灘五郷

🍢灘五郷 🔍灣仔船街18號地下4號舖-----呢間日式居酒屋係灣仔區紅咗一排，最近終於抽到時間黎試下。餐廳有室外同內，星期日12點黎仲有得walk in，大概一點幾就好full，唔想撲空建議提早預約。坐咗係Bar檯位置可以睇到師傅係面前燒烤，睇到人差d流口水。餐廳氣氛熱鬧，但又因為係半開放式，所以唔會太嘈雜，幾適合同朋友聚會。 Weekend brunch set（$588 二人份）前菜方面，鰻魚玉子甜度同鹹香平衡得好，蛋卷軟滑；煙燻豬肝入口帶粉綿口感，肝味濃郁不苦澀；螢光魷魚漬帶少少黏口，鮮味突出，幾清爽一款；辣炒鱈魚腸調味類似泡菜，口感脆脆的。沙律係自家製煙燻豚肉薯仔沙律，薯仔綿密，煙燻豚肉切得細碎，味道滲入薯仔入面，食落唔會太膩，帶少少鹹香。串燒款式都幾多，三心兩意下，揀咗比較多人揀嘅免治雞肉棒，同埋雞中翼。雞肉棒調味淡雅，蛋黃加上去之後滑溜滑溜的，亦提升咗濃郁感；雞中翼燒到外皮微脆，肉質保持嫩滑，鹽燒嘅香氣令人欲罷不能。 天婦羅質素有被驚艷到，整體用料上乘，沙𩺬魚炸得外脆內軟，肉質細嫩；蝦天婦羅好彈牙，而且炸漿薄，唔會搶晒蝦味；南瓜帶自然甜味，炸完都仲保持到粉糯感。 炸物揀選咗吉列豬扒同廣島蠔。豬扒外層金黃酥脆，肉質厚實而唔乾，咬落有肉汁；廣島蠔吉列咬開後有濃郁鮮味，炸漿薄身，入口先脆後爆汁，好鮮。重點之一嘅爐端燒亦無失望。鮮魚一夜干帶微微鹹香，魚皮燒得焦香，魚肉油脂感豐富；魷魚一夜干煙韌有嚼勁，燒香味重，但都食到鮮甜味，搭配清酒🍶好夾。 主食方面，茶漬飯湯底清淡，帶少少昆布香，加入少許飯素提味，食到尾用嚟清味覺幾舒服；烏冬則麵條煙韌，湯底同樣比較清爽，適合用黎收尾。PS佢地有Free flow飲野Plan～清酒很不錯🥤Plan A +$88-Japanese Apple Juice / Soft Drink🥂Plan B +$228-Asahi / Sake / Highball / Red / White / Sparkling Wine單比大家參考：…查看更多

位於灣仔嘅🏮日式居酒屋🌟灘五郷🌟，採半露天式嘅設計，裝修佈置勁有Feel😍！餐廳會按季節食材調整Menu，最近推出咗🆕週末早午餐，可以試齊餐廳主打嘅正宗爐端燒🔥、博多串燒🍢及和食🍤！🍱週末早午餐 $588/2位🥗前菜｜沙律套餐包含四款前菜及一款沙律，漬鱈魚腸、螢光魷魚、八爪魚都係滋味十足！沙律清爽美味！🍣卷物自選卷物都唔錯，我哋揀咗鐵火卷同埋加州卷！🍢串燒由下田師傅親自操刀，雞翼嘅鹽燒香氣真係幾正！而自家製嘅免治雞肉棒醬香怡人！🔥天婦羅拼盤｜炸物即叫即炸，天婦羅做到外脆內Juicy，師傅功架十足！土佐豆腐係先炸再用高湯浸，十分美味！吉列豬扒同樣係外脆內嫩，正！🐟爐端燒揀咗兩款一夜乾，將魷魚同埋黃花魚嘅鮮味放大！🍚主食有美味嘅茶漬飯，亦可選滑溜嘅湯烏冬！🥃飲品放題（有酒精）$228/位店員推介嘅Whisky Highball入口清爽有酒香，係夏日微醺之選！同時可以任飲啤酒、清酒、紅白酒、氣泡酒等！…查看更多

週四晚約咗幾個豬兄狗弟聚一聚，地點就大佬留返喺灣仔，揀咗間大家都未幫襯過嘅「灘五郷」。網上訂座流程簡易，成功後可與專人以WhatsApp聯絡作進一步嘅安排。居酒屋嘅簷位擺放著多個燈籠，和式風味濃厚，喺船街上尤其光亮突出。延伸至後行嘅室外座位相信最受煙民歡迎，XO仔出名怕熱，所以訂位時講明接受唔到。室內嘅用餐大堂樓底極高，木造枱櫈都好整齊衛生。最中央位置為兩位日藉師傅嘅大舞台，一邊燒串燒，另一邊則玩爐端燒，上週四碰巧串燒師傅放假，所以未有緣一見。六口子被安排入座最後方嘅房仔入面，私人空間多啲，但係就偏暗同窄，坐得唔係特別舒適。酒鬼們埋位第一時間當然係叫酒酒飲啦！底面兩頁嘅食物餐牌可於網上下載。是日精選推介則寫喺黑板上。每位席上都擺有自用嘅餐具。刺身5種（$488/客）：一客刺身拼盤可視為三人份量，因為每款都有三片。個人覺得帶子同吞拿魚嘅質素都比較一般，海膽就有啲腥，反而橙白紋理分明嘅海老最為爽脆鮮甜。胡麻醬油甘魚刺身（$178）：喺胡麻秘醬內浸浴中嘅油甘魚刺身每片均厚薄適中，肥美柔潤，惹味香濃，好食過個刺身拼盤多多聲！岩手縣氣仙町活蠔（$138/隻）：日本直送嘅生蠔體積大就好大，亦都好滑溜，無奈鮮味欠奉，咸咸嘅海水味仍難蓋過蠔隻本身嘅腥味，性價比極低！炸雞軟骨（$88）：新鮮炸出嘅炸雞軟骨金黃熱辣脆卜卜，送酒佳品也！本地雞中翼（$56/串）：串燒雞翼皮層香脆，肉質尚算軟潤，不過就好似瘦咗啲。雞肝（$38/串）：意外地，雞肝完全唔乾唔嚡唔硬，幾隻酒鬼都係第一次食到咁柔潤兼且有彈性嘅雞肝，食到要追加，咁係咪一定要試呢？！雞腎（$38/串）：雞腎偏咗少少乾同硬，但都仲有啲爽爽地嘅口感嘅，未至於唔合格囉。雞蠔肉（$48/串）：印象中食過嘅雞蠔肉都好爽彈，唔似嗰晚嗰串咁實同冇彈性，好彩係廚房最後一串咋！雞尾（$57/串）：雞尾脂香豐沛，Q彈多汁，就連起初有啲抗拒嘅E先生都話好有驚喜，證明依個pat pat真心食得過！雞皮（$38/串）：串燒又乾又韌皮，仲黐咗好多肉，似乎唔係咁對辦喎！免治雞肉棒（$58/串）：脹卜卜嘅雞肉棒嫩脆尤甚，大量黏上月見蛋黃醬油後，更覺芳香滑溜。掌中寶（$46/串）：廚師推薦嘅掌中寶話說係雞腳個爪位最中間嗰塊肉，肉地厚得黎又好似雞軟骨咁卜卜脆，好骨膠原。雞背頂天（$48/串）：屬稀少部位嘅雞背頂天可視為雞嘅膊頭位，每隻雞只有兩塊。平心而論，質感軟腍嘅雞肉唔可以話佢嚡，但絕對唔可以形用為嫩；反而黐住嗰塊細細件雞皮係串燒雞中最肥美香滑嘅靚皮！雞冠（$42/串）：雞冠好似縮哂水咁乾噌噌，雖然冇骨但膠膠地，唔係咁啱自己口味囉！年糕豬肉卷（$48/兩件）：卷物外層片豬肉燒得好香脆，中間件年糕則煙煙韌韌，都幾得意。澳洲和牛橫隔膜（$228）：和牛橫隔膜賣相就似乎幾得，可惜食落牛味唔出，入口仲幾油，加配蒜片只得個咸字，貴得冇道理！牛舌芯（$78/串）：厚厚地身嘅牛脷偏韌，牙力少啲都食到牙骹軟哂。雞頸肉（$42/串）：XO仔都係之後睇相先發現，原來其中一串雞頸仍呈粉紅色，明顯未熟，只係第一次食雞頸嘅兩個「小朋友」唔識，所以成條食哂後淨係話雞頸肉怪怪地，好在飯後佢地冇肚痛咋，可能大家飲得夠酒幫助腸胃消毒啦，始終食咗生雞依家野可大可小嘛！爐端燒鰤魚鮫（$188）：全枱人都彈個燒魚鮫啲肉比較嚡，唔得肥美，唔明點可以被列為廚師推薦項目！燒喜之次（$580）：根據愛食魚嘅豬弟所描述，燒喜之次雖然係比個燒魚鮫鮮香同幼嫩啲，但其實水準頂多都只可以話係正常一般。背脂雞鹽拉麵（$128）：拉麵個樣好清嘅湯底味道好淡，白雪雪嘅厚切雞肉又唔可以話佢嚡嘅，腍腍地但絕不稱得上嫩滑，最奇怪就係加咗啲雪菜入去，格格不入到有啲似阿茂整餅咁囉！小肥近日啲牙仔食襯甜野都痛痛，所以唔咁試，不過有食嘅人就話「紫蕃薯大福」（$56）好食過「綠茶大福」（$56）。灣仔居酒屋「灘五郷」嘅半露天設計入夜後十分熱鬧有人氣，服務生專業好客，食物質素就有點兒參差，其中串燒遠比海鮮菜式出色，兄弟們都同意平均千幾蚊一個人的話，區內不乏更好嘅選擇。…查看更多

週末生活態度提案!最近見到灣仔船街席前串燒居酒屋嘅週末brunch超抵食,$588/2人食足前菜。沙律。卷物。串燒。天婦羅。爐端燒。炸物。主食 一共16款美食.由資深的日籍主廚主理,為大家帶來地道東京及博多串燒。正宗日本爐端燒。傳統和食.前菜(6選4)鰻魚玉子燒l芥末八爪魚l螢光魷魚漬l日本枝豆前菜選擇都幾多!以上4款中最鍾意係鰻魚玉子燒 玉子燒好綿充滿蛋及高湯香 中間夾住香甜鰻魚沙律(2選1)自家製煙燻豚肉薯仔沙律推薦大家點!!薯仔軟綿得黎又帶薯粒 配上煙燻豚肉好惹味!/卷物(4選2)鐵火卷l加州卷仲有各款卷物!加州卷餡量超多,好滿足串燒(7選2)自家製月見日本免治雞肉棒 l 明太子紫蘇葉豚肉卷必食自家製月見日本免治雞肉棒!!香軟得黎又帶脆卜卜嘅軟骨 沾上濃厚蛋黃 質感超滑豚肉卷燒得香脆 加上明太子帶微辛香又鮮味天婦羅(5款)海老l舞茸菇l沙𩺬魚l南瓜l蕃薯5款天婦羅薄脆又唔好油膩!爐端燒(3選2)照燒雞扒l燒花魚雞扒賣相超吸引 另配搭各款醬汁 可以食到各種風味燒花魚充滿濃郁魚油甘香炸物(4選2)土佐豆腐l吉列廣島蠔豆腐外脆內嫩 配上微甜醬汁中和返油膩感吉列廣島蠔香脆金黃 內裏蠔肉鮮味主食(每人一款)茶漬飯l木魚湯烏冬推薦木魚湯烏冬!烏冬特別香又彈牙…查看更多

灣仔船街真係雲集左好多唔同國家既美食，今日去左呢間日式居酒屋「灘五郷」享用晚餐Yebisu Draught 惠比壽啤酒係我眾多日本啤酒入面最愛，香醇好飲自家製月見日本免治雞肉棒雞肉棒有雞肉 & 雞軟骨，燒完都仲好juicy，蘸埋醬汁+蛋黃更加好味刺身五種盛有吞拿魚赤身、拖羅、牡丹蝦、油甘魚腩 & 海膽，魚同蝦刺身都新鮮，但海膽真係搞唔掂，都幾臭唔新鮮，成個口腔都係個陣臭味🤢自家製煙燻豚肉沙律薯仔攪埋煙燻豚肉、香草、黑椒等等既材料，個煙燻味好香，將一款日式經典既沙律變得不一樣燒雞泡魚乾甜甜咸咸既雞泡魚乾，送酒岩晒八爪魚蔥頭沙律有牛油果、八爪魚、海葡萄、車厘茄，整個味道都好清新明太子玉子燒玉子燒入面有明太子，蛋香加上明太子既咸香，又夾又好味牛舌芯勁厚切既牛舌搽上醬汁再燒，牛舌又嫩又彈牙大蔥雞肉串雞肉又嫩又香，燒完既大蔥好清甜，本身唔食蔥既我都覺得好好味燒雞腿肉以爐端燒既方式燒既雞腿肉，雞皮好脆，而肉質亦能保持嫩滑，配以唔同調味料一齊食都會有唔同味道餐廳係半開放式，星期六晚都非常旺場，見師傅都不停密密燒無停過手，串燒 & 爐端燒都燒得好好，唯獨是個海膽真係唔新鮮，價錢都唔平，不過整餐既體驗都相當唔錯，係一個好岩同朋友過黎飲返杯食d串燒既好地方…查看更多

今日去左依間半露天日式居酒屋「灘五鄉」同朋友晚餐，同朋友摸着酒杯底食住日式居酒屋嘅食物😌灣仔船街真係雲集左好多唔同既美食，依間灣仔嘅居酒屋，環境好舒服好warm好有日本風情，舖頭用咗好多木質嘅裝修同埋地方夠晒闊落，坐得好自在舒服，食住野摸住酒杯底非常relax🥳今晚點咗一啲刺身~薄切深海池魚，池魚非常新鮮，刺身配嘅汁醬帶起咗刺身嘅鮮味朋友好鍾意食依度嘅鐵板味噌牛小腸，我本身唔係好食內臟嘅，但係我試咗一嚿牛小腸，覺得都幾唔錯今晚點咗好多小食同埋串燒，有幾樣令我最深刻嘅有~香蔥呑拿魚腩脆脆，滿滿嘅吞拿魚腩蓉，份量多，吞拿魚蓉新鮮，串燒~ 青椒仔、燒雞腿肉、燒雞胸軟骨我都有再encore驚唔夠飽仲可以叫啲澱粉質，我今次叫咗明太子忌廉烏冬，同埋燒飯團，成晚嘅食物都好有水準，最後都食到好飽，下次同朋友聚會可以再來呢一度🥳…查看更多

週末跟朋友去了這家日式餐廳，朋友大力推薦他們的週末brunch。整體感覺很不錯，食完即刻返嚟同大家分享。前菜一上桌就是滿滿一整桌小碟子，看起來超豐富，兩個人慢慢吃剛剛好。 ，有鰻魚玉子，魚鮮味跟蛋香蠻搭；煙燻豬肝佐芝麻醬味道比較濃郁，喜歡重口的應該會愛；醃漬魷魚鹹香帶點辣，很適合配酒；還有辣炒鱈魚腸，辛香過癮，特別開胃。 熱菜裡我最喜歡免治雞肉棒配蛋黃，拌著蛋黃吃超滑順，正宗的居酒屋風味。雞中翼燒得帶少許酥脆，簡單好吃。還有一份自家製煙燻豚肉沙律，煙熏香蠻突出。 炸物拼盤也不錯，廣島蠔炸得外酥內多汁，一；吉列豬扒厚度剛好，咬起來很過癮；天婦羅拼盤則是清爽不油膩。 烤物部分有一夜干鮮魚和一夜干魷魚，鹹香耐嚼，烤過後香氣十足，完全是下酒神器。 最後收尾用茶漬飯和烏冬湯麵，茶漬飯清爽解膩，烏冬湯頭鮮美，吃到最後也不會覺得太沉重。另外佢地嘅清酒都超好飲～…查看更多

周末約了老best食brunch👯‍♂️當然要食好啲啦😆我們去了位於灣仔的「灘五鄉」吃weekend brunch🥢居酒屋是以日本清酒聖地命名，集正宗爐端燒、博多串燒及和食等。由多位擅長各領域的師傅主理，包括燒鳥串燒、和食及天婦羅、及融匯關東煮、釜飯、串燒手藝🤩居酒屋用餐環境舒適寬敞，設有室內及室外座位，裝修充滿日本風情🎋🎏門面仲掛了不少日式燈籠🎎𝗪𝗲𝗲𝗸𝗲𝗻𝗱 𝗕𝗿𝘂𝗻𝗰𝗵 $588/2人+𝗗𝗿𝗶𝗻𝗸𝘀 𝗳𝗿𝗲𝗲 𝗳𝗹𝗼𝘄 (𝟮小時) $228/人🔹️前菜 (6選4)鰻魚玉子燒玉子燒口感柔軟嫩滑🥚，蛋香味濃郁，帶著微微的甘甜👍🏻芥末八爪魚八爪魚粒彈牙🐙，加入辛辣的芥末拌勻🌶，很開胃。螢光魷魚漬螢光魷魚漬🦑外層帶爽脆感，味道帶點咸香，鮮味十足🥰 辣雪魚腸雪魚腸口感滑溜爽脆，加入辛辣的泡菜醬拌勻🌶，味道鹹香又惹味。🔹️沙律 (2選1)自家製煙燻豚肉薯仔沙律薯仔沙律薯仔切成一粒粒🥔，口感軟腍滑溜，加入煙燻豚肉🐷，味道豐富。🔹️卷物 (4選2)鐵火卷赤身魚味濃郁🐟，口感幼細香滑，好鮮味。加州卷加州卷味道清新，口感豐富😍🔹️串燒 (7選2)明太子紫蘇業豚肉卷雞中翼日式串燒師傅駐場，🤪串燒即叫即燒，全部都燒得好香口👍🏻🔹️天婦羅雜錦天婦羅包含了沙𩺬魚、蝦🦐、南瓜🎃、蕃薯🍠 及 舞茸菇🍄‍🟫，即叫即炸🤗，上枱時熱辣辣❣️天婦羅入口清爽毫無油膩感，蘸上天婦羅汁及白蘿蔔蓉，香脆美味。🔹️揚物 (3選2)吉列廣島蠔吉列廣島蠔🦪外皮炸至金黃酥脆，內裡肉質細膩柔軟，口感滑順。吉列豬扒吉列豬扒🐷外皮炸至金黃酥脆，內裡還保持肉質細嫩多汁，口感充滿層次。🔹️爐端燒 (3選2)魷魚一夜干經過一夜風乾，魷魚🦑的肉質變得更紮實有彈性，味道更濃郁鮮甜。照燒雞扒雞皮🐔煎得略帶焦脆，加入照燒汁調味，味道鹹甜。🔹️主食木魚湯烏冬烏冬口感煙韌，入口彈牙，配搭鮮味的木魚湯，yummy❗️🔹️Drinks free flow店內有供應日本啤酒🍺、清酒🍶、highball🥃、紅酒🍷、白酒、香檳🍾、蘋果汁🍎及汽水🥤等…查看更多

呢間位於灣仔嘅日本居酒屋，環境好舒服好warm㗎。舖頭用咗好多木質裝修，好有日本風情。位與位之間夠晒闊落，坐得好自在，食嘢都可以好relax。灘五鄉季節刺身丼定食呢度嘅招牌就係季節限定刺身丼定食啦！個碗上面鋪滿新鮮肥美嘅魚生，有吞拿魚、三文魚、海膽、蝦、帶子等等，配埋醋飯同埋芝麻、紫菜、蔥花啲配料，睇落好豐富好靚，真係見到都流口水！每啖都食到啲魚生好鮮甜，切得岩岩好，入口好滑溜。個醋飯酸甜度啱啱好，同啲魚生好夾，食完成個口都仲回味緊。呢間餐廳精選咗一系列日本清酒，等大家可以試到唔同地區嘅特色酒款。OBUSE-IL Y A 100 ANS入口好順滑，有陣陣米香好清新。酒身中等，酸度啱啱好，飲完個尾韻好長，同日本料理好夾㗎！沖繩香檸燒酎特飲呢款沖繩特色飲品，用咗當地特有嘅香檸做主角。香檸嗰陣獨特清香同酸甜味，配搭燒酎嘅釀造工藝，搞到成杯嘢個味道真係獨一無二！呢間餐廳嘅日本酒選擇好豐富，鍾意飲日本酒嘅朋友，呢度真係一個值得嚐試嘅好地方！…查看更多

上星期跟友人去nadagogo試週末Brunch，兩位共享$588起，雙人共享8 大精緻居酒料理！高質、抵食、款式超澎湃💥🥢【精選前菜｜6選4】• 芥末八爪魚：辛香爽脆，一啖開胃• 螢光魷魚漬：鮮甜滑嫩，口感一絕• 日式枝豆：清甜爽脆• 鰻魚玉子燒：香滑蛋香，蒲燒鰻魚口感鬆軟🥗【沙律｜2選1】• 煙燻豚肉薯仔沙律：大推！層次豐富，鹹香撲鼻，回味無窮🤤🍣【壽司卷物｜4選2】• 鐵火卷：鮮美吞拿魚搭配微辣芥末，平衡滿分• 加州卷：香濃蟹柳配牛油果，口感飽滿🍢【串燒｜7選2】• 月見免治雞肉棒：香口多汁，蛋黃加持超邪惡• 明太子紫蘇豚肉卷：鹹香濃厚，紫蘇提味🍤【天婦羅盛盒】海老｜舞茸｜沙𩺬魚｜番薯｜南瓜即炸酥脆，外脆內嫩，每款都爆汁！🥘【爐端燒｜3選2】• 花魚一夜干：油香四溢，肉質結實• 照燒雞扒：微焦香甜，超惹味🍘【炸物｜4選2】• 土佐豆腐：外脆內滑，口感驚喜• 吉列廣島蠔：鮮香酥脆，鮮味十足🍜【主食】• 茶漬飯：清新暖胃，完美收尾• 木魚湯烏冬：滑溜鮮甜，湯底濃郁…查看更多

灣仔船街呢條隱世美食街，有間好有Feel嘅日式居酒屋，叫🍶，靈感係來自日本清酒聖地，夠晒正宗！🏮 呢度半開放式設計，坐低食飯好Chill好有氣氛～最正係佢哋新推嘅周未早午餐只需$588兩位，份量多到爆燈！🌟 一餐就可以試晒佢哋嘅招牌菜，超值！話你知，個Menu真係包羅萬有：前菜、卷物、沙律、串燒、天婦羅、爐端燒、炸物，仲有主食！😍 最好玩係多款菜式可以自選，夠晒Flexible，想點配就點配，簡直係食貨天堂！🍣🍢🍤 下個週末同三五知己嚟試試，保證食到心花怒放，仲要影晒IG！📸 推爆！👏🏻…查看更多

以日本清酒聖地🍶而命名嘅🇯🇵灘五郷，位位灣仔船街，係一家半開放式嘅日式居酒屋🏮！新設嘅Weekend Brunch Menu，份量豐盛🌟，仲可以一口氣試勻晒餐廳嘅拿手菜式🍣🍢🍤，值得推薦👏🏻！🌟Weekend Brunch Menu $588/2位有齊前菜、卷物、沙律、串燒、天婦羅、爐端燒、炸物、主食，設多款菜式自選，勁Flexible！🥗前菜 - 六選四辣鱈魚腸｜螢光魷魚漬｜芥末八爪魚｜鰻魚玉子燒前菜有多款滋味漬物，配搭清酒，真係好啱味！🍣卷物 - 四選二鐵火卷｜加州卷因為有唔少外藉人士光顧，所以餐廳有供應加州卷！🥑沙律 - 二選一野菜田園沙律腍甜嘅牛油果，配搭新鮮蔬菜同埋和風汁，清爽開胃！🍢串燒 - 七選二自家製月見日本免治雞肉棒｜雞中翼由日籍師傅下田先生主理，當然揀返佢嘅專項燒鳥！免治雞肉棒滋味十足！雞翼皮香肉嫩！🍤天婦羅拼盤有蝦、沙𩺬魚、冬菇等，做到外脆內嫩！🦑爐端燒 - 三選二鮮魚一夜乾｜魷魚一夜乾一夜乾將魚味激發，係清酒嘅良伴！🔥炸物 - 四選二吉列豬扒｜土佐豆腐豬扒好香脆！豆腐有高湯浸住，仍保持脆身！🍜主食 - 每位自選一款茶漬飯｜木魚湯烏冬🍶Drink Free Flow Package $228/位可任飲清酒、啤酒、紅白氣泡酒、Whisky Highball！清酒以酒枡Serve，可以先嚐清酒嘅原味，再飲埋木盒入面，會多咗一重杉木清香！…查看更多

Last weekend, we decided to treat ourselves to the amazing $588 brunch for two at Nadagogo  , and it was the perfect family outing with JAne! 🥰We started our meal with the Homemade Smoked Pork Potato Salad, which was a delightful combination of creamy potatoes and smoky flavors. Jane loved picking at the colorful ingredients and enjoyed the taste!For appetizers, we indulged in four delicious options. First, the Eel Omelette was incredibly fluffy and rich, making it a hit at our table. The Smoked Pork Liver with Sesame Sauce offered a unique flavor that surprised us all. We also tried the Marinated Squid, which was full of flavor and had a great texture, and the Spicy Cod Roe Sausage, a fun dish that our child surprisingly enjoyed!Next up was the star of the show: the Tempura Platter! This featured crispy shrimp, seasonal fish, and the chef even added delicious mushrooms, enhancing the crunch and flavor. It was a hit with everyone! 🍤For sushi, we chose the California Roll and the Spicy Tuna Roll. Both rolls were beautifully presented and packed with flavor, and our little foodie had a blast trying them!For our mains, we opted for the Dried Fish and Dried Squid. The dried fish was savory and satisfying, while the dried squid added a unique touch to our meal.We also enjoyed some skewers, including the Homemade Chicken Meatball Skewers, which were juicy and flavorful, and the Mentaiko Pork Roll, a delicious twist that everyone loved!Finally, we couldn’t resist the fried dishes. The Hiroshima Oysters were incredibly crispy and a big hit, while the Karaage Fried Chicken was perfectly seasoned and juicy, making it a favorite for our little one!…查看更多

最近去咗位於灣仔船街嘅特式居酒屋，環境好有feel😍 餐廳外牆掛滿昭和風燈籠，配埋木質幕簾，一入門就好似穿越咗去日本街頭咁，氣氛一流👍🏻我哋嗌咗兩個定，每個定食都已經跟咗蒸蛋、前菜同埋麵豉湯🥰🍣 灘五郎季節刺身丼定食（$268）丼飯鋪滿刺身，有吞拿魚蓉、牡丹蝦、大拖羅、赤身、海膽、三文魚子等等，材料相當豐富，而且樣樣食材都好新鮮👍🏻 我自己就最鍾意吞拿魚蓉夠香滑，大拖羅油脂豐富❤️🐟 蒲燒鰻魚丼定食（$288）鰻魚即叫即燒，烤得香口，醬汁甜鹹適中，配白飯一流😍 肉質厚實又嫩滑，啖啖都係滿足感🥰佢哋嘅爐端燒同埋串燒仲係由日本師傅主理㗎，下次真係一定要再試吓🫶🏻…查看更多

早兩日出去灣仔整啲野，所以就約咗喺附近返工嘅家姐食午餐💗我地去咗位於船街嘅半露天日本居酒屋-灘五郷☺️餐廳門面掛滿咗日本特色燈籠🏮充滿日式風情❣️午餐有16款定食選擇，每款仲有前菜，漬物，蒸蛋同麵豉湯🥰✨蒲燒鰻魚丼定食鰻魚以爐端燒製作，肉厚肥美，外皮燒得微脆，肉質軟嫩，加上香甜嘅醬汁，十分滋味😋✨灘五郷季節刺身丼定食師傅會用當日新鮮食材做刺身丼，賣相精緻，有吞拿魚蓉，牡丹蝦、大拖羅、赤身、海膽、三文魚子等刺身每款都厚身同新鮮❤️…查看更多