澳門大排檔 (裝修中)

這陣子，疫情嚴峻日趨嚴重，到尖沙咀忙了半天，便快快到餐廳食個下午茶，趕快回家。飲品方面，首先點了餐廳的推介的龍鳳檸檬可樂和原味樽仔冰鎮奶茶，可樂裏夾了檸檬和話梅，酸酸甜甜味道中和很是清新；冰鎮奶茶保持着奶茶的原汁原味，但稍為偏甜，茶味濃郁。我點了個炸雞肶薯條，還附上一件迷你西多士，雞髀上碟熱騰騰，雞肉嫩滑，雞皮爽脆，一口咬下去，肉汁四溢，薯條肥肥厚厚，熱騰騰的上碟，小心辣到嘴啊，迷你西多士，不溫不火，份量不太多，剛剛恰到好處。朋友點了豬扒包，豬扒中還夾雜了鹹牛肉雞蛋，一口咬下去，有着幾種味道，豬扒淋甜，是絕佳的組合，配上薯條，一個滿足的下午茶，吃飽便趕快回家避疫了。

個人覺得是最好吃的咖喱牛腩，從59吃到72大元。尖沙嘴食肆林立，每當到了不知道吃什麼的時候，就會來吃澳門大排檔的咖喱牛腩。帶過澳洲，越南和國內的客戶朋友們來吃過，都喜歡，有些下次再來還指定要再吃，食過返尋味😋份量大方，兩個人都夠吃。牛腩和牛筋都炆得非常Lum，咖喱腩汁有點辣但很過癮，薯仔也是很粉，百吃不厭。有飯，意粉和豬仔包三個選擇，每次都是選擇豬仔包，有兩大個，烘得皮脆包暖，沾上咖喱醬吃一流。套餐還包括一杯熱飲，愛她的熱奶茶，茶濃香滑。平時午飯時間總是滿座，鬧哄哄的，今天忙完已經兩點多了，人不多，享受難得的安靜。會一直再來的。

今日行到黎樂道，原來有間餐廳係二樓，真係平時都冇咩留意。上到去睇，原來係茶餐廳，就入去食下啦。因為太鍾意食公仔麵同蕃茄湯既關係，一見到個menu就已經揀左食蕃茄濃湯系列，佢有得揀唔同既粉麵，同埋配多士/豬仔包，煎蛋都可以揀配唔同野食。我就揀左豬頸肉公仔麵，配豬仔包同火腿煎蛋加野飲。個麵既份量都幾多，好多去豬頸肉，不過都幾薄。個湯都唔濃，普通蕃茄味。個豬仔包好大個，我完全食唔哂。$49有咁多野食，都幾抵

放lunch就係搵野食既時間，澳門系列之中今日食左大排檔，有午餐set 特餐等等。今日叫左個午餐set, 雞扒拼腸配飯，凍檸茶。價錢上，係尖沙咀上食還可以，50蚊加凍飲3蚊。質素上都可以，雞扒口感唔錯，入得口，雖然腸就得半邊不過整體黎講，呢間餐廳隨便食下係絕對無問題既。凍檸茶都無咩特別，食物都上得快，唔駛等好耐。總結雖然無咩特別但對於上班族一個午餐，咁就沒咩問題啦。因為尖沙咀有唔少普通餐廳試過真係伏黎架

星期五午餐，約埋同事到尖沙咀樂道搵餐廳，樂道好多食店可以選擇，最後決定去上樓的澳門大排檔，次次都揀這間，貪佢樓上較少人，比較容易搵位。餐廳坐低後，見到今天午餐有煲仔飯，加上最近天氣涼，又想起起今個冬天未食過煲仔飯，所以立即落單，要個「雞肉排骨煲仔飯」，連同事都受我影響，一樣要煲仔飯。茶餐廳速度好快，大約五分鐘，熱辣辣出煙的煲仔飯就到，細細煲但非常足料，整個煲都鋪滿雞肉和排骨，立即加上煲仔飯的靈魂豉油，即刻可以聞到香味，雞肉和排骨都整得好淋，一啲都唔韌，食到最後煲底仲有飯焦，我都只係食左少少，因為已經食得好飽，所以沒有食晒飯焦便放棄。估唔到中午都有驚喜，又能滿足了今個冬天的願望。

還記得上次食早餐仲覺得佢幾好，宜家真係好唔掂檔！話說今日要去漢口道做野，lunch time我地幾個同事一齊去澳門大排檔，上到去已經人頭湧湧，我地企係門口係咁揮手都無人理我地，終於都等到有人應啦，已經過了10分鐘。算啦，人多要等位我都知道既，叫左個E餐，咖哩牛柳粒焗意粉，配上西多士，西多士係迷你版，但係咖央味就唔係好覺，但味道都還可以，我淨係見到好多油...等左15分鐘終於有野黎啦，點知黎左個咖哩牛柳粒焗飯...我要意粉喎..我即係叫返個阿姐，阿姐話：係呀 我寫錯單！收走後如是者又過了15分鐘，忍無可忍我就追下d姐姐，點知姐姐話：咁你要再整過呀嘛，梗係要再焗架啦！等下囉！嘩，咩態度，宜家係佢d姐姐落錯單！咖哩都有d辣，薯仔切晒好細粒，其實我寧願唔要咁細，因為好難吉，牛柳粒其實似牛肉，一d都唔粒，牛肉好粉，好林，食落去好似食左d粉落肚咁，我食左一半忍唔住走人！

三日兩夜澳門之旅轉入直路，我同老豆，太太期待已久，很久沒有跟老爸出遊了，上船前先去食個快樂早餐，澳門大排檔好耐無食了...仍然是早餐A，多士炒蛋，多士烤得不錯，邊皮脆卜卜的，如果可以加點牛油更香口。炒蛋水準很好，又香又滑，全蛋都是熟蛋，面仲加了一點蔥花，炒完更香。家鄉銀針粉，以前食的銀針粉好有heart，但今日呢個無黎文味，以前的用湯開，今早的只是滾水，銀針粉亦較硬，不像以前般淋身，肉碎都不太多，令味道不夠。咁樣...即是...我們去澳門再食吧

点了一个焗意粉餐50元，包饮品的。饮品选择了+25元转汤。然而买单的时候收银阿姐却收我98元（50+汤原价48）。我说汤是饮品转的，她却说饮品转汤只有下午茶有啊，晚上没有的啊，一般都是这样啦…其实除了她根本没人知道是这样…我下单的时候伙计根本没有说不可以转。这种业务水平和服务态度，以后不会再去。食物也没有可圈可点之处

11月26日中午路經此地，以一試冇妨的心態隨意一試。但一入到店，店員的態度直令人髮指，好似我欠她的，冇禮貌、態度窮兇極。就算食物可以，我再也不來。😡😡😡😡

行過樂道，都唔知食乜好，見到個牌免加一，哈！岩晒我地這些長期糧尾！食Lunch關係，等左10分鐘先有位，卡位好似迫左少少不過人人都要食飯，無計啦！我地叫左兩個餐，Iris媽食鮮茄豬扒焗意粉，的確有兩件蕃茄係面，無厄人，茄汁開得不錯，甜酸度適中，豬扒好柔軟，像是有少炸過，脆口！另一個叫左咖哩牛柳焗飯，咖哩汁唔算好濃，唔係好辣同好淡，數字屋啲日本咖哩(甘口)仲濃味過佢，牛柳就淋得有啲過份，成個飯怪怪地。個餐仲附有小食，有菜同咖央多士。菜麻麻地，無難度的，多士炸得幾脆，又夠甜，餡都豐富又好味！Lunch Time如果淨食呢個西多都OK！

今朝去左澳門大排檔空肚食早餐。識食一定食A餐鮮油豬仔包配腸仔蛋。腸仔蛋呢d例牌野就唔講，但個豬仔包真係唔錯。烘過，而且脆卜卜，夾住塊牛油薄薄地，但勝在夠大塊。相信你都食過其他茶餐廳既白面包搽少牛油，呢個奶油豬簡直係只應天上有。沙嗲牛肉公仔面。沙嗲牛肉比較乾身，但入味，份量都多，而且每塊牛肉都幾大。 公仔面雖然唔係一丁，但都煮得唔錯，唔會林晒，個湯加埋少少沙嗲汁幾好飲。大滿足

每次經過尖沙咀，就會諗起澳記的二佬，澳門大排檔，點解？？因為佢比佢大佬平啲啲，食物質量一樣囉咖央西多一塊迷你版的西多，上面加上少少的牛油和糖漿，炸至金黃色的，咬落少脆，口感不錯。內裏的咖央就少咗啲，要打個八折。不過，一個焗飯，送個西多，要求唔好太高。焗豬排飯由從前的小鐵鍋換上這小鐵盤，份量好像多了少少，不過我覺得可以再焗燶啲啲。豬排炸得頗鬆脆，肉唔太乾，而蕃茄醬的味道也不錯，配上炒得乾身的飯，同其他地方的焗飯比較，勝算頗高。

今日竟然係LONG WEEK，要返工..個人好灰呀!因為我仲好想放假一早約左D同事一齊去食個靚早餐先返工~叫左個A餐食，先黎碗沙嗲牛麵，呢個麵無得輸，沙嗲味又香又濃，至於D牛肉，夠多，數落都有4,5塊，D牛醃得好入味，每塊牛肉都充滿住沙嗲味，肉質就一般啦，塊牛肉好林身易咬!連D湯都唔係清水有味架!有HEART!再黎就係「腸仔煎蛋+牛油多士」，蛋煎得幾好，個蛋仲係”跳跳下”既，我將隻蛋放入D麵度再整爛佢一齊食，D都吸收晒D蛋汁，仲正! 牛油多士烘得岩岩好，好脆，但係牛油少左D，建議下次加返多D，仲香脆!

經常路過這裡，一直沒機會去食。有一次來的非常早，只有這裡才營業。希望能在這裡，品嘗到葡式美食。還是有少許失望的。 招牌是豬仔包，點的A餐。比較脆，也比較硬。如果喜歡食軟點的不要點。 還點了咖喱牛腩。咖喱非常濃郁，牛腩也比較入味。可以將咖喱汁澆在米飯上，香氣四溢。 黑椒燒鵝味道有些油膩，並不滿意。也沒有燒制食品香酥肉皮的口感，應該是屬於澳門燒鵝的特色。

<<唔似貓, 唔似狗, 師奶鹹濕疹>>周星馳無厘頭電影系列其中一幕.星爺和吳孟達在酒樓推點心車.星爺大叫著<<唔似貓, 唔似狗, 師奶鹹濕疹>>其實點心車內, 是<<魚翅包, 魚翅餃, 鮮蝦銀針粉>>只有周星馳如此的無厘頭, 才可做到如斯爆笑境界.即使現在重溫星爺的電影, 都令人回味三分.而這句<<唔似貓, 唔似狗, 師奶鹹濕疹>>,使我有個欲望 - 銀針粉作早餐同事告知澳門冰室餐牌有銀針粉.奈何,澳門冰室維修, 要關閉好幾天.唯有改至澳門大排檔早餐.牛油厚多士配炒蛋牛油厚多士第1塊上來時:有韃黑色, 職員換了另一塊更新牛油厚多士上來時, 明顯好好多.多士唔太硬,雖然牛油集中在中央,但牛油係溶的, 應該是剛烘好的.炒蛋色水很黃, 似是蛋黃偏多, 食落唔算滑溜.A餐: 香蒜肉碎湯銀針粉無鮮蝦的銀針粉, 我預左.茶餐廳快餐店, 邊可能有新鮮蝦現在的樂道澳門街版本是: 肉碎+冬菇片+瓜咸+炸香蒜+銀針粉聞到很香的蒜味,肉碎只是剁碎的雪藏肉, 没有肉的味道冬菇片亦帶出