炊公館

營業中

休息中

我们两个人叫了两份168的点心套餐，菜品十分豐富，種類很多。服務非常體貼，服務員會及時來斟茶，收空盤，不需要我們叫他們。其中最好味的是叉燒包和小籠包。叉燒包外皮非常柔軟，餡料很香。小籠包湯汁飽滿。

昨天經OpenRice 訂咗炊公館食下午茶，見佢2人餐都係$ 2佰幾，咁就去試吓啦！－去到左邊兩位服務員話隔離呀，呢度阿－鮑魚，咁我行過去右邊嗰個四眼姐姐話隔離先係呀。跟住轉身就行咗入去入邊，咁我定神望一望，啱呀點知隔離阿－個服務員行過嚟炊公館攞起個I pad問你幾多位呀！😡😡😡態度差到呢，未行入去食已經焗到－肚氣！點知－點餐叫佢個下午茶得12舊嘢，我同我朋友每人六舊，當然唔夠飽啦，好似－陣風咁就話收$300、咁上得嚟都食唔飽咁都焗住叫啦！咁就叫多三個點心，－個蝦多士，又乾又細塊要$178，心諗中伏，－個係鮑汁冬菇炆鵝掌2件（$80）呢個就好食啦，個鮑汁同鵝掌都好食，另一個灌湯餃，$6X,足料湯底夠清！但係個侍應好搞笑囉，攞個灌湯餃埋嚟匙羹都冇一隻，心諗用手食呀！同埋正常都會跟碟紅醋又冇跟？，見到你兩個人食都唔會話俾隻碗你，你問佢攞佢真係跟一隻碗同一隻匙羹囉！成張枱兩個人開胃去到最尾碟灌湯餃嚟！一隻匙羹都冇，我覺得依啲做侍應係好基本嘅知識，正常人都應該會諗到㗎啦！如果茶餐廳咁樣嘅質素，收酒店嘅價錢，我覺得就真係好唔值得囉！呢間絕對唔會有第二次再嚟幫襯！

又唔係唔駛比錢！唔該請過班有禮貌嘅工作人員啦！工作壓力大，就返屋企，咁多客係度，兩個女員工用晒粗口對話，－個係門口四眼小姐，－個係短頭髮嘅女同事。乜做午市套餐同下午茶令到你地工作量好大，做唔切咩？唔見得呢？永遠招手不見人，叫個男經理攞個餐牌都要三催四請，整個下午茶只有圖中個雀籠個六款點心，每樣兩舊，只有鮑魚酥叫最好食，其他又普通又唔飽。所以散叫咗個蝦多士，唔掂，外貌唔討好，又唔脆，灌湯餃好味，個湯夠清夠足料，另外叫咗個鮑汁冬菇鵝掌，呢個掂，鮑汁扣得好好👍🏻、鵝掌亦好入味！整體來講，食物質素係有嘅，反觀員工真係冇－個得，服務態度差，又冇禮貌，我唔清楚貴公司點樣對員工，但員工係公司嘅資產，要令員工有歸屬感提升質素方為上策！

叫左個tea set, 坐窗邊對住個海，呢度環境一流，食物幾好，但服務真係唔係好得。餐廳入面服務員都ok，但門口個四眼阿嬸真係好趕客，攞個位姐，句句都係度質問你咁，想點？坐低後，叫左個二人tea set前菜個火雞沙律同炸蝦多士幾好味。其他一般，有隻餃食完都唔知係咩，個味怪怪地。整體份量偏少，性價比算低。如果為左個景同打卡影相，可以一試。但預左冇乜服務同食物只算係合格。甚至見到門口個帶位阿嬸可能已經激到想調頭走。

昨日經openrice訂位在炊公館午膳. 諗住同老婆試下在高檔中菜吃個聖誕午餐.但卻得到一個非一般的體驗，食物非常一般，似屋邨酒樓, 上枱時只是微暖.服務差，以一間高價中菜餐廳完全唔值!個帶位安排我坐一張在正中的方枱，似坐在孤岛,張枱好细，嗰時十二點,周圍大把枱，我同經理講想換過張枱，“吓，我唔知喎，你自己同帶位講”，我問佢帶位喺邊，“出面囉”於是我戴返口𦋐行出門口，但冇人喺度，行返入去時個經理指指隔離張枱,示意我坐過去。坐底後差不多半個鍾都冇嘢食，然後有個女仔放底碟點心，以為始終有嘢食. 但點知個經理走來粒聲唔出一手拎走咗,放咗去另一張枱，一路行一路自說自話,話個女仔放錯咗.但完全冇對我講任何嘢，sorry 都冇聲.全程黑面，我谂極唔明，呢間好似話係屬星级，點會咁？個Menu話我食個餐3百幾/位,而家特價168.以為好底,點知啲質素比X匯一樣,人地起碼啲嘢夠熱,佢只是暖暖地! 性價比非常低! 個餐只是點心,莫講話原價,而家特價都完全唔值.冇下次!

去得I square 樓上啲餐廳晚餐其實預咗都一定貴但貴唔緊要 係食得好-唔-值！沒有服務可言！只忙着招呼房內顧客 餐廳顧客亦唔多連咁基本點5道菜 唔複雜 都可以漏單去到最尾仲等緊先話原來冇落！男服務員態度差！上菜速度慢！每次只上一道菜 食完仲要再等好耐先到下道菜坐咗成粒鐘先飲咗碗湯同幾條菜啲茶凍哂都冇人加水龍蝦伊面唔好食 成pat野 食物份量小 菜煲只得幾條菜 湯羹只係一般野唔值呢個價 片皮鴨限量供應食唔到以後不會再光顧。

今次黎到尖沙咀I square 食炊公館，seafood love sake系列的套餐價係$338 包括麻辣鮮鮑魚配日本清酒 若駒 美山錦70無濾過生原酒。鮑魚好大隻，用左麻辣醬汁烹調，好開胃！愛辣人士必食，鮑魚一d都唔un, 易咬又嫩！配埋日本美山錦生原酒，甜甜地好清新，口感順滑👍💕 用埋佢地配超靚既sake小酒杯，好岩打卡影相用，仲有小量海景架！除此之外仲有其他套餐都好抵食，下次想食北京片皮鴨🙈睇落好似幾吸引咁。

近排成日去揾有參加「SEAFOOD LOVES SAKE」嘅餐廳，因為佢嘅海鮮煮法、揀嘅清酒配搭都好好，絕對可以令食材加分😍今次嗌咗麻辣鮮鮑魚😍配若駒美山錦70無濾過生原酒無加壓 $338肥美香滑嘅的鲜鮑魚，用麻辣醬汁細心烹煮，食落去條脷feel到麻麻地，刺激感十足😂 建議享用時要切開佢‼️ 咁先可以細嘗佢嘅辣汁😉 支酒我見過都要$300左右，所以呢嗰餐都好抵食，支酒帶香蕉香氣🍌，入口有一股清新的酸味，之後結尾留下溫和的甜味🌸 可以做到啲中和作用🤗 絕對可以一試🫶🏻

一間不知所謂嘅酒樓。星期日book咗1130 ， 1125去到，還喺度set緊枱。叫我哋等等。但間酒樓係應該1100開始。等到1134 ，問佢可否俾我哋入去坐低先，佢話要再等等，仲問我現在幾多點，我話已經1134 。我哋可以坐低先，你可以慢慢石枱。佢都一樣唔俾。結果我哋冇飲茶，就走咗去啦。建議大家真係唔好去。服務員態度十分之差。

很久沒有吃點心，於是到這兒叫了點心下午茶套餐，再度光顧是因為之前在這兒吃北京填鴨餐，CP 值算不錯。今次卻是失望而回。套餐原價$168包括：高湯松露小籠包焗叉燒包脆皮燒腩仔西班牙豚肉燒賣筍尖鮮蝦餃原隻南非鮑魚酥鳳凰香煎珍珠雞蔥油麵仲有甜品紅豆沙坦白說，大部份點心的味道品質都非常一般，燒腩仔更是🫣🫣。鮑魚酥算是比較好味，但都是一般。但值得一提的是服務質素不錯，地方舒適及有海景，若想輕鬆地與好友chit chat, 倒是不錯的選擇。 今次我用了open rice 的coupon . $25 可當 $50用，平均消費每位$130 ， 所以即使食物質素非常一般，可以靜靜地望著海景嘆茶，算是超值的😆 但若沒有coupon，CP值就😅

I enjoyed the atmosphere in the restaurant as there was a good crowd even very early on at lunchtime. Service was attentive and the views from the restaurant were amazing, even though our table wasn’t by the window, it’s spacious and airy. Disappointed as I found the dishes of steamed dimsum was limited, and the food that was served to fill us up, ie rice and noodles were not even tasty or special in anyway. The noodles were something I can make at home, and the sticky rice dumpling had no int

呀媽生日話鍾意食片皮鴨同長腳蟹，所以揀咗依間餐廳試下，可以容納到一家大細！服務態度好好，充滿笑容咁帶位，又會成日斟茶同睇你有咩需要，我地分咗兩張枱，佢上菜前都幫我地分番開兩邊，唔洗自己搞。叫咗兩款茶飲，一壺菊花，一壺人蔘烏龍，烏龍勁好飲，個種回甘好似以前係台灣九份買過嘅烏龍茶，令我好驚喜，仲有個蠟燭暖住。叫咗隻長腳蟹兩食，鹽燒同避風塘，鹽燒就好鮮味，避風塘啲炸麵包糠好啱我依啲重好味嘅人！仲叫咗啲小食，不過我做細嘅無負責落單，所以唔係好知啲餸個名，有炸豆腐（勁熱又脆又滑），百花釀大腸（好少地方有得食，都幾特別，開頭我以為係炸番薯d fd🙊），口水雞（惹味又唔辣，小朋友都啱食），川味生蠔（好大隻又乾身又鮮味，值得一試）片皮鴨真係幾正，又脆又熱，我仲加咗避風塘啲炸碎落去，好啱feel🤣隻鴨殼就用涼瓜煮，味道都唔錯！因為呀媽鍾意食西米焗布甸，特登問餐廳可唔可以幫我地整個大嘅當生日蛋糕，佢又肯幫手，我媽見到不知幾高興😌😌依到出名景靚，個日天色一流，影下相睇下夜景都幾開心🥳環境又舒服，呀媽十分滿意😎

與朋友慶生，她想吃點心，便在炊公館訂了午市點心套餐。除了點了明火熱着壺茶(點了烏龍人參茶)讓人回味外，無一能讚。點心平平無奇，最敗筆是全部不是熱騰騰。頭盤是一件燒腩仔及一件腐皮卷。燒腩仔比較肥，皮亦不脆，要費勁去嚼。腐皮卷一般，沒有讓人垂涎。叉燒餐包送到是涼的，不好吃。鮑魚酥稍為好點但無驚喜，蝦餃燒賣亦較稻香差，䓤油麵及糯米雞(煎餅)只是填飽个肚。最後的紅豆沙亦只一般。侍應倒有礼，個景亦開揚，如果每位用$200多元(HK$206.8)在美景下嘆茶傾計，相信还有其他更性價比高的選擇。其實食物款式及數量不用多，精緻及逐一熱騰騰端出來。最後失望而回。

今日同呀媽黎食個點心下午茶，入到黎見到個景係靚既，仲咁岩見到半島有直升機降落 👍即刻落order，影相，之後等食啦！點知等左20分鐘，仲未有野黎，我見我後面果枱遲黎既都有野食，我叫個經理跟一跟我張單，佢同我講有蒸有炸要綜合埋一齊要d時間，我等多10分鐘仲未有，我搵第二個經理講，佢即刻出晒d野食，個女侍應話整好左無人拎出黎….我都唔個比咩反應佢好….重點黎啦，下午茶都係食個 feel, 張圖係有個籃裝住比人影下相，我見其他枱係有既，我等左半個鐘最後佢好似酒樓咁出我，普通蒸籠，分開一碟碟酒樓d點心碟比我大家如果想黎要做定心理準備，我就唔會再黎，完

朋友生日飯想食好少少，見到個view 好靚就book 左呢間餐廳，抱住一試既心態黎左。食完真係覺得對唔住朋友，啲野食頹過屋村酒樓既標準。唔係haters 有相為証，其實食飯不嬲都唔影相，但真係太差忍唔住要share，大家就睇下啲食物頹成點。叫左個砥礪奮進25載套餐初初嚟咗個冷盤（水晶餚肉、蜜汁叉燒、煙燻素鵝）係三粒野黎都覺得服伏伏地，不過冇影相之后係（翡翠雙子星蒸豆腐） 一粒帶子戒開左一半 放左係兩舊百福蒸煮豆腐上面 其實開始嬲嬲地 心諗點解同我自己係屋企整既放工頹飯一樣？ 不過都係冇影相鳳梨鮮蝦球，呢個好食👍🏻隻碟仲係熱添，炸得好 沙律醬好味 而且我不嬲都中意食地mun 罐頭菠蘿。 因為上面幾樣嘢都係伏嘅、所以有開始影相記錄嘅念頭、有相為証🤟🏻頭抽香煎魚球其實唔係魚球，係薄薄既一塊魚 都煎得幾好食鮑汁波蘭鵝掌夭白菇早兩星期係樓下飲、樓下彩薈軒好食啲芥藺炒魚崧呢個真心嬲 又係我自己煮嗰啲頹飯，魚片炒芥蘭 佢仲要煮得咸過我食物份量可以自己評價下海參黑松露醬油撈蒽油麵唉，我唔想彈得太多成個西客咁，你地自己睇相啦最后係甜品係一粒椰汁糕，一塊杏仁酥正常味因為係星期日食既 所以加30蚊 六位埋單