潮福蒸氣石鍋 (已結業)

因為慶祝母親生日，所以一家人嘗試蒸海鮮，感覺挺新鮮特別。自己去選海鮮，叫了一隻澳洲龍蝦，砍件後見到好多肉，好吸引！味道很好，啖啖肉，第一次吃，加點醬油，味道剛剛好！特別一提，全程有一個姐姐幫我們處理食物，計時⌛️和分食物樣樣都做到，服務很好！蒸秋葵，第一次吃，平日吃是很硬的，想不到現在蒸完之後很軟，很入味，還十分甜，好好味！值得一試！最後那個粥底，吸收了海鮮的精華，好鮮甜！雖然很飽，但還是吃了好幾碗。其實還點了其他食物，可惜美食當前，一心只顧著吃，沒有拍照📷。

倆小口都喺海鮮狂熱者，今次就嚟到尖沙咀試下海鮮粥底蒸鍋。價錢約莫是三百多元，另收醬油費及加一，可以吃到某幾種海鮮，任食配料和任飲罐裝汽水，限時3個鐘。蒸鍋套餐包括一碗湯，湯水看似足料有不少湯渣，但飲落完全喺瘦肉加清水的味道，淡而無味，飲多幾口都忍不住放棄。接着送來跟餐每人一隻脆皮乳鴿， 乳鴿細小而且瘦削冇肉，外皮烤得不夠脆，調味也不足，不免令人失望。侍應會幫忙把海鮮放進蒸鍋，再以計時器計時，確保海鮮不會煮得過熟。再來是每人一份貝殼盛盤， 蜆肉鮮甜無沙，不過體形小份量也不多，每人只有四至五隻。然後我們可以從菜單點選4種海鮮，有蠔、 貴妃蚌和斑塊等，我們最後揀左蟶子、龍蝦、鮑魚和元貝。龍蝦已一早預先開邊，方便客人進食。 龍蝦肉質新鮮，彈牙啖啖肉，算是不錯。大元貝加上蒜蓉和粉絲一起蒸，食落尚算嫩滑多汁，但略嫌蒜蓉味不夠。蟶子皇算是這餐最新鮮、味道最鮮甜的海產了，它的肉質爽脆有咬口，清潔得乾淨也沒有沙。 鮑魚不算大隻但勝在肉夠厚身，咬落彈牙啖啖肉，不過就欠缺海鮮應有的鮮味。蔬菜有我們比較少見的皇帝苗，散發着濃烈的香味，類似茼蒿的味道，不是人人都能接受，而對我們來說還是可以的。任點任食的食物當中

每次同朋友想食海鮮，我地都會諗起潮福既清蒸海鮮，因為海鮮選擇多，份量又夠大，又夠新鮮，而且仲有套餐價，吾洗煩諗食乜食物同點樣煮，部分食物仲可以refill,連飲品都可以任飲，仲有侍應keep住幫手蒸d海鮮，服務確係吾錯!!~今晚我地仲試左聖子皇，開半邊龍蝦，花甲，鮑魚，扇貝。其它食物有蔬菜，餃子，牛肉。樣樣都蒸得啱啱好，吾會overcooked, d鮮味出曬來!!~ 真係抵食又好食!!~潮福蒸氣海鮮鍋，我地下次一定會再來呵!!~

老細請食飯，梗係搵間蒸氣鍋食海鮮啦！這間係公司附近，放工行過嚟就到真方便。粥底揀了瑤柱淮山雞粥，食完之後雞粥就煲好喇。用竹條整成尖頂做蒸爐蓋幾特別，唔知係咪蒸海鮮會原汁原味啲呢！海鮮拼盤有，大元貝、南非鮮鮑魚、 紐西蘭蟶子、龍蝦等龍蝦好新鮮每位半隻。大元貝幾大隻好鮮甜厚肉。串串海中蝦夠彈牙爽甜。清蒸手切和牛，牛肉味香濃一片片唔韌油脂豐富。以下都可以添食有自家制韮菜餃、手打鮮牛丸、手剁鮮蝦丸、滑雞、節瓜甫，韮菜餃新鮮皮薄，牛丸爽蝦丸彈牙，雞件嫰滑。甜品蔗糖馬拉糕、薑汁糕。

最近有親友從外國回來，一直在苦惱到底吃中國菜、日本菜還是火鍋，太多選擇真的讓人三心兩意。媽媽提議去吃蒸氣鍋，清淡得來而又原汁原味的蒸海鮮一定吃的津津有味，於是openrice一下就選定了尖沙咀的潮福蒸氣石鍋。潮福蒸氣石鍋就在人流很旺很多餐廳的厚福街，從尖沙咀B出口徒步大概五分鐘就到了。大大個「潮福蒸氣石鍋」霓紅燈光招牌很顯眼，推門進去要上一層樓才到。上到去就會發現樓上舖的好處座位頗闊落。望遠少少，有一個大型開放式的魚缸，有很多新鮮的海鮮。超生猛的龍蝦、大大條象拔蚌等等😍套餐包括刺身拼盤、燉湯、貝殼盛盤、半隻龍蝦、自選四款海鮮和一款粥底。自選四款海鮮有蟶子皇、鮑魚、、大扇貝、象拔蚌、桶蠔等，還有任點任食的配料和啤酒汽水任飲! 最正的是有人負責計時蒸海鮮，絕對不會蒸得太熟，而且蒸完還直接分配到你的碟上，專心和朋友聊天就可以，完全是佛系食海鮮法。首先上菜的是刺身拼盤。每人一盅的滋潤養顏燉湯。我選了冬瓜燉響螺。原隻燉盅細細個好精緻，湯料好豐富，連螺肉都有。燉湯的味道不錯，只是油多了一點點😋粥底選了鮮瑤柱淮山粥 ~貝殼盛盤😊 有不同大小的貝殼食材，每款蜆肉都很鮮甜，再有少少海水的咸味，完全不用加

一間蒸氣嘅粥底火鍋店，每次整唔同海鮮，都把海鮮嘅汁，流落去粥底嘅一部份，所以我極之喜歡最後個粥底，無論最後食到幾飽我都會將那個粥底吃掉，海鮮那部份絕對係好新鮮好味，所以我個人認為如果大家去食一啲蒸氣火鍋呢一間絕對係信心之選

朋友過咗上海工作，難得返香港，梗係要同作佢食下好野，佢話想食海鮮，唔想又係火鍋放題，就揀咗呢間蒸海鮮餐廳。坐位似傳統茶樓格局，一張圓枱好好，人多方便傾計。蒸海鮮前有燉湯飲，又有乳鴿食，揀好海鮮後，待應姨姨就幫手放落去蒸，一輪又一輪，蒸出來既海鮮特別鮮味除咗海鮮，配菜係可以任點既，個人覺得個幾個甜點都唔錯最後個南瓜粥仲更加係集所有鮮味於一身，幾飽都要食多碗！要贊下個待應姨姨，服務態度好好，所以餐飲唔單止食物緊要，服務都好緊要！下次會再檢來幫襯

同一大班大食既朋友一齊，又想食好野，又要食得夠飽，價錢又要吾好太貴，最理想不過就係去d放題形式既餐廳。今晚大家又想食下海鮮，尖沙咀潮福石鍋蒸海鮮都係一個吾錯既選擇。套餐有燉湯，包飲品海鮮: 龍蝦: 大大隻，開邊蒸，多肉彈牙好鮮味元貝: 大大粒，配蒜蓉粉絲一齊蒸，肉質夠厚，味道夠鮮蜆及青口: 清蒸亦覺新鮮鮑魚: 大大隻，肉好嫰，易入口，新鮮肉質彈牙，必食之選肉類:梅菜豬肉丸，牛柳粒，節瓜釀豬肉: 清蒸肉類吃得出本身的鮮味，食物質素和份量都非常好，亦可以再加單，食肉獸啱曬!~ 海鮮精華南瓜粥: 呢個粥好清甜，將成個清蒸海鮮晚餐既所有海鮮精華集合埋係呢個南瓜粥入面，雖然已經飽到上心口，但咁好味又點可以錯過？!甜品: 蒸馬拉糕感覺好懷舊，個個搶住要食，大大個好好味，做甜品啱曬!全晚每道菜都有侍應幫忙蒸，教好曬時間，吾會蒸到過熟, 每人$4xx 左右食到多種海鮮，算是不錯，值得一試。

朋友聚會，大家想坐吓傾吓食好些。朋友提議去潮福食蒸海鮮，大多人都讚成。海鮮個份量都幾足而龍蝦同元貝就最新鮮既...另外鮑魚大大隻，上枱時仲識郁...海蝦上枱雖然未至於仲識郁。但係食落都係新鮮嘅。其他海鮮整體黎講都係中上既水平。肉類、菜等可以任叫。不過這是公平的。更開心呢度既啤酒就任飲既。有日本朝日啤酒任飲。我地八個就飲咗二十幾支個個都讚口不絕⋯⋯第已經第三次到場吃任食蒸氣火鍋。真心抵食好食。價格實惠，食物海鮮質素超班！

星期五放工諗住鬆一鬆，清清地食下蒸海鮮，入座後檯上只有一張餐牌，老點我們叫一隻唯起要過百嘅蝦，後來發現人地有任食紙，老細話我冇呃你架！個個都知㗎喇！我冇收埋架！擺明心虛。諗住任食價錢都可以接受啦，叫左兩位任食，首先送個湯好似油浸咁，另外重點果幾款海鮮並不新鮮，又鞋又無味，點士油都好唔到幾多。其餘任食嗰啲得菜同丸，丸好難食，菜最正常，但每次叫菜都係俾得兩片！心諗今次賴哂野，二人成為八百幾！但只係食得果幾條菜！哂錢哂時間，一定無下次！

同呀媽二人收工試左蒸氣火鍋，$388+醬錢+10%服務費。每樣食品都有計時有伺應幫手煮，服務幾好。差不多$450一人，帶大家睇睇食咩🤨首先有個送既燉湯，味道好清且唔油，好飲。海鮮拼盤如上，帶子，蚌，龍蝦，鮑魚同蠔。蚌好鮮甜，小小粉絲吸哂精華，好食(9/10)👌🏻帶子加蒜，新鮮已足夠帶出好味道😊☺️(9/10)醒左兩隻乳鴿比我地，味道普通(6/10)蜆每人六隻左右，鮮甜無沙，洗得幾乾淨(8/10)鮑魚就時間上煮得剛好，唔生唔太熟，好易咬。(8.5/10)龍蝦就一般甜，無咩特別(8/10)青口不值一試。😅(5/10)姜汁榚十分好味，甜同姜味好好(9/10)主角係海鮮留下既精華粥，水份記得要收得乾，我地都叫伺應煮都小小時間，不然好稀。味道？沒想像中甜，但配上䓤，瑤柱，准山已夠味。🙏🏻

雖說已到三月中，春天潮濕，但天氣還是涼涼的，吃火鍋很像更濕熱，蒸鍋就比較健康，沒太多調味料，吃出食物原味道。喜歡吃蒸鍋，因為好不好吃非常取決於食物本身的新鮮程度，不能說偷雞加些什麼調味料就能遮蓋到次等的食材。這一次點的是海鮮放題，先送上澳洲龍蝦，燉湯，然後自選四款海鮮，我選了鮑魚，石蠔等等。石蠔是超級鮮味，只簡單配上薑蔥蒸，非常滿足！龍蝦也是肉質超爽的，蒸就能夠吃到原汁原味。另外也推介梅菜蒸豬肉丸，梅菜非常出味，配上手制豬肉丸，彈牙又好吃。最後必須吃南瓜粥底，海鮮的精華都掉進去了！

食海鮮通常都係煎炒煮炸 有時都想食下海鮮嘅原汁原味 蒸海鮮就係最好嘅選擇啦 咁我哋一行10人 去咗食潮福基本上只要海鮮新鮮 清蒸已經好好味 我地點左 大蚌 花甲 花竹蝦 肉蟹 聖子 鮑魚 花螺 我覺得最好食 就係個淮山粥底 有齊海鮮的鮮味 馬拉糕都好好食 但係每人七百就有啲貴 但係侍應嘅服務就一流 同幾個侍應都好好傾 餐廳裝修左 所以舒服左好多

之前食過旺角嘅分店，今次試吓尖沙咀分店。一樣先揀粥底，再有乳鴿同湯。之後再揀四款海鮮，加送安格斯牛。其他火鍋配料任食。海鮮新鮮帶件厚肉，試過其他蒸氣海鮮店海鮮細， 依家唔會。其他任食嘅火鍋配料亦一啲都唔求其，尤其推介手打丸同埋餃子。最後個粥底好好味忍唔住食咗兩碗。

日本朋友離港之前，帶佢去食好D，食海鮮，咁當然最好帶佢試吓D佢係日本未試過嘅煮法啦，講咗幾個提意，佢話蒸氣鍋未試過，就請佢去潮福見識吓！首先點海鮮，水晶蟹，大隻九節蝦，鮑魚，大聖子，花甲，老虎班腩.去年幫襯旺角潮福，服務唔錯，有個侍應定哂時間幫忙蒸海鮮，哩個貼心服務同樣出現係尖沙咀潮福，於對少落廚嘅客人黎講，哩個服務可謂十分之正！唔會自己亂七八糟自已蒸到過哂火，浪費材料，但即使無人幫，唔緊要，潮福係餐牌上列哂所以食材蒸煮時間，哩一點要大讚啦！海鮮方面,，水晶蟹肉質唔夠實，係最失望一環，但肉質尚算鮮甜.我好怕煮鮑魚，總係掌握唔到時間煮得過火，潮福嘅蒸鮑魚啱啱好，鮮甜無比，讚！老虎班賣淨尾同腩，咁當然食腩位啦，但唔知蒸得過火，定係材料問題，皮又厚又韌，肉又唔夠鮮甜又硬，浪費咗咁好嘅材料添！由六款高級材料精華煮成嘅海鮮粥壓軸出場，不單只超鮮甜，而且蟹味極重，哩點相信成二千蚊嘅水晶蟹居功不少，即使已經滿腹，都忍唔住食多兩碗，日本朋友更加連食五碗，大讚好味！對於我黎講，成晚最好味嘅係蒸馬拉糕！同做人一樣，我唔需要大魚大肉，簡簡單單一個餸菜就夠了。