33
0
1
營業時間
今日營業
12:00 - 23:30
星期一至日
12:00 - 23:30
公眾假期
12:00 - 23:30
公眾假期前夕
12:00 - 23:30
以上資料只供參考, 請與餐廳確認詳情
我一去到就同朋友講唔知有冇唔辣的烤魚~我朋友成日話佢係香港最正宗地道的重慶烤魚!雖然成日都長期人龍~但係都決定黎試下!!!!!!!一睇MENU就比呢個吸引左因為有唔辣的鍋~!- 鹹蛋蒜香酸菜($289) (+40轉江團魚) - 少鹽魚肉好滑得中間一條大骨!!成個鍋的味道好特別..有鹹香但係又好香蒜蓉味, 勁多酸菜好足料!!未食先打卡都開心!佢的食物種類都好多見到有好多燒烤野食..仲有好多海鮮, 不過太飽所以冇食到海鮮..佢D燒的野食又幾香口~調味獨特!- 烤雞軟骨(BB辣) $29- 烤娃娃菜(走辣) $15- 鍚紙花甲 $49好抵食呀, 超多花甲!!粉絲吸晒D味!!勁多蒜!!!我地係咁話唔好凍左先食...但係其實好快就食晒LU- 至尊水果茶 ($43@) - 少凍少甜睇得又好飲, 唔會好甜, 凍冰冰襯晒食烤魚..我覺得係好好的配搭..食烤魚, 飲啖果茶再食舊生果..好幸福丫..D生果唔係得個樣, 全部都幾好食~!!最後我地叫左個紅糖糍粑($42) 為晚餐畫上完美的句號~外脆內軟, 個紅糖當然係重點~!!但係佢的粉都唔少得架..一定要加埋食好飽但係都好快清晒!!!
繼續閱讀
相約表妹食飯，問佢想食咩，答案出乎意料，竟然唔係食日本菜而係想去食烤魚。呢間就係佢帶我去的由門口望入去，以為去咗卡啦OK，裝修風格相當特別，無諗過係烤魚專門店。霓紅燈作為天花裝飾，主要為卡座，坐得都幾舒適。主打烤魚，仲有串燒及乾鍋，手機落單，簡單方便最先出場係蔥油拌麵 ($36)，材料簡單，撈好就食得。麵條幾彈牙，蔥油加上醬汁，好快食完就上主菜啦。六款口味中，招牌必吃鮮青椒味烤魚三款魚中選擇江團魚 ($329)，未食過就先選小麻小辣。原條即點即烤，成條魚直徑都成個盤咁大，足夠3-4個人食。插埋支廣告紅旗，幾搞鬼。鮮青椒與辣椒碎舖係魚身上，未食已有視覺上嘅衝擊，湯底再滾起就食得。貴些少價錢都選擇食江團魚，皆因少骨，魚肉嫩滑又多，偶然食到魚脂肪，更添點魚油香味。先煎香魚，外皮再帶點微脆，半點腥味也沒有。湯底麻中帶小辣，賜予魚肉刺激感，滾住食，每啖魚肉入口都熱辣辣。雖然湯底中仲有少量金菇同大豆芽，但無阻我吔再叫其他配菜嘅，鴨血，萵荀片，娃絓菜同火鍋粉 (每份$20)。食烤魚呢類濃味食物，又點少得杯凍飲?! 除咗汽水外，仲有多款特色飲品，見水吧職員不停手調製，就知幾咁受歡迎。我都唔執輸，叫杯至尊水果茶 ($43)，多款水果混入茶中，又靚又好飲，仲可以食埋D生果，解渴又解辣。食到咁上下就加配菜，呢度嘅鴨血入口嫩滑，好似食緊果凍口感，與麻辣湯底係絶配; 另外萵荀片要爽脆口感或腍身D都隨我喜好。火鍋粉又係不能缺席，煮至煙韌口感，就咁加湯一齊食，要KO一碗又係無難度。壓軸出場係厚燒牛舌串 ($36/2串)，門口師傅真係無停手咁燒，牛舌有相當厚度，又大件，燒完再灑上孜然粉，成件事即刻變得好川式。今餐真係好味又超飽，估唔到依加食烤魚都變成年輕人嘅喜好，怪唔得整個”香港烤魚界天花板”，年青人一睇就明，哇哈哈………………
繼續閱讀
旺角好味風味烤魚收工去同朋友旺角行街，好耐冇食辣嘢同埋烤魚啦，咁岩經過見到呢間嘅烤魚，裝修好有趣，五顏六色霓虹燈設計，非常新潮，一於試試佢。上到去見到個燈箱寫住「香港烤魚天花板」，原來有埋串燒，感覺好似北上了。正宗地道口味，仲有開放式廚房，元朗分店排長龍～入到去座位寬敞，環境大且舒適。手機指咗落單，而且有得揀辣度同埋蒜蓉，非常貼心。提供WiFi 、紙巾、圍裙。平日晚上都熱鬧，不設預約，排隊拎飛。另收+1服務費烤魚鮮青椒味 $329餐廳食物的叫即整，製作需時，新鮮滾熱辣，小心燙口。今次叫左小辣、 少油 、 大麻，江團魚 +$40貪佢嫩滑厚肉又唔多骨。烤魚都好入味，原全唔駛沾豉油，夠惹味，而且越食越過癮～蔥油拌麵 $36我食過問香嘅拌麵🍜而且手工麵條超級長，好正，推介烤生蠔 (6隻) $150蒜蓉、 鮮青椒、 剁椒味、 走辣蒜味唔會蓋過生蠔味，而且燒蠔嫩滑多汁，有驚喜錫紙花甲 $49細細隻但係有金菇同粉絲墊底，吸曬啲精華，唔會好辣烤雞中翼 $36多孜然香脆雞翼有2串共4隻，推介串燒組合 $169有羊肉串、牛肚串、雞腎串、魷魚串、雞脆骨串、栗米粒串、魚豆腐串、五花肉串等等。仲有蠟燭🕯️保溫，好有大陸風味烤茄子 $36超多蒜，而且好夠腍傳統炸酥肉 $52香脆邪惡必叫厚燒牛舌串 $36燒牛脷外硬內軟牛油錫紙娃娃菜 $35好香蒜味益力多沙冰 $39解辣必叫大大杯蜂蜜蘋果蘆薈綠茶 $33味道非常清新金桔青檸特飲 $36酸酸甜甜好開胃服務質素：8/10環境舒適度：8/10ᶘ ᵒᴥᵒᶅ個人口味評分：8/10
繼續閱讀
今日經過旺角，見到有間新嘅烤魚店，平時見元朗分店係排長龍，又係正宗地道口味，於是入去食晚餐，值得一讚係入到餐廳門口，見到開放式廚房，入面衛生情況好好👍🏻🌟 毛血旺烤魚 （$319）毛血旺烤魚有好多配料，有毛肚，青瓜，蓮藕，黃喉，土豆🥔等等，材料已經好豐富，魚肉新鮮，嫩滑，仲好大條，而且廚師已經起埋骨，方便食用👍🏻辣度足夠，麻香味十足😋🌟 烤茄子🍆 （$36）茄子烤得入味，好淋身，配上大量蒜頭🧄，同埋調味料，調味適中，唔會太咸，味道唔錯😋🌟 牛油錫紙娃娃菜 （$35）娃娃菜配上牛油，蒜頭去焗，令到香味更加出，娃娃菜焗得岩岩好，唔會過火👍🏻👍🏻🌟 錫紙花甲 （$49）花甲鮮甜，每一隻都鋪滿蒜頭，但唔會蓋過花甲既鮮味，調味同花甲好夾，整得唔錯，必點😋🌟 厚燒牛舌串 （$36）牛舌串即叫即燒，而且係厚切，食落有口感，燒得唔會過火，岩岩好，唔難咬，淋身，再加上少少調味料一齊食，味道唔錯😋🌟 芒果沙冰 x 金桔青檸特飲 （$39 x $36)芒果沙冰用上新鮮芒果🥭整，響沙冰上面仲有有好芒果粒，沙冰唔會太甜，食辣野岩岩好😋金桔青檸特飲唔會太酸，亦都唔會太甜，飲落好清新😋
繼續閱讀
同兩個朋友約食飯，我提議食辣，佢哋話去呢度，不過要早啲去，怕排隊，六點去到都要排十幾個😒不過好快就有位，食咗D咩，睇相啦！烤魚少辣，掂呀👍🏼魚皮鮮味夠辣😋燒𧐢多蒜蓉不得了🥰燒茄子必食，牛肉普通，豆腐太乾，招呼好，讚👍🏼
繼續閱讀