澳門九記清湯腩王 (已結業)

中午叫咗個咖哩牛腩飯，賣相本身好似幾好，先食咖喱汁送飯，唔錯。再嚟食肉，發見成碗都係白色，初初以為係牛筋，一咬落去结，『顶！』係成舊肥膏！結果得2舊係有肉，其餘全部都係肥膏，肥膏同肥膏。肥膏同肉嘅比例係9：1。應該改名叫咖哩肥膏飯已經係第2次去，上次以為偶有失手，再俾多次機會作點知仲衰，應該無下次。本身食清湯腩係ok嘅(都係徧肥)，但好明顯係用次等肉(應該係次次次等肉)去煮咖哩，咁嘅質素，連活仔嘅1／10質素都無。…查看更多

上次寫過篇講食海南雞飯講到香港好食既海南雞飯真係相當難搵...今次就介紹返一間個人認為好食既好似上篇咁講,海南雞飯最緊要都係果幾樣野；一定要油飯！最岩海南雞之後就係用黎點綴雞既醬汁,每間店鋪既醬都各有不同,而哩間九記既醬真係好正！但每次食完都總覺得個口好臭最後最重要就係雞油比例！試過同樣哩間鋪,食過d無油,乾巴巴既雞...真係完全難以接受就算係覺得咁好味既醬汁,都完全救唔到碟飯。(好彩暫時食咁多次都係得果次失誤)最後配埋碗雞湯,滿足滿足…查看更多

平時食晏喺附近都食到悶，今次第一次黎呢間九記，5點零鐘黎唔係好多人所以都錯得舒服~男朋友點嘅牛腩，幾好食，而且份量都算多。但今次主力想講海南雞~泰式海南雞脾飯 $42 (+$6雞脾)附送清雞湯，唔算好飲，蘿蔔都幾入味~個人認為海南雞飯有得選擇邊個部位都幾重要，你揀唔係一件事，我有得揀一定轉雞脾，因為我麻麻地雞胸肉~而且我個人覺得雞脾肉真係嫩好多，又滑！蒜蓉配雞冇得輸啦！油飯嘅份量都幾多，食得好飽！雖然呢餐晏要50蚊，不過飽到我夜晚收工都唔會餓呀~…查看更多

今日收工自己去咗澳門九記好快咁食咗個海南雞飯。海南雞飯＄44 ,指定雞髀加＄6 ,配嘢飲另加＄3。海南雞非常嫩滑，雞肉好有雞味，雞上面嘅蒜蓉亦都好香，至於佢嘅雞油飯，亦做得唔錯。差唔多每台都叫海南雞飯， 50幾蚊嘅呢個晚餐，的確物超所值。…查看更多

同朋友們之後係呢邊有活動，跟手諗著食過快飯就去玩，於是就黎左呢間清湯腩。環境幾乾淨，冷氣足夠。朋友們叫左店內推介嘅海南雞飯同清湯腩，偷食左少少，雞都唔錯幾嫩口，清湯腩食落去幾冧，有咬口，食過華姐都覺得呢間唔太差。我自己因為腸胃欠佳，所以清啖的叫左個墨丸河做主餐，墨丸彈牙夠爽。美中不足嘅係，如果佢地嘅粉面套餐可以六日都有的話，我相信會多的人黎的。…查看更多