炸老闆 (已結業)

行過首先係俾佢嘅裝修吸引左，炸老闆專賣蔥油餅但係個Menu望落去似紅豆酥上面加隻蛋多啲，行入去嘅時候係因為小姐幫我地落單，佢講嘢好細聲我哋淨係要左個招牌嘅跟住佢就講咗一句說話但係我同我老公都聽唔到，跟住我老公話sorry可唔可以講多次，跟住佢用一把勁不滿的聲音隻眼又唔望我哋，好慢咁樣讀出左一句句子，就係嘢飲得返冬瓜茶，個感覺好似係你買就買唔買就走嗰啲感覺，我同我老公出到門口我越諗越唔憤氣，做咩要咁冇禮貌，受完氣之後唔知點解望住玻璃窗入邊好高嗰個男仔整野我都覺得佢有啲乞人憎，佢好似做都唔想做咁樣，其實都係啱啱開咗冇耐，又唔見好多人排隊呀，莫非已經賺夠左🤔講返食物個手打抓餅好油好乾有浸油益味，一啲都唔好食，反而佢送嘅冬瓜茶幾好飲！

店名好得意搞gag，其實佢係一間新開既台式炸蛋蔥油餅專門店🌮 店內係Open Kitchen，所以可以清楚見到蔥油餅既製作過程。蔥油餅麵團經人手現搓，再連同竹絲蛋一齊落鑊油炸，炸到唧唧聲好治癒😆·☆ 大蒜香腸口味 + 黑金紅茶 HKD$37打親邊爐食親撈冷麵都要多蒜既我，梗係要揀哩款😋🤩 餅皮炸至金黃酥脆，咬落去內裡軟腍👍台灣腸同蛋中間夾住勁多蒜蓉，蒜蓉外仲加多兩羹蒜泥😍😍 因為爆多蒜既關係，所以帶點微微微蒜辣，超級惹味😋 口臭都要食呀！套餐附有既黑金紅茶冷泡茶亦不錯，入口微甜回甘，可以解返下啲蒜臭味🤣

😅太子呢間炸老闆小店主打台式地道葱油餅，更設有不同口味，葱油餅都由人手搓麵糰，再立即新鮮炸至金黃酥香，大約要等10分鐘就拎到熱辣辣嘅蔥油餅。我選擇了大蒜香腸口味配上蜜香紅茶，葱油餅餅皮炸到好酥脆新鮮熱辣，雞蛋同台灣腸係夾係餅皮入邊，之後一大堆蒜頭。由於有過多蒜，食落有啲好辣嘅感覺，如果唔食得辣嘅朋友一定要叫佢落少啲蒜。食完都會好口臭同好口乾😅😅😅幸好套餐配飲品，唔需要周圍走去搵野飲。我哋所選擇的紅茶帶有荔枝味，十分解渴，但係始終食咗好多蒜蓉解決唔到口臭嘅問題😅😅

今次經過一間台灣小食咁啱去完台灣諗返起台灣美食未見過台灣有呢款炸蛋蔥油餅小食試件同平時食既蔥油餅有咩分別大蒜香腸蔥油餅🌮用咗大量蒜蓉香腸切開一片片 蔥油餅即炸再加上雞蛋提升蔥油餅香味 蛋黃不會重味蒜香味愈食愈濃郁😲另外店員推介古早冬瓜茶我試咗一啖清甜解喝😋泡茶都店鋪自己炮製 每日數量有限想試要早點去買

做完運動🚴🏻‍♀️🏋🏻‍♀️後，有點餓，於是就周圍行下，順便搵下有咩特色小食可以醫肚。我被呢間小食店名同公仔吸引住🥴🥴太過吸晴👀👀。蔥油餅係台灣就食得多，係香港就好少食到，於是就決定入內幫襯。我點了4號餐-大蒜香腸+養生回春茶（37元）。可以透過玻璃窗望住職員即點即炸及做。熱辣辣，好香的大蒜味餅皮脆卜卜，香腸有咬感，加上有爆醬的蛋汁，增加不同的層次感。*食完後，個口會有好濃濃的大蒜味道*食完咁邪惡既蔥油餅，當然要飲返茶來消消滯。

台灣味道帶到旺角了😋香港的台灣料理多 但蔥油餅、炸饅頭是首間呀！難得經過旺角當然要試一下！💪🏻🌮起司熱狗蔥油餅HKD$36(連茶）廚師腸+起司的組合很咸🤨內有一隻小炸蛋 🥚一咬開蛋汁馬上流出 雖然吃得狼狽 但是十分過癮🤡由於蔥油餅的調味較少 混在一起吃味道平衡👍🏻👍🏻油膩感都不太強 非常可口🍵高山烏龍茶HKD$17(單叫）冷泡茶夠濃 烏龍茶回甘 內有一個隔茶層 非常貼心 防止茶包阻塞👍🏻🍞古早味花生炸饅頭+HKD$15(套餐)/25(單叫）必食！！看着他新鮮炸起 又毫無隔油的動作 原本以為很油膩 卻是外脆內軟且不油🤭混入練乳及花生粉 有點像焦糖 實在太美味了 是小時候的味道😆😆可惜分量有點小😟可愛的河童包裝 📌即叫即製 等候需時📌老實說單叫的價錢不吸引 Follow Me : eatwegohk

聽講附近開左間有特色嘅小食店 我就第一時間衝過黎試試佢 估唔到真係有驚喜叫左個蒽油餅餐 喺入面包住左隻剛炸好嘅流心蛋 一咬落去蛋黃流晒出黎 好狼狽 但好好食 好過癮🤣🤣 不過食完就有少少濟 可以係因為油炸 而具佢比較大份 係正嘅另外跟餐加左set炸饅頭 佢比較特別 係切左薄片炸的 好易食 仲有花生碎加煉奶 好味最後仲加左枝養身茶 好大枝 個樽嘅設計亦好貼心 等茶包吾會跌出黎或者撞到個咀 茶味方面係甘甘甜甜咁嘅 好似金嗓子🤩 我個人幾中意

放午飯時附近見到間新野叫「炸老闆」，鋪名同隻河童都好搶眼，就入去試試個蔥油餅啦，點了大蒜香腸及炸饅頭。即場食，超邪惡🤤🤤！鋪滿醬汁，大蒜，同台灣腸好夾，餅底乾身脆口唔油，整體重口味。店員推薦食熱氣野配綠茶，冷泡茶夠濃有茶香，而饅頭外脆內軟、合格，需要多啲煉奶呢。返到公司仲好多同事問我支茶喺邊度買，個樽好靚，而且可以循環再用啊，下次會試試店員推薦既「養生茶」蔥油餅有好多口味～慢慢試哂都要啲時間～會再幫襯。

經過太子，見到呢間新開既小食舖就試試佢當日可能食完飯，有啲夜就無咩人食我叫左個起司熱狗口味 $27，有點少貴佢即叫即整，仲見到有人搓緊餅皮然後就落油炸，加埋隻蛋一拎上手係好熱辣辣食既時候就知道出事了可能因為腸仔同芝士係加工過 本身係鹹而且見住佢落勁多醬油同味粉搞到塊餅超級鹹又本身硬我會寧願食酥皮 蛋餅而且個蛋一食開就爆，仲要爆左係我件衫食既時候真係要小心啲.......如果加埋蛋汁中和番鹹味應該會好啲一讚既係個包裝食完啲汁流曬係底都唔會話成隻手都係油同汁唔會透到出黎可惜唔啱我口味，當試下新野不過唔會再食啦~推介:  /5

有日係太子覓食期間比我見到呢間新開台式小食店 賣炸蛋蔥油餅炸蛋蔥油餅係台灣夜市常見既小食同炸雞排一樣咁邪惡估唔到係香港都食到！就買黎試下止下思念台灣既癮炸蛋蔥油餅有好幾款套餐款款都會配茶飲而且廚房仲係開放式可以比客人望到製作過程重口味梗係必選香腸加大蒜既組合蔥油餅見佢岩岩炸出黎熱辣辣 咬落係酥脆而且嚥韌既餅面搽左大蒜醬同醬油膏勁濃大蒜味 口臭之選滿心期待咁咬落去蛋既部分竟然冇流心唔知係咪熟過頭頂多都係溏心有啲失望😞但大蒜加香腸真係好夾仲要有蛋 味道真係唔錯邪惡之選

點了蒜味香腸炸蛋餅，調味是的可以的，醬油帶甜，可惜餅底做得死厚如石頭般硬，實啲啲，一點也不鬆化。我在台灣寧夏夜市吃過的炸蛋餅鬆化而爽脆。相比這家的蛋餅令我非常失望，唯一優點是夠飽肚，推薦想充肌而對美食沒有要求嘅朋友可以去一試！

Discovered this on the way to Prince Edward.At first, I thought this joint served Taiwanese Roti which is oily and flakey but on a closer look, they looked like round pieces of fried naan bread with filling.The frying oil looked clean so I was confident in giving it a try.To be honest, I don't know much about Taiwanese food so I'll refer them as Taiwanese wraps for the time being as they look like wraps.You can get them a la carte or with tea.As a tea lover, I got the set. For each wrap, there a