澳門荷蘭園 (已結業)

荷蘭園真係荷蘭咁遠，話說要入屯門所以留肚去荷蘭園食脆麵，唔講唔知呢度嘅隱世脆麵簡直係脆麵界嘅世一（個人立場），佢哋用粗麵口感更香脆，重點炸得扁身容易方入口，重中之重點係，又唔太油膩喎😋😋好好味啊！個酸甜排骨都好好食炸得香脆，係就有幾舊肥肉太肥，個汁酸酸甜甜好開胃。不過杯熱檸茶就比較濃仲好鞋口添。😁另外仲有芝士牛油海鮮應該都唔錯。😂

今朝去開屯門大興邨個邊，係荷蘭園食早餐，平時只係食開夜晚小炒/海鮮加工，好食得黎都算性價比高(遲d出返食評share)叫左2個餐✌🏻1️⃣香草雞扒配茄汁豆腸仔+牛油方包，凍咖啡 $41+$3凍飲- 塊扒都算大塊，超多茄汁豆，有2條腸仔 配埋招牌咖啡一流👍🏻2️⃣沙嗲牛肉麵配火腿奄列+牛油方包，凍鴛鴦少奶 $34+$3凍飲- 沙嗲牛肉都有6，7片 奄列好多火腿絲但個人會想入面多d蛋汁😛總括而言都算不錯 可以有下次😆😆

左搭右搭下午茶只係$32，好想食瑞士雞中翼，右邊諗緊西多士或者薯條，最終揀咗薯條啊！落單之後d野食好快趣就嚟到，啲薯條熱辣辣脆卜卜好正，唔知係咪疫情嘅關係，茄汁係獨立包裝，俾左兩包茄汁我自己落。瑞士雞中翼三大隻，賣相好好，味道正常，欣賞佢d雞中翼比起平時屋企買嘅仲要大隻，抵食下午茶！

小編在這條街都吃了不少不同餐廳的早餐，這間就第一次。當時是平日的早上10時半左右(早餐在早上六時至11時半供應)，裡面只有1成的客人，這個時間可能其他的客人們都去上學和上班了。小編要了一個雙拼粉面早餐($28) ，雞中翼(2隻)和日式餃子(2個)的螺絲粉。雞中翼應該是翻煮，所以肉質非常乾和硬；日式餃子的餡料是白菜豬肉，說到「日式」，還以為是煎餃子，怎料是湯餃子。套餐送熱飲，就要了一杯熱鴛鴦(杯子很破舊)。另外一個是港式早餐($31)，要了生炒回鍋肉米粉，套餐奉送牛油方包和配兩款餸，就要了煎雙蛋。在茶餐廳很少會吃到不是來自罐頭的回鍋肉，這點值得讚；而煎蛋的蛋種應該不差，因為蛋味很濃。想不到這麼普通的茶餐廳都會些不錯的地方，而且這裡的價錢在這條街裡算是較便宜。

某日路過此地，見裝修最好係呢間餐廳，於是望望menu就入去。位於工廠區附近，價錢算係合理跟手有待應安排入座（其實係我遊走咗一輪先有待應招呼）。事源係我見到只係得返大枱，但無打算一個人霸人地張大枱，然後久久都無人理我。落單點咗個椒鹽豬扒飯，待應落單時自己聽唔到，喝咗我幾聲，幾特別既溝通方法。羅宋湯好似溝咗大量水咁椒鹽豬扒份量看似幾多，但食落係無味，配落個白飯度非常之Dry。可能太肚餓，硬食咗大半碗，然而個椒鹽豬扒真係送唔到飯。

成日都食，但都無幫手寫過食評🤣🤣！今次終於記得影相，寫番！荷蘭園鋪面頗大，由早餐7點零開到晚市，嘢食選擇多，cp value 都好高，嘢食仲好好質素，有外賣服務，好受街坊歡迎！星期日黎食lunch，點幾去到，仲有位，嘢食選擇多到選擇恐懼發作！🤣羅宋湯: 每次必飲，只要唔係咁啱大廚放假替工幫手，都好飲，又多料，又夠味！麻辣牛肉烏冬：今次試吓唔同嘢，估唔到係好食嘅，牛超多，幾滑，湯底都好夠味，唔係太辣！什扒：大份到嚇親，扒唔差，正常茶餐廳水準！總括黎講，嘢食絶對唔差，cp值又高，係我其中一間飯堂！

話時話說同家人諗住上去屯門善緣嗰邊拜山, 一落巴士站附近就諗住去食早餐, 見到呢一間澳門荷蘭園就諗下有冇豬仔包食. 真的這麼好彩門口的早餐牌真的有豬仔包食. 一家四口就走咗入去食早餐啦, 餐廳環境衛生滿意. 門口收銀嘅姐姐又同啲客人有講有笑, 好似做熟客生意居多. 老闆又親自為我哋寫單抹枱, 服務得幾周到. 我叫咗個豬仔包同埋羅宋湯米粉, 啲豬仔包香脆內軟真係拍得住澳X茶餐廳. 至於羅宋湯米線就一般正常, 但嘅羅宋湯就咸咗少少我阿媽就叫咗個火腿奄列, 呢個都好好食啲火腿好多好足料至於老豆就叫咗牛扒餐, 牛扒唔太硬有口感最後係杯奶茶, 本身鍾意多奶少甜, 奶味重超正

平時我最鍾意捐窿捐啦，周圍去搵嘢食，今日去到屯門石牌嘅工廠區，佢個招牌有少少似「澳門茶餐廳」整體來講，個牛腩炆得夠腍，面底炸得好脆可惜咖喱汁嘅味道太鹹跟餐可以叫飯或者粥，我強烈建議大家一定要叫粥，佢個粥唔會太「希」，好有潮州打冷嘅風格總括嚟講，都可以再試！

今日落區工作，午飯當然又要搵好野食啦！呢間荷蘭園早幾年前去過，一路都懷念這裡的脆麵，本人就是怕肥故一直只有是想食這個念頭沒有行動，今日同事問我這區有什麼好介紹，義不容辭就帶佢去荷蘭園挑機，最多今晚跑多2K 啦！王者之選咖哩牛腩脆麵，牛腩肉質軟腍，吸盡咖哩汁香故入口非常惹味，相當出色的脆麵乾脆無油我鍾意牛腩非常入味且淋滑！菠蘿咕嚕雞球脆面，酸甜開胃，味道有點似在食錦鹵雲吞，好食在工廠區都有如此獨特美食難得，價錢仲要是 $44簡直無得輸地點位置都算易去！