澳門樂園茶餐廳 (已結業)

新年到九龍城搵食，找來一間普通茶記，叫澳門樂記茶餐廳。晚上6點多其他食店水靜河飛，它卻差不多滿座。看到每枱以吃小菜為主，種類很多，價錢都ok。叫了魚腸煲仔飯，豉汁蒸白鱔，油菜。焗魚腸就吃得多，魚腸煲仔飯就真係第一次吃，份量足又唔鯹，超好美，一定要再來吃。再來蒸白鱔，很肥美，很有豆豉香，也很大碟。原本沒有太大期望，抱著一是無妨的心態，估唔到咁有驚喜。特別係夥計相當有人情味，有笑容，不像其他連鎖茶餐廳未吃飽已想把你趕走。雖然環境普通，沒有華麗裝修，但卻很喜歡但類充滿香港情懷的平實隱世茶餐廳。

天寒地凍，除左打邊爐，煲仔飯都係一個唔錯既選擇！我們點了前菜魚皮，喜歡食魚既朋友必食！非常爽滑的呢！我們點了三個煲仔飯，由於本人很喜歡臘腸，所以臘腸排骨煲仔飯必叫！（我已急不及待吃掉了臘腸呢）魚亦是我摯愛，所以點了鯇魚煲仔飯，魚味很香，肉質嫩滑，不過吃的時候要小心有魚骨。最後原本點了田雞煲仔飯，點知售罄了，非常失望（如果大家要食就要早去）我們唯有另選滑雞煲仔飯，雖然此雞不同比雞，但雞肉嫩滑及香口。

而家早餐冇三幾四十都食唔到D乜！行成條街間間早餐都麻麻地吸引，所以是是旦旦入左呢間。佢個自選早餐，居然有豬頸肉、墨魚鬚、牛𦟌同鴨腎！十分邪惡！就試試沙嗲豬頸肉同醬爆墨魚鬚啦！起初抱住＄34食到D咩丫既心態，點知黎到係餸多過米粉！！！仲有幾條白菜仔食下，幾好！由於我揀既餸都好濃味同heavy，食完真係飽足一日！美中不足既係餸只係微暖，增添左油膩既感覺。豬頸肉好厚，似豬肉多D。墨魚鬚偏韌 ，少D牙力都食唔晒全部。

在九龍城購物完，順便祭埋五臟廟才回家，走入澳門樂園茶餐廳，打算吃過簡單的晚餐。怎料，5:50這刻晚餐未有要等十多分鐘後才可落單，咁就退而求其次，再看餐牌，發現有特餐，特餐，我諗真係冇乜幾何食特餐喎！咁就落個特餐啦。豬、牛、雞扒有得揀架，揀豬扒，很薄的香煎豬扒但夠大片，粉麵都有得揀，揀米線。火腿奄列牛油方包吃得我夠飽之餘仲好滑滑，由於兩個人都唔係好肚餓，所以兩人夠分享。

一向以為九龍城只有兩個樂園，一個「樂園」位於市政大廈內，以沙嗲牛肉西多士、奶茶紅豆冰等自創另類港式食品馳名，另一個「添樂園」就以煲仔飯和手拉腸粉最為有名。想不到這一天，一時不慎的我竟然誤中副車，去了第三個根本算不得是樂園的樂園吃了一個欠佳的早餐。這天早上我本來是想去幫襯「添樂園」的，但一不小心，在不為意下竟然闖進了就在「添樂園」旁邊舖位的「澳門樂園茶餐廳」。既然已經坐下，也不好意思即時離開，便將錯就錯，叫來在港式粉麵早餐以外，看來較為特別的特餐之一「煙肉洋蔥炒蛋 + 多士 + 茄汁豆」做早餐。可惜這早餐實在令人失望，多士中的牛油幾近沒有，而且也過於硬身；煙肉洋蔥炒蛋的蛋炒得過老，毫無蛋汁；洋蔥太生；煙肉又太少，炒蛋、洋蔥和煙肉根本就是獨立的個體，各自有各自的世界，試問又怎能讓人感到滿意？吃過這難以令人感到滿意的早餐，把手上還算可以的「熱奶茶」喝完，還不快快離開這個樂園？這世界上，哪來那麼多的「樂園」！

今晚去左位於九龍城既法國醫院探病， 黎到九龍城，當然要行下出左名既食街， 九龍城真係好多野食， 特別係甜品， 梗有一間係左近， 但時間尚早， 都係食正餐-晚飯先。。一行三人， 是旦走左入一間茶餐廳，時間七點， 人客唔多 - 半滿， e度選擇繁多， 我地三個都係選擇恐懼症既老友， 坐底就講“是旦”，諗左好耐先決定到食咩，好彩d員工都冇唔like我地， 最後選左一個餐$188， 2餸1湯+1煲煲仔白飯三個人食e個餐剛剛好， 份量都大， 味道帶有鑊氣， 茶餐廳風味， 扺呀

還記得上一次在這裡吃了個失望的西多士今次再給予這間餐廳一個機會和老婆仔在這裡吃早餐原因是老婆仔今天想吃茶餐廳的早餐接下來的日子生活會有點轉變入來九龍城吃早餐今次可能會是最後一次老婆仔要了個38元的特餐包括五香肉丁沙爹牛肉通粉和火腿奄列跟包而我就要了31元的早餐A有牛油多士、煎雙蛋和火腿通粉另外再加14元要了個奶油豬其實兩個餐差別不大都是很港式的早餐老婆仔的五香肉丁沙爹牛肉通粉有點辣吃得她不禁流下鼻水而火腿和蛋也不錯不過蛋比起那些較為出名的茶餐廳略為遜色了一點但在冬天吃個豐富的早餐吃完也覺得很暖另外我們再叫的奶油豬其實在菜單上好像找不到不過老婆仔說茶餐廳不可能沒有奶油豬所以就直接問店員才點到也算不錯很脆又很大份不過好像沒有煉奶也比起同區另一間出名奶油豬的茶餐廳差了一點但總結來說算是不錯吃過早餐後又要趕忙上班了但這餐也尚算能為一天的工作提供動力更大的動力更來自我和老婆仔的互相支持

因為老婆仔工作地點的關係將來的日子相信會常常出現在九龍城所以打算和老婆仔掃盡這裡的餐館今天接完老婆仔放工後打算找個地方吃少少東西走著來到這裡看到下午茶好像不錯便進來了叫了個33元的西多士配沙律兩人一起吃看起來不錯但吃著卻有點苦味不知是西多本身的味道還是糖漿的問題令老婆仔也不想再吃下去之後唯有塗多些牛油去把苦味掩蓋還好沙律也是正常不過份量也太少了吧比起大型連鎖快餐的沙律還少幸好這個時間人不多可以有個舒服的空間讓我和老婆仔坐著聊一下總算找回點藉口進入這裡

同男朋友拍拖黎到九龍城，男朋友話有間茶餐廳不錯，咁就入去試下。不過一入去環境同衞生都唔多掂，已經有D扣分，但係姑且試下。我地兩個都唔太肚餓，所以本來打算食中餐嘅就改左食西餐，我地叫左個茄汁燴牛脷意粉，點知見到個賣相已經打冷震，嘩真係成條脷原條上，只係切左兩下！好似D脷胎都浮哂出黎，其實切片都唔係好過分啫我已經唔敢食，不過都咬一啖，而男朋友頂硬上食左兩塊，唉，好失望呀冇味架！係要點D茄汁先有味！跟住我地食浄一半已經停底，好想走人然後我男朋友話不錯係指佢之前試過嘅中餐！唔知西餐搞成咁

今日到了九龍城晚膳，起初還以為到九龍城應該是吃泰國菜吧，怎知到達後跟著同行者步進這間「澳門樂園茶餐廳」才知道是晚的主角是煲仔飯......到九龍城吃煲仔飯這倒是第一次，同行者說這裡的煲仔飯算是做得不錯，而且十分抵食，加上今晚天氣轉涼了點，即管試試吧!可能是平日的關係，晚飯時間，店內人不多，餐廳格局就跟一般的茶餐廳沒分別。是晚，我們點了三個「煲」，豉汁排骨煲仔飯、北菇滑雞煲仔飯及粉絲雜菜煲。豉汁排骨煲仔飯($37): 煲仔飯的份量十足，排骨肥瘦適中，肉質十分腍，亦很入味。豉汁十分之香，因加了少訐椒絲，味帶微辣，十分醒胃。而飯方面，粒粒分明，挺乾身，煲底有層薄薄的飯焦，算是不錯!北菇滑雞煲仔飯($37): 配料有香菇及雞肉外，亦加了少量雲耳。雞件很滑，JUICY，而且不太油，又係不錯喎!粉絲雜菜煲($48): 雖然味道跟在其他茶餐廳吃到的沒多大差別，但這裡的粉絲雜菜煲也算是足料之作。除了粉絲及生菜外，清湯湯底六加入蝦米及蘑菇等材料調味，中規中矩啦!在天氣轉涼的夜晚，吃過不錯的煲仔飯，很是滿足!真的想不到九龍城也有吃煲仔飯的地方，有機會會再去!

正月初二‧晴年初二的九龍城就非常靜，有開的茶記只得區區兩間，都在福老村道。來了這裡，因為在餐牌上看到鮮油豬。豬仔包烘熱了的，吃起來有點脆口。內裡兩片鮮牛油非常的厚，但吃起來有點檸檬味，有趣。熱咖啡幾苦，不過也香，在新正頭也真不錯。要加一，不過份。不過店子的衛生情況很不佳，只要去過廁所都會知道。

今晚一心跟朋友一聚，吃茶餐廳小菜晚飯， 想不到這裡除了粉麪、中菜和西式快餐，也有特色葡菜和咖哩!先來幾個煲仔菜如啫啫排骨煲、豆腐火腩煲都很惹味，蝦仁炒蛋蝦鮮蛋嫩，芥蘭炒牛肉夠晒鑊氣，生菜鯪魚球煲肉鮮湯甜，皇牌燒皇子鴿很入味! 吃不停口，忘了拍照~最後的茄汁大蝦、紅酒燴牛脷和紅酒燴牛脷更是水準之作~!伙計服務態度親切良好，此處也提供啤酒，地方適合朋友小聚，下次一定再來encore!

之前o係呢度食過一次「焗肉醬意粉」，黎到之後，第一下諗「噫，點解無芝士o既？」望一望個餐牌，真係無「芝士」兩個字…好，我忍你，當我自己低能諗多左。今日自己唔生銹，又去o個度食晏，見到「芝士焗肉醬意粉」喎…心諗今次有寫到，應該無死喇！好，膽粗粗就要呢個！等左成５個字之後，終於有野食。一拎到黎第一樣諗到o既係「喂大佬，乜o的色澤咁樣樣，咁似嘔吐物o既…o的肉係咪有問題呀」睇真o的…頂！唔係下化，吞拿魚醬黎o既！原來寫左「芝士焗肉醬意粉」但係無講到o的肉醬係咩肉，一樣可以出事！勁想爆粗！呢間野完全唔知想點，「芝士焗肉醬意粉」我諗全港o既人都知係豬牛肉，或者加埋牛肉黎咖喇；點樣諗都諗唔到佢會俾個水流流o既吞拿魚肉醬我。自己同自己講，今次一定係最後一次o係呢度食野，唔能夠再俾任何機會佢。把鬼火！

食完個甜品, 同朋友過黎呢度食晚飯, 皆因比佢個名吸引著(澳門......)入到去, 先不滿服務, D阿姐第一時間比個煲仔飯MENU你, 想SALE你食, 不過我地當然唔係為左食煲仔飯, 所以無理佢地。之後, D阿姐好煩, 我地都未睇好食咩, 成日企響我地隔離等, 超煩囉.....佢間野又細, 又多阿姐, 又態度唔好囉.....我地睇左好耐餐牌, 因為佢地D野都幾貴, 最平就係個特餐定常餐, 我選左午餐肉煎蛋通粉, 配合牛油餐包, 火腿奄列。午餐肉煎蛋通粉原本好好味, 因為蛋得靚, 餐肉又好味, 仲有好多蔬菜在湯內......可惜..................................食食下有條頭髮由湯底浮上黎囉~!!!! 好嘔心呀~~~~~~~~~~~~火腿奄列都係OK既, 不過一條頭髮足以致命.....想起想X(

13-6-2009幾日無飲奶茶, 今日趁阿爸阿媽出街食茶記 lunch 跟埋落嚟, 做電燈膽之餘止止奶茶癮. 阿爸食雞扒飯餐, 跟牛尾湯及凍飲; 阿媽就淨食雜果沙律 + 淨飲一杯凍嘢; 我就叫了「特餐」($28), 有火腿奄列 + 牛油方包 (亦可選火腿沙律), 沙爹牛肉 + 蠔油冬菇公仔麵, 及熱奶茶一杯.熱奶茶的奶：茶比例幾平衡, 飲落幾香亦幾滑, 滿意. 兩餸麵就真係... 麵淥得爽口, 不過無喱味道, 無 MSG 粉的滾水湯底累事? 沙爹牛肉少少韌, 無梳打粉味, 但亦完全無沙爹汁味,「沙爹」? 冬菇有 2.5 件, 叫嚟純粹玩玩吓, 不過食落無喱味道, 睇嚟食店對佢都係玩玩吓...火腿奄列亦得啖笑 -- 賣相樣衰, 內外一樣乾, 淨食火腿吧啦.咁耐無幫襯, 食店的「周身刀」及環境衛生完全無變, 阿姐亦如常嘮嘮叨叨, 不過一部 dc 仔, 令今日嘅經歷搞笑唔少:平日去到邊都影餐懵的我, 開餐前如常先餵相機, 不過阿姐一見到, 立即由悔悔氣氣轉為「鼎泰豐式」的熱情好客 (http://www.openrice.com/restaurant/commentdetail.ht