影片
港鐵中環站 D2 出口, 步行約4分鐘
繼續閱讀
電話號碼
28810033
開飯介紹
走中高檔路線，主打天婦羅廚師發辦(omakase)。室內設計簡潔，入口處的開放式天婦羅廚師桌，讓食客同時細味視覺和味覺的雙重享受。為保持客人新鮮感，餐牌每個星期轉換一次。
繼續閱讀
營業時間
今日營業
12:00 - 14:30
18:00 - 22:30
星期一至六
12:00 - 14:30
18:00 - 22:30
星期日
全日休息
以上資料只供參考, 請與餐廳確認詳情
有關獎賞計劃
食過唔少Omakase，但以天婦羅作為主角係比較特別今次係中環 - 瀧 見識到天婦羅嘅美味🥰套餐有2款 - 天 / 瀧前者係主要係食到多款天婦羅後者比較平衡加入刺身、煮物怕食太多炸物，推薦可以食 - 瀧前菜、刺身、天婦羅、煮物、主菜、主食到最後甜品每一個味道都係十分出色同埋帶點創意🔥💡食omakase重點就係食到時令食材✨今次岩時機食到秋刀魚刺身好開心❤️天婦羅係皮薄而脆，睇得出師傅功力真正令食材外層變脆但保留住原來鮮味同口感好欣賞個魷魚加上創意製作出清爽版黃金鮮魷🤣另外就係將蔥整成泡泡醬汁加係鰻魚天婦羅上令唔食蔥嘅我都接受到蔥香！😆大讚👍🏻梅冰雪麵，以和歌山南高梅入饌清爽解膩感覺非常適合炎熱嘅香港睇得出師傅嘅用心同體貼🥺白蘭地鹿兒島安納芋，白蘭地同砂糖提升芋頭香味係味蕾上新體驗😎😋餐廳環境舒服，員工態度親切食物質素高，款式夠新穎十分推薦去食，一定唔會失望😚
繼續閱讀
好耐無寫食評，因為疫情後好多小店做唔住，難得揾到間高質有誠意小店，忍唔住要即刻分享～😄今次同朋友去咗中環The Loop 8樓嘅-「瀧」Tempura Teki日本料理，主打天婦羅，而且仲有刺身，日本牛等等不同嘅日本料理餐廳。 一直以來，對於天婦羅無咩特別興趣，多數都好厚漿或唔夠脆，總之唔會專登去試。但「瀧」真係好特別，可以話係（暫時）我食過最好味嘅天婦羅，脆漿好薄，十分酥脆，最難得係食材好新鮮，外脆內軟，食過一定翻尋味！😆Omakase由前菜，刺身到主打天婦羅同甜品樣樣齊。(按時令調整菜式）前菜有水雲醋（左上），白梅貝（右上），西京芝士（左下），薑糖（右下），清新叫醒味蕾😁魔鬼蛋：入面有燒帶子，中間係蛋黃溝沙律醬同埋少少cream，再配三文魚子，好味又特別！☺️刺身有龍蝦，象拔蚌，油甘魚新鮮度爆燈！龍蝦鮮甜，油甘魚魚油香. 象拔蚌彈牙，擺盤又靚！天婦羅分別有：目光魚（外脆內軟）；瀨尿蝦（剝晒肉，成條新鮮彈牙被薄薄一層脆漿包住啖啖肉，超正！）經典天婦羅蝦🍤 肉質新鮮彈牙，蝦頭脆到似食薯片青椒包蠔天婦羅，一啲腥味都無，好creamy 😋 加青椒墊底又唔錯嘅口感yummy另外加左海膽天婦羅，脆脆暖暖紫蘇葉天婦羅配大啖大啖鮮甜凍凍地嘅海膽，一絕！熱食料理有：汁煮富山縣油甘魚鮫，秘制汁好濃，魚鮫好入味再配上魚子，魚香味十足😃 呢個份量反而覺得太多朋友另加文化燒仙台牛舌：上面有炸蒜蓉配牛油果，配合牛舌的軟滑，感覺豐富。香煎劍魚配茴香汁同埋開心果碎：賣相有啲似蘿蔔糕😁，魚嘅質感厚實，配開心果茴香汁幾特別。紫花紅蝦燴飯：個汁好好味（有啲似龍蝦湯味）有日式意大利 fusion risotto feel, 好滿足，只想講好想添飯😂。白蘭地鹿兒島安納芋：呢個蕃薯🍠係非一般，估唔到炸過後個皮好脆，點白蘭地加糖出奇地夾，而且唔漏，食完燴飯本來好飽，但又食晒！好食！水信玄餅配黃豆粉同埋沖繩黑糖：最後來個甜品，日本經典水信玄餅，清清地，甜度剛好，我鍾意！Omakase 再可以搭配日本清酒，夫復何求😆 今晚真係大滿足！
繼續閱讀
📍 Tempura Taki瀧 🌏中環威靈頓街33號The Loop 8樓📝6.5最近試了一間中環天婦羅 Omakase，Omakase通常都係以壽司為主，這是一間專注於天婦羅料理。這次的用餐選擇了「瀧」的 set 。服務人員專業且熱情，為客人提供了詳細的菜品介紹之餘 ，每一個天婦羅該配襯那一款鹽，讓我在每道菜上都能感受到廚師的用心。這次用餐透過 OpenRice 預訂，享有68折的優惠，性價比相當高。考慮到這樣Omakase 體驗，這個價位非常值得。
繼續閱讀
3408 瀏覽
外國公司作風新派，就連春茗地點都一反傳統地揀咗間天婦羅專門店「瀧」，全因晚市推出嘅六八折剛好符合預算！佔用面積全層嘅日本餐廳光鮮企理，正門身後為師傅個大舞台。多人派對包哂圍繞著開放式廚房嘅高櫈吧位，食物煮好即可享用，夠哂熱辣辣！吧位身後有條海龍升天，繪出「瀧」字，霸氣十足！晚市餐牌上共有兩個選擇，其一為指定套餐「瀧」（$1,380/位），其二為可與廚師商討自定內容嘅「雅」（$980/位起）。主人家早已訂好菜單，埋位只需揀靚杯飲清酒。每位席上擺有自用餐具及濕紙巾。細心睇多兩睇，發現筷子原來係某日本木匠曾經講過最好揸嘅五角形款式，店主似乎有啲料到喎！等待天婦羅時，先有清脆嘅枝豆送酒。前菜中嘅萵筍蟹肉清甜爽嫩，三文魚籽於口腔內爆裂，即有提鮮之效。四式頭盤應建議由左邊嘅水雲杯起，逆時針方向食。勁酸嘅水雲醒神開胃；以味噌自家醃製嘅芝士可以話係另一類嘅重口味，好芝士嘅人就勁啱；節令嘅螢光魷魚好爽脆；橙碟上嘅海膽豆腐則芳香幼滑，最合個人心意。呈奶白色嘅鯛魚湯鮮濃甜美，暖胃非常。進入天婦羅環節，Barry師傅先介紹配點嘅四款調味，下圖左起分別為天然鹽、咖哩鹽、檸檬汁、蘿蔔蓉。打響頭炮一貫傳統地由靚蝦開場！天婦羅炸漿酥化巧薄，修長嘅蝦身爽脆彈牙，簡單點上白色嘅天然鹽已能吊出鮮甜。旁邊嘅炸蝦頭卜卜脆兼冇渣，沾上咖哩鹽後好似變咗卡樂B嘅咖哩味薯片咁，送酒佳品也！魚王大讚天婦羅𩶘魚仔皮脆肉扎實，魚味仲好鮮。炸至半生熟嘅天婦羅帆立貝上枱前已一開為二，外脆內軟嫩，加點白鹽最能保持其鮮甜。半條骨都冇嘅天婦羅沙錐魚嘅魚味冇𩶘魚仔咁濃，賓客中竟然有人話食完唔知食緊魚喎，絕對有飲醉之嫌！彎彎嘅天婦羅瀨尿蝦實淨有彈性，而且好鮮甜。小肥一向對魚興趣不大，反而覺得連殼炸嘅天然大蜆有特色！據悉，師傅預先將蜆肉切成粒粒，混入冬菇碎及芡汁後焗製一輪後方才成隻喺滾油炸出，乜都唔洗點就咁就食得。意外地，經雙重焗炸過嘅大蜆爽潤多汁，鮮濃滋味得很！全晚之最必選壓軸戲肉紫蘇海膽三文治，喺廚房嘅燈光下尤其橙艷奪目！「三文治」底面兩片紫蘇葉天婦羅酥化輕盈，芳香尤甚，一口咬落去，當中澎湃嘅海膽餡心即溢滿口腔，舌上交織出香脆、鮮甜、嫩滑，成功掀起高潮！食完多道天婦羅後，每人面前即有一碗好似茶碗蒸嘅京都豆腐。滑如蛋蛋嘅豆腐擺盤精美，真係冇諗過豆腐面塊透明啫喱乃紅菜頭汁所造，頂面嘅粟米方磚清甜爽脆，組合清麗脫俗，十分可口。單尾食事可選雜菜蝦餅飯、蕎麥麵、烏冬，其中最多人揀食飯飯。XO仔就點咗個清新啲嘅蕎麥麵。甜品環節共有兩道，第一款鹿兒島安納芋師傅其實一早已經開始炸，上碟時更提點層皮都食得！紫皮黃肉嘅安納芋相當軟熟，黏上伴配嘅拔蘭地同糖後，當中嘅甜味迅即被燃點起黎，軟化咗嘅表皮亦甜美非常，吃畢一啲渣都冇，堅掂！作結嘅水信玄餅晶瑩滑溜，撈入伴配嘅沖繩黑糖及紅豆粉足以添上微甜與芬芳。樓上天婦羅店「瀧」環境時尚潔亮，室內抽氣充沛，服務生溫婉友善，天婦羅菜式用材新鮮，而且唔係咁油膩，晚市之六八折優惠直令性價比提升不少，值得一試！
繼續閱讀
剛於上星期六，經朋友推介去左中環一間樓上的日本餐廳食lunch， 一睇餐廳名就知係專門食天婦羅，食完確實有種搵到隱世餐廳，大隱隱於市既感覺！🕵🏼🍤🔮今次幸運地係朋友推介，仲有機會試到個Secret Dish ，淨係時間心機都值回票價，滿分誠意推介！💯 ㊙️留到最尾再講🔜！👫放假同女友一齊去，大家就可以試多啲唔同野食。Lunch Set 選擇都好吸引，又係選擇困難症既時候，最後佢揀左胡麻漬吞拿魚飯加牛肉烏冬，我都好奇點解揀呢樣？因為佢話胡麻漬飯好似好少見，講一講又確實好似係，試完味道都幾好食。😋不過我就梗係食特上天婦羅御膳😂⭐️天婦羅第一道菜係海老天婦羅，已經感受到用料新鮮的高品質，食到蝦既鮮甜，蝦頭配咖喱鹽就好似小食咁，脆卜卜好味！前菜係豆腐配柚子，非常清新。刺身有拖羅、魷魚、帶子，三樣都係favourite，特欣賞魷魚既煙韌口感ichiban！⭐️第二道係和歌山香魚(稚鮎）、沙䱦，踏入夏至到秋分都係品嚐既好時機💫，麵衣非常薄脆，入口能食到魚既油香，而且味帶回甘，頓時有驚喜。至於沙䱦魚肉厚實，炸完食落都非常滑嫰多汁。⭐️第三道係日本䱽魚同瀨尿蝦，呢個最緊要係肉質彈牙唔會削身，食材水準既重要性，贊👍🏻接住就係天婦羅蓋飯（食左一半先發覺唔記得影相😮💨），雖然我心繫最尾個secret menu，但係都忍唔住食晒成碗飯，天婦羅雜菜蝦餅仲食到彈牙蝦肉，熱騰騰既珍珠米加埋個醬汁，恰到好處🤙🏻 去到個Set結尾就有日本蓮藕、意大利青瓜、粟米仔。青瓜食落非常多汁，最岩食完晒清一清refresh下，但我最中意係日本蓮藕，炸完後加埋少少咖喱鹽一齊食，真係好似食緊薯片一樣😋✨終於到左最後係壓軸登場既Secret Dish!!🥳登登登登！！安納芋天婦羅🍠 ！係Chef Eric師傅自家創作菜式！用上來自鹿兒島產既安納芋（番薯）去過都知道安納芋係當地名物！制作過程費時⏱️，需要將原個番薯🍠烹炸超過1小時，相當花心機同工夫👏🏻！！同身邊果個一人一半岩岩好😍成個炸完連皮食，外脆內軟，師傅會配埋白蘭地同白沙糖，用手拎住先醮一下白蘭地，之後點少少沙糖，入口酒香四溢🥃 至於點沙糖呢個小魔法，食落去就唔會有酒精既苦味，同埋會有啲焦糖香，加上番薯本身甜度十足，酒香和甜味成個變奏令菜式再昇華，為今次午餐成就絕佳既結尾！✨多謝朋友介紹一去到已經叫左先，食完成個set岩岩好食得👏🏻難怪師傅都笑話我今次真係有口福～😎食完仲有個雪糕🍦真係超級滿足～中意薑味既朋友可以試下個薑味雪糕，夠薑！不過我唔係薑既朋友，身邊果個叫我試一啖，真係「好夠薑」😂所以我都係食番海鹽雪糕～(Openrice最多post12張相，無法盡錄🙌🏻🥲)📍總結，絕對值得去試💯：1. 隱世餐廳，價錢合理，喜歡鬧市當中尋找美食岩晒！2. 食材新鮮，師傅好高水準3. 有機會一定要試安納芋天婦羅！4. 服務出色，師傅友善5. 聽講晚市更多唔同既創意菜式，下次搵時間要再去
繼續閱讀