影片
營業時間
今日營業
13:00 - 22:30
星期一至五
13:00 - 22:30
星期六至日
14:00 - 22:30
以上資料只供參考, 請與餐廳確認詳情
行到旺角中心掃街，見到呢間賣涼麵嘅小店「烤焗工房」，試吓佢哋嘅四川涼麵，點咗兩款餸料。可惜成個體驗唔太理想，食完有啲失望。🥢四川涼麵（微辣）$37｜手撕雞＋雲耳涼麵係主角，但第一啖已經覺得嚡口，麵條偏硬，唔彈牙，完全無預期中嘅爽滑感，口感扣晒分。手撕雞分量極少，撕得唔夠幼，食落無咩味，連醃味都冇乜，成件事好冇存在感。雲耳正常發揮，爽口之中帶啲微辣，感覺反而好過手撕雞。辣度叫咗微辣，但都幾刺激，不過調味偏鹹，醬汁唔夠香，未能提升整體層次。整體嚟講，涼麵唔夠入味又太硬，配料亦無驚喜，掃街要過口癮嘅話，可能試其他鋪頭會開心啲。📍烤焗工房彌敦道688號旺角中心第一座2樓AS26A號舖
繼續閱讀
烤焗工房地址：旺角彌敦道688號旺角中心第一座2樓AS26A號舖港鐵太子站B2出口，港鐵旺角站D2出口，港鐵旺角東站B出口電話：62879807/69278369煙鴨胸蛋包飯 1$40.00蜜糖雞翼蛋包飯 1$40.00外賣（+$1）1$1.00外賣（+$1）1$1.00合計＄82.00烤焗工房好抵食，煙鴨胸蛋包飯好好食、飯好軟熟，蜜糖雞翼蛋包飯好好食、雞翼不會好燶，好值得推介嘅店舖，未試過一定要去試吓
繼續閱讀
🐮黑椒牛粒炒烏冬🐻小評語：聽啲朋友講話呢間個牛粒出名幾好食，咁岩出開嚟旺角，就諗住試下啦。咁肚餓梗係要叫返個炒烏冬填下肚。可惜完全係好失望😮💨賣相係幾靚，香味好夠，以為好好食，點知。。啲牛粒又靭一陣雪味，個烏冬仲好鹹，食左一半都冇就放棄左。。🥲💸平時見葵廣分店好多人等，真係唔明佢咁既出品點解仲做得住🥲做食物都要有良心嫁🥺📍 烤焗工房 (旺角)旺角彌敦道688號旺角中心2樓AS26A號舖味道😋:🌕🌕🌗🌑🌑性價比💰:💸回訪度🤤:🥲
繼續閱讀
今日去咗人山人海嘅旺角，係T.O.P行咗陣就過條天橋就去返旺中嗰邊，極之方便🤩嚟到旺中又點可以唔掃下街…🤭有賣珍珠奶茶、有賣班戟、有賣壽司等等等等….今次就比間炸物店吸引 就係想試吓佢個「轟炸大大大魷魚🦑」🤡轟炸大大大魷魚大魷魚有5款調味粉可以揀，我就揀咗孜然前粉再加多$1 碎上，當然想大啖大啖咬嘅朋友仔都可以原隻上🫣佢係即叫即炸 所以都好脆卜卜，亦都唔會好厚粉，份量唔算多，但都可以一試🤡一口台灣腸拼蜜糖雞翼哩個$33嚟講就略嫌貴咗啲，台灣腸仲細過手指公 雞翼亦好普通不過哩到係啱行街行到攰可以輕食醫下肚然後繼續行～
繼續閱讀
本身掃街已經買到一袋二袋，但係，難得黎旺中掃街點會唔食我最愛既燒賣🤤🤤係食野area隔離就係佢，就試下佢既炸魚肉燒賣Um……講真，食完有少少失望🥲因為佢唔夠脆🥲同埋可能落唔夠調味粉（椒鹽/胡椒粉），佢中間心係軟淋淋，煙煙韌韌係幾好咬，但我覺得炸燒賣個皮係重點，要炸到硬身（炸到脆個種先好食），如果佢呢粒野外面好脆，應該perfect，因為佢中間心係幾好咬，淋得黎有少少🤏🏻似棉花糖，可惜可惜
繼續閱讀