影片
營業時間
今日營業
12:00 - 15:00
18:00 - 23:30
星期一至日
12:00 - 15:00
18:00 - 23:30
以上資料只供參考, 請與餐廳確認詳情
去了這間日本料理。其實早幾年前經過這間日本料理亦都食過，已經很喜歡，想不到幾年後仍有機會再食。馬上打電話入內訂枱，店員人很好，馬上無條件幫我們訂了9時15分。結果我們早了一點到，9時便入去，店員也很歡迎我們，讓我們很感動。入到去，全店只有我倆，他們讓我們二人座四人卡位，手提袋又可讓我們放在另一張枱上，給我們很大的包容度，實在太貼心了。此舉讓我們座得很安心舒適，亦有滿滿感動。結果我們點了一個超值料理二人前。700元左右，食得很豐富，有先付，雜錦刺身沙律，空運刺身，三點二切，有三文魚，貫盛，一品料理，香蔥拖羅蓉手卷，章魚棒大阪燒，蒜片和牛角切#主食，廣島石蠔鍋和手打稻庭烏冬。先說刺身，切得很厚，三文魚油脂滿滿，油香好好吃，大滿足，不會覺得腥或油，我太喜歡了。三文魚以外還有另一款白魚亦很不錯。它的脂肪明顯比三文魚少，適合喜歡吃食物不太油的人。刺身蝦亦十分新鮮。蝦腸清洗得很乾淨，這方面我很欣賞，食物安全和衛生向來就是很重要。沙律菜開胃，醋味我很喜歡，酸味恰到好處，不會過搶，拿捏得很好。沙律菜亦十分新鮮爽脆，還有魚生粒粒，用的是三文魚腩刺身，精緻矜貴又好吃。章魚大阪燒亦很有趣，吃起來有點像日式的章魚糕。木魚花飛舞，加上充足的沙律醬，挺喜歡這道小食。接著是吞拿魚腩手卷。店員親切提點紫菜要趁脆口時趁快吃，否則會變軟，是很有用的資訊。態度相當友好。紫菜又薄又脆又香，味道一吃便知新鮮。吞拿魚茸和蔥香也吃到。配的不是白飯，而是調過味的醬油飯，與別不同，更顯心思。然後是鐵板蒜片牛肉。蒜片金黃香口，又薄又脆而不過火，難得。牛肉剛好五成熟。吃到和牛的油脂香和嫩，蒜片也吸收了和牛肉汁。是好吃又儀式感滿滿的一道菜。主角蠔鍋終於登場，加熱著上桌，很有氣勢，排得很美，蠔足足有四大隻，真豪華，煮得剛剛好，爆漿，好嫩，好juicy, 超級滿足。湯定清甜，鍋中還有軟滑的烏冬，吸盡湯底清甜味道的粉絲和紹菜，好吃。甜食有焦糖奶黃布甸和日本啫喱。最後我點了一個滑滑的焦糖布甸。可選啫喱或大福。店員大方讓我們二人各選一款。我朋友選了橙啫喱。試到兩款都挺不錯的。我個人比較喜歡啫喱那款的味道。最後因為吃得太飽了，塞不下而問店員取了打包盒，店盒或親自幫我們將食物放入盒中。進食過程中又密密幫我們換水和收拾器皿，展現滿分的服務水準和態度。食物亦很不錯。下次一定再光顧。
繼續閱讀
呢晚同男友黎左呢間隱世日本料理吃晚飯，地點私隱度高，老闆娘都十分好客，會同食客傾計，問食客意見力求將食物質素做到最好☺️餐廳有好多特色菜，例如西班牙芝士巴馬牛肉脆脆，芝士、巴馬牛肉、脆片之間每個味道都緊緊相連，連合得完美無瑕😍超好味😍而魚湯煮蜆、石狩廣島蠔鍋，都係極鮮味！前者魚湯好鮮甜，加埋蜆肉咸咸地好出色👍🏻後者蠔肉大大舊，好濃郁海水味😋壽司Flower Love、濱松町卷都係充滿特色，以唔同ge魚生拼湊出不同口味壽司卷，好有新鮮感🩷💛💛💛💛💛💛💛💛以下係我所點的食物🤤🧡🧡🧡🧡🧡🧡🧡🧡魚湯煮蜆石狩廣島蠔鍋西班牙芝士巴馬牛肉脆脆壽司Flower Love濱松町卷💛💛💛💛💛💛💛💛
繼續閱讀
呢間日式居酒屋共有兩分店，於文苑街的老店更是開業25年之久，這間德成街分店則開咗8年，同樣由老闆親自打理，老闆娘又熱情健談，成間店充滿人情味。裝修走昭和風格，掛滿燈籠同復古畫作，幾有氣氛。餐廳主打每日飛機貨，串燒、鍋物、天婦羅同壽司都做得唔錯，適合兩口子或者一班朋友放工聚吓。多人聚會可用VIP房仲可以按預算同口味訂製菜單，真係相當貼心。今時今日仲可以有咁親切服務態度嘅小店，絕對值得支持。富士山火焰帶子燒 $198必食招牌菜之一，老闆娘自創之作。上枱時會用火槍炙燒，視覺效果十足。帶子大大隻，面層金黃，裡面夾住蟹柳、明太子同蒸蛋，口感 creamy，似茶碗蒸但冇咁滑，但口感及味道都唔錯。海膽戀之花壽司 $138賣相精緻，海膽鮮甜唔腥，三文魚油潤肥美，飯粒握得剛好唔散。整體味道平衡，creamy得嚟唔膩口。濱松町卷 $138一客六件，每件面層鋪咗唔同魚生：劍魚、鰻魚、三文魚、北寄貝同魷魚，色彩豐富似彩虹，賣相已經令人食得開心，打卡影相一流。安格斯牛肉壽喜燒定食 $138份量十足，牛肉鋪滿面，湯底清甜唔死鹹。牛肉有嚼勁同濃郁牛味，配料有娃娃菜、冬菇、金菇、豆腐及粉絲等，煮得入味。但呢個壽喜燒無跟飯，需另外加。清酒煮蜆 $88 湯頭有淡淡的酒香味，更突出到蜆嘅鮮甜，適合鍾意清淡口味嘅人。
繼續閱讀
呢間日本菜老店開業多年，食物有水準，有日本懷舊風味。叫咗幾個菜式都幾唔錯，值得支持😍首先係海膽戀之花壽司，賣相真係好靚，好似一朵花咁。海膽好新鮮，入口即溶，鮮甜味十足，三文魚酬夠肥美。濱松町卷有六款唔同嘅卷物，包括三文魚、帶子、油甘魚、墨魚、火炙左口魚同鰹魚。每款都好有特色，可以一次過試曬咁多款，好滿足☺️火炙帶子都好正，帶子燒好大隻，燒得好香，表面微微焦脆，裡面仲係好嫩滑，仲有醬汁，食落好juicy。牛肉壽喜燒嘅牛肉好嫩，湯底甜甜哋，好惹味，送飯一流。最後係厚燒牛舌，牛舌好厚身，燒得好香，口感爽脆，食落好有滿足感。呢間餐廳嘅食物質素幾高，而且價錢合理，值得再去！
繼續閱讀
好想食日本野，預先訂位了位於佐敦德成街，開業有8年老店的濱松町，品嘗正宗的日本料理，餐廳每日飛機貨運送優質新鮮的食材，仲有多款招牌菜式，除了海膽花之戀之外，尚有各式嘅壽司🍣、刺身、熟食同炸物等…，並由老闆親自主理。海膽戀之花壽司，做型細緻精美，將海膽與三文魚嘅鮮味合併，口感鮮嫩融合，味道十分之可口。濱松町卷，色彩繽紛令人胃口大開，一碟有幾個款式，各有特式。和牛壽喜燒， 和牛份量有8片左右，厚薄適中，牛味濃且柔軟，仲有不同款式的菜跟什菇，湯底咸中帶點甜，額外再加配烏冬，就夠晒飽啦。到居酒屋🏮，點都要叫番支沖繩啤酒🍻嘆下至得嘅。
繼續閱讀