灣仔順記秘製魚蛋

營業中

休息中

灣仔順記秘製魚蛋(香港)地址: 香港灣仔灣仔道93號地舖上完堂，第一件事唔係返屋企，係去醫肚！行到路口過馬路，見到有人手上拿著雞蛋仔，都好耐無食，腦中即轉signal 叫我搵，望兩望即見到啦$12 一底呀 ，絕對係平絕港島區，而家有一底原味最平我食過都要$20！味道同食開架雞蛋仔差別唔大，而質地就脆身，見住姐姐即製，拿上手熱辣辣，中間蛋糕質地鬆軟可跟，唔太甜$15 夾餅都係超抵，大量煉奶花生醬，香噴噴😆行過都要食！呢個喜歡多醬同姐姐講，好好人抹左好多比我睇問我夠唔夠添$10 5隻餃子，要了韭菜豬肉，都多餡，即$2 隻平到笑

灣仔港式小食店，主打平價又地道的香港🇭🇰風味。招牌 $12雞蛋仔，即叫即做，熱辣辣🔥，外脆內軟，有蛋香，比較似蛋糕仔；$15格仔餅塗滿花生醬、煉奶和牛油，香甜酥脆；而 $10/5隻的煎餃（粟米豬肉/韭菜豬肉）餡料飽滿，煎得金黃香口，配辣醬更惹味。 長洲糯米糍則以風味聞名，$12起提供超過15款創意口味，如 特大芒果🥭糯米糍、貓山王榴槤、珍珠奶茶🧋、芝士🧀 及 楊枝甘露等，外皮薄且煙韌，內餡豐富，甜品控必試。

這間小食店位於灣仔，主打各式各樣的港式美食，所有食物均每日新鮮製作，部份更即叫即製，價錢定位親民貼地。開放式廚房能欣賞到製作過程，有得見的乾淨衛生。雞蛋仔 - $12原味雞蛋仔呈蜂巢狀，邊緣酥脆，而中間其中一面中空脆口，另一面則如蛋糕般柔軟，有著濃郁的蛋香味。格仔餅 - $15外脆內軟的格仔餅本身有著濃郁的蛋香味，再淋上牛油、砂糖、花生醬和煉奶，鹹甜交織好滋味。大餃子 - $10煎餃子外皮酥脆富嚼勁，飽滿的內餡分別包裹著香甜的粟米豬肉及清香的韭菜豬肉。芒果大糯米糍 - $19長洲名物的傳統糕點。軟糯煙韌的糯米外皮，包裹著大大塊鮮芒果，香甜又多汁。

今日去咗會展行完寵物展之後有啲肚餓，經過灣仔道這間灣仔順記，聞到陣陣的雞蛋仔香味，而且價錢只係街坊價$12一底，估唔到灣仔而家都有咁平嘅美食！～雞蛋仔外皮金黃酥脆，裏面又軟又彈牙，仲有香濃嘅雞蛋味，唔會過於甜膩。～ 格仔餅都只係$15，充滿港式嘅味道，外層烤得香香脆脆，內層軟綿綿，口感層次豐富。～呢度仲有$10/5隻的餃子🥟可以揀 粟米豬肉餃及韭菜豬肉餃子，餡料豐富，豬肉鮮嫩多汁，作為下午茶小食，醫下肚真係唔錯！

灣仔順記主打港式小食，食物款式眾多咖喱魚蛋、雞蛋仔、魚蛋、燒賣、格仔餅、餃子通通都有得食！價錢相宜好抵食！今晚收工經開來叫左雞蛋仔、格仔餅同餃子全部即叫即整！餃子煎到金黃香亂，兩款口味：粟米豬肉同韭菜餃配埋辣醬勁惹味！雞蛋仔外脆內軟；格仔餅超足料加入花生醬、砂糖、煉奶牛油🧈好香口宜家仲要做緊街坊價！雞蛋仔$12、格仔餅$15大家經開灣仔要來試下呢間港式小店！灣仔順記📍灣仔灣仔道93號地舖#港式小食 #香港博主 #街頭小食

經過灣仔，見到有間小食店門前人頭湧湧😁，好多街坊遊客排曬隊，望下店名叫順記💝，招牌原味雞蛋仔只是12元，好耐都未見過咁平。🌟🥰我都買咗一份試吓，即叫即制，新鮮熱辣辣，入口非常香脆，🥚雞蛋味濃郁。店員話間中雞蛋仔會有朱古力味🍫，今日就冇，所以我就再叫多底格仔餅。🧇格仔餅就15蚊都好抵，勁大份，脆卜卜，滿滿花生醬同煉奶。另外，佢哋有煎餃子，試咗粟米同韭菜味，自家制好足料。😇灣仔灣仔道93號地舖