潮豐牛什粉麵 (已結業)

午餐黎過依度食，閒日人都算幾多，有少少難有位架！要食早啲黎搵個靚位～～樓面員工好似得1個姐姐負責晒，上菜速度唔似平時啲湯粉麵店咁快，要預多少少時間黎食。。叫左碗雲吞麵，其實個味係唔錯，夠味，但太濃，個雲吞都有啲過份鹹，個湯都係好夠味，好彩都唔吸水，如果唔係會好鹹。另外叫左碗牛肚河，連個牛肚都勁鹹😂😂夠味！ 中意食重味嘅人必去！$34一碗我覺得算唔錯！牛肚其實都好味～～～野飲就熱飲都要加5蚊，凍好似加8蚊！…查看更多

啲野又唔好食，啲牛腩又唔夠淋，得啲死咸味，之前上網睇到話好好食，完全唔係:(果度啲姐姐態度又唔好，完全冇禮貌，好似比錢買難受咁。 同埋好污漕，好多蚊蟲係間野入面飛 唔會再食下一次…查看更多

呢間的確係我食過最好味既牛腩河。牛腩係有少少肥肥地，平時我好怕食肥膏，但呢間既牛腩肥油味係甘香架。有冇食過火煱肥牛時嗰種牛油味? 大概就係咁喇。而且呢間牛腩份量非常多，我覺得係平時出去食既兩倍啦！夏天嚟食時熱到爆炸，但我都會嚟，可想而知幾好味啦！…查看更多

屋邨美食臥虎藏龍，即便是何文田愛民邨這樣偏僻的美食沙漠，亦有一間我幫襯多年甚為難忘的牛肉麵檔。此處匿於愛民街市，對於衛生環境自然不會期望太高，反而折凳折檯電風扇，甚有港式懷舊風味。家庭式經營，幫襯的亦多是附近街坊，人情味濃厚。價錢可以說非常公道，粉面$32起。這裡主打潮式牛腩、牛雜，部位肥瘦任君選擇，這才是潮式牛肉檔該有的樣子吧。秘制牛腩拼蘿蔔米粉先呷一啖湯底，原汁原味清湯腩汁，沒有人工香精，非常鮮美。牛腩非常入味，夠軟淋。蘿蔔完全無筋，吸收了腩汁的精華，絕對是超水準的一碗牛腩粉。…查看更多

黎到何文田得一間商場同埋街市 於是諗住行入街市睇吓有咩小店可以食碗麵😝見到呢間係食麵 都有幾多街坊老人家黎食 鋪頭對面係買生果嘅 鋪面唔大而且入邊冇冷氣只有風扇 但慢慢心靜自然涼 所以還好！ 係舊時香港嘅味道😚叫左碗牛腩河 記得唔過30$ 湯底好香濃 牛腩醃得好入味而且份量唔少 仲有啲蔥花 河粉條條大小不一 而且比較薄 似自己整 牛腩肥瘦均勻 上層係瘦 下層係脂肪 同時食到肥瘦🤤🤤呢d 隱世街坊小店越來越少 不過年輕人來講美中不足在冇冷氣 所以黎食嘅好少後生 多數老人家🧓…查看更多

晚上不想吃得太飽，便想起屋企附近的潮豐牛雜粉面。Order 咗個魚蛋米，牛腩河加菜心拎走，盛惠$76。 平心而論，街坊生意，價錢實惠！返到屋企拆開膠袋，發現裝魚蛋米個膠兜被隔離裝牛腩河個膠兜壓到變咗形，啲湯瀉晒落個膠袋裡面。算，街坊生意，我食粉面啫，冇乜所謂。魚蛋米同牛腩河味道一如以往偏咸，這都在預料之中。但個菜心真係比佢嚇親！菜葉變黃，菜梗由內爛出來，咁嘅菜都夠膽拎嚟招呼客人，街坊生意都唔是咁做喇，係嘛…查看更多

聽朋友說道愛民邨這老屋村人情味甚豐，價錢大眾化之餘亦有不少隱世美食。上次他指著潮豐說道，可惜當日無機會品嚐。今日特地一嚐牛沙瓜麵。潮豐正正在街市內，村內年長人士較多，加上離地鐵有一點距離，所以物價較大眾化。潮豐裝修亦較務實不講究，大字招牌、摺枱木櫈，不浮誇。店主大力推介牛沙瓜。我當然從未聽過。牛沙瓜是牛第四個胃，每個胃都有不同名稱，而牛沙瓜較爽。我點的是牛瓜沙麵拼蘿蔔。一大碗牛沙瓜麵甫送到枱上。目測這個牛胃都有十件八件，以$35單拼來講，加$6送凍飲來說，可謂逆市抗通漲之選。牛沙瓜的紋理清晰，面層呈摺紋而背面平滑。入口味道沒有牛腩那種爆炸性味蕾的震撼，比較含蓄。入口比較爽口，咀嚼不是咬不斷的質感，但的確要點耐性。眼看內臟亦處理得乾淨。而麵身方面，亦乾身爽口，沾上浙醋中和一下鹼水味。整體來說亦是個價錢合理又新奇的探索旅程。不過小弟個人喜好，實在鐘情崩沙牛腩既特性，下次再黎試試牛腩牛雜如何。…查看更多

今日叫咗碗牛腩河，店舖沒有什麼裝修，只係坐係一個大排檔認識的座位上，辣椒油放在枱上，但看來不太衛生，有些蒼蠅飛來飛去，食咗之後認為價錢合理，腩汁多效了味精，食後非常口渴😰…查看更多

上完堂, 在何文田找宵夜~ 真係無咩得揀~~走過愛民邨街巿, 仲有2間店有燈火~ 唔理喇, 坐低先, 唔係揀多兩揀都收埋鋪~牛腩麵$29 及 牛肚麵 $29 :牛腩及牛肚都好冧, 又入味, 份量多, 正~ 麵鹼水味唔重, 麵餅份量也剛好~ 夠飽肚~油菜-芥蘭$15: 份量合理，味道正常無特別之前有食過店推介的---牛沙瓜:係好冧，但個人覺得太冧...唔太喜歡個質感...---牛沙瓜 小知識---見識少既我，唔知咩係牛沙瓜，維基一下先知，原來牛胃的其中一個...牛有四個胃，香港通常叫做：草肚、金錢肚、牛百葉、牛沙瓜牛沙瓜，亦稱牛傘肚，即皺胃(真胃)，反芻動物的第四個胃原來唔係度度有得食架，有得食都提供唔多，如果喜好牛既朋友，應該要試一下…查看更多

Situated in an open market place in Oi Man Estate is a stall run by a family that specializes in beef brisket.  I'm lucky enough to live within walking distance to this place so I'm a frequent customer.Unfortunately the menus are all in Chinese but thankfully their signature dish is simply beef brisket (pronounced "ngau lam" in Cantonese) with a side of either noodles or rice, personally I'm a rice person so I tend to order that more often!The beef brisket from this establishment is simply delicious, and more importantly than anything (at least for me!) the portion size is not minuscule like many other beef brisket places. Definitely recommend adding a little bit of chili oil on the dish!Lastly it's priced at a point where you can enjoy something like this on a daily basis without being extorted for an arm or a leg.…查看更多

本人一向醉心於牛雜但又覺得係街邊食碗牛雜真係好高消費，成四十幾五十蚊，倒不如去食碗牛雜麵好過啦，係學校附近就比我搵到間好抵食既，金牌牛雜麵都只係二十七蚊，加埋底都係三十二，啲牛肚好爽口，味又夠濃，麵又夠彈牙，湯又夠香，但美中不足就係冇冷氣😭😭😭…查看更多

一入到愛民街市，見到有間麵檔牆上痴哂好懷舊既相。基於好奇心，就試試佢個真偽。見到餐牌有好特別既肥牛腩，牛沙瓜等等既牛部位。就知道呢間係一間唔簡單既麵檔。今次試下個肥牛腩河。睇下幅圖，每舊牛腩都“能“住舊肥，d牛腩肉又唔un，超抵讚！河粉方面就同普通出面差唔多。下次一於試下個牛沙瓜先！…查看更多

今日午餐一個人食, 見好多學生係到買外賣就試一試啦叫左個魚蛋米26蚊, 有4大粒魚蛋再加3塊魚片分量好大, 一開始試左粒魚蛋，好爽口勁彈牙，比起我一直鍾情既長洲魚蛋仲好味魚片方面都好香口不過個湯頭味精左D, 飲多2啖都口乾下次可以試下佢出名既牛腩!!…查看更多