潮 . 囍薈 (The ONE)

營業中

休息中

週末和朋友到尖沙咀潮囍薈吃飯，氣氛熱鬧又滿足！一上桌的脆皮燒乳鴿讓大家驚喜，鴿皮烤得金黃酥脆，肉質嫩滑，蘸點梅子醬，味道更豐富。清蒸鱸魚是全場焦點，魚肉鮮嫩多汁，蔥油香氣撲鼻，幾個朋友搶得不亦樂乎。試了 XO 醬炒芥蘭，芥蘭爽脆，XO 醬的鮮辣提味，簡單卻好吃。瑤柱蛋白炒飯也很受歡迎，飯粒鬆散，瑤柱的鮮味融入其中，吃起來輕盈又滿足。另一道椒鹽蝦外酥內彈，椒鹽調味香而不膩，連蝦殼都忍不住咬一口。甜品點了芒果布甸，口感軟滑，芒果香濃，清甜不膩，大家都吃得開心。潮囍薈的圍菜份量足，味道地道，適合朋友聚會時慢慢分享，期待下次再來！

尖沙咀中午食飯時間，到處都人頭湧湧！今日朋友提議試吓潮囍薈飲茶。喺The One 12樓，地方寬敞光猛。食物質素一般，但咁嘅價錢喺尖沙嘴，仲可以要求啲咩！其實味道ok㗎！👍🏻油菜$7；兩隻BB鴿$68喎！仲想點！😄👍🏻最貴係碟班球炒河$98，魚肉都係結實嘅，唔係用啲「豆腐」魚。👍🏻

家人吃飯訂了一圍，晚餐圍菜展現了粵菜的精緻與功力。首道椒鹽鮮魷入口酥脆，魷魚彈牙，椒鹽香氣撲鼻，調味恰好不過鹹。清蒸東星斑是重頭戲，魚肉嫩滑，蒸得火候精准，蔥油和豉汁提升鮮味，令人回味。瑤柱燜冬瓜簡單卻出色，冬瓜吸滿瑤柱的鮮甜，口感軟糯，清爽不膩。試了豉椒炒牛柳，牛肉滑嫩，青椒爽脆，豉椒醬汁帶出濃郁鑊氣，讓人胃口大開。另一道是菠蘿咕嚕肉，外酥內嫩，酸甜醬汁調得平衡，菠蘿的清香為菜式加分。甜品選了雙皮奶，奶香濃郁，口感順滑，甜度適中。

這天公司吃飯，在尖沙咀The ONE的潮囍薈訂了兩圍。開胃的鹽焗雞皮脆肉嫩，雞肉鮮香，淡淡的鹽味讓人一口接一口。清蒸鱸魚是亮點，魚肉細膩，蒸得恰到好處，淋上蔥油和豉汁，鮮味完全釋放。瑤柱蛋白炒飯也很出色，飯粒分明，瑤柱的鮮香融入每粒米飯，輕盈不油膩。試了豉汁排骨，醬汁濃郁，排骨燜得軟嫩入味，連骨頭邊的肉都好吃。另一道白灼芥蘭爽脆多汁，蒜蓉調味簡單卻提鮮，作為配菜很稱職。甜品選了楊枝甘露，芒果香甜，配上西米和柚。這裡夜景很美，很適合打卡。

最近同屋企人去咗The ONE囍薈食飯，點咗一桌經典粵菜，試咗佢哋嘅乳豬、龍蝦伊麵、咕嚕肉菠蘿、金沙涼瓜、蒸魚、魚肚同菜、燒鵝同炒飯。整體而言，呢餐飯真係令人滿足，無論係味道定係擺盤都好有心思，充滿咗傳統粵菜嘅精髓，同時又有少少創意嘅驚喜。1. 乳豬：皮脆肉嫩嘅經典之選一上枱嘅乳豬真係驚艷咗我哋，成隻乳豬連頭連尾，皮烤得金黃酥脆，油光發亮，切好嘅一片片整齊排列，旁邊仲有兩小碟醬汁，應該係豉油同甜醬。皮咬落去「啪啪」響，脆到不得了，下面嘅肉質嫩滑多汁，肥瘦適中，完全唔會覺得油膩。配上微鹹嘅豉油同甜醬，味道更加豐富，係一道好正宗嘅粵式燒味，值得一試！2. 龍蝦伊麵：濃郁鮮甜嘅海鮮享受龍蝦伊麵係另一道亮點，成隻龍蝦好大隻，肉質結實彈牙，伊麵吸滿咗濃郁嘅湯汁，入口滑溜又充滿奶香。旁邊仲有青翠嘅西蘭花點綴，色澤鮮艷，增添咗清新嘅口感。湯汁略為濃稠，應該係用咗高湯同奶油調製，龍蝦嘅鮮甜完全融入其中，每一口都係享受。唯一小小嘅建議係龍蝦可以再多啲肉，會更加滿足。3. 咕嚕肉菠蘿：酸甜開胃嘅經典搭配咕嚕肉菠蘿嘅賣相好吸引，橙紅色嘅咕嚕醬均勻地包裹住每件肉，仲有青椒、紅椒同菠蘿丁，色彩繽紛，令人食慾大開

今次係呢間位於尖沙咀一個比較繁華嘅商場。入邊啲裝修係潮州嘅風格，非常有趣同獨特，因為香港比較少潮州嘅酒樓，今次仲食埋大閘蟹，味道非常好，其他潮州野食都ok,但價錢有點少貴

這裏場地算新淨，不到2年。座位濶落，不太嘈吵。 食物質素不錯。間中做的優惠套餐性價比高。個别菜色可能偏貴。團體宴的十圍送三圍好超值。去了六次以上。帶來的朋友也自己再去。跟部長談起來才知道，名字中的潮，是新潮的意思。不是以潮州菜為主。雖然他們也有潮州菜色，但滷水不是最好食。其他廣東菜色很好。飲茶點心比好多酒樓好。但七折只限少量點心，要注意。

報紙見到大閘蟹蛇宴$1488半席好吸引🤩遇到黃經理非常窩心，入席前更細心通知蒸蟹需要20分鐘，叫我哋通知佢先至叫廚房開始蒸蟹，半席蛇羹都有一整鍋，隨後豉汁蒸鱔非常新鮮夠份量👍🏻羊腩煲好靚酥香又軟熟仲好夠份量，蛇汁唐生菜鮮嫩爽脆，半席鵝就當然係半隻啦，鵝皮脆卜卜👍🏻仲有臘味糯米飯，薑汁桂圓茶同第一度菜嘅大閘蟹嚟返一個頭尾呼應完美終結。順便一提之前食評見到好多彈服務態度差！本來我哋今晚都有啲戰戰兢兢，或許我今天非常好運，遇到黃經理細心又有禮貌又貼心，員工亦都非常友善，完全覺得係超值又舒適嘅一餐

本身係想食18樓的星海，點知被包場，唯有落左黎試試佢。第一枱客就係我地，但等咗成個鐘先上第一樣嘢食，點知啲野全部都係難食，係超難食，超難食，超難食。包唔流心，扁扁的。乳鴿唔脆超咸，得酒味腸粉等咗個半包嘢都差唔多成個半鐘，凍冰冰的。以為有服務拉，都係冇，超差體驗，第一次忍唔住寫食評就係因為佢

巳幫襯此店多次，服務員人數少，態度冷漠。明明星期日列明早上十時開，但要坐到十一時才可下單！找數永遠沒有現金找回！不如列清楚用餐時間和祇收電子貨幣！超差！！！！.不會再來！唔怪得坐到中午十二時，還有好多空位。

本來以為佢有一個海景，食物質素應該OK。點知叫嘅點心全部係暖的，即係唔熱似係用微波爐叮嘅，並唔係即叫即蒸。今時今日酒樓這樣是不合格。最大問題一間酒樓連水都係唔熱嘅。貫徹稻香集團一般只係用一個暖水壺俾你。但係暖水壺倒出嚟嘅水只係微暖，所以啲茶葉都沖唔出茶味。其實間酒樓大約11點開門12點飲茶點會唔熱。證明啲水其實已經係隔夜嘅。咁嘅服務質素根本不能接受。由於呢間酒樓是稻香集團旗下，佢嘅點心同一般稻香及其他集團成員酒樓是一樣的，但佢嘅點心都比起稻香集團其他嘅分店為貴。價錢收得貴，但點心及服務都比其他差，沒有理由再有下次。

今日lunchtime同同事飲茶新開嗰陣嚟過一次 味道份量都唔錯午市有8折 折完之後都算平依到樓底幾高 又有大玻璃透光食嘢同吹水都幾舒服 但唔知點解 開咗咁耐都唔多人😂點心：-原蝦燒賣皇（1件） $20-生拆鮮蝦餃（1件） $20-潮州粉果（1件） $12全部都可以逐件嗌 依樣都幾細心 可以唔使湊人數🙌🏻味道就正常酒樓質素啦剁椒蒸排骨 $50啲剁椒辣辣哋 都幾惹味幾好食小食：-黃金炸饅頭（3件） $35-香煎瑤柱蘿蔔糕 $40-風味燒汁茄子 $40主食：-銀芽肉絲煎脆麵 $148夠晒香同脆 唔錯耶~~埋單每人都係百鬆少少

同班朋友唸住去食團年飯，叫左好多樣野食，真係越食越嬲，野食份量少到一人得一塊都算，我都要求唸住d野食普通正常味就算，點知一碟成兩百蚊既安格斯炒牛河仲衰過茶餐廳水準，色水就有，但成碟野無味，雞煲份量少到應該一人一塊都唔知有無，因為一上來就唔熟，嘩！😡d雞肉係生架！😓仲有d茶淡到無色，好似沖左好多次飲左好多次，得返少少色同無乜茶味羅！我真係嬲到相都無影，後尾個幾碟餸一啖都無食！我好少會打千字文甘多字，因為真係希望d人唔好中伏！

再次光臨, 專登帶家人來食潮州美食。上次試過，讚口不絶，環境，食物，服務，都非常滿意，價錢合理！今次再光臨，食物保持水準，環境不變，但服務員有一位女主任，令整餐飯失分地方，難得一家人聚餐，拍片留念，正當小朋友影相時，個女主任不段同小朋友講： 要汽水嗎？小朋友無出聲，主任不停問，小朋友被佢轉移視線，火都來😡😡！到我地影大合照，叫主任幫手，佢走來倒啤酒，全部望住佢，等佢倒完三杯酒才施施然同我地拍大合照。其實你唔想影，我可以叫其他職員，其他人都好友善。整體食物，好食😋👍🏼推介海皇泡粥，鮑魚雞煲，魚翅煲👏🏻👏🏻。環境寬敞，乾淨整潔。

這個地方非常好，侍應安排我們坐窗邊一張圓枱，可以望到尖沙咀和維港海邊，窗外美景怡人，酒樓地方好闊落，樓底好高，裝修設計裝潢，非常之吸引，加上只得幾枱食客，感覺非常寬敞而且很寧靜，一家大細，三五知己，商務聚餐是一個非常合適的場地，除此之外洗手間也很乾淨，洗手盆設有鹼液，吹風機，裝修設計好貼身。我們叫了一個鐵板乳豬🐷，用火爐㷫著一邊吃，乳豬的皮也變得非常脆口。最值得大贊的就是那個魚雲湯，湯內的用料非常足料，用火㷫著令湯非常溫暖，魚湯🐟的鮮甜及魚雲的口感，喝進肚內非常滿足，其它餸也味道也非常出色，整體來說，這舒適的環境加上美食一起，價格也不貴，勝價比極高，大力推介