更多
2019-11-12
3342 瀏覽
話說以前喺柴灣返intern時，同事帶過我去漁灣街市嘅澳門大排擋食好西，真係好正，之後無再做都專登返去食過幾次，但早2年話要結業😭😭。後來睇討論區知道喺觀塘工業區開返，呢日咁啱嚟呢幢大廈拎集運貨，可以順便食埋晏。好彩12點就去到，已經半滿，陸陸續續坐爆哂添，始終多上班一族💼。一望個menu我就知係漁灣搬過嚟，而唔係同名，再同個靚女事頭婆吹水confirm係同一家啊！唯一有啲失望係我至愛嘅pasta餐而家只得意粉，無得轉天使麵或通粉🥺。但唔緊要啦，主要係佢個汁好食，但天使麵更掛汁同飽肚。除咗pasta餐，有扒餐同成十款午餐揀，平均$4x-$5x，價格比以前貴咗，但都算相宜嘅。我就要咗煙肉蕃茄芝士汁意粉🍝($52)，個份量同以前一樣超多，一個女仔一定食唔哂。雖然話係蕃茄🍅，但唔係平日用茄汁煮或原隻蕃茄嗰種，相反係芝士味更濃郁🧀，加上好多煙肉同埋蘑菇片，意粉又煮得彈牙，好正！呢到嘅pasta真係好好食😋，係久違嘅味道，比起好多出面幾百蚊碟嘅好食，只係用料比較平民化。如果第日佢哋可以配返天使麵就好喇。我朋友就要咗鰻魚煎蛋飯配照燒牛扒($62)，呢樣就相對失望，舊時唔見有的。首先係我哋有錯誤嘅e
話說以前喺柴灣返intern時，同事帶過我去漁灣街市嘅澳門大排擋食好西，真係好正，之後無再做都專登返去食過幾次，但早2年話要結業😭😭。後來睇討論區知道喺觀塘工業區開返，呢日咁啱嚟呢幢大廈拎集運貨，可以順便食埋晏。好彩12點就去到，已經半滿，陸陸續續坐爆哂添，始終多上班一族💼。
一望個menu我就知係漁灣搬過嚟，而唔係同名，再同個靚女事頭婆吹水confirm係同一家啊！唯一有啲失望係我至愛嘅pasta餐而家只得意粉，無得轉天使麵或通粉🥺。但唔緊要啦，主要係佢個汁好食，但天使麵更掛汁同飽肚。除咗pasta餐，有扒餐同成十款午餐揀，平均$4x-$5x，價格比以前貴咗，但都算相宜嘅。
我就要咗煙肉蕃茄芝士汁意粉🍝($52)，個份量同以前一樣超多，一個女仔一定食唔哂。雖然話係蕃茄🍅，但唔係平日用茄汁煮或原隻蕃茄嗰種，相反係芝士味更濃郁🧀，加上好多煙肉同埋蘑菇片，意粉又煮得彈牙，好正！呢到嘅pasta真係好好食😋，係久違嘅味道，比起好多出面幾百蚊碟嘅好食，只係用料比較平民化。如果第日佢哋可以配返天使麵就好喇。
煙肉蕃茄芝士汁意粉
$52
84 瀏覽
0 讚好
0 留言
我朋友就要咗鰻魚煎蛋飯配照燒牛扒($62)，呢樣就相對失望，舊時唔見有的。首先係我哋有錯誤嘅expectation，幻想係蛋包飯上面紅鋪起碼半條鰻魚同一塊牛扒仔🥩。現實係一隻煎蛋🍳，一片好薄得兩啖嘅鰻魚同切件牛扒，下面就配白飯同啲三色豆😅😅。不過佢係符合個餐牌所述，只係我哋諗多咗...，哈哈。味道就ok嘅，飯都夠汁夠餸，係鰻魚少咗啲，牛扒都唔錯，不過都係茶記早餐牛扒貨式。整體嚟講，呢個飯偏貴得嚟又無乜特別，可以唔嗌。
鰻魚煎蛋飯配照燒牛扒
$62
108 瀏覽
0 讚好
0 留言
我一開頭以為得午餐有例湯，所以加咗$8要羅宋湯同蒜蓉包。羅宋湯就正正常常啦，有好多薯仔粒粒；個蒜蓉包就有啲驚喜，首先唔係方包或法包，而係半個豬仔包🥯，面頭搽滿金黃色嘅蒜蓉，即焗出嚟，所以成件都脆脆的，但就爭少少香味。btw呢到凍飲加$2，但檸檬要再加$2，即係凍檸茶要加成$4，所以叫咗凍奶茶。
蒜蓉包
$8
69 瀏覽
0 讚好
0 留言
後來先發現原來我哋都有例湯配，有2款揀，蔬菜湯同青紅蘿蔔豬骨湯，我哋要咗後者，估唔到咁好飲，可能因為落咗南北杏，而且唔油，跟餐例湯界別嚟講無得輸😋。
總括嚟講，澳門大排擋真係無令我失望，依然大份好食，性價比高，推介pasta餐，我食過幾款都好味，下次會叫埋扒餐😆。餐廳環境係工廠食堂啦，枱同枱之間都迫，不過起碼乾淨。另外店員服務唔錯，催單都好態度👍。
張貼
