179
12
6
港鐵北角站 A1 出口, 步行約2分鐘 繼續閱讀
所有分店 (2)
電話號碼
22579121
開飯介紹
燒肉質素高,套餐更無限提供前菜。並提供爐邊蛋、大醬湯等韓食。除了燒肉,午市還提供熟食套餐,例如人蔘雞湯配飯、和燉牛肋骨配飯等等。 繼續閱讀
營業時間
今日營業
11:30 - 22:00
星期一至日
11:30 - 22:00
公眾假期
11:30 - 22:00
付款方式
Visa Master 現金 銀聯 Apple Pay
其他資料
網上訂座
Wi-Fi
酒精飲品
自帶酒水
外賣服務
加一服務費
有關獎賞計劃
食評 (210)
等級4 2021-07-11
161 瀏覽
無得去韓國旅行,唯有食住韓燒幻想自己響韓國啦🇰🇷🥲蕃薯妹又搵倒間由裝修到食品都幾有韓國風味嘅韓燒😋 價錢仲唔貴~ 一坐低店員就奉上韓式前菜、生菜,最貼心嘅係有即棄圍裙同埋口罩套🤩 咁著咗淺色衫去食都唔怕嚕~~呢度仲有埋蕃薯妹最愛嘅爐邊泡菜蛋、爐邊芝士粟米🌽👀 我聞倒+5kg嘅味道🐷😆兩個人叫咗個《濟洲五花肉套餐》,呢個套餐其實係2-3人份量,除咗餐牌上有寫嘅嘢,佢仲俾多隻《豪快蘋果醬油雞腿》我哋… 老老豆豆😅 其實以蕃薯妹同朋友嘅食量,呢個份量可以夠4個人食🤪《濟洲五花肉套餐》$588套餐包括有:黑毛和牛上貝身肉、特選牛五花、濟洲豬五花肉、豪快嚴選牛舌、醬油梅花肉、韓式粉絲 必食推薦係《黑毛和牛上貝身肉》😍入口即化嘅和牛~ 牛味香濃!勁好味😋朋友唔鐘意食太油膩,所以反而佢好鐘意《特選牛五花》,油脂同肉嘅比例平衡啲,而且呢度嘅醃醬都相當唔錯。《豪快蘋果醬油雞腿》單點$88大隻到唔知點食好😂 剪開佢都有少少雞手鴨腳。不過呢隻雞腿認真好味~ 微甜嘅醬油+嫩滑又juicy嘅雞腿肉~ 將雞皮燒到少少脆口同雞肉一齊食~😋正!韓式炒粉絲都好好味😋太多肉肉~ 用生菜包住食冇咁油膩😋《濟州特飲》、《梅子青檸梳打》@$32朋友點咗《濟州特飲》原來係柚子+綠茶,味道幾match,清新解渴~《梅子青檸梳打》好好飲又開胃!😆聽個名都知道會比較酸~ 啱晒食燒肉解膩🥰每人埋單都只係$360左右,其實三個人嚟食同樣份量都足夠喔! 繼續閱讀
(以上食評乃用戶個人意見 , 並不代表OpenRice之觀點。)
今日老婆黎港島接我收工我就同佢去呢間喺北角滙嘅濟州燒肉食堂撐下枱腳呢間燒肉唔book就真係冇位我哋就book早啲冇咁多人嘅時候嚟好彩又比我哋坐到窗邊位一邊睇住日落一邊睇住一邊韓燒幾咁浪漫呀揀緊野食既時候就已經上左餐前小食四小碟包括有芽菜、豆角、醃蘿白、泡菜另外仲有沙律全部都可以refill架~食得韓燒點會冇芝士粟米同泡菜煎蛋呢~我哋食呢個二至三人份量既濟州五花肉套餐$588分別有特選黑毛和牛上貝身肉味道最香濃就係呢個部份入口即溶特選五牛花肉質軟腍味道雖然冇黑毛和牛上貝身肉咁正但都好高質濟州五花肉五花肉當然有脂肪先係正啦燒到脆身就食得豪快嚴選牛舌食完都唔覺係食緊牛舌好似食緊牛肉咁好得意醃料味道甜甜地好味啊!醬油梅花肉同場加映:豪快蘋果醬油雞腿肉身較厚燒既時候要比D耐性記得較細個火咁就唔會燒燶啦三款醬料:大醬、海鹽、醬油最後仲有韓式炒粉絲 以牛肉、蘿白等作配菜味道微辣食韓燒熱辣辣緊係要飲返杯凍飲濟州特飲西柚配綠茶配搭新鮮梅子青檸梳打酸酸甜甜十分開胃 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-28
902 瀏覽
烤肉前先食韓式前菜,因為會令人胃口大開,有四款可以無限添加。特選黑毛和牛上貝肉油花均勻,口感極嫩滑,食得出係上乘品質和牛。豪快和牛燒有兩大塊,和牛已經有調味醬汁,甜甜地,烤香後可以剪開,我鍾意加埋泡菜用生菜夾住食,超滿足!豪快濟州黑毛豬拼盤包括有黑毛豬五花肉+濟州豬梅肉+濟州豪快黑毛豬五花肉,份量澎湃,肯定可以滿足食肉獸。豪快蘋果醬油雞腿係原隻上,烤後肉質仲好滑。大八爪魚鬚真係好大隻,食得出係新鮮,好彈牙爽口。薯仔排骨湯味道有少少似羅宋湯,仲有一大舊排骨係入面。另外,爐邊有芝士粟米同泡菜蛋,都係可以無限添加。拉絲芝士烤軟左夾埋肉食真係又好食又充滿罪惡感!飲品叫咗柑橘梳打同荔枝梳打,都幾大杯,只係$32!值得一讚呢度抽風系統唔錯,唔會煙霧瀰漫,燒完後d衫同頭髮亦都唔會有燒烤味道。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-25
732 瀏覽
燒肉,真係食極吾厭🤣一邊慢慢燒,一邊燒食下粟米芝士同泡菜蛋,超掂👍以經驗黎講,小編仲發現原來加D芝士落去泡菜蛋到,都幾正😈另外,將半熟泡菜蛋係爐上到燒一陣,亦另有風味.【濟洲五花肉套餐 $588】只係$588,份量已夠2-3人,真係好抵食😍一Set有五款肉類,仲有一款韓食!.🔸特選黑毛和牛上貝身肉口感極為嫩滑,人口即溶之餘,成個口腔都充滿住牛香.🔸特選牛五花一層油一層肉嘅牛五花,肉質結實,油脂豐厚口感軟嫩,且帶有嚼勁👍.🔸豪快特選牛舌厚切牛舌口感特別嫩滑多汁簡單落少少海鹽,已經食到肉嘅鮮香味Lu😘.🔸濟洲五花肉足足有兩大條!三層脂肪同肉,層層相間係鐵爐上燒烤後,油脂揮發出黎,外層變得焦香豬肉嘅鮮香味突出,厚切帶黎咬勁無論係沾海鹽定係蘸上辣醬配生菜,一樣好正😎.🔸醬油梅花肉加入醬油去調味,肉質依家嫩滑更帶甜香.🔸牛肋骨煲牛肋骨煲超足料有嫩豆腐,蘿蔔,蔬菜,海蜆仲有大量牛肋肉!味道鮮香,牛肉味濃厚,不過有少許偏鹹🙈.【豪快蘋果醬油雞腿 $88】大大隻雞腿,用蘋果醬油去醃製味道甜甜,更感帶出嫩滑口感~.【濟洲特飲 。 荔枝梳打 $32】前者甜中帶點茶香,仲有好多柚子肉添🥳後者甜度偏高,不過有荔枝肉搭救~ 繼續閱讀
(以上食評乃用戶個人意見 , 並不代表OpenRice之觀點。)
等級4 2021-06-20
951 瀏覽
今日同屋企人慶祝父親節緊係要食好d,我地黎左北角匯e間主打韓國燒烤嘅餐廳😍,一睇就覺得好地道韓國feel😆入到去都唔覺得有油煙味,抽風都做得幾好👍🏻店員安排我地坐窗邊位,可以睇住夜晚海景慢慢食😍店員好快已經上左前菜,同埋爐邊蛋,仲有芝士粟米🌽。🌸薯仔排骨湯食燒肉之前飲一飲返碗熱湯先😋味道酸酸辣辣,都幾開胃😎有少少似羅宋湯。🌸特選黑毛和牛上貝身肉 上貝身肉油脂分佈平均,入口即溶🤤唔會覺得油膩。🤩🌸豪快和牛燒 和牛用左燒汁醃過,味道甜甜地令和牛燒完更香。😍👍🏻🌸豪快濟州黑毛豬拼盤拼盤有黑毛豬嘅唔同部位例如五花肉,梅頭肉等等。燒完點左甜醬油可以令黑毛豬嘅味道更上一層☺️🌸豪快蘋果醬油雞腿 雞腿🍗燒得好香,要先燒肉先,都咁上下就反一反燒雞皮位,咁就可以燒得岩岩好,味道帶果香,甜甜地🍎🌸大八爪魚 八爪魚🐙好大隻,初初以為會難燒,但結果又唔係😌食落仲好有海水味😍保持到鮮味🥰🍹梅子青檸梳打梅子味較重,但又同青檸好夾。🥳🍹濟洲特飲入面係鮮橙,茶底係茉莉花茶🥰 繼續閱讀
(以上食評乃用戶個人意見 , 並不代表OpenRice之觀點。)