4
2
2
港鐵深水埗站 A2 出口, 步行約5分鐘 繼續閱讀
電話號碼
26755818
營業時間
今日營業
08:00 - 23:00
星期一至日
08:00 - 23:00
付款方式
現金
座位數目
50
其他資料
自帶酒水
外賣服務
加一服務費
電視播放
食評 (13)
呢間位於深水埗荔枝角道新開嘅餐廳,好識做宣傳,因為我喺唔同嘅社交平台都見到佢做緊$15優惠丼飯嘅推廣。由於餐廳喺Office附近,所以我就同同事行過去食個Lunch啦😃。可能係新開嘅關係,加上正值優惠期,餐廳中午時份坐爆場,好彩我哋啱啱有卡位坐。環境就係普通茶餐廳啦,都比較迫,而且我見到地下都幾多垃圾,衞生有待改善🙏🏻。講返正題,我哋嘅目標係$15優惠丼飯🤤,不過入到鋪頭後就唔係好見到個優惠。後尾有唔少客人一入嚟都大聲問清楚店員「係咪仲有優惠嗰個飯啊?」。大家係同路人,留意番餐廳張海報係寫呢個優惠做到「6月31日」㗎🤣!$15優惠丼飯係指定款式的,好似日日唔同。今日係炒蛋豚肉飯(原價$36),無論餸同飯嘅份量都幾多,男仔應該夠食。🐷豚肉片有連埋洋蔥絲一齊煮,幾好味,亦都有好多片。至於炒蛋,我自己本身唔係好鍾意配飯食,但同事話覺得幾香、幾滑,唔錯🥚。本身想嗌一人一個$15飯,但又有啲唔好意思,而且想試埋其他食物😉。其實餐廳整體定價都好平,午餐同常餐平均價係$4x。餐牌設計幾靚,清晰易睇,啲相仲影到啲食物令人流晒口水。其中公司常餐C個樣勁吸引,因為湯粉係意大利雜菜湯天使麵🥫。蕃茄湯通粉已經唔係間間茶記都有得食,呢到仲要搭配天使麵,正啊😋!雜菜湯味道唔錯,微酸好開胃;天使麵唔會煮得太淋,好掛湯。常餐仲配有扒同配菜,扒可揀豬扒/雞扒/薄牛扒/吉列豬扒/吉列魚柳,而配菜就可揀香滑炒蛋/豬仔午餐肉/火腿/腸仔/煙肉/漢堡扒。啲選擇好正咁喎😍,唔係一般茶記Set梗咗火腿煎蛋,食肉獸嘅我哋要咗薄牛扒同漢堡扒,牛扒都算幾好食;但豬柳漢堡就鹹咗啲。另外,估唔到依個餐都有跟為食多士🍞,餐牌唔覺佢有寫;呢塊蒜香多士勁高質,蒜蓉滲透晒成塊包,好惹味。餐廳店員人數都幾多,不過可能係新手,唔算特別醒目,反應有啲慢😅,多多加油。總括嚟講,呢間「為食公司」幾唔錯喎,識得做噱頭嘢之餘,最緊要係本身食物味道幾好。丼飯原價$3x都抵食啦,雖然我自己就麻麻哋鍾意食飯。反而我更加推介常餐C,樣樣食物都好食,份量又多👍。我絕對會再嚟啊!題外話,佢份外賣餐牌成本小冊子咁,可謂心機之作🧡。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-26
10 瀏覽
第一次幫襯,估不到有D伏味。餐牌上有兩款鰻魚蛋飯,一個叫滑蛋鰻魚丼,另一個叫炒蛋鰻魚丼,似乎有點混亂。。。結果我點了滑蛋鰻魚丼,飲品有半價優惠,就點了熱檸檬菜蜜。那個滑蛋鰻魚丼來到後真的有D伏。。。鰻魚係切碎上,我諗加埋分量差少少應該有2粒骰,成碗都係蛋同鰻魚汁,蛋不滑,好彩有鰻魚汁先可以送到成碗飯。好失望。如果要幫襯,建議不要點這款。點那個炒蛋鰻魚丼,雖然貴$20,但好似有一小塊鰻魚,起碼感覺良好D。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-25
15 瀏覽
之前聽同事講有間新食肆有十五蚊飯食,我呢個大慳鬼當然第一時間去食平飯啦🤩行到舖頭櫥窗已經睇到呢個推廣,於是入去坐底準備食平飯,本來都唔知點叫,但原來好多熟客一入到黎都會問「今日係邊款特價飯?」,可見黎個噱頭都好受歡迎。今日主角係汁燒牛肉飯~一碗飯,滿滿的牛肉,洋蔥同芝麻,制作一d都唔嗎呼,而且味道不錯,以十五蚊嘅價錢真心超值👍有d客人雖然知道有特價飯,但亦會選擇叫其他午餐,精選午餐連飲品介乎$44-$48都唔算貴,下次可以一試。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-06-21
24 瀏覽
上個月新開張餐廳就在路口很好找,已經去咗幾次,炒蛋系列的出品太好食!無論是炒蛋牛肉丼豚肉丼或者炒蛋餐肉菠蘿包都很出色。下次去試試看炸鴨脾和鰻魚丼!唯一的建議是炒蛋豚肉丼的豚肉偏油膩了點,希望之後可以挑選更瘦的部分製作。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-06-16
41 瀏覽
有邊個會估到...... 呢碗賣相咁靚嘅丼飯,只係賣$15!😱🤩近期喺IG都見過唔少人介紹,今次特登去試下佢好唔好味🤪-🐂炒蛋牛肉丼🍳落咗單唔夠5分鐘就上枱,一嚟到真係嘩一聲😱 好大碗啊!咁平都咁足料🤩賣相仲要超靚,淨係個碗都深得我心🤤 個蛋炒得好滑唔老🍳 牛肉都幾入味,仲有啲牛肉汁用嚟撈飯,唔會乾😋唯一就係整體味道唔係好夠🤔 要自己加番啲鹽黎調味🧂講真就算原價食都覺得好抵!性價比好高🤩👍🏻-評分:8/10價錢:$15 (原價:$36)-提提大家呢個優惠淨係做到6月30日!想試就快啲去啦🤩🤩 -📍為食公司 深水埗📍 繼續閱讀
(以上食評乃用戶個人意見 , 並不代表OpenRice之觀點。)