濃姐石磨腸粉

基本上每日都會經過 眼見轉咗起碼有兩手人第一次轉手quality還算可以，同濃姐的味道都相似，當時仲有個姨姨向我推薦佢地自己整嘅辣椒油，味道好香，仲同我講係佢地家鄉帶黎嘅材料做。我估而家係再次轉手，連個位姨姨都冇見到，鋪面多了一些裝飾，再次返去試，腸粉沒有米味，而家覺得有啲怪味，見到佢地好似係用一包包的米製粉加水做，明顯連賣相都唔同咗。燒賣由以前大大粒好多料變左麵粉味的魚肉燒賣，應該係我最後一次幫襯😢…查看更多

記憶中多年前店舖新開的時候，那舖不是這樣，明顯地㕑子更改了，但反正嚟到，咪照食可也囉⋯⋯看一看餐牌，被紅色字吸引，於是便選擇了”亂九咁拉腸粉”, 我諗即係Omakase 有乜落乜咁啦！門口有兩張小枱可以進食，但眼見很多人都是買外賣的。門口有筷子🥢外賣蓋，還有貼士箱，相信在繁忙時段應該很多自助。落單後㕑子就即叫即做⋯⋯點了”亂九咁拉腸”, 話明唔好問，但筆者見依個時候冇乜食客，於是仍堅持問㕑子，腸粉內會有啲乜，於是㕑子問:你唔想食乜，我話唔想食牛腩⋯⋯㕑子又問:你唔食牛嗎？我答: 不是，只是不想牛腩在腸粉內，㕑子都算細心。亂九咁拉腸粉$35~㕑子今次落了炸菜、豬肉碎、牛肉、雞蛋，份量整整一個外賣盒滿滿的，加上豉油，如果想落醬料，可以自行決定，桌子上已放上甜、辣、麻醬外，還有辣油，只是沒有芝麻。由於炸菜比較咸，再加上豉油，筆者覺得頗咸，如果將豉油的甜度加上又或者將炸菜的咸度減去會更為配合。所以味道已不用再加任何醬料了。整體來說:此店經㕑子證實已轉手，㕑子說這是鄉下開平的味道，冇所謂啦！反正每個人造法也有不同的味道，吃出誠意就可以了。…查看更多

之前都食過幾次㗎啦，就覺得幾好食不過最近試過幾日朝早都見佢冇開門跟住今日終於食到啦，但係呢感覺上呢好似就唔同咗個味道好似冇之前咁好食啦，同埋個辣椒油又唔同咗唔知係咪轉咗手唔同師傅做，所以個味道一般…查看更多

轉手後不好吃，腸粉皮無米香，質地似漿糊。醬汁無蔥香，也無花生油香味。配菜也比以前放少了。這本來是我最喜歡的早餐店之一，很可惜轉手後沒法保持以前的水準，我想今次之後我不會再幫襯。…查看更多

一向都有食開，十分支持，但今日去幫襯火腿蛋腸+豬潤腸，材料少都算，但最失望係腸粉口感似漿糊，一坺嘢咁，食左一啖即掉，無下次。招牌無轉，但我懷疑轉左手，無左外賣平台 order, 無左八達通比錢，話申請中。…查看更多

呢間係我近期最愛嘅石磨腸粉舖頭，價錢抵食，用料有誠意，食物質素令人滿意。由於之前北上消費開始接觸多咗石磨腸粉，所以留喺香港嘅時候就會食呢間，暫時覺得油尖旺區最好吃的腸粉。1.碎豬肉腸粉呢個基本上係每次必叫，首先係佢哋嘅腸粉好滑，亦都食到好濃嘅米漿味，入面嘅用料非常有誠意，滿滿嘅豬肉碎。2.牛腩腸粉呢個又係好熱門嘅選擇，估唔到牛腩同腸粉都幾夾，牛腩大細適中，口感偏腍，配合埋佢哋嘅秘製豉油，食到非常滿足，絕對飽肚…查看更多

係我食過香港當中最滑最薄既石磨腸粉！豉油又不會太鹹，係廣東正宗石磨腸粉！跟小時候返鄉下食早餐的石磨腸粉一樣味道😭重點價錢又唔貴，即叫即整！ 十分推薦大家去食！今次食左肉碎加雞蛋腸👍🏻👍🏻…查看更多

知道這間濃姐石磨腸粉一直多食客支持，不過甚少有緣去食。睇濃姐社交平冶方發現佢經已退出佐敦這個江湖地向外闖，由第二代傳人接手。今日經過就來試試，其實幾佩服店家當初改的特別推介的腸粉名字，真係好引人矚目，令人款款都想試。其實想叫亂九咁拉腸，睇下佢有幾亂九咁，不過，最終都係點了黯然銷魂腸。腸粉新鮮熱辣，皮薄軟滑，餡料雖說是碎豬碎牛，但切得唔算碎，一片片分佈平均，幾乎每一啖都有牛肉、豬肉或蛋，由於腸粉皺皮，嗦汁力足，所以豉油不用落太多，細食的人一盒腸粉都夠飽。…查看更多

知道好快要結業，所以就結業前一天同太座專門去光顧一下，買好外賣坐係附近公園慢慢食。叫左牛肉、叉燒、廚師法辦，份量好足，腸粉好薄好滑好香，餡好足，真係好好味。仲叫左燒賣不過好飽要帶返屋企。去到個陣都有人等僅外賣，可能order多，等左45分鐘，但係囉個陣種熱喇喇。最後兩日，好多口味都唔做。我估之後呢幾日肯定做到傻左，點都好，要講拜拜真係好唔捨得，好希望你地繼續有好既發展，換個新環境再黎過，後會有期喇！…查看更多

話說濃姐就黎光榮結業喇😢我都未試過秘制牛腩腸 前後幾日都食過我啲至愛一於試下新野啦🆕秘制牛腩腸係最後的時光嘅新產品黎完全唔知應該expect啲咩😌世都估唔到居然係有一舊舊牛腩平均半條兩件一條四件一盒四條咪有成十六件性價比真係爆燈了🤯可惜係每舊牛腩都太大舊喇😌一夾起 腸粉就散唔知係咪好事呢😅另外因為用左瘦牛腩 所以無平時好淋嘅口感我身為怕肥嘅女仔當然鍾意啦🙊但係唔知其他人食牛腩係咪追求尼樣嘢呢🙃🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩總評分食物質素🌕🌕🌖🌑🌑CP值🌕🌕🌕🌗🌑WOW指數🤩🤩🤩🤩🤩encore 👏🏻👏🏻有其他野仲想食 例如五香肉丁蝦仁同叉燒所以有唔會encore牛腩腸IG @masshyupoteto…查看更多

最近鍾意咗食石磨腸粉，然後先知濃姐腸粉會係8月結束營業，立即搵時間去買嚟食試吓。🥢黯然銷魂腸腸粉即叫即整，拎上手新鮮熱辣辣，份量十分多，裝滿成個外賣盒。腸粉入面有碎豬、碎牛、蛋，腸粉薄身嫩滑，再包住大量嘅蛋，好似食緊蛋餅一樣，非常足料。不過就略嫌豉油鹹咗啲，可以唔好倒哂落去，其實就咁食腸粉都夠哂味！如果要食就留意返濃姐社交平台最新嘅營業時間！！同埋鋪頭無得坐，只有一張枱仔可以企係到食，所以我去咗附近公園坐低食😆😆…查看更多

🟩位於佐敦官涌籃球場🏀對面嘅濃姐石磨腸粉，開到下午5點，經營到月尾。因為知道就嚟要講bye-bye, 星期六下午都幾多人專程嚟幫襯，濃姐濃哥做到冇停手，要等5至10分鐘左右。濃姐賣嘅係皺皮腸粉，係近年先傳入香港（網上有人話皺皮腸粉係為咗慳工序，食開要卷嘅腸粉先係傳統。我自己就最鍾意食混醬豬腸粉）濃姐嘅腸粉好薄身、爽身，我叫咗粟米🌽腸，💲1️⃣8️⃣，消費滿💲3️⃣0️⃣仲送紙包飲品🧃。豉油甜甜哋好味，建議唔使加其他醬料，更品嚐到食材嘅真味。…查看更多

今次去食既係佐敦一間石磨腸粉店，佢地間鋪係冇位坐既，我去之前都預冇得堂食，要去附近公園開餐🧐 咁岩叫完餐發覺其實有張枱仔都可以企係度食，地方只夠兩個人用，不過唔洗搵地方食已經好好🤩佢地有蒸麵餐，腸粉，秶飯等等，一場黎到梗係食腸粉啦😋 佢地既腸粉可以自由配搭配料，我就揀左碎豬肉腸（$26）同埋比較特別既秘製牛腩腸（$35）🤓碎豬肉腸佢地係用細小既豬肉片做既，而唔係免治豬肉，個腸粉做出黎既厚度岩岩好，再加埋豉油辣油，真係食得好滿足🥰牛腩腸方面比較新奇，好有牛腩味，食落好似食左件車仔麵既牛腩咁，鐘意食牛腩既人一定要試🤘🏻兩份腸粉亦都好足料🥳份量就唔算好大，價錢亦都適中，佢地有個限定優惠11:00am後每叫夠$30就送一位紙包或罐裝飲品特別要提醒大家既係❗️❗️佢地既營業時間係星期一至六08:15-17:00，夜晚係唔開，一般要番工既人可能要星期六先食到🥲 但係絕對值得抽時間黎食既一間鋪👍🏻👍🏻…查看更多

好少經過呢度比較隔涉嘅地方，見到有腸粉就試吓，嗌咗個牛肉腸，會送一盒紙包飲品，心諗呢個價錢都算好經濟吓。嚟到有驚喜，粉皮係做到好薄又唔會黐埋一住住，層層分明，難得係咁樣都唔會落好多油分隔層數，平時通常係會食到成口油，牛肉都冇揸，我本身唔係好鍾意陳皮味但呢度陳皮味比較淡，啱晒我。佢個豉油味道都調得啱啱好，唔會太鹹，落多少少可以帶出牛肉味。如果米香再濃啲會完美。下次會想試吓佢個牛腩腸聽落去都好似幾得意。…查看更多

有齊菜、肉同碳水有一餐😋除左我自己鍾意腸粉之外，尼排成日幫襯濃姐嘅原因係因為成日要照顧老人家🧓🏻老人家要食啲淋身啲、容易消化啲嘅嘢，腸粉正正係一個選擇💪🏻加埋啲重口味啲嘅餡同啲非常香嘅豉油，老人家真係好受落㗎🤩都係諗住說服啲老人家食飯，今次個腸粉得左😝同以往一樣，條條腸粉都有豬肉、生菜，份量都唔少，完全可以代餐！豬肉唔係正係得肥豬肉，少少彈牙，配埋啲爽口嘅生菜碎，口感都幾豐富😚唯一嘅不足可能係豬肉個味道比較淡，要係咁沾豉油😅🥬🐷🥬🐷🥬🐷🥬🐷🥬🐷🥬🐷🥬🐷🥬🐷總評分食物質素🌕🌕🌕🌖🌑CP值🌕🌕🌕🌕🌖（28蚊嘅小食好似好貴，但係當正餐嘅話真係好抵）WOW指數🤩🤩🤩🤩🤩encore👏🏻👏🏻👏🏻👏🏻👏🏻（已回購多次）…查看更多