影片
好少會寫食評，但係係呢間餐廳嘅服務態度同埋味道都令我印象深刻地差，所以少有地寫寫食蘋果講吓 話說嗰日經過尖東，諗住做嘢之前食啲嘢，lunch set嚟講，$78都有啲貴，但係照入咗去試吓入去坐低睇到個Menu ，本身想食滷水鵝片飯，就叫咗個姐姐埋嚟，同時問一問佢滷肉雙蛋飯係咩？ 之後個姐姐態度好差話咪滷肉囉， 之後佢就行開咗去做自己嘢， 我再叫佢幾次佢都唔認，我叫佢寫嘢之後佢話我係幫你落咗單囉，我話我啱啱係問吓唔係落單，之後佢仲鬧返我轉頭你要問你落咗單先好問！點解我去食飯仲要俾啲職員鬧返轉頭？完全係俾錢買難受，俾錢又唔係特別好食，仲要受氣因為嗰陣時間都冇特別轉其他嘢食，咁等個飯上到嚟，點知係幾舊肥豬肉加隻鹹蛋再加隻滷水蛋，個飯極度頹，仲要啲菜係酸酸哋 ，最後買單計埋+1收我$98 ， 完全唔值，質素仲差過快餐店，快餐店平過佢仲好食過佢 ，仲要冇同我講話收+1無論係服務定係食物質素價錢都好差，差到我要專登打差評！
繼續閱讀
好少寫食評，每次寫嘅原因一係因為真心覺得間餐廳值得推介，希望多啲人幫襯令佢可經營落去，一係就因為真心覺得間餐廳有問題，希望負責人睇到會有改善。今次幫襯呢一間餐廳，係因為成日返放工經過，感覺佢似有正宗潮菜風味，亦試過外賣滷水鵝真心覺得好味，所以想一試其他菜式。今晚終於搵到腳一齊試。食物方面符合其期望，係真正嘅潮州風味。蠔餅、普寧豆腐香脆而不油膩，春菜排骨煲、清心丸綠豆爽、芋泥都很值得讚。價錢亦係一般香港潮菜價錢。本來滿心歡喜覺得下次再食潮菜有個好去處，可惜一個年青男服務員以致老闆的態度令我應該唔會再去幫襯。男服務員完全係「今時今日咁嘅服務態度。。。」嘅表表者。問佢攞碗同匙羹俾我哋食甜品，佢嘅反應完全係可以用黑口黑面嚟形容，跟住佢就將啲碗同匙羹成幢咁「劈」喺枱面，用「劈」字係冇誇張到，佢只差冇講「你哋自己擺位啦」。佢知唔知自己做緊嗰間係一間收服務費嘅酒家，唔係茶餐廳/快餐店？跟住到埋單俾錢，一個疑似老闆嘅人坐喺櫃位收錢，完全冇講多謝，當我哋起身行出門口，經過嘅無論服務員甚或嗰位收錢嘅擬似老闆，都係木無表情，當然完全唔會聽到多謝啦。本來啱啱坐低嘅時候覺得啲女服務員嘅態度都唔錯，幾殷勤。但唔知係咪因為我哋冇點任何貴價菜，例如通通都係時價嘅海鮮或鮑參翅肚，所以唔值得佢哋講一聲多謝或者繼續保持良好服務態度呢？我哋都覺得好可惜，本來食物嘅水準係會令我哋再幫襯，但咁嘅服務態度，真係絕對唔會有下次，浪費咗咁好嘅廚房班底。可能呢間餐廳只係想做遊客生意，本地人兩三百蚊一個頭嘅幫襯唔稀罕。真係唔好怪香港人點解北上消費，撐唔住嘅食肆先怪自己點解冇做好本分！😡祝呢間食肆繼續有食凍蟹嘅貴客撐場，唔使做我哋呢啲平民生意！
繼續閱讀
今天於朋友想吃點潮州野。之情聽說這家新開的店味道可以。點了鹵水，凍魚，蠔仔粥⋯等六樣菜。鹵水既然得個鹹，完全沒有鹵水香味！其他菜式也很一般。價錢很不一般！4位消費1560大元！ 貴！環境也一般。沒有什麼服務！不會再來。
繼續閱讀
讚-服務其實唔錯 侍應都爽手既-有冷檔真係好少見-蠔餅整得蠔多 唔油 百幾銀係可接受彈-嘢食係有進步空間 炒麻葉係無左本身既味 味道變左食雪菜咁 同埋啲豬油渣全部都未炸透 變左肥豬肉粒炒菜 滷水鵝肉都真係嚡到有啲過左
繼續閱讀
尖東潮州打冷,本着支持在港消費一試的新店,裝修一般,與友人共6位一坐低以為自己身在街市的熟食中心,嘈到根本傾唔到計,餐牌上的魚蟹全部時價,連黃花與倉魚也是時價,餐牌上的食品選擇不多,友人隨便點了幾味菜,包括一隻時價潮州凍蟹,埋單時才知那隻凍蟹竟然是$2680,沒話可說,只怪自己沒問清楚時價才落單,只可以說,無論餐店環境,食物質素,與價錢比例是天同地分別,大家可以介紹朋友一試(如果有仇的話),怪不得香港人對香港食店心淡,有良心好食的店,真的不多!!！
繼續閱讀