52
16
17
港鐵尖沙咀/尖東站 P1 出口 繼續閱讀
所有分店 (2)
電話號碼
27338751
開飯介紹
灘萬日本料理餐廳布置高雅,總廚精心烹調新鮮、新穎的日式料理。客人可選擇在餐廳大堂用餐,或在鐵板燒和壽司吧旁用餐,並欣賞大廚烹制過程。餐廳還可為客人的商務宴請或家庭聚會提供舒適的私人包房,並帶有單獨的鐵板燒房間和塌塌米房間。 繼續閱讀
特色
浪漫情調
同客食飯
適合駕駛人士
適合大夥人
慶祝紀念日
營業時間
今日營業
12:00 - 14:30
18:30 - 22:30
星期一至日
12:00 - 14:30
18:30 - 22:30
付款方式
Visa Master 現金 AE 銀聯 JCB Diners
其他資料
網上訂座
餐廳運作模式 - C類 詳細介紹
Wi-Fi
酒精飲品
自帶酒水 詳細介紹
切餅費 詳細介紹
VIP房 詳細介紹
泊車 詳細介紹
電話訂座
賞訂座積分
加一服務費
有關獎賞計劃
招牌菜
懷石料理 刺身拼盤 調理長特製海膽布甸 吉野煮日本黑毛和牛伴時令素菜 特選壽司拼盤
食評 (96)
等級4 2021-06-23
1529 瀏覽
尖沙咀食日本嘢好多人都推介雲海,我自己都食過幾次,但係我反而鍾意呢度多啲!呢度嘅感覺闊落,裝修亦都係以香格里拉嘅作風咁靚呢度好有日本風味,未入門口已經見到着住和服鏡侍應喺門口接待,好有日本,成意十足!酒店質素來講,呢度嘅午餐食lunch唔算好貴,仲要有好多配搭,而且每分都唔係話的丁屎咁多喺燒魚餐同埋Choi餐入面,我揀左勁耐,因為我唔食天婦羅所以揀咗燒魚!但係其實第一個餐好似幾開心,因為有埋刺身食而且亦都有一舊燒魚銀雪魚西京燒超好食,甜菜蒸蛋、日式汁煮菜、植物等等全部都好好味,我最鍾意每樣有少少咁樣食,所以今次食得超級滿足!將來都一定會再嚟啊!呢度附近嘅客人有好多外國人,可能因為酒店嘅關係!我哋後面嗰台仲有日本人😳😳佢想去日本呀!不過佢一去呢度都可以令我舒緩吓,超級鍾意另外,我想講燒魚餐嘅沙律都好新鮮有驚喜超級超級推薦 繼續閱讀
(以上食評乃用戶個人意見 , 並不代表OpenRice之觀點。)
等級1 2021-06-06
1032 瀏覽
呢一晚係慶祝父母嘅結婚週年,因為有一段時間未食過高質嘅日本餐,所以就決定係嚟日本百年老店Nadaman 響香港開嘅第一間分店試食鐵板燒。是日選擇咗 $780嘅 「舞」套餐 (Beef Course)。前菜首先嚟咗個野菜沙律配日本胡麻醬,同埋浸係日式高湯(Dashi/出汁)入面嘅菠菜。個沙律係放係一個冰凍嘅碗入面,所以由上菜到進食期間嘅時間都能夠保持低溫。同時,所有嘅菜葉亦非常新鮮同埋爽脆,同甜甜酸酸嘅胡麻醬撈埋一齊極之開胃,既有驚喜又好味 😋!另外,個暖暖地嘅波菜係Nadaman 嘅經典前菜,同之前係東京食過嘅都係同一水準,尤其係日式高湯嘅柴魚味道好突出,實屬不錯。跟住就上咗第一道鐵板燒嘅菜式 —— 大蝦 🦐。每人分到三件蝦肉、一個蝦頭 (膏)、同埋壓扁咗嘅蝦腮,個人認為份量都算OK。蝦肉鮮味十足,調味份量亦恰當,唯獨是過熟咗少少,所以肉質介乎彈牙同韌時間,還可接受。蝦頭的膏充滿蝦油,非常香,好食。蝦腮就有啲似日本嘅蝦餅,好脆同蝦味好足,都唔錯。接下嚟嘅就係帶子。帶子嘅 size 都頗大,算係對得住呢個餐嘅價錢。帶子嘅表面上有焦糖化,內裏就煮到大概8成熟,同蝦一樣都係鮮味十足。帶子嘅汁係由清酒、牛油同醬油調配出嚟,能夠同帶子嘅鮮味達到相輔相成嘅效果,令到整個菜式感覺上更為完滿 ✨。帶子下面就有啲海藻,攞嚟索汁幾好味。圖中係帶子對上少少有一件好細粒白色嘅物體,嗰個就係帶子嘅肌肉 —— 平時煮西餐就會一早丟咗佢,而事實上雖然佢食落的確係有丁點兒韌,但係𡁻耐少少就會發覺佢其實係最甜嘅部分,好好食 😋!(多得鐵板燒師傅教落,證明酒店服務真係好真誠同親切 🥰。)之後就係食主菜 —— 薄切美國牛肉。每人有6件牛肉卷,牛肉肥瘦均混,食落口係出乎意料地嫩滑,CP值幾高,可惜鹽同胡椒調味方面略為不足。除此之外,可以蘸嘅醬有左邊嘅胡麻醬(感覺正正常常)同右邊嘅蒜頭豉油(自己唔係好食到蒜味,但係同行家人就覺得有蒜味,有待讀者自行定奪 🙇‍♂️)。雜菜雞蛋炒飯好一般,唯一優點就係份量好大,一定食得飽。圖中嘅雜錦野菜就頗出色,尤其係日本冬菇嘅菇味好重好香,而豆芽都幾爽脆。最後甜品揀咗芝麻味雪糕,質感細滑,為鐵板燒餐劃上完美嘅句號 ✨。總括而言,雖然呢個「舞」套餐並冇咩特別嘅山珍海味如鮑魚、鵝肝或者龍蝦,但係大部分嘅食物相對香港其他嘅鐵板燒餐廳都更為高質素,亦好過香港島嘅Nadaman 鐵板燒唔少。考慮到酒店安靜加上優美嘅環境,以及酒店師傅同埋侍應貼身嘅服務(侍應經常斟茶,茶杯入面從來都唔會冇茶),個人認為$858 p.p. (連加一)嘅價錢都算合理。如果有特別嘅事情要慶祝,不妨一試 Nadaman 嘅鐵板燒。 繼續閱讀
(以上食評乃用戶個人意見 , 並不代表OpenRice之觀點。)
等級3 2021-05-30
772 瀏覽
今日我哋兩個人各自叫咗個懷石料理定食,每一個餸都會是好精緻,但係味道就一般,雖然餐廳嘅職員介紹好仔細同好清楚,亦都食得好飽,但係比想像中嘅食物水準差少少,反而我覺得如果我地好似另一枱散叫嘅話可能個效果好啲,因為見到隔離枱嘅食物好似俾我哋嘅料理餐更吸引 繼續閱讀
(以上食評乃用戶個人意見 , 並不代表OpenRice之觀點。)
朋友推介﹐上OpenRice 睇左幾十篇文章精選左10款左右食物。坐卡位﹐好舒服!! 服務好好﹐加茶好快同食完一樣先上一樣﹐如果係同酒店訂購左其他野會幫你拿埋落餐廳。前菜好開胃是次餐單:刺身-原隻龍蝦刺身 (啖啖肉,口感鮮甜)刺身-金鎗魚腩 (香,鮮甜)刺身-北海道帆立貝帶子(香,留甘)手握壽司-燒鵝肝手握壽司-甜雞蛋 (鮮甜)手握壽司-三文魚籽壽司卷-葱金鎗魚腩卷 壽司卷-蝦天婦羅卷 (香脆可口)[夢之米]釜飯(2人份) (甜,粒粒飽滿)時令茶壼湯 (鮮甜,好多海鮮)絕大部分都有滿分水評﹐如果一定要挑﹐燒鵝肝手握壽司做唔到入口即溶入舊飯效果。 繼續閱讀
(以上食評乃用戶個人意見 , 並不代表OpenRice之觀點。)
這天來吃生日晚餐,實測接近200年歷史的日本老店~推介大家跟我們一樣點套餐,種類多、份量充足、CP值也高很多!直接點了最貴的兩種套餐啦(其實也是想多嘗幾款食物)!只要告訴職員你是全部人一起分享,他們就會安排,不用分誰吃哪個套餐的。🌟鼓套餐🌟 HKD1,080/人前菜、沙律、帆立貝、鴨肝、雜錦野菜、澳洲和牛西冷/薄燒、雜菜雞蛋炒飯、泡菜、白麵豉湯、甜品。🌟鼓套餐(Omakase)🌟 HKD1,380/人前菜、沙律、活鮑魚、活龍蝦、雜錦野菜、澳洲和牛西冷/薄燒、雜菜雞蛋炒飯、泡菜、白麵豉湯、甜品。🌟是日前菜🌟海膽腐竹豆腐及炸魷魚絲菠菜,本來這是Omakase才有的款式,職員特別幫我們四個人都升級啦!海膽超新鮮又不腥,配淡香的豆腐非常搭,而炸魷魚絲很幼細香脆,口感極佳。🦞吃完前菜跟沙律,廚師就會開始煮海鮮咯!🌟龍蝦跟鮑魚都不用特別調味,它們本身的鮮甜就已經很突出,新鮮又彈牙,龍蝦肉厚實不黏牙,鮑魚片爽嫩香口(平常完全不吃鮑魚的🐑小編只猶豫了半秒就放進嘴裡,之後迅速清光),完全體現到為何前面要加一個「活」字,那種鮮味,真的稍為斷氣了幾秒的海鮮也做不到。🌟但別以為便宜一點的帆立貝就很失色,廚師加了清酒跟醬油進去燒,充分帶出貝類的鮮甜海水味,非常鮮嫩好吃。而接著上菜的鴨肝煎得金黃香脆,倒上藍莓汁紅酒啤梨,讓整體口感沒有那麼膩之餘,也不會搶走鴨肝細滑醇香的味道,每一口都散發陣陣油香。吃到這裡就已經很滿足了,但主菜還沒吃呢!因為本來我們想說再單點一個日本黑毛和牛,但職員說這樣份量會太多會吃不完,建議我們升級其中一人份的和牛就好,我們當然就聽從專業意見啦!沒有因為我們要多花錢就任由我們點,服務態度非常棒啊!🥩所以這次我們一共會嘗試三款牛肉,可以根據喜好請廚師先烹調薄燒或厚燒的肉類。🌟我們先吃了澳洲和牛薄燒,中間包裹著一些乾蒜頭、蔥,變成一個卷一樣的東西,豐富了薄牛肉的層次和口感,但就稍為有點太鹹了,蓋過了牛肉本身的味道。🌟而厚燒的肉類,是澳洲及日本和牛,會一同上菜。根據職員建議,通常應該先吃澳洲和牛,但因為日本和牛冷掉就不好吃,所以最好兩款交叉著吃。澳洲和牛的肉質比較實在,帶些許的油花,牛肉味道也比較濃,整體肉味和油花的比例很平均;而日本和牛真的油脂炸裂,口感更軟綿,滿口都是肥美的脂肪,所以也會相對地更膩,三小塊已經是極限。受不了太油膩的我們都一致認為澳洲和牛比較合我們口味~所以你會知道為甚麼職員不建議我們另外單點和牛,因為吃完那幾塊真的超飽,而且還是四個人吃一人份!廚師還把割出來的一些脂肪煎成金黃香脆的小粒,吃了兩粒就快膩死啦!🥬因為前面的食物太高質素份量也很多,到了最後的雜錦野菜(豆腐、青瓜、香菇、芽菜)和雜菜雞蛋炒飯大家都快吃不下了,不過用燒過的龍蝦頭(就是我們吃的那一隻)煲的白麵豉湯還是喝光光啦!最最最後再吃一球冰淇淋就完美了(也可以選水果)!🔪其實鐵板燒最值回票價的地方,是在於廚師會在你面前立刻烹調,就很清楚你到底吃了甚麼下肚。而且能欣賞廚師專業的手勢、刀工,每一下都快狠準,我們拍的影片就算調了超慢速,師傅的手速依然很快,煎豆腐的時候更是沒有留下一點碎屑,功力深厚,令人讚嘆!👍🏻👍🏻❤️而且職員的服務也很細心親切,為你詳盡講解每一項食品,不會讓你有那種大鄉里出城甚麼都不會的壓力,不懂也可以放心問,職員都會按自己的經驗提供意見,盡力幫你安排餐點,所以整頓飯都吃得很舒服自在。 繼續閱讀
(以上食評乃用戶個人意見 , 並不代表OpenRice之觀點。)