75
2
1
港鐵屯門站 F2 出口, 步行約5分鐘 繼續閱讀
電話號碼
28331006
28336880
營業時間
今日營業
11:00 - 22:00
星期一
11:00 - 22:00
星期二
全日休息
星期三至日
11:00 - 22:00
*最後落單時間: 21:30
付款方式
現金
其他資料
電話訂座
食評 (85)
等級4 2020-05-15
1045 瀏覽
座落Vcity斜對面,其實都好近西鐵站,就係喺新都影院果頭,估唔到新都呢邊有呢間cp值咁高的食店,下次睇完戲會再來食!!!要讚一讚呢度衛生,每張枱客人用完都會嘖滴露來抹,唔驚油膩同病毒細菌!黃店~下午茶好抵!都係牛肉餐,分左兩個選擇,可以揀第二份半價,或者食兩份送小食~其他MENU:呢隻豬好得意!我地叫左2個燒肉餐(日本和牛10件,板燒封門柳10件),第二份半價,包麵豉湯、飲品。呢度的茶底好香,完成唔會澀,厲害!麵豉湯日本和牛10件,板燒封門柳10件,油花好靚,好均勻,厚度都均真! 白飯加上飯素,更容易下飯~我就每塊都燒1分鐘左右,如果食店再細心d教埋最佳燒肉時間會更好!日本和牛油花多,油味香,入口即化,滋味無窮,板燒封門柳(傳說中的蝴蝶腩)就更重牛味,油花比較少,腍身又冇渣,都係一個燒伕好選擇!!!呢度原來用呢種一粒粒的燃料粒,換燃料好方便,火力都幾猛又均勻! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-02-28
2617 瀏覽
相信大家都經常會食韓燒,無非都係志在同一班朋友吹下水之後一邊燒一邊交流但有時想燒下嘢食又唔想食咁多嘅話呢一間係絕對滿足到有要求嘅你哋去試一試首先地方方面距離地鐵站都只係5分鐘嘅路程而且都好容易去到絕對唔難搵。 至於裏面雖然地方唔大但係充滿着好多有價值嘅嘢, 大部份都係食客留低嘅心意, 亦都證明左有唔少嘅人都幾鍾意呢間餐廳。餐牌方面選擇都唔少比較專注係牛嘅方面,所謂炻板燒,其實比較似係一人嘅韓燒,有得燒之餘又可以自己調校生熟度, 最重要係價錢絕對合理而且質素未食之前都覺得唔會差。 咁今次就試咗呢一度比較招牌嘅肉— 封門柳,大約嘅位置都係牛柳嘅部位,顏色非常鮮明而且脂肪分布極之平均, 驟眼睇仲以為係雪花和牛。因為本身比較博新所以燒嘅時候每一面大約20秒就夠咁燒完出嚟大約就會係五至七成熟, 當然如果要求全熟嘅話就可以自己每一面都燒40秒就夠,當然唔可以燒太耐如果唔係好嘅肉都會變靭。跟餐都會有送飯同埋麵豉湯, 特別要提一提麵豉湯雖然味道唔會同其他麵豉湯差好遠但做到一樣野就係唔鹹,淨係呢一點都已經可以討得我歡心飲品方面就選擇大約都係差唔多,作為奶茶控嘅我當然都係要一貫選擇。 效果的確幾唔錯,效果的確幾唔錯奶味唔會覆蓋茶味,同茶餐廳嘅質素拍得住! 呢一度嘅重點就係服務態度都非常之好好願意為大家服務,起碼俾到人一種親切咁呢一樣野都係一間餐廳好重要嘅元素。 繼續閱讀
(以上食評乃用戶個人意見 , 並不代表OpenRice之觀點。)
屯門少有既日式鐵板燒餐廳,價錢唔算貴,物超所值。餐廳貼滿抗爭海報,天花板垂掛左好多打氣願望牌。全日鐵板燒套餐有多款牛既部位可以選擇,例如封門柳、和牛、牛小排、吉列牛板腱等。除左鐵板燒,亦有其他小食、芝士丼、咖哩丼、鰻魚丼,及稻庭烏冬。叫左板燒封門柳套餐($188),包括有封門柳、麵豉湯、白飯及飲品,椒鹽蟹子軟殼蟹($78)。封門柳非常厚身,因為係牛既橫隔膜肌肉,所以油花比其他部位少,肉味更淳厚濃郁。店員先以牛脂肪抹勻鐵板爐,之後就可以自己燒肉。爐溫充足,一放上肉片就滋滋作響,每面燒幾秒,已經聞到肉香,趁未完全熟透時立即品嚐,質感比較腍,彷彿入口即溶。將肉片沾點餐廳自製既醬汁,帶點甜甜既味道,別有一番風味,亦可搭配白飯,入面混入左芝麻及紫菜,特別香口。麵豉湯用料豐富,加入左大量昆布,味道適宜。兩隻軟殼蟹炸得極之鬆脆,外層蘸上大量蟹子,有咬口之餘,亦減去油膩感。椒鹽味唔會太嗆,襯托出蟹肉獨有既味道。中間竟然仲有蟹膏,非常滋味。整體,難得可以食到豐富既燒肉套餐。肉質好,油脂香濃,而且做緊優惠。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-30
1293 瀏覽
今日同女友人黎左屯門食野,我地之前已經係附近食過d地鋪餐廳架啦, 我發覺其實屯門市呢個地方都好多好野食,但都係日本野居多.. 咁岩我又想食燒肉但又唔想食d燒肉放題咁貴。 後黎就比我發現比間火石板燒, 我見佢門口d餐牌好似幾吸引價位又平易近人. 我就二話不說捉埋女友人入去醫肚啦..我地分別叫左板燒牛小排同吉列牛小排... 佢兩個set都跟白飯,麵屎湯同飲品都好豐富。女友人個set就加錢轉左稻庭烏冬..前菜我地都加左個蟹籽沙律.. 味道方面個吉列牛小排就事先炸到脆皮半生熟咁.. 我地就自己係個火石板上燒兩燒就可以放落口.. 我想講吉列左既牛小排比普通牛小排係爽d既, 但肉味就普通牛小排比較濃烈.. 各有特別之處同樣好新鮮好有咬口.. 個蟹籽沙律好fresh好開胃的說,一貫和風料理既口味..我地兩口子食兩個set再加個沙律就岩岩好咁飽住走... 繼續閱讀
(以上食評乃用戶個人意見 , 並不代表OpenRice之觀點。)
等級4 2020-01-20
646 瀏覽
其實出面有好多食石板燒牛既地方,佢地既賣點多數都係大件夾抵食,幾十蚊有大舊肉。但屯門依間黃店唔同,佢係賣靚牛。今日我早收工就早去,差唔多6點就開餐,做左佢第一枱客。本身想試下佢個鰻魚飯,但諗諗下佢招牌菜係石板燒,唔試又好傻,所以我同我朋友都揀左石板燒。我自己就揀左牛小排,另外店員就推介左封門柳,佢話出面好少有得食,叫我地試下,咁我地就叫左。封門柳其實係牛橫隔膜肌肉,每隻牛都係得一舊,唔怪得話出面少有。上菜既時候,店員話深色既係封門柳,淺色既係牛小排,影左幾張相之後就拿拿臨開始燒。十幾蚊一小片既牛肉真係唔同,唔係要令你飽,係要令你食品質。封門柳食入口,肉味極濃,油花少,鐘意有口感既就要叫下。依塊肉我個人認為每邊燒五六秒就夠,熟度岩岩好,唔會太老。另外既牛小排都唔可以睇少,見到佢油脂都幾豐富,所以每邊我煎左兩秒左右,將佢既油花煎香佢就夠。一放入口就未個即溶,但都十分幾嫩口。依個套餐仲有鹽燒三文魚腩邊送,佢都燒得唔錯,燒到個魚香好出。想試燒靚肉既就應該來依到啦!支持下黃店! 繼續閱讀
(以上食評乃用戶個人意見 , 並不代表OpenRice之觀點。)