潮豐魚蛋粉

營業中

休息中

我一般特別難食或者好食，先寫食評。但係呢間寫嘅原因，係因為佢對員工態度極差。利申出呢個食評絕對唔容易🤣🤣咁話說我有日行開附近，想食牛腩飯，就入去呢間街坊店。一入去，無人招呼，我就自己坐低。跟住員工就行黎問我食咩（態度好好嘅）Order個飯個陣，會揀食咩菜。咁員工唔記得左，就問另一位女士有咩菜（應該之前都有問過幾次）呢個時候事頭婆係煮麵個位開始黎了，係咁講：「****，做咁*日都記唔得，提左咁多次，你係咪有病？…」下刪100字。我開始覺得有啲難受，就算做錯嘢都唔需要俾人咁人身攻擊。但原來未完，到我個飯上黎，事頭婆係我隔離執嘢再大聲鬧：「有咩理由成日做錯….留係度做咩。…」我覺得好愕然，啤左佢一眼，佢無咩反應。然後到我差唔多食完，事頭婆加另一位女士再一次係前面麵檔繼續鬧個位員工。我呢20分鐘真係食得好難受。去過咁多間餐廳，呢間真係第一間可以當住客人面大聲粗口橫飛、人格侮辱員工。但係無論佢啲牛腩幾好食都好，我都唔會再幫襯。佢地個種對員工嘅態度，再加上對客都係無表情，令我覺得去食飯=去受氣。

如果唔想比錢買難受 ，真係唔好食 ！諗住夜晚唔知食咩好 ，想清清地 ，買碗魚旦河食 ，呢間未食過 ，諗住去買黎食下 ，去到見到間鋪都唔係咁乾淨，都冇所謂，食碗魚旦河，唔想咁高要求，咁叫左碗魚旦河，諗住想出聲叫多個菜，佢又扮聽唔到，自己行開左，跟住同佢講，唔好意思，加多個菜，個呀姐就彈左句：咩你咁煩，又加多樣野，我好忙嫁，但事實上間鋪係冇咩人，係我眼花，定你地唔憂做？其實如果你地唔想做生意 出聲啦 土瓜灣都好多選擇 又唔係特別好食！

搬來土瓜灣工作快十個月了偶然間見到呢間潮式魚旦粉店好想試吓⋯⋯終於找到機會坐下來一試其實來之前也上過OpenRice 睇吓網友食評果然有少少🤏⋯⋯意見入到店內有好多司機叔叔在食飯係呀有飯食。。。不過我目標係試魚旦河坐下五分鐘無人招呼因為剛有人落外賣單想睇吓餐牌⋯⋯OpenRice 上有已經是2018年。。。現場係⋯⋯叫我自己睇牆上無餐牌⋯⋯（好晦氣）咁⋯⋯如果無估錯個位女士應該是太子女？！佢媽媽似係老闆負責煮粉麵中途又聽到呢位女士同其他叔叔有打成一片。所以好明顯係做熟客生意嘅⋯⋯魚旦是爽口的不過河粉煮岀來有陣味⋯

第一次食，叫佐個牛坑腩河試。唔記得影相📸️忝⋯⋯估唔到呢間D牛坑腩水準都幾好好腍好香，油脂分布適中，唔會太肥，牛味重好味😋完全無蘇味本人好驚食到有蘇味嘅牛，值得一試！下次試下其他先😋😋

服務態度極差，想去廁所，上1秒話個廁所可以用，下1秒問你嗌咗咩食，嗌左一杯嘢飲唔俾去廁所，意識到自己講錯嘢即刻改口話壞咗，叫你去隔離舖頭借廁所啦😂請問去個廁所係咪要在額外收費，叫得一杯嘢飲冇資格去廁所？啲嘢飲仲難飲過自己係屋企沖即用咖啡，如果不是恰巧在附近工作也不會中這個伏，個下心諗不如慳返幾廿蚊係屋企飲即用咖啡好過，即刻口渴嘅心情都冇晒，喺七仔買支水都冇咁嬲，衛生環境極度欠佳門口地氈仲係濕漉漉的，能夠踩出聲音以及水，成間舖頭佈滿塵埃。

加班之後，收工既累又餓，來到此處附近的選擇不多，又再無腳力走去土瓜灣地鐵那邊揾食，不想再花時間等位，就走進這店去。此店不是純粹的粉麵店，還有賣其他湯飯、客飯、臘味飯等，但今晚想吃濕潤的粉麵，於是點了魚片頭河及薑葱肥牛撈麵。兩者均堪稱劣食之選。所謂肥牛又老又乾，撈的湯底混濁無味。魚片頭也不新鮮不彈牙，不知是否雪藏了很久？辣椒油及醋都唔掂，想用調味掩蓋不鮮味的材料亦不可行。總而言之，下次一定不會再來幫襯就是了。怕怕!

哩間魚蛋粉係屋企附近，冇煮飯/諗唔到食乜就會黎幫襯，最鐘意就係食哩度既牛腩/坑腩佢地d牛腩妳話係咪似出面好出名果d好入味又唔係，應該係用鮮味黎形容會貼切d,而且唔係鞋拾拾另外食飯可以跟餐，有湯有菜有野飲，都係50左右，物超所值

我同朋友路過想食碗麵， 因朋友趕住走，所以 我叫咗碗招牌雞撈麵，雞油1吋厚，肥到一個點，及油菜，菜的蠔油怪怪味， 我朋友叫了杯嘢飲。店員沒有告訴我要最低消費，也沒有淨飲雙計，落單又無叫我們叫多d野，我們叫了不少嘢食，埋單都四十幾，好合理?! 我朋友走先，到我埋單時，收銀：大大聲話我們兩個人食一碗麵，(由於openrice唔俾出粗口)，我覺得食物係點唔重要，服務態度差，吃了餐受氣飯，不會再去，反正佢唔志在做我生意，謝謝 !!!

四十幾蚊有湯有飯有油菜，重有大大杯凍飲，睇怕耐d土瓜灣地鐵通車之後，哩d餐廳賣少見少嚕，所以，襯依家多多支持吓啦！忙到未食晚飯，成凌晨時份見到潮豐重燈火通明，即刻入去醫肚。同大家講聲，入面經常有一位著漁網絲襪嘅女待應，又有d支持唔住.....今次幫襯潮豐嘅客飯套餐，碗紫菜湯份量比以前少咗，慶幸其他無咩點變。油菜有生菜同通菜，蠔油同腐乳選擇，我每次都點蠔油生菜，因為佢地d蠔油好特別，比較甜。牛根唔韌有趙口，但味道重咗少少....重味咗少少嘅，重有對漁網絲襪....一路食，一路睇住漁網絲襪係我面前行來行去，唔想嘔，快快食完快快走....

潮豐記依間鋪頭係專食唔同既麵，個人覺得佢係土瓜灣數一數二食牛腩米既地方，上次食左個肥腩米加杯凍檸茶，我唔太鐘意食瘦既牛腩，因為無種口感，依度啲肥腩米入口即溶，因為都炆左好耐，肥既地方同肉看上來分明，但入口果種口感很好味道，凍檸茶在夏天品嚐完全是一種解暑良方。

老實講，潮豐嘅粉麵唔係我杯茶，隔離七喜嘅粉麵比佢更啱我口味，而每次幫襯潮豐只為食佢地抵食嘅套餐，先唔講好唔好味，四十蚊有例湯有油菜有大大杯飲品，去邊到搵？遲d地鐵開通，唔知重有無哩類抵食嘅鋪頭？好明顯，個例湯係跟粉麵用嘅清湯而唔係其他餐廳果d搭頭搭尾嘅劣質例湯，個例湯再加幾片紫菜，原本例湯無蔥，我要求佢地加上，碗湯即時生色不少，例湯都算味濃，好過好多其他又淡又稀嘅例湯！今次叫咗客南乳豬手套餐，南乳汁味道偏淡同稀，令到個豬手味道都偏淡，豬手炆得夠冧，叫做囉番唔少分數，以四十蚊套餐哩講，豬手份量都叫適中，唔會將貨就價而減少。總括哩講，四十蚊一個嘅套餐，俾到超過四十蚊嘅貨，唔俾個讚都唔得囉！

來吃東西原因是因為位置方便,沙薑雞和牛腩剛巧是我喜歡的食物。但是來過幾次之後,以後也不會再幫襯了。這兒食物ok, 收費也ok.只是老板娘常拿食客出氣,何必呢？我們上兩天親眼看到她罵一位食客,人家沒理會她。她居然再走過去人家大聲責罵，那位客人向她道歉,她還續繼大聲當眾罵人,太恐怖了。之前己經試過問她牆上食品,以為店裏有火鍋吃,被她一句句「㗌」的經驗。然後一次問她多拿一個碗,她將四個碗大力擲到桌上,被她嚇了一跳。那時候以為她是伙記,後來知道她是老板娘。做生意如此,她自己趕客啦。今次又看到她大聲罵客。我一共才去過大概五次,己經看到三次老闆娘如此惡劣的態度。再去便是用錢買難受,而且唔知道惡老闆幾時發脾氣,拿食客出氣,下次會否拿自己出氣呢？所以雖然位置方便,食物ok,都不再去了。怕怕她是我遇到最悪脾氣的老闆娘,而且是拿客人來出氣的。

早兩日，趕時間，惗住食碗魚旦粉嗱嗱聲跟住要見客，入咗舖有八成客，叫咗個魚旦粉餐但成十分鐘都未到，惗住崔下阿姐喇，佢到費事理你，當聽唔到，忍住到氣出櫃檯問下，原來冇落單，咁同老板娘哦咗兩句話講趕時間有冇得快小小，佢sorry都冇句淨係得個“哦”字，到埋單仲特登攞把掃把掃地唔收錢！一叫佢收錢仲俾佢喝佢一句“擺低喇”呢間嘢本來已經係食物選擇少，品質普通，加埋D態度勁差！！！世界末日冇得食都唔會再去！

01),查車去了土瓜灣,這處車位也很多02).入了這間潮豐,一看就先架幾冷開的03).結果叫了最上兩項04).先來了一個熱辣辣的紫菜湯,足料到有點驚人.味道巧巧05).再來油菜,新鮮正常06).主菜沙姜雞黎喇,肉質幼嫩,雞味也濃,好雞是也07)再來碗上牛雜,,味道正宗,家鄉風味..每件入味又香夾林..正呀08).最好還有餐飲..以上一湯,—菜.一送,一飯,,只收你三十蚊...真係三十蚊.市區少有

其實我哋之前嚟過，食物質素以一般粉麵店黎講唔算差，不過全冇service可言。落柯打嘅阿姐通常好grumpy咁問你食乜，或不發一言咁企係你隔呢，等你開口為止。今次食set around $40, 有雞飯 - okay la, a bit bony湯 - seaweed with normal amount of MSG菜 - a bit yellowish今次嚟發生插曲:搭枱男子正在食緊麵, 阿姐係佢食完之後5分鐘就話: "食完俾返張枱我好唔好?"男子開頭唔so佢, 阿姐再問, 男子話: "係咪唔洗比錢吖!"阿姐: "得啦得啦，你坐啦。" 阿姐 然後走開。男子: "離X哂譜，咁都得?!" 再過幾分鐘,男子就埋單走咗。其實當時重有位,不過入d冇tv 啫。阿姐於是執枱，不過大力掟嘢，仲好大聲xyz個男子,話佢比得$17,坐成個幾鐘，正乞衣，@%&*xyz... 好惡囉！人地Starbucks 買杯coffee都比人任坐啦, 呢間做街坊生意好心唔好咁小氣!我哋好驚阿姐唔知幾時發作，所以拿臨食埋就走, total 25min 內finish。點知侍應阿叔叫阿姐收錢時，阿姐又串爆咁話慢慢等啦!