潮苑正宗潮洲粉麵

無可否認雲吞麵係幾好食 但係由入餐廳叫完雲吞麵加左杯凍檸茶 食完20分鐘都冇就趕你走 門口有3個人等位 我理解 但係我杯野飲超過一半都未飲 就走過嚟趕我哋走話 你地食完麵 要比返個位岀嚟 門口有3個人等緊 隔離都有客人一個人坐4人位嘅枱 點解唔叫佢地搭枱呢？？？你想比人入嚟坐都比我飲埋杯嘢 我2個人 你叫我坐隔離個張單人位 飲 咁我哋2個人坐一個位？？？真係唔怪之得啲人寧願北上都唔係香港食！！！或者 係門口好似其他餐廳咁寫明用餐時間30分鐘…查看更多

香港好吃的餐廳很多，其中最出名在香港仔相信必定是跟魚有關，那就是魚蛋粉吧！反正來到香港仔這個傳統香港的漁港應該常常他的魚製品。這家魚蛋粉歷史悠久，門口就看到很多名人跟老闆拍照。那應該是必吃店舖吧？我就吃了一個招牌菜魚蛋粉，魚蛋的確彈牙美味，而且潮州粉都非常美味。再加上一個凍檸檬茶，這個下午茶餐應該十分滿足了。還有特別要提的是，一般我們在潮州粉麵店吃魚蛋粉麵的時候，總會找到店內做的特製辣椒醬，但我相信這家的辣椒醬不是特製的，且醋也不是特製的。但是他的辣椒醬真是十分辣。…查看更多

身為香港仔街坊一定會食過依間，咁都幫佢做返一個食評啦⋯⋯從來冇入過去堂食，次次只係外賣😂😂因為太乍太細了，同埋夏天食太熱所以次次都係外賣，今次要咗個牛坑腩魚片頭米粉，另外一個紫菜四寶麵，咁多年都保持水準，牛坑腩入口即溶魚片頭其實炸得好好食😋，如果再加埋佢個辣椒醬真係正，另外佢紫菜四寶啲丸真係好食，好有潮式風味加彈口。門口好多相，真係好多明星過去食過，所以大家經開香港仔有機會真係要試一試，另外佢個墨魚頭都好出色⋯⋯👍…查看更多

有時放工都幾鐘意來呢度食個牛腩粉先返屋企，係香港仔一定會揀潮苑，真係食咁耐都keep到個味道，唔咪講笑，如果想份量多啲，我發覺食河粉好似係唔錯嘅選擇，因為我個次都食唔晒🤭🤭🤭。不過店面就比較窄啲，衛生環境都要改善…查看更多

很多時有麵鋪叫坑腩都不是坑腩，幫襯過這裡幾次叫坑腩就真係有坑腩，童叟無欺。其次這裡的牛肉餅都是值得推介的。坑腩牛肉餅河，真坑腩想唔好食都難，夠腍就好味，牛肉餅是拍扁了的牛丸，又爽又有牛味，好味。作為比較簡陋，但絕對值得一試！…查看更多

这家的牛坑腩粉真的很好吃，带家人来尝尝，我顺便尝尝牛肉饼和鱼蛋捞面。 捞面浸泡在汤里的口味还是不错的，教头还是更原始的肉比较好，加工过的牛肉饼或鱼丸不能和坑腩比呀；汤很鲜美，值得打卡的一家店。…查看更多

自從十年前係中學畢業之後就冇乜機會再踏入香港仔而個地方，今日咁岩有d野要做就去左香港仔行一行，回味下以前讀書嘅回憶。行行下醒起有一種好懷念嘅味道係我一定要試嘅，就係潮苑啦。店內店外成個環景同10年前嘅基本上冇乜點變，都係一樣熟識嘅感覺。食物我就叫左同以前一樣成日食嘅牛雜麵，除左價錢比前以前貴左少少之外，味道都係始終如一咁好味。蔥花俾得唔孤寒，牛雜亦都好入味，每樣item都軟中帶脆，牛粉腸食落去有一點點粉感，咬落好爽口，牛雜同麵量都好足夠，絕對唔吝嗇。最最最正嘅係佢有成罐味道好香好脆嘅炸蒜俾你任加唔嬲。而樣野喺外面嘅麵店係比少見嘅。總結而言而間麵店除左抵食高質外仲食到滿滿嘅情懷。…查看更多

因工作關係入去香港仔中心, 好耐冇入去, 十幾年前每星期探婆婆, 覺得係一個好溫暖好街坊嘅地方(仲有好靚海鮮🐟🦀🦑)。入去前已經plan好簡簡單單想食一個好味魚旦粉, 嘆個凍奶茶就心滿意足。做完嘢, 見到街角呢間潮苑都似多年老店, 有冷氣, 快餐又冇乜要求就試吓啦。🍜 炸魚片鮮製墨魚餅湯河 $42見到“自家製”“鮮製”呢D字眼點會唔改變主意呢🤣 的確無令人失望！先呷一口奶白鮮魚湯, 鮮甜。鮮製墨魚餅彈牙啖啖墨魚肉🦑, 好厚身。炸魚片魚味🐟比一般濃郁, 軟糯而唔係嗰種化學製到太彈牙。河粉爽滑, 最鍾意呢款連湯sir落喉嚨嘅河粉。🥤凍奶茶 $8 （粉麵跟餐價）Ok好飲喎, 啱啱好,老實講, 可能粉麵大連鎖店永遠都追唔到老小店茶水檔水準。🌶️ 辣椒油自家炒, 香辣因為個墨魚餅炸魚片真係幾好食又難得山長水遠, 就每樣買咗半斤, 屋企打邊爐或翻炸送吓酒都好。都幾抵, $60/半斤墨魚餅有16塊喎。叫靚姐送兩包辣椒油添。下次去開香港仔簡單搵快餐可以試吓~環境：🌟🌟味道：😋😋😋😋服務：🧑🏻‍💼 （當我買埋拎走嘅墨魚餅炸魚片即刻升到🧑🏻‍💼🧑🏻‍💼🧑🏻‍💼🧑🏻‍💼）…查看更多

2023年2月26號星期日早上八點鐘我和家人一家人諗住食個靚早餐雲吞麵牛雜麵等等嗰三個女人士應 最後生嗰個四眼妹態度還好 其餘兩個十問九唔應態度惡劣 問佢攞隻碗 完全冇反應 問佢第二次佢仲單單打打等陣得唔得唔洗吹吹吹 其實佢一開始畀啲反應我話收到聽到人哋嘅要求咁咪得囉尤其是呢個態度惡劣的女人我睇住佢入廁所清潔馬桶 並沒有洗手就出嚟繼續工作攞嘢食畀客人 以前睇唔到都冇所謂 而家睇到就知道衛生出現嚴重問題老實講我和家人食咗呢間店舖幾十年 食嘅係品質同情意結 態度差都算數 既然最重要的衛生都出現問題以後就不要再見了…查看更多

你試過這樣吃牛雜嗎？用來做火鍋湯底！正到無朋友，但要和店主好好預訂和相議，因他生意忙的時候不一定接你的訂單。推介坑腩，牛沙瓜，魚蛋等等！自己回家加上蘿蔔，潮州白菜！正😄…查看更多

這間食店經常經過 但都未曾試過 唔係因為覺得唔好食 係因為覺得人太多 這裡店面細細 一張桌子之前坐四至五人 現在雖然有限聚 但其實有紙板隔一隔後 就更加迫 不過感覺都係安全嘅大家都有抗疫意識我入到店舖 剛好有位 雖然在角落 但可以安靜食麵窄啲都可以 睇完餐牌 終於明白點解人多 無論外賣和堂食都人多 因為佢哋嘅牛腩麵真係好平 我今次選擇牛坑腩河 都只係$38 在門口有嗰麵檔 大家又可以睇住師傅做麵 飲品加錢可以加配 姐姐只簡單寫上價錢 食完你拎去收銀嗰度就可以 送來嘅時候真係有啲驚喜 因為我和姐姐強調多青真係落咗好多比我呀那杯凍檸茶又好大杯喎 非常之凍 食麵位置有幾窄 從相中大家應該都睇到 唉😮‍💨講返食物 那些牛坑腩都算多份量 不過我都要強調 唔係嗰啲一入口即化嘅材料 真係普通 但呢個價錢我覺得真係加晒分 其實我唔需要額外加調味已經湯底已經好夠味道 河粉底那些河粉比較幼身 但都容易入口 份量如果係女士和早餐就一定足夠 那些調味料放在桌上清清楚楚寫上名稱 都係一個貼心嘅行為 那杯飲品最後係飲唔晒 因為都幾多和幾凍 坐得比較辛苦 所以唔飲晒就走左啦下次再試 印象普通牛腩麵好似更平 我覺得這間店食牛比食魚旦更抵食 …查看更多

身為香港仔人，我係經常支持香港仔嘅小店。但係今次真係忍唔住要出聲，平時都會幫襯呢間舖頭，平均一個星期三至四次，平時已經覺得個質素越嚟越差，會去幫襯隔離嗰間新x記（利申：呢間都係食慣食熟，質素keep到）今次再幫襯一次完全係中伏。今日收工遲咗黎到買咗個剩牛筋腩，先唔講$120嘅價錢，剩係得半盒（果盒係細盒黎，仲要冇菜底）牛筋同牛腩完全唔入味，仲要諧霎霎⋯我明白生意難做，但係希望唔好再咁樣越做越差，真係想支持本土小店，希望會有改善…查看更多

很久沒來，因為歷史問題。牛肉豬肉沒打緊，好吃便是，為何「舢舨充炮艇」?覺得被騙，便絕跡這店。今夜算是重拾舊歡，只因搬家在即，好的、壞的，一場街坊；我心坦然。叫了碗牛坑腩河＋小瓶可樂，共$43，從前最愛。等了幾分鐘，即到。以前吃不飽的一客河粉，如今份量十足，尤其多蔥。坑腩擺盤整整齊齊，有7，8片，帶少許肥，吃起來油香滿口，牛味濃郁，是記憶中的老好味道。河粉滑溜，沒有灼得太爛，亦不錯。貪心的我，從同事的碗順來牛肉餅一塊:「以前這店最出名、最好食便是這…」可今晚這拳頭小食實在乏善可陳，真是不提也罷，深嘆以前是以前，活雞變冰鮮。大概因為客人不多，兩名短髮服務員招待很好，聲聲「唔該」「拜拜」，可見心情甚佳。小店出來，天已入黑。滿心歡喜；一肚粉條。深知吃飯這回事，別苛求；別刻意 ，隨緣便是。~~~~…查看更多

經常都係呢間度買粉麵食，以往一直都正常，最近兩次遇到一個短髮阿姐，簡直一肚氣，再望一望食評，發現有其他人同我一樣受氣，希望老闆會見到作出改善！上一次外賣一碗坑腩牛肺河，有其他人一齊等外賣，個短髮阿姐拎住碗牛腩米死都話係我叫嘅外賣，我多次表示唔係我嘅，阿姐勁唔耐煩話：「咁你叫咗咩啊！係咁話唔係你，係你就係你㗎啦！」我勁一頭霧水，我點會唔知自己叫咩野食呢？佢再三死質我要碗牛腩米，後來有另一位姐姐出嚟幫口話唔係我嘅，佢先收口！令人o咀，不過諗住叫碗粉麵，都唔會要求乜嘢服務，就算數。之後到今日再去叫一碗坑腩牛肺河，有另一位好禮貌嘅姐姐同我落緊單，個短髮阿姐無啦啦行過嚟勁無禮貌話：「冇得就咁叫牛肺河架喎！」我問幫我落緊單個阿姐問佢係咪冇牛肺，佢話有啊你想要啲乜就落咗單，一直都唔係短頭髮阿姐幫我落緊單，唔知佢無啦啦行過過嚟話我做乜，連續兩次無啦啦受氣真係好無奈！其實我都幾鍾意食呢間粉麵，其他姐姐亦都好好態度，但比一個短髮阿姐拖垮成間舖，真係有啲唔值，下次都唔想再幫襯！如果老闆唔想冇咗啲顧客，麻煩認真改善一下短髮阿姐嘅態度…查看更多

依家潮苑都唔知請埋啲咩人？😓唔知有冇人好似我咁買碗河粉係勁受氣㗎囉🙇‍♀️🤦‍♀️事源係今日我買咗個牛餅拼豬手河+色，收銀係個金毛短髮👱，全埸女職員來講佢算叫高嘅一個丫姐👱佢串串地話你想加咩色啊？個豬手本身有汁架喔😏🗣你再加牛腩汁個味就唔同咗架喔跟住我心諗你言下之意即係話食豬手就唔可以加牛腩係咪？😓溝埋啲味就會唔同咗？😓真可笑🤭😅咁同倒米有乜分別？🙄不過呢啲都係心諗姐我都冇講出嚟串佢。我就淨係話唔緊要啦我食開🤓👈我表情係咁樣，跟住個阿姐態度勁差咁同整河粉個叔叔講～佢話加色喔😒～跟住最過分嘅係佢找完錢俾我都未行到出嚟，佢就勁冇禮貌噤推開我先講咗句借借🙄🙄😓勁衰格，勁冇禮貌，我都未見過啲咁嘅人，呢間野啲質素越嚟越差，牛餅冇牛味，同以前食嗰啲爭好遠😓👎👎👎👎👎👎…查看更多