喱雞翼飯$55🤎又係大大碗 咖喱味幾香 係日式個種🍛雞翼都係炸 炸到金黃色 同樣香脆可口✨仲用左珍珠米 粒粒都好軟熟🍚唔想食咖哩 仲有蔥油版本添〰️▪️雞腎串&豬舌串 $13@1🧡餐廳會提供三色醬(辣醬、黃芥末、甜醬）比客人自己加✨我就鍾意甜醬同黃芥辣嘅配搭👍🏻雞腎爽口彈牙 豬舌柔軟有彈性👅▪️無骨鳳爪$22🤍鳳爪係無骨嘅 好方便〰️味道都偏辣 幾惹味❤️⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚ 📍 焯記長沙灣元州街498號青華閣地下C號舖