影片
招牌菜
試過兩次都中招兩次都經app叫第一次叫金牌鵝片,份量勁少諗住鴨無鵝咁貴應該份量會多返d,所以今次叫鴨片結果得10小塊,會唔會少得可憐🤦♀️其他野食份量ok,味道都正常既
繼續閱讀
幾時都係，無論自己一個人，定一大班人食，食潮州打冷就係最舒服最爽。座位一定不及高級餐廳舒服，衛生也是，但就是食氣氛﹑和熟悉的食物。打冷就是以不變應萬變，對於現時市面大量fusion 新式菜，食一次兩次都覺得新鮮好奇，但只有這種舊有味道，才最令我值得回味。打冷一定要嗌鵝片。鵝片都算稔。當然唔洗指意喺香港食到新鮮鵝，但都算做得很不錯了。仲有蠔仔粥，夠哂鮮味～蠔仔都唔算太細仔，幾好～最重要，打冷一定要飲大啤。啤酒夠凍，配上各種小菜，同老友吹水，真的一樂也～難得在陌生的上水，找到熟悉的味道同聲音，找到麻甩佬的幸福。
繼續閱讀
取走座位，聲稱轉頭歸還，但不了了之！亦叫極沒有人理會，連落單也沒有人理會！服務態度極差，落單等待良久上菜，但錯也不認。總之叫天不應，叫地不聞！伙記錯，死都不認！😠
繼續閱讀
罪過罪過！飽到想扣喉！三個人叫九個菜、四支大青島、一碗糖水！露天大排檔係熱少少，無奈上水無咩潮州菜館好食，潮香園已經唔錯喇 ﹗食食下居然跳制停電，夠晒浪漫，摸黑都唔知食緊咩。有情調都無用，炎炎夏日無風扇無冷氣，展兄熱到要裸住食飯，我做開高溫運動先頂得住乍。蠔仔粥走蔥走芫茜，普普通通不怎驚喜，方魚肉碎湯底香甜欠棒，用料不足使到偏向淡口而單調。雖然蠔仔細細，不過夠肥嘟嘟脹卜卜，食得到蠔鮮味。依個粥味道及份量免強合格，一試無妨。淨豬紅，湯汁強烈豉油味外沒什麼香料滷水作點綴，好悶呢。豬紅質地欠缺滑溜感覺，強差人意呢。而且浸得唔夠耐，湯汁未能完全滲透豬紅之中，味道甚淡，唯有沾上大量辣椒油補救啦。滷水鵝，有水準、高質數，比大埔鹿鳴居更好味 ﹗肥瘦得宜、斬得大細適中，香氣遠遠已撲面而來，滷水味道清爽不濁，泛著宜人香料氣味特別醒神，鵝皮膠膠滑滑不肥不膩，鵝肉緊緻幼嫩，好食啊。沾點蒜味酸醋精神爽利、沾點微辣辣椒油惹味刺激 ﹗心血來潮想損骨頭，所以無叫鵝片。鵝片真係好講師傅刀功及技巧，如果切得唔好、切錯紋理會勁韌勁硬囉 ﹗椒鹽蝦，對我黎講必須炸得乾身香脆，完隻啪入口連殼連肉食原汁原味，完全無浪費，潮香園完全做得依幾點，好味道，讚 ﹗蝦殼卜卜脆，蝦肉爽甜可口，肉汁豐富澎湃，而且味道調得香、辣、蒜、鹽剛剛好，夠惹味又無過咸，鑊氣仲非常旺盛 ﹗美中不足無去眼去頭去腦，間中會有沙或腥味呢，扣一點分啊。辣酒煮花螺，辣味輕微不嗆而溫柔，酒味太含蓄差點食唔到喎，我地個個都好好酒量架，唔洗驚我地會醉呢。花螺浸得軟腍，豉油已浸入得透切，不錯不錯，滿意。椒絲腐乳通菜炒牛肉，又係我最喜愛既水通呀 ﹗落單前已問清楚唔係深綠色較硬既旱通，開心死 ﹗水通每年只有夏天幾個月有得供應架乍，時令菜有機會當然要食多一點 ﹗翠綠爽嫩，充滿水份，大大條空心菜管存住大量腐乳辣汁，每一啖都帶著大量汁液非常可口。食野我一定唔會客氣，大注大注塞入口，大滿足 ﹗食菜唔通續條夾咩？牛肉略乸不過份，可接受。滑嘟嘟腍腍地而味濃，都可以。搭埋多水通菜齊齊食，味道超然，天作之合 ﹗豉油皇鵝腸，好多食肆都炒到腍劈劈，但依碟又香又爽又彈又味濃 ﹗炒功及用料出眾，鶴立雞群 ﹗豉油味清甜突出但又不過火，香氣四散，食落甜美爽脆，還要賣相吸引，難得非常好味 ﹗菠蘿京都骨，硬係覺得無咩肉食咁，點都要 order 啖啖肉咬下。京都骨肉多骨少，炸完再兜返個甜酸汁回鑊，外脆內嫩，肉汁非凡，肉質香軟而有趙頭，不乾不硬好功夫。甜酸汁酸酸甜甜，調得味道豐富不單調，食到尾聲去去油膩，去去飽滯感來得正合時 ﹗豉汁炒蜆，居然炒蜆做壓軸，因為我想試囉 ﹗預料之外既鮮甜肥美，仲要係考功夫、花時間生炒，並無預先拖水，保持原汁原味，一食便知龍定蟲啦 ﹗不過芡汁有點失手喎，開到又厚又杰又一舊舊，嚇死我咩 ﹗味道就幾好既，鮮甜中帶香口微辣。
繼續閱讀
我真係會無分季節一年四季都打冷, 我最鍾意打冷果種豪邁感覺, 特別同老友啤番兩杯乜都講得一餐, 幾暢快!!! 上水依間已經成為我半個食堂, 其實我已經幫襯左好多次, 所以我決定要推介俾大家, 我最欣賞佢個鹵水鵝片, 好入味, 啲鵝片完全唔“鞋”口, 正宗嫩滑多汁, 鹵水拼盤好大碟, 一啲都唔欺場, 而且鹵得相當入味, 必食之選, 其次就係螺類, 佢地啲螺無論任何煮法都可以好鮮甜, 所以我每次例必會叫, 以下係我經常點既螺類菜式……辣酒煮花螺我覺得用酒煮花螺係最無敵既一道菜, 花螺好鮮甜, 但我會略嫌酒味未夠濃郁!!白灼東風螺我成日認為若果海產生鮮, 只需要白灼就已經好好味, 依間既東風螺就完全做到依個效果, 我仲每次都會叫兩碟, 完全食唔停口!!白灼角螺依種螺係老闆推介我試, 估唔到佢仲鮮甜過東風螺, 不過食依隻螺要有技巧, 因為啲螺有時會鑽到好入, 我用盡所有方法都未必可以撬到啲螺肉出黎~~哈其實佢地啲大炒都好夠鑊氣, 我最鍾意椒鹽茄子, 椒鹽味相當足夠, 香口惹味, 一啖茄子一啖啤酒, 簡直妙絕!!!
繼續閱讀