66
9
5
港鐵天水圍站 B 出口, 步行約5分鐘 繼續閱讀
電話號碼
27018861
營業時間
今日營業
12:00-15:30
17:00-23:00
星期一至日
12:00-15:30
17:00-23:00
付款方式
Visa Master 現金
其他資料
酒精飲品
自帶酒水 詳細介紹
外賣服務 詳細介紹
加一服務費
食評 (92)
成日話呢個天水圍城無好野食,今次就去搵下正野,呢間韓燒店超大間,係正天水圍既新裝修街市旁邊夠方便,行入去好多人燒緊,但係無油煙味亦無成店都係煙。門口裝修好有古代既感覺,有小小既舖仔收錢,仲有好似古舊式房屋既裝修,好似番左去睇韓劇果啲古時朝代一樣。店內貼上左好多韓國電影既大海報,仲有好多唔同既韓文小海報同埋韓文燈箱,整到好似成條街咁,成個感覺就好似入左去韓國食店一樣。除左卡位之外中間都有得坐,好似韓國店一樣,用左直接抽風咁就唔會成陣味,仲有好有特色既韓式既座椅。首先就有四式既前菜,泡菜帶辣味都幾重,不過超級惹味。餐紙已經介紹左十款特色熱賣產品,見到都真係好想食喇已經。坐低之後店員就會黎倒蛋液同埋牛油栗米,等我地燒到咁上下就可以一齊食喇,栗米食落都幾甜。之後送左菜黎包肉同埋有醬料,菜都好新鮮包肉一流解油膩感,醬汁都有幾款揀。豪啲食個《韓牛拼盤》($488),一黎真係幾大盤,果舊韓牛真係超大塊。塊韓牛肉眼真係又大舊又厚,啲油花又勁靚,仲有oppa幫我地燒,燒到半成就會問要唔要熟啲好貼心,一咬啲牛口真係超好食,仲有牛脂爆哂出黎。另外仲有頂級和牛舌,有四大塊薄身燒好快就食得,點落去食去左面頭油份,燒得岩岩好勁香口。仲有一口和牛,食得夠方便,燒哂咁多面,又香又唔會難咬,牛味都唔太差,就算唔點醬都已經勁回味。調味牛護心肉已經有醃料入哂味,醬料整到牛已經好夠味,但又唔會好似外面咁整到勁咸,燒既時候仲幫我地剪開等熟既程度一致。再叫左個《韓國八爪魚》($88),真係一大隻黎超震撼,成大條咁放係個冰盆上面,果幾隻八爪魚腳真係超長。Oppa三兩下手勢就剪開哂黎燒超快手,剪開之後就係上面炒下,燒得超香再點啲辣汁夠哂惹味,睇下隻腳燒到都仲好長架。野飲緊係要叫呢個《韓國原個菠蘿冰》($58),真係一大個咁上,菠蘿味超甜,一路飲一路燒真係解渴。店名:烤肉時代地址:天水圍天靖街3號天盛商場地下L002號舖餐牌: 繼續閱讀
(以上食評乃用戶個人意見 , 並不代表OpenRice之觀點。)
等級4 2017-12-17
502 瀏覽
天寒地凍,吃甚麼最好?火鍋+韓烤吧!來到天水圍的「烤肉時代」,既可以一次過滿足這兩個願望,還有面盆大小勁呃Like八爪魚刺身,以及周年誌慶$10/隻生蠔,惠顧滿$350更送你真露一支,優惠真多! 「烤肉時代」的裝修很有趣,這裡有很多很長的金屬抽氣管從天花板吊下來,遠觀過去,就好像來到了電影中的未來世界,而同時牆壁上又掛滿了很多韓國懷舊電影海報,新舊交融,十分特別。 牛肉眼 ($278)、牛小排 ($168)、五花腩肉 ($118)我們這晚點了三款肉,牛肉眼和牛小排的油脂分布都很平均,更喜歡牛小排,除了用來燒烤,還留了少量來下火鍋,肉質柔軟;腩肉也肥瘦適中,經過燒烤後,肥肉部分更爽口,用生菜加點辣椒醬和生蒜來吃,好滋味。 海軍八爪魚鮮貝鍋 ($228) 這一鍋,分量真的不少,原隻八爪魚在裡頭,還有扇貝、蜆、鮑魚等等,非常豐富;喜歡的話,還可以將韓牛放到裡面去打邊爐,四個人都吃不完。 八爪魚腳刺身 ($198) 上桌時真的嚇了一跳,好大盆!整個「面盆」都鋪滿了冰碎,冰鎮著的八爪魚變得更加爽口,可以蘸辣椒汁、wasabi豉油、生蒜頭、青辣椒片來吃,各有風味。 特價生蠔 ($10/隻)美國太平洋生蠔,大隻又creamy,海水味不太重,$10/隻任叫,只要你吃得下! 辣炒八爪魚年糕撈麵 ($98) 不太吃得辣,吃這個撈麵已覺得相當刺激,餐牌內還有一款「十級地獄辣炒年糕腩肉撈麵」,單聽名字已覺可怕,據說真的勁度十足,有勇氣的就來挑戰吧! 真露 (惠顧滿$350贈送)餐廳有很多韓國酒精飲品供應,叫人花多眼亂,又因為是兩周年誌慶,所以凡惠顧滿$350都可以獲贈真露一支,這晚我們挑了葡萄味,甜甜的很容易入口,與烤肉是絕配! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-13
3239 瀏覽
一向喜在元朗區尋找優質食肆的好友,這次擴大了範圍,將腳步延伸至天水圍,是次聚餐主題是韓式烤肉;時下韓風大盛,好友問及其身邊朋友;最後集中了會到天水圍晚餐的共四人,於是烤肉團在這晚正式出動!大家約定七時左右見面於天水圍西鐵站,各人皆準時到達,便由好友帶路,步行至是次的主題餐廳--烤肉時代!十多分鐘後來到餐廳,從門面看上去佈置明亮而闊落,整體走簡約路線,感覺相當不錯!而特別之處就是餐廳內裡的裝潢;十分高的樓底中,在每一張爐檯上方有一條銅色的抽油煙氣喉,那點科幻感,就是像太空飛船的支架!而壁畫中充滿了漫畫化的韓式軍人色彩,整個環境的格調對比得前衛中又有點不真實;加上店內的烤肉香味此起彼落,客人的交談聲歡笑聲,算是在香港地首次踏足有這般氛圍的餐廳!坐下後,侍應生就馬上遞上餐牌;說真的,餐牌上羅列的食物多選擇夠豐富,四人非得花時間商議一番後才有了定案!落單後不久,侍應生遞上了四式前菜,看樣子都像傳統款式的泡菜為主;每款份量不多,但吃了後可不斷添加!四款前菜中以蘿蔔絲泡菜較出色,各式調味醃得入味,辣度適中,加上蘿蔔絲本身清甜爽脆,所以頗對味!之後擺碟造型具霸氣的海鮮盆出場;有大隻生蠔與扇貝,海大蝦,魷魚與多春魚,再計及價錢,如此份量覺得相當劃算!事不宜遲,著侍應生開了火爐;爐上的鐵板煎鍋邊一早已有蛋漿與芝士粟米,利用鍋邊的熱力將其煮熟,此煎鍋的充分利用空間概念不錯!先由生蠔開始,由於份量較大,烤的時間比較長一些,最後離殼烤;雖然喝不到蠔汁,但蠔肉本身也鮮甜肥美;另ㄧ重點大扇貝與海大蝦;這次扇貝放在鐵鍋中間連殼烤,大蝦則圍在其旁;扇貝連殼烤的好處是待其熟了後,會有甜美的汁液溢出,尤其帶著少許的煙燻味,喝起來更是美味!當然其肉質也很爽滑彈牙,而且鮮甜中又有海洋氣息的清新感,令人回味!海大蝦肉質實淨而彈牙,煙燻味滲入其中,一向欣賞!多春魚這般烤法,趁熱吃起來,其魚籽的熱度與鮮味加起來,在味蕾中綻放的一刻,相當精彩!而此時,白鱔也上來了;遞菜的侍應生說由其親自操刀,我們都同意後就觀其表演;其純熟的手法一下子就將白鱔剪成八小段,並與帶子一起煎;在其左翻右煎的連番動作後,漸漸聞到了兩種食材的燻香味!白鱔煎得表面很香很脆,魚皮的油份充分溢滿表面,一口咬起來,連帶肉質也很彈滑,食材本身好加上煎的技巧掌握得更好,造就了這一美味菜式!帶子也是由煙燻味夾著本身的鮮味,令口感也覺十分美妙!有這麼美味的海鮮,啤酒當然是少不了;這店供應韓國最熱門的Hite啤,之前我也喝過不少這款較清爽的啤酒,深知配上烤肉或海鮮自然是非常搭配!海鮮過後上來的是我們選了小辣的--漢拿山牛肉炒飯;這炒飯也是即席表演的;亦是由剛才煎白鱔帶子的侍應生出手,在其手中,各式配料醬料的巧妙運用之下,一個熱氣騰騰的漢拿山牛肉炒飯就呈現在我們面前;炒飯是由韓式醬料調味為主導,但配料尚未算很突出,以至在味道上也是同感;不過因為是即炒即食,熱度上又令整體口感覺得不俗,是為加分因素!在吃過海鮮,炒飯與喝過啤酒後,眾人還有點意猶未盡,再著侍應生來推介一下招牌菜式;依其建議我們點了和牛舌;原本我對煎牛舌的喜愛程度很一般,但好友將煎好了的一片著我一試;因為夠薄身且油份足,口感又夠嫩滑,無甚膻味,原來也是相當美味的!總結此餐,以往提到韓式烤肉,總是想到豬牛雞,但現時已滲入了海鮮元素,是有那麼美妙的火花!加上此店食物質素頗高而價錢較為便宜,雖然位於天水圍,但性價比來算是真正的高!飯後水杯指數(食店食物調味濃淡度,5杯為最濃),本人給予3.5杯,以韓式烤肉食物來說值得一定程度的推薦! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-11
1498 瀏覽
朋友BB出世已有一段時間,相約結伴一齊去探望這位新朋友。探望完小生命後,天水圍朋友提意到附近吃韓燒。門口已經有餐牌提供,大可看到合心水才進去。但地膽推介的,相信會是他認為最好的,進去吧!坐下後感覺不到濃烈的油煙味,估計是歸功這個抽油煙機吧!抬頭望到牆上的韓文裝潢,感覺到半點地道韓意!韓食不可缺少的泡菜,芽菜及菠菜,另爐邊還可煮蛋及牛油粟米,邊吃邊燒,都是可以不斷添加的!海皇拼盤 $288 x 2份一個拼盤是二人份量,每款海鮮每人有一隻。虎蝦幾大隻, 而且蝦殼燒香肉軟彈。扇貝都好大隻,鮮甜嫩滑。珍寶蠔大隻,肉肥美, 新鮮無腥味。多春魚輕輕煎過後皮金黃香脆,散發出陣陣魚香。魷魚已預先介開,燒起更容易自動卷起來。帶子厚肉大隻,可燒到外層香脆,內裡依然嫩滑。霜降一口和牛 $88平均粒粒都大粒,而且為數不少。外層煎香,內裡嫩腍,肉汁得已鎖住。入口香脆肉彈,落得肉味及肉汁溶和。漢拿山牛肉炒飯 $118這個炒飯我名它為OPPA炒飯,是OPPA在我們爐上即場炒。OPPA先放入牛肉,椰菜絲,紅蘿蔔絲及紫菜絲等跟白飯一齊炒,炒到均勻後,再加入蛋漿及芝士條。全程OPPA非常用心去炒,配料跟飯炒得均勻,飯粒粒粒飽滿,啖啖都有芝士拉絲。埋單平均每人約$250,幾抵食,而且份量足。下次再來探BB,可以再ENCORE! 繼續閱讀
(以上食評乃用戶個人意見 , 並不代表OpenRice之觀點。)
正宗嘅韓燒風味 焦點食評
等級4 2017-04-07
1015 瀏覽
今日去咗天水圍嘉湖山莊探朋友,順便去埋濕地公園行吸下新鮮空氣,皆因都有年幾冇來到呢度,呢度都變咗好多,橫掂來到梗係係附近搵吓冇乜好嘢食,我朋友話去想食韓燒,咁我問佢呢度有咩不用去元朗都有得食,佢就話係天盛商場地下有一間仲話間舖係韓國人打理員工差不多是自己人同聲同氣,於是就去見識吓未食前先點杯生啤飲咁先似去咗韓國,先食咗韓式蜜糖炸雞,炸得雞肉嫩滑香脆配埋蜜糖汁食落幾嘢味仲可以包埋菜食。呢度仲有海鮮點,我地就要咗美國巨形珍寶蠔,見隻蠔大又新鮮,又可以生食,店員話D海鮮全部即日買回來唔會過夜,咁我地唔會錯過咁機會,唔燒即吞入口,肉質相當肥美滑嫰又多汁,仲食到海水味再來係今日主菜出場,我地㸃咗牛&豬肉,有醃製同埋冇醃製,試試味道如何,先來加拿大有機自然豬柳,有Oppa幫我地燒不用我地燒得過火喉,又幾好服務,豬柳燒到肉質收縮變色,未食已聞到濃濃肉味,入口肉質鮮嫩又有油脂層次分明,不用點醬油已好好味再來係安格斯肉眼扒,一樣燒得出色,肉眼扒入口相當有肉汁,肉嫩滑香濃甘香,厚度適中鬆化醬缸醃牛肋骨肉,聽店員講佢地用咗自家醬油醃製,咁梗係試吓味道,嘩燒得牛肋骨肉汁滲透出來啪啪聲,未食得住已流晒口水出來,食一啖已感受到醬油嘅香味十分出色,加上肋骨肉鬆軟入口即熔,食到停唔到口最後要埋果味牛肉懷舊便當盒,仲要搖匀飯盒食,咁先似係韓國食原來係天水圍都有咁好食物質素&服務韓燒 繼續閱讀
(以上食評乃用戶個人意見 , 並不代表OpenRice之觀點。)