影片
營業時間
今日營業
11:30 - 22:00
星期一至日
11:30 - 22:00
*最後落單時間: 21:30
以上資料只供參考, 請與餐廳確認詳情
友人知道我鍾意動漫，見到呢間日式餐廳同進擊の巨人合作，之後叫我搵日得閒嚟試吓😍 餐廳推出咗幾款聯乘嘅主題菜式，仲有周邊商品啊😎調查兵團の丼呢個丼飯勁豐富，一碗丼飯有齊兩款雞肉🍗 照燒雞肉同南蠻炸雞兩款各具特色，照燒雞肉口感實淨，南蠻炸雞外脆內軟🐥 側邊仲有幾片紫菜配飯，日式感滿滿。瑪利亞之墻壁の丼呢個丼飯有炙燒豚肉同埋香菇🍄🟫 招牌炙燒豚肉半肥瘦，食落口唔會太乾🐷 蔥花同埋香菇清清地，配埋特製嘅燒肉汁好夾😉 醬汁食落口甜甜地，有燒汁加埋其他水果調味，令個醬汁獨一無二。火炙三文魚沙律呢個沙律幾惹味，醬汁略帶點辛辣🌶️，加上面頭有六片半生熟火炙過嘅三文魚🤩 每件都好厚身，係幾足料嘅🥗火炙牛舌就咁望佢嘅賣相唔算特別厚身，但係食落口幾爽口又有油香 👅 略嫌有啲唔夠喉，如果佢份量再多少少就好啦。瑪雷特產葡萄汁呢個提子汁味道唔算好甜，入面有青提粒、菠蘿粒同埋寒天晶球喺入面㗎😗阿爾敏‧亞魯雷特藍海梳打呢個顏色超級靚，打卡一流。味道方面佢就其實係一杯乳酸飲品，入面同樣有寒天晶球，增加口感😌重點梗係要加購《進擊の巨人完結篇The Final Season》限定版嘅周邊精品啦😉 🎀人氣角色立牌，係亞加力膠整成嘅擺設，隨餐可以用優惠價加配，一套同樣有四款。🎀人氣角色收藏卡，隨每個進擊の巨人餐點會附送一張，一套共有四款🃏🎀聯乘環保袋，呢個係我嘅最愛，用優惠價$48就可以加配，size夠晒大超級實用，去邊都可以帶住佢㗎🛍️呢餐真係又食又拎，可以食到以進擊の巨人入面經典場面設計嘅菜式之餘，又可以帶走靚靚嘅周邊商品🤗 鍾意進擊の巨人嘅朋友一定要嚟朝聖啦😊
繼續閱讀
《炙・宴》火炙沖繩琉香豚豬骨🍖湯拉麵🍜📍鑽石山龍蟠街3號荷里活廣場1樓131-133號舖雖然呢間店專做丼飯，都有唔少分店，咁啱經過又未試過，而見到佢人気 No.3 嘅產品係拉麵，試一試啦。《火炙沖繩琉香豚豬骨🍖湯拉麵🍜》香味 (4/5)碗麵一上枱，就聞到濃濃嘅蒜香味，隨之而來就係蔥同豚骨味，非常好聞，第一印象好左先。湯 (3.5/5)碗邊嘅左側見到有唔少炸蒜，同蒜油，香味係以蒜味主導冇錯，啖湯飲落蒜嘅身位又冇聞落咁重，豚骨嘅鹹香味同蒜味不相伯仲。豚骨味夠濃，不過少少唔啱口味嘅係，佢應該落左忌廉或花奶之類去加添左份奶香味，我就麻麻地。而蒜油可能重手左d，令到個湯嘅油膩感偏高，少扣分。麵條 (3/5)豚骨湯拉麵，一般配置都會配細直麵，低加水，偏硬會更普遍。不過呢款麵有d顛覆左呢個概念。麵雖然都係細直麵，但似係中至高加水，而比較腍身，同平時响一蘭食到嘅博多拉麵標準配置差頗遠，有d似屯門道配雞鹽清湯款麵。麵味幾夠，面對濃濃嘅蒜爆奶香豚骨湯都冇話蓋過晒，我覺得都算幾夾，不過可能先入為主，我未係太習慣呢個配搭。配料 (4.5/5)豬叉燒係一大亮點。Menu上有提呢款叫”琉香豚”，個名有d比佢拋窒左，所以食嘅時候警介心頗重，食落點知真係有料到。呢款肉似豬里肌，係豬扒常用到嘅部位。因為比較瘦，脂肪唔多，肉質一定冇豬肩肉豬五花d咁腍，口感比較扎實。不過因為邊邊位有火炙過，而調味有用心思，食到生薑味，而肉味夠晒鮮甜，帶些點兒微微酸。呢款叉燒我會比滿分，可能佢調味特別之餘，又對到我口味，我鍾意偏瘦。溏心蛋，稍稍少扣分。唔係因為基本功問題，只係响個咁濃味嘅湯，麵，同豬叉燒底下，呢款蛋調味唔太夠，太清淡左d，而蛋香亦不足。另外唔知係咪午巿先有，免費送左碗沙律🥗。蔬菜嘅新鮮程度，調味，都係做得幾好。雖然我認為呢款麵係夠晒香濃，但唔代表佢太鹹或太甜，反而鹹甜度係剛好，我不經不覺食下食下就食鬼晒，完全冇話大鹹想溝清湯嘅想法。最後當然係完食啦！整體 - 值得推薦 👍👍👍👍呢碗麵比到我最大記憶點係來自塊豬叉燒，我一離開間鋪已經諗緊幾時返頭食，確係令人口味。另外佢嘅腍身中高加水麵亦記一功，而蒜爆白湯亦比到我強烈滿足感。提左咁多好野，係咪冇野彈又唔係，上菜速度真點慢，冇刻意計時但由落單到上菜大概都有15分鐘⏰, ，而當時鋪入面並唔多人。
繼續閱讀
宴炙聯乘《進擊の巨人》推出期間限定餐目佢地全線8間分店化身主題店店內有佈景板可以打卡外 每個角落仲有人氣角色Q版造型嘅蹤影除左一系列主題美食 仲會贈送限定版周邊精品瑪利亞之墻壁の丼以炙燒豚肉鋪滿丼飯上 旁邊配上香菇同葱花炙燒豚肉燒得香口惹味 入口充滿豚脂香氣入口油膩感唔會太重 配埋鹹香帶微甜嘅醬汁更惹味底下飯粒索晒炙燒後流出嘅豚脂油香調查兵團の丼採用2款不同做法嘅雞肉製作以烤雞排配上炸雞 一款丼飯帶出2種風味烤雞扒嫩香又充滿肉汁炸雞炸得香脆金黃 配上特調沙律醬汁味道甜甜地入口唔膩又惹味火炙牛舌牛舌好爽口又充滿牛脂香氣沖繩豬肉煎餃餃子煎得香脆 皮簿餡多餃子餡內菜肉比例平均 充滿肉汁瑪雷特產葡萄汁 & 阿爾敏‧亞魯雷特藍海梳打2款特飲都以進擊の巨人為製作藍本味道好清新 配搭2款特製丼飯好match
繼續閱讀
日式丼飯專門店《宴炙ABURI-EN》期間限定聯乘🌟《進擊の巨人》🌟作為動漫迷唔好錯過！全線宴炙ABURI-EN化身主題店📸店面設1.8米高《進擊の巨人》佈置岩哂打卡影相👏🏻仲有一系列主題美食🍴同限定版周邊精品！好有收藏價值👍🏻🥢瑪利亞之墻壁の丼灸燒豚肉～配上香菇和葱花🔥炭火香十足💕🥢調查兵團の丼海苔配上兩種不同煮法的雞肉🐓雞件酥香！雞扒外皮金黃香脆～飲品都好有特色！色彩繽紛打卡一流🥤瑪雷特產葡萄汁🥤阿爾敏‧亞魯雷特藍海梳打🥰《進擊の巨人完結篇The Final Season》🔥人氣角色立牌一套 (共四款)🔥人氣角色收藏卡一套(共四款)🔥聯乘環保袋 快D來各大門市打卡啦！炙・宴📍鑽石山龍蟠街3號荷里活廣場1樓131-133號舖
繼續閱讀
餐廳門面位置幾闊落，晚市嚟都見到唔少街坊客支持，食物質素有返咁上下！餐牌選擇幾多，主推唔同款式嘅日式料理，連壽喜燒鍋呢啲都有，唔怪得咁多捧場客！近日新推出鰻魚特盛系列，份量足又好食，推廣做到二月尾咋📆，鍾意食鰻魚嘅點可以錯過！-——————————————🍱◖一本鰻魚三吃◗ $168一個價錢可以食到三種鰻魚食法，1️⃣加入山椒鹽試個原味，2️⃣ 加紫菜、青蔥、Wasabi、蘿蔔絲，食落無論口感同味道都更豐富，3️⃣加入清茶變成茶漬飯，帶有茶香嘅鰻魚更看，同事仲可以消下膩～🍱◖鰻魚二重丼◗ $142同時可以試到燒鰻魚同南蠻鰻魚，整體鰻魚嘅份量都好足，性價比超高！南蠻鰻魚先用南蠻汁浸泡，再拎去炸，有一層薄薄嘅炸皮，幾香口；仲有一半係蒲燒鰻魚，將佢拌入米飯入面，焦香嘅鰻魚好黏口，每一啖飯撈佢食都好正🤤🐟◖鰻魚一口燒◗ $62鰻魚切成細條狀，放上紫菜片上面，鰻魚同紫菜味道超夾，再加啲Wasabi，可以辟一辟鰻魚嘅泥腥味，一口落去大大啖，超滿足！🍋◖熱情果檸檬茶◗ $38🫐◖藍莓黑加子梳打◗ $38🌟Encore指數：8.9/10
繼續閱讀