影片
港鐵油麻地站 A2 出口, 步行約2分鐘
繼續閱讀
電話號碼
97184550
開飯介紹
氣氛輕鬆、裝潢有格調的日式居酒屋，提供多款日式料理，包括各式串燒、刺身、佐酒菜式等，適合朋友聚餐或下班後放鬆。
繼續閱讀
營業時間
今日營業
17:00 - 01:30
星期一至日
17:00 - 01:30
以上資料只供參考, 請與餐廳確認詳情
有關獎賞計劃
呢間係油麻地譽發廣場嘅日式燒串串燒居酒屋環境乾淨，好有一種返左日本嘅感覺。師傅好有心簡單介紹一下有咩推薦之後奉上前菜可以慢慢揀想食咩。串燒種類多嘅，由其是雞嘅都有唔少特別嘅部位可以食到，另外魚生刺身都有唔少選擇。三文魚片5片 $78刺身新鮮，擺盤都好精緻好靚。個芥末係師傅自己用兩種唔同嘅山葵磨出黎，唔似一般嘅wasabi淨係得攻鼻，而係有種山葵嘅香。沖繩慢煮豬手 $52豬手炆得好入味好淋，軟骨位輕輕咬都咬得開。個汁幾有膠質，香得黎唔會太鹹燒牛舌芯 $78牛舌都算切得幾厚身，表面燒到脆脆地燒到好香，香黑椒味同牛油香味，口感爽得黎都幾嫩雞心 $32雞心幾大粒，搽左D醬油汁上去香好多。 可能因為雞心唔細粒，口感咬落幾彈牙。香草A4日本和牛 $238新鮮嘅香草燒香左D味揮發晒出黎，和牛扒切左片粒放左上去鐵板，師傅將個酒點埋火一下灑上去鐵板到，一個高溫幾和牛表面都煎熟左之餘仲有陣酒香同好濃嘅香草味。和牛好嫩，油感適中，配左個竹炭鹽同炸蒜片好好食自家製餃子 $78師傅自己包嘅餃子，大隻皮薄，入面有唔少汁。內餡係包住唔少嘅青蔥同豬肉，煎得夠脆雞尾 $32雞肩 $38雞頸肉 $32雞胸脆骨 $32雞心喉管 $32
繼續閱讀
週末要食餐好🤤位於油麻地新開日式居酒屋餐廳以木系裝潢為主設吧枱座位可以欣賞到師傅燒串燒過程✨原條燒煙燻牛舌芯師傅將原條牛舌炭燒，再以木煙燻，香氣滲入肉中。牛舌厚切，呈粉嫩色，肉味濃郁，軟嫩多汁，口感好豐富。可以沾炭鹽或者法國芥末醬一齊食，性價比高。✨鱸魚刺身肉質鮮美，口感柔軟，配上日本梅汁口感更加細膩。✨慢煮鵝肝呢款係凍食！以法式做法低溫慢煮鵝肝，用醬油烹調，口感好柔嫰，最特別係連埋蘿蔔、菊花花瓣一齊食，味道超級夾，清甜又而膩。✨免治雞肉棒我最愛既免治雞肉棒，肉質軟腍帶點爽口，口感層次豐富。配甜醬油同原粒蛋黃，沾上香濃既蛋漿食更滑口惹味。✨ 煙燻芝士煙熏芝士香氣濃郁，帶鹹香味。✨自家製餃子由師傅自己包製既煎餃子，餡料係韭菜豬肉，十分飽滿香口。✨日本紫番薯即叫即炸紫番薯，炸漿夠薄，口感爽脆而不膩。簡單沾上鹽一齊食，可以食到食物既原味道！✨燒翠玉瓜燒過的翠玉瓜仍然保留一些爽脆的口感，厚切咬落去仲好多汁。✨焦糖燒菠蘿 既邪惡又脆卜卜既焦糖包住多汁鮮甜既菠蘿，超正！
繼續閱讀
今日係家樂行完街，就係附近食晚餐，朋友帶我黎到呢間日本居酒屋，餐廳的木質裝潢瞬間營造出東京巷弄的居酒屋氛圍，開放式烤台傳來串燒的焦香，令人未點菜先陶醉。呢度既肉類調味哲學別樹一幟：雞肉配檸檬鹽既清新、豬肉搭岩鹽既純粹、牛肉佐炭鹽既野性，連天婦羅也用上昆布鹽散發海洋氣息，師傅既細節處盡顯匠心。免治雞肉棒外層烤至微焦脆口，內裡卻保持濕潤，混入軟骨的咬勁令人驚喜，蘸上蛋黃後更添滑順濃郁。雞心表面焦香，內裡彈嫩無腥味，用簡單既檸檬鹽提鮮，盡顯食材本味。黃金蟹籽沙律黃金蟹籽粒粒飽滿，每一粒都係舌尖輕盈爆開，散發出濃郁既海洋鮮味，蟹柳絲撕成恰到好處既粗細，保留纖維口感卻不失細嫩，同清脆爽口既青瓜絲形成絕妙對比。燒牛舌芯厚切得令人感動，炭鹽將牛肉的鮮甜完全激發，咬下時肉汁迸發。吉列廣島蠔外酥內爆漿，飽滿的廣島蠔立即係口中爆開，濃郁既海洋鮮味伴隨著creamy既質感瞬間充滿成個口腔。黑毛豚肉五花腩肥瘦相間，岩鹽襯托下脂香四溢卻不膩口，每一口都是滿足。阿波尾雞翼皮脆肉嫩，炭火香十足。自家製餃子皮薄餡足，韭菜與豬肉的組合經典又美味，煎至金黃的底部尤其香脆。燒帶子、鰻魚串帶子外微焦內鮮甜，鰻魚油脂豐腴，醬香濃郁卻不死鹹。伊比利亞豬肋條肉質軟嫩帶嚼勁，油脂香氣在口中久久不散。雜錦天婦羅炸衣輕薄不油膩，蝦肉爽彈，蔬菜清甜，昆布鹽的搭配讓整體風味更上一層樓。隔離酒吧既飛鏢同卡拉OK喧鬧聲隱約傳來，兩空間一靜一動，卻共享同一份美食靈魂。無論係下班獨酌或朋友暢聚，焚用炭火與鹽花交織的日式風味，完美詮釋了居酒屋既療癒本質。
繼續閱讀
Happy Friday ，同朋友來到旺角新開串燒居酒屋，店舖位置可飽覽旺角市景與獅子山夜色，整店都是木系裝修搭配暖黃燈光，營造出一種溫馨氛圍。居酒屋的食物賣點是用備長炭即叫即燒，令食物炭香十足，食材更是嚴選上乘。🌆🍢🔥👭🍽️✨ 時令獨眼龍生蠔（$88/隻），來自日本宮城縣產地直送，每隻手掌般大、肉質彈牙飽滿，入口鮮甜選帶海水鹹香，加入了魚籽，不但外型吸睛，而且鮮甜的味道更昇華。🦪🌊✨ 自家製餃子（$48），店長極力推介，每天新鮮製作，外皮煎得金黃焦香，內餡的韭菜和豬肉飽滿，咬下時湯汁爆出，非常出色的日式中華料理。🥟👨🏻🍳✨ 免治雞肉棒（$32），肉質鬆軟多汁，再沾上生蛋黃令雞肉棒的口感更滑順濃郁，不愧為我愛點的串燒經典款。🐥🍳✨ 蘋果豬肉卷（$42），豬肉片包住蘋果塊，令油脂逼出，再帶出淡淡果香，酸甜解膩，配搭新穎。🍎🐷✨ 黑毛豚肉五花腩（$42），比例肥瘦剛好，油脂均勻，燒至微焦的外皮，入口香脆且帶嫩滑。🐖🍢✨ 美國牛小排（$68），燒至5成熟，粉嫩的肉質，簡單的鹽燒，美味又滿足。🐃🧂✨ 燒原條茄子（$58），有點似涼拌的食法，入口軟糯、內裡綿密，放滿了蒜香粒，很滋味。🍆🧄✨ 沖蠅慢煮豬手（$52），膠質豐富又不油膩，皮香肉嫩。🐖🍲✨ 迷你魚湯稻庭烏冬（$68），烏冬融入了昆布和鮮香的魚湯底，口感Q彈，吃完一輪串燒後來一碗超級暖胃。🍜🐟✨ 焦糖燒菠蘿（$48），菠蘿表面塗上黑糖焦糖層，火槍燒過黑糖形成了圍住整片菠蘿的薄脆片，菠蘿果肉鮮甜多汁，作為必點的甜品不二之選。🍍🔥
繼續閱讀
油麻地譽發廣場向來不乏美食，而且地理位置方便，就近地鐵站。焚提供多款串燒，師傅態度十分好，每款串燒調味亦經過佢自己悉心調配。✿ 自家製餃子 $78每一隻都變得都包得好靚✨餃子🥟肉質結實，皮薄餡靚，沾上自家製醬汁酸甜開胃更美味。✿ 日本燒豆腐 $38燒豆腐都比想像中好食好多，達至外脆內軟，豆味亦香濃🤍✿ 煙燻芝士 $48芝士控必點🧀芝士味十分濃郁，經過煙燻後芝士變得更滋味，香氣撲鼻。✿ 燒牛舌芯 $78食串燒好中意食牛舌芯🐮口感充滿嚼勁，同埋做到好juicy👍🏼✿ 伊比利亞豬肋條 $42伊比利亞豬肉好出名🐷有雪花般油脂，豬肋條肉質軟嫩。用岩鹽烹調，鹹味自然。✿ 波子提豬肉卷 $48豬肉卷肉味重🐷豬肉本身比人感覺油膩，包住波子提味道清甜感覺中和感覺剛好。✿ 阿波尾雞翼 $38食串燒向來好鍾意食阿波尾雞翼，但唔係話間間串燒店有，雞翼外脆內軟，外皮啖啖肉入面肉質嫩滑🐔用檸檬鹽烹調，酸甜開胃。✿ 免治雞肉棒 $32食串燒向來好鍾意食免治雞肉棒，食到一粒粒免治雞肉口感十足，沾上蛋黃更加滋味。✿ 焦糖燒菠蘿 $48燒菠蘿多汁又清甜🍍經過焦糖方法燒後帶點香脆味道十分不錯💛✿ 香草A4日本和牛 $238A4和牛油脂十分豐富，配以香草同樣令味道更昇華。加上用昆布鹽同埋日本蒜，蒜片同A4和牛好match🐮
繼續閱讀