9
0
0
港鐵油麻地站 A2 出口 繼續閱讀
附加資料
用心製作高質港式日式小食,推介一口牛, 玉子燒 ,大阪燒, 首創避風塘燒賣魚蛋。
付款方式
現金 微信支付
食評 (11)
等級3 2019-05-12
217 瀏覽
旺角人流多,小食店遍佈全區,如雨後春筍,多不勝數,任何新潮創新食物都能在這潮流地找到,但要成功在這必爭之地立足卻十分不容易。這次晴寶去食了曾風靡一時的日本玉子燒🥚,這小食材料簡單,製作亦不複雜,但要做到入口嫩滑卻不容易。這次幫襯的小食店名字的確令人銘記於心-「瀟灑哥」😂。這店子食物選擇多,但最岀名的卻是玉子燒!當然要一試,有三款選擇:蟹柳、鰻魚、明太子,我揀了蟹柳味。因新鮮製作,等候約10分鐘。今次選擇回家品嚐,所以選擇外賣,店主細心用錫紙盒裝住,令我回到家中仍能品嚐熱騰騰的玉子燒😋一打開,玉子燒上佈滿沙津醬、木魚和蟹籽🦀,賣相吸引,分量滿多,兩人開心分享剛剛好👭。一切開,有少量蛋汁流心,一入口,滑嫩香甜,相信是加了粟米和忌廉👍🏻,味覺剛好。唯一要改善是此店不設派票叫號服務,只靠店員認人樣派食物,如人流多就顯得不方便。 繼續閱讀
(以上食評乃用戶個人意見 , 並不代表OpenRice之觀點。)
真心推薦大家係旺角掃街時過黎試下 價錢都幾合理 食物好有質素最愛流心芝士鰻魚玉子燒味道同賣相都滿分 真係有流心效果 食落去好juicy 食食下仲發現有芝士拉絲 鰻魚x玉子燒既味道好夾 好有層次 食完好想再食必食炸黃金軟殼蟹外皮非常之脆 平時食黃金蝦 剝殼之後就食唔到好多咸蛋黃 但係 呢個軟殼蟹就可以連所有鹹蛋黃一齊食落肚 一啲都唔浪費 非常邪惡回味無窮同埋軟殼蟹本身都已經好好味 加埋鹹蛋黃 真係一絕鵝肝多士鵝肝入口即溶配埋脆脆嘅多士 都係無失望 正 繼續閱讀
(以上食評乃用戶個人意見 , 並不代表OpenRice之觀點。)
等級1 2019-03-22
189 瀏覽
魚蛋燒賣食得多,普通點豉油食嘅,咖哩,麻辣,炸都食過.... 但我真係冇諗過可以有避風塘燒賣魚蛋!超特別而且即叫即炒夠唒火氣!! 好惹味又辣得好鬼過癮。只係十五蚊唔算太貴,有八粒而且兩溝仲唔洗加錢。一個價錢試唒兩款口味。我自己就鍾意避風塘燒賣多啲。簡直將魚肉燒賣昇華到神枱級!真係要大力推薦。 見呢間舖又好似有新搞作,經過再試下先! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-02-12
314 瀏覽
去親旺角都總會見到新嘢,今次發掘到一間食鐵板小食嘅. 係舖出面望緊餐牌果陣已經聞到超香! 原來個師傅係鐵板上面煎緊牛. 啲香氣真係搞到我流唒口水.我見呢個一口牛係招牌,所以我叫左個勁量嘅! (普通同勁量價錢只係差$20... 梗係叫大份啦! )見到師傅夾啲肉落鐵板果下"滋滋沙沙"聲,應該真係好夠火力! 師傅係塊板上反左一陣,幾下手勢最後加啲黑椒就完成左呢個椒鹽一口牛。粒粒都幾大粒而且充滿肉汁! 真係一啲都唔老而且唔難咬. 以呢個價錢,有咁高質嘅牛真係冇得頂! CP 值超高! 我本身想即刻再嗌多份黎食但諗諗下要留肚,唯有下次再黎食過! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-01-31
229 瀏覽
雖然而家少左出旺角,但都要定期去迫下人湊下熱鬧食下野。係旺角食野我一定去家樂坊果條街,舖頭夠集中款式又多。次次都眼闊肚窄,買到食唔落。前日行過呢間舖,見到都有啲人係舖度等緊,於是行去湊下熱鬧。間舖裝修得好日式,食物品種都算幾特別。我試左佢嘅玉子燒,拎上手果陣好夠熱出唒煙! 見到應該係 order 左即做嘅。玉子燒入面有粟米,蟹柳同芝士😍 好好味! 仲有鰻魚汁但我走左沙律醬。我覺得真係好好味,值得推介俾大家! 佢都仲有好多其他款式我下次想再試下。 繼續閱讀
(以上食評乃用戶個人意見 , 並不代表OpenRice之觀點。)