潮發粥麵茶餐廳

營業中

休息中

味道極普通，牛腩牛肚唔夠味，撈麵份量少，價錢貴，所有飲品唔跟餐，性價比極低。加上單據唔會放上枱比你睇，個人感覺唔老實。食食下天花有佈滿塵膠袋飄左落枱，絕對唔係做本地人生意！唔會再幫襯！

唔知係咪尖沙咀嘅粉麵舖都係咁貴，成$50一個雲吞麵食物普通到不能再普通。但員工態度幾好。不過雞翅湯飯啲翅都幾多，雞幾香，但係個飯幾難食，個湯都有啲清，同埋唔夠多湯好快索哂。雲吞都幾唔好食，非常普通，湯底難飲。

來到了尖沙咀樂道依邊，諗住簡簡單單食碗粉麵，試左佢出色既麻辣牛肉, 我揀左米粉同埋另外再加多10蚊，加左魚蛋, 得2粒最後都叫左杯凍檸檬茶，都幾好食，不過唔平一共$85。

食味非常一般 ，但賣超貴價錢，大家慎入呢。餐牌有標價錢的會係正常價（例如：湯飯賣$5X），但冇標價錢嘅就要小心，會收非常唔合理價錢。今次因為直接向廚房姐姐嗌咗八寶麵先，轉頭先有另一個姐姐行出離收錢，收錢時先知要$81。一心諗住可能會貴得有道理，好好味。結果係麵底皂水味重，唔算好彈牙，食材非常一般，餃入面嘅涵料唔係好新鮮。其他丸同魚蛋就同平價麵店差不多冇咩特別。最後，其實一打開個外賣，連蔥花配料都冇，白雪雪一碗麵咁囉。

叫了一碗淨魚蛋加雲吞，菜心一碟。店員沒有比單我。在等待中周圍望，全間店都沒有湯麵或淨雲吞的價錢。店員態度是好的，。碗食物到了，拿起筷子想吃，對筷子「黐立立」，要熱水洗過才用。到埋單時，才看到價錢貼在收銀機上，坐埋邊的不會見到。價錢令年嚇了一跳，碗魚蛋雲吞要$79，味道真是一般。我不會再光顧了

非常難食及衛生情況極差嘅牛腩麵去食晏，叫完嘢食先發現麵檔個廚，口罩一路都淨係帶係條頸嘅位置！包括預備牛腩及其他食物嘅時候….. 跟住見到啲侍應成日除口罩唔想帶返！已經想走，但係經已叫咗左嘢食算數。話係牛腩專門店，諗住質素都唔會太差⋯⋯點知碗牛腩麵嚟左嘅時候，發現啲牛腩顏色好古怪、冇乜肉…又唔係筋，擺落口試吓，質地及味道係我食過最難食嘅牛腩麵！如果唔係門口個侍應係我行過嘅時候好有禮貌，我就唔會中伏入去！大家小心！價錢$45⋯⋯

恭喜呢間餐廳有幸成為我第一個post!平時就算覺得啲嘢難食好想寫食評，最後都會嫌煩冇寫。但係外賣淨水餃$50得3粒，唔係啩？！自問生平未食過咁貴嘅水餃。味道冇問題嘅，但係貴到咁就好有問題囉。

而家堂食至十點，起碼收工肚餓都仲可以食到嘢，唔使餓到返屋企先可以食😅————————-心大心細唔知食乜，又要好食😋又要唔好食得太飽😁⋯⋯唔可以再係咁肥落去😅😅————————食咗個八寶湯、南乳豬手，其實我好小飲汽水，但因為呢到嘅係懷舊枝裝忌廉，所以點都要飲翻枝😝————————-🟩八寶湯：話明8⃣️寶。當然係有八款食物，咁係乜東東呢😁1-大大粒又皮嘅鮮蝦豬肉雲吞：2-大大粒嘅菜肉雲吞3-彈牙爽口魚片頭4-潮洲白魚蛋5-彈牙爽口豬肉丸6-帶煙韌口感的魚🐟鮫7-又爽又彈牙的墨魚🦑丸8-魚片夠滑又彈牙————————-🟫南乳豬手：必吃的南乳🐷豬手，炇得夠焾又入味，味道又適中，炇得夠焾又帶一點口感，又爽又焾又入味而又有口感之間就係炆得最正、最恰當嘅時候，慢慢嘆、慢慢食.....—————————🟧經典忌廉：食完再飲反枝經典忌廉：🐷🐷🐷🐷🐷🐷............哂😂😂😂😂——————開心🥳⋯⋯就係咁簡單—————

有日🙆🏻‍♀️帶住🙆🏻‍♂️去做facial~聽到啲美容師朋友推介呢間餐廳大件夾抵食(依家所有粉麵都減10蚊)😆整靚完塊面就去左填填肚.📍潮發粥麵餐廳.🍜韮菜餃咸雞麻辣湯米線($41)-韮菜餃好大粒好扎實😍😍一咬係勁香勁彈牙~完全係皮薄餡靚啊!!麻辣湯係餐廳自製😆怕佢太辣所以試個小辣先~湯底唔會好油但夠香夠辣喎👍出面好少會見到有嘅咸雞都好夠味🍝豬手撈粗-豬手煮得入哂味仲好淋😋粗麵唔會淋爛又唔會太硬👍

星期日過開尖沙咀買嘢，行行下好肚餓，朝早都無食早餐就出咗去。見差唔多到食晏時間，為咗避開同人迫，我即刻搵間餐廳食咗先，費事遲少少1個人食要搭枱，分分鐘仲要排隊，嘥時間又食得唔舒服。見到潮發有位就入咗去坐低啦。之前都路過，知道佢係食粉麵為主嘅。不過今日我好肚餓所以就決定食飯，點咗牛三寶飯，入面有牛筋、牛肚、牛腩。3樣都炆得好入味，鹵水味道都幾濃郁，牛肚同埋牛筋夠淋，唔會太韌食到黐牙。牛腩係瘦腩，無乜肥肉連住，其實如果係肥腩會仲好食，牛脂肪嘅香味加上辣椒油，真係飯都可以食多D。

尖沙咀區域真係有大把嘢食，但係放lunch得一個鐘，唔咩時間周圍行去覓食。有時想食粥呢，都幾難搵到有粥賣嘅地方。上次行過一圈先發現呢間有粥賣，所以每次想食粥就嚟呢度買。我最常食嘅就係海蜇豬肚粥，一開始就覺得好特別，無見過咁嘅組合。食落味道鮮甜，海蜇同豬肚又有咬口。每次食粥我覺得太單調我都會叫多一客口水雞，口水雞好特別，有好多酸菜係面，口水雞香辣配上酸菜嘅甜辣味，配上粥食好開胃。一個人咁樣食就有啲貴，不過搵同事一齊share就最啱啦，一人一細碗粥，配上口水雞，食得都算輕盈。

我對酸辣味呢就真係情有獨鐘，所以唔止鐘意食泰國嘢，都好鐘意食酸辣米線。呢度因為近返工嘅地方，所以偶爾都會幫襯下。酸辣米線唔錯，米線係偏淋果種，係我鐘意嘅口感。有時胃口唔好都會過嚟買碗粥。由於我個人重口味，鐘意食啲內臟，所以每次食都係點鮮腰潤粥。粥底都好綿滑。配料分量都唔少架！咖喱雞飯都係成日點嘅，咖喱味香濃，少少辛香但唔會太辣，雞肉嫩滑。環境就係一般茶記，因為經常都係外賣所以對環境要求唔高，外賣速度都幾快，唔駛等好耐。

朋友黎左香港玩, 佢話一到埗第一餐就想食香港既雲吞帶佢去酒店放低左行李之後就帶左佢去酒店附近既潮發啦幫朋友叫左碗淨雲吞，我自己就食牛三寶河粉，即係牛腩、牛筋、牛肚唔洗五分鐘就送到上枱呢度既雲吞好大粒，隻隻飽滿脹卜卜入面既蝦肉份量好多，仲好爽口彈牙肥瘦豬肉既比例啱啱好, 肥肉佔既比例好少, 唔洗驚食到勁多一粒粒既肥豬肉朋友食完第一粒之後不斷話正佢話係外國唐人街既中餐廳食到既雲吞好怪, 唔似呢D咁大大粒同咁多蝦肉好食到佢想買生雲吞帶返外國不過當然無可能啦至於我個牛三寶都幾入味牛肚同牛筋都煮到好軟淋, 牛筋有一種「膠膠地」既質感, 勁有骨膠原感覺而牛腩都好好食, 唔會好鞋口, 仲幾大舊

今日去咗尖沙咀陪阿媽睇醫生，等咗好耐先有得睇醫生，睇完都已經過咗食飯時間，好肚餓就搵野食醫咗個肚先。行過這間潮發粥麵餐廳，見到都啱食就馬上入去幫襯啦。我叫左墨魚丸河，但點知咁啱冇晒河粉，我又唔想食米線或者米粉，結果要咗麵。食食下又覺得墨丸麵呢個組合有D奇怪，我都係覺得麵同雲吞、水餃、牛腩夾D咁樣。墨丸就味道幾好，口感彈牙嘅。阿媽要咗雲吞米，佢話味道都唔錯。我哋加咗一客麻辣牛肉，味道以香辣為主，唔會太過辣，夠惹味。

來尖沙咀向長輩拜年，晚飯就順便在附近解決。由於新年期間吃了太多煎炸食物，所以想清清地吃點粥麵。途經樂道，見到這間「潮發粥麵茶餐廳」，探頭內望，舖面雖然不大，但地方都幾乾淨企理，一於試下。餐牌壓咗係檯面嘅玻璃下面，另外牆身上亦掛了不少食物相片，項目一目了然。原來呢間餐廳嘅食物選擇都幾多，除咗有粥品、麵食之外，仲有飯類、湯類及小菜類等供應。我哋點咗腸粉 ($15)、鮮蝦雲吞、炸醬撈麵、鯇魚腩粥同飲品。碟腸粉味道真係唔錯，入口皮薄而不散，軟身但又唔會過腍，滑溜富彈性，食到一層層腸粉皮。至於醬汁方面，無論係豉油、甜醬、麻醬都下得毫不吝嗇，唯一可惜就是沒有灑上芝麻，否則食味更佳。鮮蝦雲吞，啲雲吞好巨型，粒粒都好似乒乓波咁大，蝦肉比例相稱，內餡蝦肉彈牙，而且豬肉唔會好膩，加上雲吞皮，薄而不爛，真正做到皮薄餡靚！最開心就係碗雲吞仲有生菜墊底，食多啲菜，健康又有益。接著送上的炸醬撈麵 ($51) 亦非常之有水準，麵條夠細夠爽，軟硬適中兼彈牙，入口完全無鹼水味，配上炸醬肉絲，極之惹味討好。最特別就係炸醬入面竟然加咗啲潮州酸辣菜，味道辛香但又唔太辣，令人相當難忘！推介要吃。鯇魚腩粥 ($46) 個粥底做得