潮粉

營業中

休息中

天氣酷熱留係公司冇外出，用app外賣試呢間。餐點到達仲熱騰騰。牛丸多汁彈牙，似係牛骨湯底但冇味精，再加咗魚蛋，魚蛋就一般般但唔差嘅，份量都正常。下次會去鋪頭試其他粉麵。

不是朋友說也不知道鰂魚涌有間潮式粉麵店，有豬雜和我喜愛的豬腰😍😍😍⋯⋯而且呢間粉麵店除咗潮州粉麵外，晚上都有打邊爐的而且亦有happy hour看似也不錯！* 招牌潮粉….除咗一般嘅米粉河粉米線等還有淮山麵可以選擇…….個招牌潮粉腸，豬肺，豬腰，豬腩片同豬潤等….個淮山麵都幾煙靭個湯底唔似一般潮州粉麵河嗰啲湯底感覺好濃郁好惹味！* 小食炸鯪魚球大大粒，口感煙靭$38有六粒！* 還有日式小食，雞皮炸雞肉餃子皮脆肉嫩個餡料都Juicy味道不錯！

🥢特色蝴蝶腩米線蝴蝶腩是豬肉的一個特別部位，肉質鮮嫩，口感滑順，當蝴蝶腩經過精心燜煮後，搭配上清甜的湯底，讓人一口接一口，湯底的味道恰到好處，不會過於鹹或膩，米線本身韌性十足，吸收了湯汁的精華，每一口都充滿驚喜。🍲招牌豬什米粉招牌豬什米粉以新鮮的豬雜為主料，搭配香濃的湯底，豬雜包括豬肝、豬腸、豬肉片、豬耳、豬肚等，經過精心處理後，不僅保留了肉質的鮮味，更帶有獨特的香氣，這碗米粉不僅份量十足，更是讓人感受到家的溫暖。🥢金龍燒賣金龍燒賣是香港地道的小食之一，粒粒都不細，口感煙韌且富有彈性，蒸熟後的燒賣外皮透亮，內餡鮮美多汁，是絕佳的小吃選擇，無論是單吃還是搭配醬油，都能讓人回味無窮。🥢炸魚皮炸魚皮是一道非常受歡迎的小食，其外脆內嫩的口感令人難以抗拒，每一片魚皮都炸至金黃酥脆，搭配上自製的醬料，更添風味，這道小食不僅適合作為開胃菜，也非常適合與朋友分享。🥢蜆介鯪魚球蜆介鯪魚球是一道極具地方特色的小吃，其鹹香的蜆蚧醬與炸得金黃香脆的鯪魚球相得益彰，每一口都能感受到海鮮的新鮮和醬料的濃郁！🥢熱奶茶香港的熱奶茶以其濃郁的茶香和順滑的奶味而聞名，是餐後必點飲品之一，每一杯熱奶茶都經過精心調配，茶葉與

繼續支持小店，今日呢間粉麵店位置有啲隱世，是在鰂魚涌的橫街內的，店舖不是很大，但很乾淨整齊，自己用QR code落單😄特色蝴蝶腩粉～蝴蝶腩連筋帶肉，口感軟腍，我還加咗魚片頭和功夫韭菜餃✌️招牌豬雜粉～胡椒味湯底很惹味，豬雜有豬心、豬肺、豬腰、豬潤、腩肉等內臟樣樣都有，特別係豬膶同豬腰雖然切得薄，但係特別彈牙，仲免費轉淮山麵😋金龍燒賣～甚得香港人歡心的食物，皮薄餡靚，口感煙靭👍蜆芥鯪魚球～鯪魚球爽彈，點啲蜆蚧醬食更加惹味😋

絕對係唔易搵㗎😂不過為咗食，都要去下！！係條小巷入面，平時好少經，都唔知入面有餐廳😂招牌潮粉 $58其實就係豬雜麵，有豬心豬腰豬腸豬腩豬肺!!好多選擇嘅，而且新鮮唔會好腥有臭味👍🏼店家處理得好乾淨👍🏼👍🏼湯係有略略胡椒味，飲落去舒服！試咗淮山麵，平時要加錢，今次就唔洗😆相對健康啲！！招牌豬潤粉 $58好耐無食豬潤🤭好食，唔會煮到好老好鞋，細細舊一啖一舊👍🏼今次叫河粉，同外面有分別，幼啲相對，但係好有咬口呀！！蛽蚧鯪魚球 $38性價比高！！係外面食閒閒哋都要60蚊先食到，今次$38有6粒😍仲要啱啱炸起，熱辣辣！！炸雞 $38細細粒一啖一舊👍🏼好食嘅！！！

之前喺太古坊返工，都唔知原來啲巷仔入面咁多食店，行到呢間主要食粉麵嘅小店，見麵底種類多選擇，試吓先～秘製豬潤准山麵 $58豬潤醃得入味，口感腍滑，而比較欣賞係個胡椒湯底，同准山麵幾夾特式蝴蝶腩河粉 $58蝴蝶腩有筋有肉，質感爽軟唔硬，牛味唔算重蜆介鯪魚球 $38每粒好似乒乓波咁大，鯪魚肉味濃脆炸魚皮 $18每份大約有8塊，食粉麵，特別鍾意嗌魚皮，件件香脆凍檸茶 (跟餐+$8)茶底唔算濃，檸檬片夠新鮮，都算唔錯

周末因事去鰂魚涌，也藉此機會一試朋友推介的潮粉。餐廳門口比較隱蔽，可以留意路口的宣傳品，沿路內進就可以了。點了一碗招牌潮粉，選取了頂級牛筋丸，口感非常彈牙，咬下去時能感受到肉質的柔嫩與豐富的膠原蛋白。配搭淮山麵，十分順滑，淮山的清香與麵條的嚼勁相得益彰，讓整道菜品提升了層次感，健康又美味。加配菜心，增加營養。餐飲是梳打水，0卡路里，解渴之餘又不怕變胖。小食是金龍燒賣，一客八粒，外皮薄透，蒸熟後香氣四溢，讓人一口接一口。每一口都充滿了滿足感，是點心中的經典之選。

鰂魚涌呢間粉麵小店，位於一條小巷內，外觀有啲似日本小拉麵店。原來主打港式特色粉麵，配料餸菜有廿多款揀，而麵底仲可以選淮山麵、銀針粉，亦有生菜底、菜心底或白菜底等，滿足每位食客的需求而設。另外亦有金嘉禾黃油飯系列及十多款小食！特別推介招牌的豬什生菜底，還加了少見的蝴蝶腩！豬什的每一部分都處理得相當乾淨，豬腰、豬潤、腩片等味道鮮美，特別是豬潤，煮得剛剛好，爽脆嫩滑，湯底更是濃郁可口，讓人忍不住多喝幾口。至於蝴蝶腩，原來是豬肉，口感柔嫩，有驚喜！另外，手切牛肉銀針粉店主力推的，肉質鮮甜，脂肪不多，吃完不會覺得油膩，搭配彈牙的銀針粉，口感極佳。而小食方面，蜆介鯪魚球即叫即整，每粒金黃色的球熱騰騰，外脆內嫩，鹹香惹味。

💬鰂魚涌終於有一間有質素有誠意又好味嘅粉麵店，位於中間嘅巷仔入面，店舖細細，見到有好多特色嘅餸料選擇。食過兩次，雖然都遇上下午茶時間，$38一碗連汽水🥤，真係有無咁爽。不過，兩次都無叫到，原因係仲有其他嘢更想食😋———————————————————————————.🥢招牌豬什銀針粉🍜💬呢種叫法一直都係喺116巴士🚌總站嗰間食開，不過真係越食越覺得唔夠好食。今次呢度湯底係有啲料到，幾好飲；豬什處理得非常乾淨，豬腰、豬潤、豬心、豬腩片、豬粉腸、豬肺，全部都係好爽，加點魚露同辣椒油，配埋芹菜粒，相當味美😋.🥢黑柏葉、牛心頂菠菜麵🍜💬另一次又挑戰咗牛內臟，黑柏葉非常爽，同樣地牛心頂都有好多片，薄而且唔韌，略嫌菠菜麵過淋，但一樣食得好滿足。如果下次再訪，可以嚐到一碗「牛什粉」就好，唔知可唔可以咁安排呢？😋

今日終於有機會試到呢個飯，返工開飯首選，但由於座位唔多，記得早啲去食。日本蛋又香又滑，唔會太熟，加上牛肉味又濃，配埋松露簡直無得頂。原來每日數量有限，想食嘅記得要早d試。

今日中午去鰂魚涌太古坊做野，中午走左入嘉榮大厦條巷仔，見到有間小店門外人山人海，似在等外賣，八掛去望下，間店門面好似係食日式嘢，埋到去望下餐牌，估佢唔倒竟然係一間有豬什食的日式車仔粉麵，反正又未食lunch，就走入去試下，坐底左再望真啲點餐紙，竟然有款叫手切牛肉粉，重有超多豬什同其他丸類，諗左一陣，最後叫左碗手切牛肉，秘制豬潤，特級魚蛋河粉，嗰碗三拼來到一試，牛肉真係好似打邊爐啲手切牛肉一樣，又香又淋，豬潤真係好好味，超爽脆又有少少洒香味，魚蛋好夠魚味同超彈牙，呢間粉麵店真係有D料到，下次一定要再嚟試下佢其他野係咪都咁出色先得

一班好朋友邀請食生日飯 去左鰂魚涌一間新開在橫街小巷並不起眼的店舖，原來包了場吃火鍋呢 💕 ‘’潮粉‘’店主幽默風趣 😊 友善親切招呼，言談間得知 🫨 原來店主好有經營火鍋店的經驗，可以按要求安排不同精緻的火鍋食材，我地個個越吃越驚喜，一百萬個讚！1. 好吃到不行的牛頸脊！2. 限量版、從未試過的雞腸！😇3. 元朗出名彈牙大粒魚旦！😛4. 鮮甜雙蚌海蝦脆肉鯇！🤩香港各區小店的力量，果然不可少看呢！多謝朋友及店主的特別安排呀，推介推介 😊

今日同同事去試位於太古坊新開的豬雜粉，雖然位置有啲穩世，但不乏驚喜，首先環境為日式格調，食材除咗新鮮，其他配料亦有別於一般車仔麵，最緊要湯底配上淡淡的胡椒香，惹味醒神，值得試吓。