影片
開飯介紹
人氣韓國燒烤店，招牌為燒韓牛，當中以肩胛肉及護心肉最為推薦。餐廳設有遊玩區，適合一家大小共享天倫。
繼續閱讀
營業時間
今日營業
12:00 - 16:30
17:30 - 22:00
星期一至日
12:00 - 16:30
17:30 - 22:00
以上資料只供參考, 請與餐廳確認詳情
有關獎賞計劃
相關文章
👭🏻難得約到閨蜜去食飯，但對方咁啱又要帶住小朋友，想好好傾吓偈，俾我哋搵到餐廳專設兒童樂園，小朋友可以去波波池，廚房家家酒，公仔玩具車車咩都有，大人都想入去玩！仲有小漁夫漁獲記貼紙收集卡，小朋友又食又玩仲有貼紙收，大人又可以輕鬆安心咁食餐飯！餐廳以韓屋設計，有特色仲可以提高私隱度！食物方面，呢度特設四款造型可愛嘅兒童餐。今次就試咗🐸靑蛙蛋卷便當！以天然菠菜汁將蛋卷染色，仲造成可愛青蛙模樣，加上粟米、無骨雞翼及八爪魚香腸，樣樣咁吸引，小朋友仲邊會偏食。🌊海洋妙妙套餐有原隻大雞髀、辣八爪魚、嚴選外群肉、極上半肋條配葸蒜、牛舌，韓式秘製醬油五花肉。外群肉軟嫩，肉味濃厚，油花豐富又多汁；韓式秘製醬油五花肉，肉質鬆軟，夾住甘甜彈牙嘅豬皮，入口唔油膩！燒肉套餐有質素！加埋韓式餐前小食，爐邊蛋，芝士，真係好滿足又豐富，套餐仲包括芋頭煎餅及二人份甜品～芋頭煎餅🫓睇落平平庸庸嘅煎餅，有驚喜！少少鹹配合芋頭天然甜味，非常夾！煎餅脆口，唔油膩，外脆內軟嘅口感有層次，一口又一口食唔停！🍈蜜瓜沁涼刨冰🍧原個蜜瓜加上牛奶味嘅綿綿冰，蜜瓜爽甜，綿綿冰食落透心涼，仲清走燒肉香濃嘅味道👅。
繼續閱讀
趁暑假結束前，一家三囗去「炑八韓烤親子餐廳」觀塘店， 呢度啲燒肉有質素又好味，又有多好兒童餐選擇，小朋友又有玩樂地方。仁川鰻魚（半份）新鮮即燒，包上紫菜，肉質嫩滑，醬汁香濃，非常滋美。 炑八厚切五花腩肥瘦適中，燒至香脆，入口即化，很美味。王者牛肋骨肉汁豐富，燒得軟腍多汁，牛味濃郁，好好食。 梨汁雞腿肉（6件）雞肉嫩滑多汁，帶淡淡果香好清新。兒童餐揀左「衝刺到底小跑車」，內有玉米腐皮紫菜飯，炸金絲蝦，火腿及西蘭花，岩晒小朋友食。飲品係知識雲朵棉花糖芒果特飲，打卡一流，甜甜酸酸好開胃；快樂放學芒果刨冰， 飯後甜品絕佳，份量足夠一家人分享。
繼續閱讀
我個bb開始大啦，識行識走，最鍾意玩同埋食嘢❤️樓下公園、會所都滿足唔到佢🥲今次我同老公就帶咗佢去炑八韓烤親子餐廳，一次過滿足佢2個願望🧞♀️相信大家都好熟悉炑八～食得韓燒嘅通常都會去炑八。呢間分店雖然係親子餐廳，但佢嘅食物質素都好唔錯！我尤其鍾意快樂放學芒果刨冰👅因為入面有勁多泰芒，正！而今日我就想同大家重點講吓小朋友嘅波波池區、兒童餐同埋韓屋設計！✅波波池🛝區呢個area空間勁大，小朋友可以喺度玩波波池、瀡滑梯、煮飯仔、砌玩具、推車仔、睇書📖等等。我個女喺入面簡直玩到唔捨得走😂係都要我哋陪佢係咁玩瀡滑梯同埋煮飯仔！我從來都未見過個女玩得咁開心😝佢開心，我就更開心啦！（更開心嘅係，佢仲可以喺度扭蛋🤩)✅兒童餐大人食韓燒，而小朋友就可以食兒童餐。餐廳嗰幾款兒童餐都勁可愛，而且款式都幾多！我哋就叫咗衝刺到底小跑車，入面有粟米、火腿、飯團，咩都有啲，好啱小朋友食😛✅韓屋設計炑八韓烤親子餐廳嘅裝修超有心思，係韓屋設計嚟，小朋友見到一定好雀躍！就算唔同小朋友嚟，一大班friend嚟食都好特別！下次我同老公放假嘅時候，都會繼續帶BB嚟放電，我哋自己又可以食好西啦！
繼續閱讀
帶住小朋友覓食，炑八韓烤絕對係驚喜之選！由踏入餐廳見到韓屋設計既一刻，已經感受到濃濃韓風同歡樂氣氛，絕對係一家大細放電同滿足味蕾嘅好地方。王者牛肋骨果然名不虛傳，勁大件！經秘製醬汁醃製後烤到外焦內嫩，撲鼻烤肉香，肉質鬆化到小朋友都輕鬆咬得開，甜甜哋嘅味道小朋友食到舔舔脷！梨汁雞腿肉就更加岩小朋友，用清甜梨汁浸泡過，烤出嚟雞肉超嫩滑多汁，淡淡果香好開胃，平衡了油膩感，我個女一口氣食咗兩件！仁川鰻曼魚（半份）魚皮烤得酥香，魚肉質細膩鮮美，蘸上特製醬油甜甜地好好食，仲提供紫菜可以夾住食，好有鮮味。炑八厚切五花腩，肥瘦相間的五花腩在烤盤上滋滋作響，剪開後輕蘸辣醬、夾入生菜，層次豐富，邪惡得黎好正，好似自己燒豬腩仔咁！用生菜包住食，油香滿溢又唔會太膩。最吸引小朋友眼球嘅，肯定係創意滿分嘅特飲同甜品！知識雲朵棉花糖芒果特飲杯頂以彩色棉花糖雲朵點綴，小朋友睇到哇哇聲！一路飲一路食，開心到不得了！快樂放學芒果刨冰係夏日恩物，鋪滿大大舊新鮮芒果粒與雪糕，冰涼綿密。壓軸出場嘅賣萌的元氣兔兔吐司造型可愛，成功俘虜咗我個女嘅心，兔仔造型得意到唔捨得食，烤吐司夾著芝士、火腿同雞扒，及新鮮蔬菜，營養豐富又好玩，旁邊嘅脆薯條當然極速被清碟！炑八韓烤唔單止食物高質，更係一間超級Family-friendly嘅餐廳，大大個playroom任玩放電，大人食小朋友放心玩！開學期去竟然仲送左賀升班卡連即影即有，好有儀式感！無論係食物造型、味道定用餐體驗，都照顧到大人同小朋友嘅需要，絕對會再encore！
繼續閱讀
'平時要帶住小朋友食飯去邊間餐廳真係最難揀, 原來炑八有親子餐廳!!!! 埸內有波波池可以俾小朋友玩, 仲有唔同嘅兒童餐提供, 唔怕佢地唔岩食~🐮王者牛肋骨肉質厚身濃郁，店員幫我地燒得岩岩好，軟腍腍唔會乾，好有牛味！ 🐷炑八厚切五花腩脂肪瘦肉比例均衡，肥而不膩，仲帶點焦香 🌊仁川鰻魚（半份）鰻魚鮮嫩有彈性，帶點炭燒香氣，配埋紫菜同醬汁超夾!梨汁雞腿肉雞肉嫩滑，梨汁令肉味帶咗微微清甜🐻熊力滿滿便當 隻雞脾好大隻，用筷子都已經可以撕開，除咗賣相好得意 整體均衡又有營養🍧快樂放學芒果刨冰冰好細滑! 甜度適中，食完飯加埋個糖水就完滿嚕~
繼續閱讀