潮豐打冷

營業中

休息中

非常過分，12:30喺度買咗盒鹹魚雞粒炒飯淋雨返到屋企打開竟然係一盒白飯！即刻打過去，點知個收銀態度極差係咁話廚房冇睇單對唔住囉，首先佢自己冇檢查佢嘅工作態度已經有問題同佢講返退錢，佢話淨係可以現金叫我自己返去親身攞同佢講而家咁夜攞唔切佢就大聲夾惡咁話，咁你而家想點呀？建議大家以後唔好再去呢啲態度又差做嘢又唔掂嘅餐廳。

叫咗北菇滑雞飯，一打開個煲已經心知不妙。啲北菇又乾又嚡，完全冇晒香味；雞肉又柴又韌，仲要明顯少咗料，連基本嘅油香都冇晒。最離譜係飯底完全冇反香，成煲飯濕漉漉，似係蒸出嚟多過用砂煲燒。同以前比真係差天共地。有啲餸似係蒸出嚟。以前成日特登過嚟食，但今次再食，真係完全唔同晒。90幾蚊一個煲仔飯，唔係平，坦白講，都係以前覺得好食先再嚟。但質素跌晒watt，連最基本嘅水準都做唔到。以後都係食返其他舖頭算唔會再特登過嚟

已經是凌晨的時間 去到觀塘找不到吃飯的店 由於這區變化已經很大 所以已經不知道那裏有飯吃 回想起小時候在這附近有一些打冷店 貿然走過去看看 竟然還有一些店在開點了一些小時候很愛吃的菜 就是鵝片啦 煲仔飯啦 煎蠔餅啦 都是他們出名的小菜 全部都非常好吃 煲仔飯的火候也夠 但就是因為朋友開車過來了 不然再來兩瓶啤酒就真是開心了 後來吃着吃着 忽然覺得他們的裝修好像很熟口面 過去問問老闆娘，他這個店開了多少年 他們已經說20多年了 原來這正正就是我小時候常常來的店 想不到他們屹立不倒在這個區這麼多年 忽然童年回憶馬上都回來了 最後想說的是員工服務非常好 教我們怎樣吃好吃的煲仔飯 豉油是什麼時候才下 態度親切有禮 希望我再過20年後的時候，他們也還在吧

呢一間打冷舖嗰晚walk-in大概八點去到，剛剛有一台離開我哋就坐咗入去角落頭，餐牌都幾齊全有打冷，又有煲仔飯，又有一般大排檔嘅小食行入去見到有一枱6人嗌咗成條鹽焗烏頭，氣氛好熱鬧由於剛剛喺葫蘆館食完薑汁撞奶，唔算好肚餓，最後嗌咗炸大腸，鵝片，同埋蠔仔粥（細份）落單好快就上菜最好食係炸大腸（$110），因為係炸完即切，所以外脆內軟啲皮好脆好薄滷水鵝片下邊有滷水豆腐同埋花生，可惜鵝片切得好薄同埋啲肉好嚡，但係以價錢$142嚟其實都收貨最令人失望係蠔仔粥（$80），足料但係未唔夠味，最後撈左滷水汁調味嗰晚坐到full house

之前曾食過一次，也是煲仔飯。當然水準也不算差。昨晚路經，再去嘗一嘗。結果讓人十分失望。份量縮水，食物味度差。飯又乾又硬，最大問題沒有飯香。完全不像煲仔飯應有餸菜的油和香味。而餸方面，都並不熱，我甚至想過是不是在飯熟後才加添上去。雞肉又"鞋"又乾又無味；菇相當細粒；唯獨能接受是臘腸 ，但也是十分細條和不是太熱。

今日同班fd係觀塘打完波，諗住搵間野食下，見個門面都有d客仔，應該唔會太差。點知就超級垃圾，鵝片d肉梅既，炒蜆d肉全部甩哂，海中蝦d殻同肉不可分離，叫左個煲仔飯，d飯濕到爛，真係無下次。

第一次隻烏蠅喺碗湯上面，然後員工埋嚟話應該係煮完先飛上去，而唔係煮埋隻烏蠅，但其實對我來說沒分別，當我面倒了，再比另一碗湯我，飲到一半又見到烏蠅，都沒敢再換了，除咗煲仔飯鹹咗啲，其他都幾好食。

炸九肚魚/炸蠔餅真係做得出色。11點多，7個人在觀塘想食晚飯。走過打冷店就行咗入去。叫了牆上掛着嘅招牌菜7道菜式。一道炒菜。韭菜豬紅見到店內名菜推薦，又枱枱都點嚟試，我哋都叫咗一份。豬紅汁咸香濃郁。雖然見豬紅嘅色澤知佢唔係特別新鮮，但韭菜好香，整個菜式一啲都唔腥。豬紅口感軟滑。椒鹽九肚魚超鬆化椒鹽九肚魚，入口即溶的地步。外皮的粉漿超級脆，魚肉滑溜。雖然無新鮮魚的甜味，但脆軟口感層次清晰，蒜香可口。黃金蝦厚厚的咸蛋黃，包住炸得非常均勻嘅蝦球。一入口就有香濃嘅咸蛋味。蝦的數目唔特別多，但隻隻都好大隻。蝦頭位置都非常香脆。重口味放縱邪惡之選。鹵水鵝片鵝片非常大塊，有厚度有口感。油脂分佈剛剛好。鵝油味香濃，鹵水汁味道剛剛好，放底的硬豆腐吸哂鹵水汁好好食，好入味。鵝片佈滿，整齊的豆腐上。星洲炒米熱辣辣上枱，蝦粒爽口，鑊氣十足，即時嗅到咖喱香味。滑蛋及火腿絲配料十足，啖啖入口色香味俱全，不自覺哋一碗接一碗地添食。豉椒炒蜆香濃嘅豆豉汁係配飯或配麵嘅長勝將軍。蜆肉可口，8成的都有開口。冇食到沙。成也在豉汁調味，敗也在豉汁調味的菜式。腐乳炒通菜雖然油水比較重，但醬汁，茨汁剛剛好，每條菜上都有香濃嘅腐乳汁

打冷係我其中一個至愛，間唔中都會掛住呢啲咁地道同有特色嘅食物～ 今日呢間係我一向幫襯開嘅潮豐。✿ 臘味煲仔飯 ($78)即叫即煲，所以要早啲落單，上枱之後要再焗多3,4分鐘先食得！焗好之後煲仔飯有飯焦，飯份量都夠晒兩個人食。餸方面有齊臘腸、潤腸、臘肉、臘鴨，臘味嘅香味滲晒落米飯度，好邪惡但好好味！👍🏻😋✿ 煎蠔仔餅 (細 $88)蠔仔都幾新鮮，粉漿唔係好多，而且炸得幾鬆脆。叫細份有兩件份量啱啱好，整體蠔餅好香口～✿ 滷水鵝($105)今日嘅滷水鵝比較近骨位，無咩肉食同埋瘦啲。記得之前有滷豆腐墊底，依家無咗了🥲✿ 椒鹽鮮魷($108)份量都幾多，唔會太厚粉，不過可以再炸得脆口啲～ 另外我覺得椒鹽味道唔係好夠，只有少少炸蒜係面。

🙋🏻‍♀️要數觀塘的街坊食店，必要到訪的是潮豐打冷小菜。店舖沒有華麗的裝潢、也沒有過多的裝飾，只有濃濃的人情味。🥰⭐️第一道我們點菜的就是滷水鵝片。滷水鵝片十分幼嫩，而且份量十足，實屬必點之選👍👍⭐️第二道我們的選擇就是滷水拼盤。滷水的選擇多。✅雖然賣相沒有精美、沒有特別的擺盤，但是份量十足而且款式夠多。建議店家可加上滷水豆腐，相信會有更多喜愛豆品的人到訪。😃⭐️要數打冷食品，韭菜豬紅是必點菜式。這家店的韭菜豬紅大大碟，而且豬紅非常入味，入口有彈性，可以一試。✅⭐️香煎墨魚餅是男女老幼都很喜愛的一道菜，這道香煎墨魚餅令我們有少許失望，因為口感欠佳，沒有撲鼻而來的墨魚味，可以留肚試其他食品😀⭐️相反，我相信這一道是餐廳的招牌菜：炸蠔餅。😍😍蠔仔十分新鮮。而且用香煎炸的手法製作炸蠔餅，是每枱必點知菜式，吃得我們津津有味，甚至想再加點。❤️❤️😋😋⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️潮豐打冷小菜地址：觀塘牛頭角道365號地下電話：23891722

⋆⁺₊⋆.潮豐打冷..上海大亨飯/ 🥨🥨🥨 / $78 /.即叫即煲嘅煲仔飯୧( "̮ )୨✧ᐦ̤住喺觀塘嘅大家應該經常係呢間野到買宵夜～夜晚都幾多人係門口到等外賣！食煲仔飯最緊要係食個底個啲飯焦ㅎ加埋啲配料（排骨、瑤柱、蝦干、臘腸）一齊食～正到爆✨.⌫ 潮豐打冷 (觀塘)觀塘牛頭角道365號地下.#觀塘咔嚓#煲仔飯咔嚓

早兩年食完，冇時間寫食評，今日得閒就補寫番，話說冬天某夜帶亞女上完堂經過，見到呢間店宵夜時段長期響街上坐満客人，好多都叫煲仔飯，我又好耐冇食過，天寒地凍入去食返個暖下先，入去坐得都好迫，不過明白唔坐迫啲，佢哋難追收入，叫咗個滑雞臘腸煲飯飯，一個蠔餅，先來蠔餅，厚粉唔鬆脆又多油，味道又唔咸，又冇芫茜香味，要點魚露先食得到，但由於太油，最後食唔晒，到煲仔飯到，冇飯焦香味，雞件亦唔夠味，加煲仔飯豉油，但係豉油又係冇味，埋單要成兩佰幾，真係又貴又唔好食，唔明點解咁多人坐響街邊食（可能貪方便吸煙同埋佢收得夜）可能觀塘冇咩呢類打冷食店，變相佢水準差都依然多客

步入11月天氣越黎越凍,係時候整返個煲仔飯啦觀塘呢間潮豐打冷平時就係食打冷小菜每年都會係天氣凍ge時候晚市供應煲仔飯一黎就即刻叫左個七星伴月你以為係月餅咩其實月係指鹹蛋而配料就有臘腸,滑雞件,排骨,免治牛肉,蝦乾同瑤柱上台ge時候姐姐會提醒等焗一陣先打開食之前按自己喜好加豉油撈勻就食得熱辣辣ge煲仔飯加埋脆口ge飯焦真係一流我地仲叫左沙嗲肥牛粉絲煲同通菜兩樣野都係即叫即整超級送飯又唔會過鹹下次黎要試下佢d鹵水先,我見台台都有叫

夜收工唔知食咩好，佬一佬去觀塘打個冷先。🌈食物食物質素整體好唔錯，入味得來又唔太鹹。🥢花生雞腳：雞腳夠入味，如果再多啲就好啦！⭐️⭐️⭐️⭐️🥢燒味併盤：一次過滿足晒n個願望既選擇。⭐️⭐️⭐️⭐️🥢煎牙帶鹹魚：自己平日少食，但經常食打冷嘅朋友話做得好出色喎。⭐️⭐️⭐️⭐️🥢蠔仔粥：大碗、足料。⭐️⭐️⭐️🌈環境正常潮州檔嘅裝修，舖面尚算乾淨。繁忙時段係有啲迫，會同後面批下踭，同埋鬥大聲。洗手間環境有點恐怖，食飯前喺第二度去定廁所，冇咩事唔好入去。🤣

觀塘出名多餐廳多選擇，今次冇去工廈反而去左牛頭角道食打冷😋係門口已經見到好多人光顧，d檯開到餐廳外，我地一行四人店員都好快安排到座位比我地👍🏻－－－－－－菜式1. 滷水雜拼 3.5/52. 蠔仔餅（大）3.8/53. 腐乳通菜炒鮮魷 3.5/5各滷水都幾入味，食完唔會好口渴，不會太咸，中規中矩，但豬大腸真係太肥，想搵一舊冇咁多脂肪既都冇😖蠔餅即炸上碟，大份熱辣辣，食落幾鬆脆，但炸粉較厚同埋較油，不過蠔仔新鮮大粒，份量都多🤤魷魚份量唔多，但食落爽口唔韌，通菜入味但差點鑊氣