瀛豐放題料理專門店 (已搬遷) 新店位置

銅鑼灣既放題地方就腳，閑日同朋友收工敘舊就夠咗黎試。覺得餐廳張臺真係太細啦，同朋友食要不斷極速清曬d野食，張臺先擺得落。用ipad落單，落咗唔驚睇漏唔會走單，成餐飯都無走過單，呢個值得一讚野食方面，極力推薦呢間既炒硯，我同朋友encore咗兩次都覺得唔夠喉，呢到既燒帶子同燒菠蘿都好好食，可以叫黎試下，同埋唔洗擔心食唔曬，因為餐廳真係會根據人數比，每份食物都細細碟，可以試多d唔同既野好好。不過覺得呢間d炸雞翼好似炸得有d過火，好硬，食咗一個就頂唔順了

難得今日男朋友收早 一於接佢收工畀個驚喜佢 我哋兩個呢排都比較忙 已經好少見面 食餐飯都難男朋友好細心佢知道我鍾意食生蠔 所以特登book咗呢間放題同我食 唔同時段有唔同收費 供大家參考一下 呢度有一個優勢就係開到凌晨兩點 宵夜時段 最平最抵食而家只要加$118就可以升級任食優惠 可以任食法國皇家生蠔， 海膽火焰帶子，生啤任飲！唔好講咁多 即刻叫打蠔食下先！ 全部即叫即開好新鮮 上枱嘅時候仲係生勾勾㗎每隻蠔又大又肥美 質素相當高 海水味唔會太重 有蠔味 裙邊非常爽脆要稱讚嘅一點 係師傅開蠔手勢非常好 完全食唔到有碎殼呢個海膽帶子又係不得了 海膽同埋帶子都係我鍾意食嘅嘢 帶子嘅鮮嫩鮮甜味道加埋海膽獨特嘅香味 簡直係味覺嘅一大享受 而且海膽份量夠曬多 呢種食法真係相當奢侈 但係真係好好味壽司方面選擇都幾多 有刺身，火炙，手捲，軍艦…… 整體夠新鮮 壽司飯唔會太大嚿 一啖一口 唔怕食唔落其他嘢 而且可以試多幾款軟殼蟹手捲 軟殼蟹是即叫即炸 熱辣辣而且脆卜卜 仲非常juicy 配上粒粒蟹子口感非常好 最重要外面嘅紫菜仲係脆㗎刺身方面賣相整齊而且漂亮 魚生是厚切的 所以入口非常滿足 非常推介三

生日月keep住就係食、食、同食。今日去左銅鑼灣食放題，好方便用手機落單，唔洗tick 紙仔，我地可能早去，未有漏單情況。依家做緊promotion，加$118升級任食法國皇家同美國太平洋生蠔、海膽火焰帶子、Blanc 1664同asahi 生啤。生蠔好肥美，都幾新鮮，好味。先黎個刺身拼盤，出煙效果超正，有三文魚、油甘魚、珍寶赤蝦、白玉豚、馬刀貝、鮑魚片、希靈魚、八爪魚、角螺、象拔蚌等，最推介係超大隻既珍寶赤蝦，好鮮甜。前菜叫左螺肉、八爪魚、中華沙律，味道正常。和牛同三文魚火炙壽司、鵝肝帶子壽司、赤貝壽司、蟹肉蟹膏、芥末八爪魚軍艦都好好食。仲有泰國菜式，蒜蓉扇貝、冬蔭公湯，整體質素都高。食得太多凍野，喜歡呢到都有好多熱食既選擇！炸天婦羅、芝士年糕、紫心香芋丸、炸豆腐都好好食，新鮮炸起，熱辣辣。有飲品櫃、任飲，有甜品櫃、仲有馬來西亞出產雪條，有榴槤、香芋同紅豆味，超好味，好濃郁，又不會有好假的味道，最後吃一支好滿足。

去到發現原來鋪頭比平時食開既放題細，膽粗粗就試下，叫左升級享受$98有美國生蠔，帶子海膽同1664啤酒，食左美國生蠔都幾新鮮仲有泰式生蝦，平時出面放題只有跟壽司豉油，依到有泰式生蝦汁，咁先夠專業，泰式蝦冇汁簡直失真又黎刺身，嘩使唔使咁大隻，剌身都幾新鮮軟殼蟹手卷同出面正常size一樣，食完可能會飽壽司都唔錯個泰色椰菜苗好味，同出面泰國鋪頭食一樣，夠熱，即炒個螺差少少好細粒有冬陰公湯同魚湯有燒帶子唔錯夠熱仲有個燉湯，燒波羅好甜，熱食既野夠熱，經理服務好，希望下一次都係一樣

又去到想食放題嘅時間🤤 成日都周圍去試唔同嘅放題睇吓邊間好食啲。今次搵咗一間喺銅鑼灣嘅放題，見到+118 升級任食美國法國生蠔，海膽帶子，1664、Asahi任飲 即刻決定揀呢間！呢間放題唔算好大間，但係都已經坐滿哂人～首先梗係叫咗升級嘅食物先🤤 有呢個生蠔同埋海膽帶子！生蠔好新鮮好甜，分別有兩個品種，有美國同埋法國既，一個食落去較肥美，creamy，而另一個就細隻啲，海水味比較重，好鮮甜爽口。海膽帶子都一樣好食，海膽食落好新鮮，夾係帶子裏面，一啖食一粒真係好滿足🥰食完呢兩樣野都已經飽左好多，最後叫咗刺身同埋少量嘅燒物就好滿足🤣但都要食埋個雪糕先～

原價$199 加98可以任食生蠔，火灸海膽帶子，1664生啤。 今次用網上訂座有8折來到京都廣場，真的很多餐廳，餐廳以手機QR 點餐，而最好一個人手機負責，因為同一枱個個都用自己手機會很亂。10樓環境不大，可能因為隔開2個內堂，坐位不多。 我們用了openrice 訂坐有8折。先選刺身拼盤，6飯生蠔，火灸海膽帶子。刺身拼盤:大牡丹蝦很粗，鮑片，象拔蚌，希靈魚，白吞拿，三文魚，螺肉，馬刀貝，油甘魚。很新鮮而且厚切很不錯。美國生蠔，很大隻幾肥美，口感爽口。火灸帶子海膽，第1次來沒火炙，問服務員，店長表示有客人反映不燒好吃，所以最近沒燒，我試了有燒火炙和沒燒。 味道方面沒燒就刺身味道甜甜地。但燒過香味比較提升，我喜歡燒過的。生蠔我們叫了4次，難得每次沒漏單又大隻，沒有因為叫太多次而不同第3轉都是很肥美!海膽親子卷火灸 :鵝肝帶子壽司，和牛壽司，露筍三文魚壽司黑松露油甘魚壽司，味道又香又新鮮，讚泰式生蝦糖心蛋，驚喜另外我們點了些沙嗲串，炸蝦餅，天婦羅沒影相。 推薦大家飲1664生啤，味道很清易入口，而且部機很有趣，我拍片了，但放不到來。甜品都很多選擇自取飲品也是自取，總括很適合一家大細，和一大

捱完死亡exam period後，梗係要同朋友食間高質素既放題好好犒勞下自己啦！今次我地直衝銅鑼灣呢間瀛豐日料放題來滿足口腹之慾。呢間日料座落於京都廣場10樓，正正係銅鑼灣站C出口對面街，一眼就望到，交通很是便利。夜晚7點半左右我地到達店舖內，已經是人聲鼎沸。店內用餐空間不小，見到好多都係一家人或者三五朋友來聚餐，十分熱鬧。 餐廳裝修平凡，不過檯凳上方吊住既黃色小燈泡卻襯托出溫馨既氛圍。服務方面，首先掃QR code用手機落單令到成個流程方便很多。其次，當我地問起食物推薦時，都有店員好熱情咁介紹店內招牌既刺身同生啤。另外一點，店員動作十分俐落，上菜同收碟速度非常快，野食都來得好齊，好快就擺滿成張檯面。用餐途中，店員亦會時常來收骨碟垃圾，確保檯面乾淨而不影響進食。食物方面，種類繁多，有素質。加上，見到門口有promotion,可以加118任食法國、美國生蠔同埋海膽帶子，由於朋友係生蠔狂粉，所以我地決定加錢試下。 首先從需要加錢既生蠔講起，生蠔肉質鮮嫩純厚，有住海水既咸香味，再配上檸檬汁，更顯鮮味，非常好吃。海膽帶子同樣亦十分有鮮味，用料紮實，值得一試。而吾洗加錢既野食，主要會分為四個部份

提早一星期同媽咪慶祝母親節佢鍾意食生蠔， 咁就帶佢嚟銅鑼灣瀛豐泰式放題料理試下， 泊左車係銅鑼灣廣場，店員同我地講可以升級任食美國同法國生蠔，仲有海膽帶子刺身，價錢都係加多$118！第一round 好快來了半打美國生蠔同半打法國生蠔 ，超級肥美鮮甜，法國既海水味重好食！海鮮刺身拼盤， 媽媽最鍾意三文魚腩， 佢讚口不絕，好嫩滑新鮮， 仲界左花更加美觀！我老公就鍾意食油甘魚，呢個價錢仲要食埋象拔蚌刺身珍寶海赤蝦刺身成隻手板咁大好有甘甜味，食多幾隻真係飽哂， 仲使食其他嘢， 好想繼續食都要留肚。我特別鍾意泰式炒蜆， 叫左兩次， 泰式生蝦都超正 , 炸羊腩 外脆內軟， 脆皮豬手一啲都唔韌， 超林。樟茶鴨， 熱辣辣，煙燻味特別香濃， 肉質嫩滑，醃得又入味 ，好食。 沙嗲串燒， 佢秘製嘅沙嗲汁好味到難以形容。鹽燒蝦， 燒元貝當然唔小得試埋佢壽司啦！北寄貝好厚身好甜，仲有海膽壽司都係任叫！仲叫左好多熟食，全部都熱辣辣，即叫即整。總括黎講，呢間放題有好多好多款式食物 甜品 飲品 任食 任飲， 好抵食！

銅鑼灣向來是美食集中地，上次想跟一位朋友出來，奈何她有要事，臨時不能跟我外出，這次終於能和她出來了，難得出來，想跟她去一間好點的餐廳。之前在網上尋找到一間很特別的放題店，平時的放題店只會有日式，這間竟然還會有泰國菜，而且位置也很易找，就在SOGO附近。店內的座位並不多，每張桌子仍能有充足的大小，放題最忌諱的是桌子太小，再多的食物來到也沒有足夠的位置去放置。我欣賞這樣的食店，寧願做少些生意也不會令客人感到不自在。想不到刺身拼盤竟然會是送的，每一款也有數件，三文魚雖然每片都偏向薄片，咬下卻發現十分鮮味、甜美鮑片、希靈魚也很新鮮。不得不讚，油甘魚的魚味非常明顯及濃郁，就連平時不怎麼吃油甘魚的我，也忍不住把全部都吃光光。刺身拼盤中，最觸目的莫過於是珍寶牡丹蝦，蝦肉的長度足足有食指的長度！鮮甜肥美也是當然的，甜蝦是每一間放題店都有的，珍寶牡丹蝦則不是呀。生蠔也是送的，雖然是送的，但一點也不隨便，每一隻都像我們平時在檔次較高的自助餐才能吃到的，腥味還是有的，是吃到最後才有，沾上生蠔專屬的醬汁更是美味如果你是很愛吃生蠔的人，加$118就可以任食了，挺划算的。然後海膽帶子也是餐廳贈送的，餐廳送的食物也

同朋友唱完k，勁肚餓，落銅鑼灣搵嘢食，經過駱克道，見到有間瀛豐放題，每位$218 ，銅鑼灣黎講相當吸引價錢！店員好快就安排入座，介紹左餐牌，原來加$119 就可以升級埋做任食生同埋任食海膽、帶子刺身，仲有生啤任飲！我地二話不說加左！我地先點咗半打美國生蠔、再試埋法國🇫🇷美國生蠔比較肥美，法國既就比較重海水味，兩種我都比8/10，好過好多5星級酒店既自助餐生蠔！海膽帶子刺身， 帶子好厚，厚到可以由中間切開，再放入海膽刺身，兩者加埋鮮甜到不得了！我地再追加左幾次！跟住點咗魚生拼盤：有三文魚腩、希靈魚、珍寶、赤蝦等等，擺盤好靚又有冰震，每樣食落都好新鮮，三文魚腩仲要有花紋，令到個皮位食時更易咬斷，減低油膩感，好有誠意！天婦羅大大件，新鮮炸起另外嗌咗個好多泰式熟食，泰吸引了！泰式燒元貝用左泰式醬料去燒，酸酸甜甜咁好滋味，帶子好大粒！又有冬陰功湯、泰式生蝦，連飛天通菜都有最後點埋個泰式炒金邊粉，我至愛呀泰飽了！

好少食放題，唔知係唔係特別平，不過我自己覺得價錢公道，最緊要質素好。由其要極力堆介，赤海蝦，超大隻！我地仲每人加左$98， 任食生蠔，海膽帶子。雖然係日本放題，但佢泰食野食都做得有水準，拍得上泰國餐廳。生蠔：肥美生蠔，海水味又夠，唔會太廋海膽帶子：啖啖厚身帶子肉，再加海膽鮮味，忍唔住要安哥。刺身拼盤：一上枱，即刻變左鄉下妹，嘩左一聲，佢唔係盤大，係連分量都大，刺身好夠新鮮，仲要厚切，極力堆介赤蝦再配泰式生蝦醬，完全無得輸，一大享受，識食一定咁食。蒜蓉燒帶子 口臭堆介精選，正爆，爆都蒜蓉加大大粒帶子，正呀。泰式炒茶苗 雖然係放題，但係泰式食物都做得好好，同出面泰國鋪頭味道一樣，夠鑊氣蟹子沙律 同日本連鎖壽司店未到一樣沙律醬唔會水汪汪滷水溏心蛋 溏心蛋夠流心，有心之作芝麻八瓜魚 大大粒八瓜魚，再加上醬汁，正，最重要佢無雪到冰一冰辣椒膏炒蜆 蜆肉食得出夠新鮮，唔會有沙同最緊要唔會得殼無肉呢度GE野飲、雪糕、雪條、甜品都係任拎任食，勁開心！最值得讚賞係服務態度，超級細心，入咗見隔離枱有小朋友會好細心主動安排最入位置，同唔會喺嗰度上菜。

2019年4月28日。雨。銅鑼灣。耶～～期待已久嘅放題終於嚟喇～聽朋友推介過呢間放題，所以好耐之前已經訂定枱餐廳喺京都廣場10樓，即係SOGO後面嗰條街上到去見餐廳其實地方唔大，但已經坐滿晒人呢間放題最大嘅驚喜係可以加錢任！食！生！蠔！加$98就可以任食美國生蠔、海膽火焰帶子同埋任飲生啤再加多少少，$118嘅話就可以食埋法國生蠔！！！一早就決定咗要加錢任食～另外近門口嘅就係甜品櫃等咗十分鐘左右就有得坐喇～真係座無虛席！海膽火焰帶子第一輪係餐廳準備嘅～呢個帶子夾海膽真係好創新，第一次見，第一次食～鮮甜配鮮甜，果然鮮味無窮～～生蠔萬眾期待嘅生蠔～～～本來以為放題嘅生蠔都係細細隻但係完全唔係嗰回事，新鮮程度直逼酒店自助餐！勁正呀！刺身拼盤第一輪刺身係大雜薈，咩都齊晒～最令人驚喜嘅係有白肉豚，大大隻蝦，仲有幾種貝類全部都好新鮮～～～值得encore再encore！冬陰公湯除咗日式放題之外，餐廳另一特色就係有泰式食品供應～就好似呢個冬陰公湯，絶不欺場，酸辣勁道十足鍾意飲冬陰公嘅我又encore咗一碗，呵呵！泰式生蝦無錯！呢度連泰式生蝦都有！真係超級多元化呀！

食日本野最識食緊係叫到成枱刺身慢慢食，但有時又要就住就住咁叫，未能盡興。所以間唔中又想食放題❤放縱一下自己個胃。今日就黎左哩間「瀛豐」！餐廳除左最基本既任食放題之後，不得不推介+$118既升級任食，雖然你可能會覺得有少少貴，但話明要放縱一下，緊係要食餐勁！事不宜遲，先黎半打生蠔！每一隻生蠔都有手掌心咁大隻。蠔肉爽口，有新鮮既海水味，開蠔殼好小心，唔會有蠔殼碎！一啖倒落口，真係好幸福。當然話明任食，就點止食半打咁少。我地之後都仲有再encore!第二樣重點推介！海膽火焰帶子！我同寶寶都覺得佢應該改名做「邪惡帶子包」😈哩個配搭真係獨一無二，係其他放題都無咁豪氣！一粒帶子中間分半，再夾入2-3粒海膽。加上少少既wasabi調味，一啖一粒，入口第一口感有帶子既鮮甜，之後再有濃郁海膽既second taste，真係好邪惡呀😭又要再encore!!!!大戰完生蠔同海膽火焰帶子之後，終於進入番正常既放題！先黎刺身拼盤！有三文魚腩、油甘魚腩、馬刀貝、象拔蚌、榮螺、原隻有頭甜蝦！重點！必食！三文魚腩！除此之外，仲發現有稀有食材：白玉豚！大大塊白玉豚，夾上手覺得肉質比較結實，但食入口即溶！無誇張，係真係即

今次係第二次回頭食哩間放題，夜晚7:30黎到依舊迫爆食客。訂左枱好快安排座位入座。坐低後，我見到台上冇一本厚厚的叫野食紙，原來哩度已經變左無紙點餐，scan QR code叫野食，真係好欣賞！我地見promtion加$118可升級任食法國和美國生蠔，同帶子海膽刺身等，現場基本上好多台都upgrade左，我地都照叫試下啦。生蠔都好大隻好厚肉嫁，食到淡淡海水鮮味，我個人麻麻生蠔，但都覺得幾新鮮。我主力食刺身，超愛的！油甘魚好新鮮呀，甜蝦大大隻，好鮮甜。螺片同三文魚都正，其他一般。金黃色海膽完全吸引我視線，仲有大大粒帆立貝，不得了。新鮮！覺得哩度既熱食幾好味，相中串燒勁香，少辣，正！各款炸物都好吸引！燒菠蘿超甜，食左幾碟。

食物選擇沒有介紹多，趕客走，明明仲有20分鐘時間享用美食，服務員叫埋單，一埋單竟然不能再落單叫食物。落單食物成日都漏單無送。地方又逼，5個服務人員，只得一位服務好，其餘十問九唔應。