影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
食家推介
逛過無良印品後，順便在附近晚餐。因為想食辣袪濕，所以再臨。點了晚市小炒，配几個小食飲品甜品，就是我倆的晚餐了。肝腰合炒 喜歡豬膶，所以點這款小菜，而且又有豬腰雲耳，不會太單調。豬肝無啤水，外層乾身，以辣椒乾炒，不易變糊，口感帶粉有甘味。豬腰有𠝹花，細細條，不脆口。有了香辣配料襯托，所以豬腰無異味。酸菜魚 百多個大洋一盤，內有黑魚片，豆皮，土豆片，薯粉，金菇，芽菜。整體鹹為主, 酸辣次之。自己嗜辣，所以覺得不夠辣。蒜泥白肉 五花肉，無軟骨，薄薄一塊滑溜溜，方便享用。紅油蒜泥，看似辣，其實不太辣。韮菜豬肉紅油水餃 餃子皮厚實，內裡是青BB又爽口的韮菜餡。配紅油的糊辣，更美味。薑汁通菜 來一份青菜，扮健康。嚐過多款辣菜，所以覺得薑汁辣度不濃烈。紅糖糍粑 雖然個人覺得每款菜都不太辣，但還想要糍粑，軟綿綿，甜絲絲。看到牆上豆腐花圖片，又想來一碗。桂花豆花＆桂花豆花涼粉 滑滑豆花的豆味濃，比涼粉更美味，下次會改點全豆花。檸檬蝶荳花 朋友點的新會小青柑普洱 嚐過甜品，來一杯無糖的普洱茶做完美的句號。
繼續閱讀
烏蠅館嘅菜色真係令人驚喜！而且性價比極高，糖醋魚外脆內嫩，酸甜口感令人開胃；1974年版回鍋肉香辣可口，五花肉的選擇恰到好處。蒜泥白肉薄切滑嫩，搭配香濃醬料更添風味。雞腎串香氣撲鼻，外焦內嫩。而桂花豆腐花則是完美的甜品，桂花香氣清新，令人回味無窮。
繼續閱讀
近呢幾年唔少舖頭都開始有冒菜賣，冒菜香辣得黎，又重蒜蓉味，深得我嘅喜愛！而講到平靚正嘅冒菜🍲，就一定唔少得烏蠅館！任選8款配菜既冒菜都只係$59，抵食到爆！我最推介嘅冒菜配菜有肥牛🐮、雞中翼🐔、魚腐🐟、鵝腸🪿、腩肉🐽、萵筍🥒，佢哋每一個配菜份量都好多，好似肥牛咁就足足有五片！另外亦都好推薦大家加$3要多份紫菜，紫菜可以吸晒成個湯底嘅精華，非常好味！喺呢度嗌任何一款主食，都可以用優惠價加配各款小食，價錢非常平，大部份都係十幾蚊就有交易，所以我都忍唔住試咗幾款，包括有蒜泥白肉🐷、川式芫茜蠔仔紅油水餃 🥟、紅油皮蛋 🌶️，三款都惹味又抵食！飲品方面，佢哋有各款特色飲品、台式手搖、各款無糖茶，總有一款啱你心水，我哋今次就揀咗哈密瓜啵啵冰🍈 同埋 桂花月光美人🌼另外，甜品選擇都好多元化，冰粉、涼粉、豆腐花佢哋都有齊！我今次就揀咗三色芋圓桂花豆花涼粉🍧，一次過滿足多個願望！
繼續閱讀
最近同朋友去咗新都城烏蠅館食飯，有多款四川小菜同冒菜，次次嚟親都會食返碗冒菜。荷蘭豆炒小臘荷蘭豆炒到仲有爽脆感，細細條嘅小臘腸，一口一條，炒得好香，配飯一流。成碟菜鹹香啱啱好，唔會太油冒菜D餐 自己揀6款配菜，加咗鵝腸、豬黃喉、魷魚花。湯底揀咗滋補菌湯，有啖啖菌香味，又唔油膩。配料方面，肥牛、鴨血、牛筋、豬大腸都處理得好腍，完全冇腥味。芝士丸都有驚喜，咬開有芝士流心。豬黃喉同鵝腸都爽口，魷魚花有嚼勁。火鍋寬粉掛湯力強，食落去好滿足。麻辣豬耳絲好香麻，咬落去爽口又夠辣。燒椒茄子口感軟熟惹味。川武芫茜蠔仔紅油水餃水餃皮薄餡靚，紅油辣得嚟唔會搶味飲品方面黑糖桃膠鮮奶加雙倍奶蓋奶蓋好厚好滑，黑糖味唔會太甜，桃膠又有啲啫喱感，飲落去幾有層次。檸檬百香果QQ就好解渴，入面有冰粉同寒天，食到啲粒粒口感，夏天飲一流。甜品都幾抵食，我哋揀咗兩款桂花豆花涼粉，豆花滑，桂花香味天然。甜品雪蓮子雪蓮子好有口感，有玫瑰蜂蜜香味同煙韌三色芋圓，味道淡淡甜味唔會膩。最後一定要食埋紅糖糍粑，一人兩粒，外脆內煙韌，食完好滿足。
繼續閱讀
成日經過呢間餐廳都唔知其實係食咩，見到餐牌原來係有冒菜同主打小炒辣野，即刻試試佢先。今日雖然係平日夜晚，但係一路食嘅時候見到都越嚟越多人入嚟食晚飯，當然價錢實惠啦，食物質素十分之唔錯，而且食物又多選擇，下次經過一定會再嚟食先。✨冒菜B餐 ，6樣餸芋絲豬紅豬大腸牛丸魚皮餃午餐肉米線（BB辣）好彩只係叫咗BB 辣，都已經有一定嘅辣度，不過湯底就麻辣鮮香，而且米線口感啱啱好，唔會煮得過腍，配料除咗豬紅唔係咁入味之外，其他都十分之好，特別豬大腸好肥美，好食。✨蒜泥白肉肥瘦比例好好，辣度溫和適中，同埋多數食嘅蒜泥白肉都係熱食，估唔到凍食都會咁好味既✨大澳蝦醬通菜呢個就冇乜特別，蝦醬味可以多番少少✨糊辣荔枝宮保雞丁嚟到見到有好多紅色嘅辣椒諗緊應該會好辣，但可能加咗荔枝嘅關係，食落反而甜甜地好開胃，食到停唔到口，送飯一流。
繼續閱讀