炉端金 (已結業)

放題食過好多間，呢間係其中一間我會返頭食既。👍🏻之前兩次都無加錢食埋燒肉，今日見凍凍地就加幾十蚊食埋個燒肉放題，會員有八折。計返三百幾蚊都ok既🙈首先黎d刺身，新鮮就一定架喇，特別要提魷魚有驚喜，平時唔食開魷魚既我都覺得勁好食，要encore！燒肉方面一落單無耐服務員就送左一碟海鮮黎比我地燒。睇住d硯燒到卜一聲開左果下最開心🙈蝦麻麻地，可能我燒得唔岩火候🤔🤔燒肉類質素都ok既，但唔會及燒肉店咁多唔同種類同級數選擇，不過下次再黎應該會主攻日式放題🤤，唔加燒肉。卷物炸物熟食老梗野唔多講喇，保持到水準。服務員一見到我寫完落單紙係台面就會主動過黎收，呢點值得一讚👍🏻而且最重點： 食幾次都完全無漏單！放題最怕嗌左好耐唔黎原來賣哂但無通知搞到係咁重複入單🤦🏻‍♂️甜品有movenpick無得輸，可惜無Tiramisu 味，如果唔係一定唔只食一杯🤤🤤🤤寫住咁多先，黎食記得做會員呀，食夠唔記得幾錢加廿蚊就做到，拆左抵食👍🏻

夜鬼係尖沙咀癮起想食放題～呢間十點後$300埋單有刺身串燒燒肉包清酒任飲。刺身尚算新鮮；串燒十多款香脆惹味；燒肉選擇唔多，但係香港食單點燒肉太貴，放題過口癮剛好😂清酒大樽裝平貨，水準算係咁👌🏼裝修日系，地方無一般放題店咁狹促，會再來👍🏼

係呢區，只要你係午飯時間行慢左小小，心水餐廳就入啱到架啦。但呢間呢重未試過晏小小去而冇位既。今次再去食，個午餐轉大份左，飽到夜晚。有烏冬，刺生同，湯，同甜品。係可以揀既刺生當中，三文魚刺生食最好味既，平日我好怕三文魚太油太肥膩既感覺。烏冬佢有幾種湯底。有豬骨湯，番茄湯底。兩種都食過，番茄特別D，食呢款要快食，烏冬好易吸曬D湯。番茄重新鮮既。

有次行過經過見到餐廳環境幾靚 有bar枱睇住師傅燒串燒 羊架等等 於是就book左聖誕節食 但完全係華而不實$300幾蚊比d甘既質素我 我寧願去mk食放題先講講人手方面 係極度不足明明都吾係full哂 有d一早book左枱既2人客會比佢地坐4人枱 但野食係上得太慢 差吾多一個鐘先上哂一round野食 而且我見有客人問侍應拎較剪 問左2-3個先有人比佢 我見其他食評話佢會上左蟹腳先 但我地食完第一輪先上 呢d頭盤吾係應該坐低就上架咩？ 有d客上先 有d客遲d先上 好明顯係人手問題再講下食物方面送個個蟹腳得咸水味 蟹肉又鞋 又冇蟹味 而且我地2個人 送個2隻蟹腳size係差成一倍😂 刺身方面 我覺得得雪左好耐既冰味 但我吾係好好刺身 所以吾評論甘多熟食就真係勁嬲 平時放題我最愛既燒菠蘿竟然係凍嘅 完全冇燒窿過嘅痕跡 喺串燒方面第一輪還好 有落鹽加調味 而且都燒得幾好 但係第二輪就差好遠好似冇落過調味咁 牛肉好(銀）又唔夠熱之後仲嗌咗個北海道海鮮鍋 食完覺得好口喝 重味精 仲有炒野菜 但係都係得個咸字而且好油最後係甜品佢有Haagen-Dazs雪糕同movenpick同一粒粒獨立包裝嘅雪米糍

食物水準服務都有四分，落單到上菜速度都幾快值得讚一下梅酒，和牛，如果即時加入會員就可以即時享有八五折，都十分划算。我一家三口冬至去吃，雖然忙但都沒有錯漏。雪糕和飲品也十分有水準，魚生都新鮮。

今次朋友仔唔開心，所以我地去左尖沙咀一邊食一邊傾，於是就去左一間我曾經食過一次的放題店開飯。每位食客都會送一條長腳蟹，跟據食經驗，送一次的食記都係高質。果然無估計錯誤，蟹腳好厚肉，仲非常鮮甜！食放題當然要一坐低就叫刺身！刺身的選擇都好多，有兩張紙可以揀！刺身新鮮，而且好厚身！特別要Highlight的係刺身蝦，Size一D都唔細，而且都係好鮮！我們之後都Encore左一次刺身拼盤，每種魚都好正好肥美！雖然叫壽司要食飯可能會加速飽的感覺，不過餐廳的炙燒壽司真係太吸引了！除左有蝦、蟹柳、左口魚裙邊、牛肉等。其實飯的份量唔多，大家都可以放心叫D食下！ (笑)鵝肝手卷都係一個唔錯的選擇。炸物都有好多選擇，不過d粉厚左DD。爐端燒燒得好香，最欣賞的係牛舌，我不停Encore！雪糕有Haagen-Dazs、Movenpick及雪米池可以揀！甜品仲有d小蛋糕同乳酪，不過我太飽食唔落了。跟據我的玻璃腸胃，刺身非常新鮮。食物種類多而且好食，下次要食放題會考慮Encore。最緊要係order一張都無Miss到，值得一這讚！

有人生日，一大班人約食放題，朋友推介這間，因為訂位時發現雖然限食兩小時，但並非硬性規定開始時間，因此不需要太早或太夜食，可以訂晚上7:30這個黃金時間食放題!店員很友善，我們早了少少到，未齊人，他叫我們先坐下，夠鐘先開始計時。而又應該明知我們一定會點刺身，就跟我們說會先幫我們出一ROUND，其他的我們可以自行再點。刺身最正的是蝦，大大隻，但螺則很腥，其他的都幾OK。壽司也很好，上菜的速度也很快，起碼軍艦壽司的紫菜還是脆的。如果有人生日，記得於訂位時講明，就可以得到麵包蟹一隻。串燒則最出色，雞翼和牛舌最最最推介，燒得乾身之餘但仍然有肉汁，好好味!燒羊架則略嫌太熟。炸物大致OK，但覺炸魷魚的漿粉炸得太厚太太硬。喜愛榴槤的朋友一定要食炸榴槤丸。雪糕及罐裝飯品任攞任飯，也有梅酒及熱茶任飲。總括來説這裡的放題食品比平時食過的選擇較少，但座位不逼不窄，即時付$20做會員更可以立即全單八折！

有次行過見到都幾日本feel，於是乎今日就黎試下，其實有點普通（收得甘嘅價錢），不過就多d魚生款，同出面唔同嘅係多咗一客free比你嘅高級海鮮。👆呢客海鮮係佢送嘅，枱枱都有（可能多謝你申請佢個member卦😂😂😂👈因為申請會員卡要pay廿蚊）其實so far D食物係ok嘅，亦都好多品種，只不過係覺得有地方需要改善，尤其是手卷方面，我都明想做得精細d,唔想浪費，但係甘小送嘅手卷我就真係第一次見🤤🤤係咪有d唔岩比例呢？？？

上星期六晚去K11 附近行行下想食拉麵，咁就無情情去咗哩間食送嗰碟蟹腳好咸刺身A1 嗰張紙嗰選擇麻麻地，油甘魚鯹，三文魚有骨，赤貝偏咸刺身A2 嗰張紙嘅嘢食質素好好多，我地食咗兩輪象拔蚌嘢飲同甜品都係自己拎，選擇多，日本啤都有，朱古力同好似咖啡味嘅一口蛋糕都好味，雪糕有movenpick, Haagen-dazs, 雪糕糯米糍榴槤控必食榴槤炸彈，聞好似無乜味，入口就好香鵝肝手卷粒鵝肝細得可憐清酒蜆唔重酒精味，唔錯，老公唔受得酒都幾乎食曬兜蜆拉麵估唔到咁大碗，唔係死咸，好食，不過得兩片和牛其他哩質素都平均唔錯做會員唔記得邊啲時段有折，有優惠

某日行過（2017年7月），見到門面幾靚，本身諗住試下食，但當時已經19:30，如果食19:45，每人要$298加1，見餐牌寫17:30食，只須$268加1，咁就諗住下次早d來試。book左9月頭去食，但待應話改左時段，18:00先開始，$328加1，做會員（俾$20會費）可以有85折，另外加$48有爐端燒，埋單每人都已經$370左右。入正題，待應安排左6人死角卡位俾我地，環境寧靜，但有時都要等下先有待應行過，死位冷氣太大，風量太大。服務一般，個個待應，不論送食物又好，收單又好，連埋個單都感受佢地無乜待客之道，無笑容不特止，仲無乜禮貌。最不可理喻既係，食超個1個鐘既我地，竟然呢個時候先發覺有左A2刺身既點菜紙，係因為我地見到旁邊d人有d刺身款，我地係無，我地去左後面張無人既枱搵下仲有無其他點菜紙先發現。另外，加$48既爐端燒真心覺得好唔掂，得個幾款肉燒，又唔係特別出色，要爐端燒都係去返真係爐端燒仲好。食物方便，所以食物都無黎味道，刺身無味又唔太新鮮，唯一覺得好食既只有燒翠肉瓜。個人口感（5分滿分）刺身三文魚 2小貝柱 1甘海老 3赤貝 1鮑片 2八爪魚 2象拔蚌 3北寄貝 3赤蝦 4生

今次一行六人又去食放題慶祝生日!朋友介紹呢間爐端金，店距離尖沙咀站一點都不近，要行約十至十五分鐘。紅磡站行去也差不多，不過人流較少，相對會易行啲。店面設計好日本風，有獨立卡位，適合六至八人坐，間格舒服，可以傾下計唔嘈吵。👍👍因為朋友生日，我地有個蛋糕準備，點知我入到去同店員講幫忙雪蛋糕，佢竟然同我講有蛋糕要早半個鐘cut 單😲我心諗唔係掛…得120分鐘食仲要早半個鐘截單…但都無計啦😔…野飲方面其實都好多選擇，雪櫃普通可口可樂，C.C , 利賓納都有，仲有鴻星楊枝甘露同荔枝玉露。不過楊枝甘露補得好慢，我入去時已經無曬，食佐成個鐘先補返🙄🙄🙄成櫃啲野都係甜既。出面仲有清酒同茶自助☺️甜品方面都好多元化，有芝士蛋糕 (雪到冰硬)朱古力蛋糕，乳酪，木槺布甸(勁多cream)………其他都還可以的!仲有哈根達師任食！仲有雪榚滋滋食👍👍👍食物方面，黎既時間比較耐，份量都無寫咁多，刺身總括黎講都係新鮮同大件底食!!串燒方面比較淡而無味，可能想突出鮮味但又好油…另外都叫佐個地獄拉麵，朋友話幾好食!壽司細細粒唔錯，口感同味道都好食👍炸物夠熱👍如果唔夠仲可加錢食燒肉，不過120分鐘的確唔夠時間做咁多野，燒得黎

生日有朋友請食飯，佢住尖沙咀，建議試下呢間放題。 我地12點半去到，午市放題90分鐘$195 加一，侍應問加唔加錢試燒烤，一場黎到決定加$48試埋爐端燒之後侍應帶我地去位，有講解雪糕同飲品先取，水同茶放邊。座位比起其他放題寬敞同無咁嘈，可能星期六下午唔係太多人食放題，同埋我朋友話之前呢個位係日式餐廳，用番原本個裝修做放題。點菜好似一般放題填點菜紙，食物種類亦差唔多，只係多咗加錢嘅燒肉，燒肉menu 有澳洲和牛同五花腩，其他選擇有牛舌、雞翼等，同本身任食裡面嘅燒物差唔多，建議唔需要加錢食，因為根本無乜時間燒。放題食物方面質素唔錯，飲品種類亦多選擇，有汽水啤酒，最正係雪糕有3款movenpick 同一款haagendaz，仲有一款租筒。 下次食放題會再揀呢度，貪佢唔使上樓同無咁逼

星期一放工搵食，朋友突然話想食日式放題~我即刻有幾間名單喺心中，一間近我放工喺荃灣但唔近佢，一間地點偏遠d喺觀塘，一間係赫德道，另一間就之前同d朋友仔食過宵夜時段，超抵食又好味，mark低咗可以encore!! 加上地點就腳喺尖沙咀，又無限定時段，入座起計2 hrs！其實呢度仲可以加錢食埋燒肉放題！不過我唔好牛，所以都係食普通日式放題！打電話去問有位，放工即刻飛去開餐！呢間放題主打爐端燒，今次坐bar 枱，雖然對住燒烤爐但一d都唔油煙，仲成日聞到好香嘅串燒味~呢間放題其中一個好就係室內環境闊，落坐得好舒服，唔似旺角果d放題，坐到密則則，唔好話搵個位放下嘢，就連個人肥d都放唔落！齋睇d點菜紙就已經好吸引，好多野食~而且刺身仲分A、B兩張！仲有其他壽司、卷物、前菜小食、燒物、炸物、天婦羅、拉面...等等！說時遲那時快，侍應已經奉上阿拉斯加長腳蟹一客！我其實聽唔到侍應講乜，不過佢放低我就食啦！哈哈哈！我估係每人送一隻腳掛！肉質幾甜，有海水味但唔喊！好味！如果有得encore 就好lu~~佢實蝕本！跟手我就行去飲品櫃攞嘢飲，上次見到有鴻星楊枝金露/荔枝玉露！但轉頭就無晒，原來佢每樣只放10幾枝

二人同行，晚上8點幾入座，無咩人排隊，入座後每人送一隻長腳蟹，飲品種類多有清酒任飲，但食物種類太少，每種只有5至8款選擇，食物質素好差，無咩特別值得推介，燒物一時淡一時咸，羊架硬乾，就連最簡單炸雞翼都可以吳好食，刺身唯一最正常。每人埋單320，整體差過旺角那些放題。

食五點半果輪，258蚊，送咗三枝長腳蟹腳。加咗48蚊一心諗住自己燒和牛食，但D澳洲和牛淡茂茂，雪都未融曬就攞出嚟，雪花欠奉，一D牛肉味都冇；牛脷都係好淡味；已經醃好嘅韓牛普通普通。D剌身先離譜，全部都似雪得太耐冇曬鮮味，象拔蚌鬼咁腥，只有鮑魚片刺身比較似樣。燒物反而幾好，榴蓮波波好好食，燒蝦都幾新鮮同大隻。飲品選擇都多，但冇邊種好味。一句到尾，完全唔值258+48衣個價錢，同旺角百零蚊嘅放題質素差唔多