潮食 (已搬遷) 新店位置

朋友住上水佢一直都大力推薦呢間既手撕雞腸粉，今日適逢返完深圳，順便黎試下呢間深受朋友好評既小店鋪面唔算好大，但見佢所有食物都係即點即制既首先必點一個手撕雞腸粉，坊間已經好少見呢種腸粉了果然腸粉好滑，加埋手撕雞好夾，真係好味好得意既腸粉，一塊一塊咁，好滑身另外朋友大力推薦呢個煎餅，呢個係原味煎餅，餅皮仲有雞蛋入面有沙律醬、生菜同一塊好脆類似豬肉紙咁既由於當日係買外賣，食既時候已經有少少凍左，但依然係好好味，外軟內脆口感好豐富，可以想像佢熱食應該更正另外仲叫左一個抹茶朱古力雞蛋仔，雞蛋仔都係屬於好食既，因為太肚餓唔記得影相，但綠茶味充足，外脆內軟，值得一試真係覺得朋友冇介紹錯，好想再encore 呢間所有食物可惜對我黎講有點太遠，唯有下次入開上水一定兜路都幫襯

收工前，同事在一間港式小食店買咗啲小食比我哋，佢話當時好多人等呢間食店，佢見啲特色所以排隊買！落單店員已盡快整！一個膠袋分兩袋啡皮紙袋，啡皮袋已打孔，不過運輸過程難免焗咗水氣，不過已經好開心椒鹽蛋雞蛋仔（$15）賣相唔靚仔（因為加了多又淋咗啲，有啲火山表面，撕下都有啲困難，無咗脆口感覺（不過呢個係外帶問題）味道竟然幾驚喜，蛋加椒鹽鹹香花味，辣辣地，似食鹹pancake! 好味！抹茶朱古力雞蛋仔（$15）一樣焗淋了少許，綠色的雞蛋仔，夾雜朱古力粒，茶味無乜，只係加色，只有雞蛋仔嘅蛋漿味，食時食到半溶朱古力幾香滑！好味！味道唔錯，如果出爐即刻食到嘅，外脆內軟應該好好味！特色雞蛋仔

今日向上水經過小店，見到有幾多款式食物，試下先與友人各點了一份腸粉，分別蝦米腸粉、蜜汁叉燒腸粉，據報腸粉的粉漿是用石磨磨的再點多份芝士粟米煎餅，向香港比較少地方吃得到食物質素唔錯，始終即叫即製作，夠新鮮店舖還有其他小食，下次再試下先

話說我朋友嘗試呢間雞蛋仔後的回應是特別另外我見雜誌電視都有介紹 一場黎到當然要嚐試有何特別呢朋友試過椒鹽雞蛋仔同手撕雞雞蛋仔前者可以嘗試但因為她前一日食過我便建議食其他味後者手撕雞偏咸 但要創意也可以嘗試這次就品嚐另一風味 蘋果肉桂雞蛋仔我的認知是雞蛋仔內有蘋果肉桂 原來不是 普通一個雞蛋仔夾上蘋果肉桂 就似格仔餅的風味清清甜甜的蘋果肉 加上肉桂的香味 創意得黎又好夾 只係一個難提 平時可以一粒粒食 依嫁要一啖啖咬落去食 食得比較髒等候時間10-15分鐘左右 還可以接受

屋企樓下的雞蛋仔，成日好多人排隊，今日見冇乜人等就試吓啦！店舖門面已經寫晒所有可以買的東西，價錢可以接受，當然最出名係雞蛋仔$15。店舖內有兩個兩手都係主力雞蛋仔。今次等了15分鐘就有雞蛋仔啦！買咗椒鹽雞蛋仔，第一次試鹹的雞蛋仔，原來味道並非想像一樣。因為雞蛋仔本身係甜，而家加了椒鹽同埋雞蛋，本人覺得有點奇怪同埋唔係咁夾！下次都係試番正常，應該會揀綠茶或者朱古力，因為當時有幾個人都係等緊呢兩隻味道。

幫襯過幾次最鍾意係焦糖最近試左幾款新出夾心系列既雞蛋仔蘋果玉桂超好食不過玉桂味就見仁見智，唔鍾意既人可能食唔落口，我個朋友就係咁芝士同樣都好正，係用車打芝士一片片溶落雞蛋仔上面，然後再夾埋。夾心朱古力就係夾住朱古力槳冬季食簡直一流P.S 以為係兩父女開檔，一問之下原來個女仔只係打工我諗喺另一檔開緊舖嘅先係兩兄弟

印象中雜誌介紹過，琴日行開去嗰邊買野見響附近就試吓，綠茶怪當然係試抹茶味，揀左抹茶朱古力，抹茶都幾香，最驚喜係朱古力好足料，每粒雞蛋仔都食到朱古力粒，所以$15一底唔貴。係唯一可以吹多陣先入袋，或者可以脆D，不過已經好唔錯

已經係第二次幫襯值得表揚的創新小店必食 首創 椒鹽雞蛋仔，咸咸辣辣嘅蛋漿加上原隻雞蛋做出， 令每粒雞蛋仔都有雞蛋係裡面。咁大過都未食過咸味嫁。綠茶朱古力 綠茶味香濃， 熱嘅時候朱古力仲有少少流心另外一提，佢qa 都做足1. 倒入蛋漿後會輕輕搖模，令蛋漿完全覆蓋2. 唔會急於立即關模，反而會先燒好一邊定時再關模3. 出模後會計時出涼，避免入袋即淋價錢合理 15蚊一份之前有報導發現烘焙食品中常用泡打粉發酵麵粉，當中或有含鋁食物添加劑。為左令大家食得安心，店主就講明所有麵粉都係不含鋁**， 一齊支持呢兩兄妹啦， 下次要試埋其他朱古力味。**額外資料食安中心研究發現，即食海蜇、雞蛋仔、馬拉糕、雞包仔、窩夫及烘焙食物的平均鋁含量較高，究竟食物中的鋁從何來？食安中心指出，蒸包蒸糕、烘焙食品中常用泡打粉發酵麵粉，當中或有含鋁食物添加劑，成為市民進食後，攝入鋁的主要來源。

近排屋企樓下好熱鬧，因為好多人走來「潮食」潮聖👍🏻佢地既雞蛋仔，有好多款，有朱古力味，綠茶味⋯⋯⋯ 仲有，最特別的椒鹽雞蛋仔😋真係前所未聞，我估應該係第一間雞蛋仔舖，出咸味雞蛋仔。味道出奇地特別！最特別係⋯ 雞蛋仔入面真係有雞蛋嫁😱好食！

前排在facebook看到朋友share一段文章，內容是關於上水區有綽頭的餐廳及小食類。當中看到潮食的"椒鹽雞蛋仔"，據悉材料是加入真雞蛋，所以吃雞蛋仔會吃到蛋黃的！本人愛吃雞蛋仔和蛋黃，因此一直都非常想試試看。今天到上水的朋友家作客，當然順道來一客馳名雞蛋仔星期六下午三時多來到，不像網上所講要排長龍。而雞蛋仔是即叫即整，等了大約十分鐘，熱辣辣香噴噴的雞蛋仔便到手了。外層脆卜卜，加了椒鹽咸咸甜甜幾過癮，仲真系有蛋系入面，味道不錯，而且價錢只是$15如果大家經過開上水，不妨一試

今次去到上水，試下呢間叫「潮食」既小食鋪，佢有咩咁特別，就係有好多唔同口味既雞蛋仔！有啲咩呢？佢有9種唔同口味的雞蛋仔：原味，原味朱古力，朱古力，抹茶朱古力，繽紛朱古力，抹茶黑櫻米，椒鹽蛋，清香水果皮及蕉糖。我就叫左「抹茶黑櫻米$13」，問左老闆先知，黑櫻米係種子黎既，食落去有啲香口，酸酸甜甜，幾開胃！而雞蛋仔食落去唔太乾身，有趙口，好軟，仲要每粒都好滿，唔會有空心既雞蛋仔，呢樣值得加分！

話說小妹早兩日試左討論區成日講既雞蛋仔依間上水新興起的小食店幾多號鋪位，食店名稱完全唔知道據討論區資料，只知道係順欣花園四方果甜品隔離而營業時間跟據討論區講係下午一時至八時小妹終於慕名而來，見到鋪面似係臨時咁未有招牌，應該會慢慢加上去吧店外都有四五個客人等候緊雞蛋仔見佢有四個雞仔爐，人手得一個所以係要比少少耐性的小妹點左椒鹽雞蛋味既雞蛋仔（圖右）$15同埋原味朱古力味（圖左）$13究竟點樣椒鹽蛋味呢？小妹睇住佢整原來係佢倒左原味蛋漿落雞蛋仔個盤之後，再係上面打隻雞，再灑啲椒鹽估唔到雞蛋仔鹹食又幾好味而果個雞蛋就會變左荷包蛋隱藏左係個雞蛋仔入面當係摵個雞蛋仔食果時，就會連埋佢入面隻荷包蛋摵埋黎食。而個原味朱古力呢小妹就見佢將原味蛋漿倒落雞蛋仔個盤後，將啲細細粒既朱古仔灑係上面，差唔多粒粒雞蛋仔都有粒朱古力，都幾好味整體黎講，依個雞蛋仔小食店的確幾好味，小妹會再去幫襯個椒鹽蛋