影片
開飯介紹
香港少有的新疆菜，特色菜包括羊肉手抓飯，羊肉軟腍，味道正宗，亦有新疆炒米粉、大盤雞等供應，是品味地道新疆菜的不二之選。
繼續閱讀
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
有關獎賞計劃
今日終於有機會去咗 無疆道新疆抓飯，一間專做新疆風味嘅餐廳。作為一個鍾意試新口味嘅人，呢度真係俾咗我一個好大嘅驚喜！餐廳嘅環境簡單樸實，帶有少少新疆嘅民族風情，啱晒想食特別嘢嘅我。羊腿抓飯羊腿肉煮得超級軟嫩，入口即化，啖啖都係羊肉嘅鮮香，完全無臊味！抓飯嘅米飯粒粒分明，油潤又唔會太膩，配埋羊腿肉一齊食，味道層次好豐富，真係好正。羊腩抓飯羊腩嘅油脂比羊腿多，食落去更加Juicy，肉質同樣鮮美無比。抓飯吸收咗羊腩嘅肉汁，香氣撲鼻，每一啖都係享受。無酒精奶啤呢款飲品好特別，帶有淡淡嘅奶香同麥芽味，飲落去清新爽口，解膩一流，配搭羊肉抓飯真係一流。皮牙子胡蘿蔔絲+包包菜配菜好爽脆可口，皮牙子（洋蔥）同胡蘿蔔絲嘅甜味，配上包包菜（高麗菜）嘅清新，食落去好解膩，仲好營養。飯湯任裝更加係一個大bonus，食到好飽都唔使擔心口渴。如果你想試吓特別嘅新疆風味，又想食得健康，呢度絕對係一個好選擇！食完真係令人回味無窮，一試難忘。
繼續閱讀
見佢新開，就喺外賣平台點咗$88招牌羊腿飯。 出餐時間勁耐，耐到外賣車手都投訴！點知嚟到，只有羊腿沒有飯！ 同店家理論，對方仲要話：「你個＄88只有羊腿沒有飯！」仲要話只賠$10俾我當冇左個飯。哇多謝哂，我落街買個飯都唔止$10，更何況你個飯係特色新疆抓飯。睇返外賣平台訂單記錄，見到餐名字的確只有「羊腿」並沒有飯，但圖片是有「羊腿+飯」。飯呢？圖文不符？之後我想外賣平台想搵返該餐睇消楚個餐既內容，結果店家更直接將令我覺得有誤導既「羊腿餐」下架。作為食客我覺得餐廳嘅處理手法令我覺得非常不滿。所謂招牌菜「$88羊腿飯」，在外賣平台想點呢個餐，原來付出$88+1.5hrs既等待時間，只得到一條羊腿。咁當我睇錯啦，$88得到只有一條羊腿沒有飯當係教訓。撇除以上不愉快嘅經歷，咁我都可以就「條羊腿」做個食評既，始終係個人感受。等左1.5hrs, 雖然我好火，但羊腿是凍的！味道超鹹，冇新疆味道，骨比肉多。總結：$88只獲得一條羊腿+一肚氣，此餐CP值極低！加上餐廳態度惡劣！永不幫襯！
繼續閱讀
男朋友曾經食過嘅外賣，深刻好味😋所以今次嚟開佐敦，就帶鐘意食羊肉嘅我嚟💕一到左就比佢價錢嚇親，五十幾蚊一個飯😍因為OpenRice見要book位，男朋友又擔心冇枱以為係高級餐廳價錢，結果原來係咁平民，真心驚喜第二個驚喜位係員工勁親切，又會提我食羊腿要手抓，又會因為我外賣走啲食物送多碟前菜比我👍接落嚟，就講下食物啦，真心大大隻腿可以兩個人分享食，仲要講緊佢可以任加飯，其實真係唔叫盤雞都得，但嚟得就想試多啲嘢。羊腿抓飯：羊有羊味，送上嚟食時唔係熱辣辣，熱到出煙，只係微溫，暖暖地，但拎上手影相就都熱嘅。飯係有紅蘿蔔、黃蘿蔔、汁、飯，食過翻尋味，所以有叫人加飯👍加嘅SIZE都一碗㗎，絕不手軟。大盤雞：就可以試埋烤饟，因為盤雞有加入埋饟入去煮，啲雞嘅質地係煮到熟哂，唔係滑雞嘅感覺，$98對比大羊腿抓飯先$88就有少少遜色。下次唔會嗌，味道係OK㗎👍只係因為我覺得貴啫！最後，有機會嚟開佐敦都會再食，亦都會推介比朋友食✨❤️BTW環境都幾舒服，唔係大鋪頭，入到去真係似去左小部落咁，都幾chill，似可以飲酒慢慢㗳，慢慢坐。但實際上都多人食，不時會有人入座，比得幾十蚊都好多意思坐咁耐，但環境真心舒服，服務真心好👍所以孤寒庹縮如我都比左尾數$2貼士，就知真係好好啦👍👍👍
繼續閱讀
超乎想象能在香港吃到新疆菜🥹，还这么平！手抓饭，皮伢子菜还有饮料都有。味道很正宗，我们点的羊腿饭，现在正在搞活动，58一份（原价88），羊腿很大一只，软烂脱骨，配上辣椒粉真的非常香！米饭粒粒分明，胡萝卜也很软嫩。而且听说米饭可以无线续补过根本就吃不完，真的量太大了。桌子上都配有纸巾和一次性手套。老板娘说一天闷两锅，中午和晚上，羊腿一般一锅只有15只，所以限量，先到先得，晚了就🈚️了！如果套餐能配个喝的就好了。
繼續閱讀
昨晚光顧，叫咗手抓羊腿飯，睇相，真係好正，好味道，有湯有小食，湯和飯可以refill! 飯記得要熱食，凍咗冇咁好味。我食完呢碟手抓羊腿飯，都飽晒，新開張特價58元。
繼續閱讀