潮樓

營業中

休息中

這篇只講佢個雙面黃（糖醋煎麵）。落單的時候店員講明要等耐d因為要慢慢煎，Ok我地知道及明白。20分鐘後上菜，只得一邊有煎過，而且中間燶了，而且燶了之後就咁摵走d燶繼續上碟。旁邊無煎到，麵底完全冇煎，夾落去成碟麵是淋的。慢慢煎完（一邊）出黎又燶又淋又油，想點呢請問。

(食個最差既三餸飯)荃灣綠楊坊「潮樓」，優品360對面$51蚊 不知所謂，永不幫襯份量極少，以三餸飯黎計未食過份量咁少嘅本身都唔係大食都唔夠食全部餸都係凍嘅，唔係普通嘅凍係好鬼凍

荃灣有好多地方飲茶，每間酒樓都夠有特色，每個星期試一間，可以食半年不重複。前身係蓮香棧嘅潮樓，保留部份蓮香棧嘅特色，再加少少新淨時尚裝修，環境算係唔錯，唔似一般光猛酒樓。記得以前蓮香棧，應該係蓮香樓嘅同一集團，有好多懷舊美食，有個可愛嘅阿姐會推住點心車叫“蝦餃“ ”燒賣”，可惜隨著蓮香樓成個集團結業， 蓮香棧都不能幸免。講返潮樓，佢哋最抵食嘅係平日早茶時段，孖寶可以食兩set唔使100蚊，抵到爛。今日試咗麻醬麵，腦海中以為係日式麻醬，點知嚟到先知係腸粉嗰種麻醬 😆🤣，估唔到係咁鬼“杰”嘅，配落個面度唔係撈得好勻循，口感麻麻地。其他點心實屬正常，值得一提嘅係門口阿姐笑容親切好禮貌，溫馨提示積分可以換點心，因為佢哋，係會令人返轉頭幫襯嘅！

餐牌主打是潮州菜及多款鎮店招牌菜，淨係睇餐牌都花多眼亂！好彩侍應推介食套餐！店內裝潢十分古色古香！坐喺好靚嘅大廳隔離，別有一番風味！最值得讚賞👍，鵝肝，鵝腸，鵝肉入口即溶，口感好嫩滑，香氣十足，必食之選👍🏻下次聚餐呢間餐廳係首選，下次再來

這店開了半年，平日見裏面黑漆漆風格，吾多想去。最近推出下午茶孖寶優惠點心，就去試吓。2:05pm已要坐入後面的枱。地板唔乾淨好油滑。點了點心要等一段時間才到。粉果皮較厚小料，馬拉糕內料太甜，牛肉和叉燒包正常，蝦餃唔錯，蘿蔔糕太軟一夾就散。質素唔多理想。

第二次光臨這間茶樓，晚市及午市各有驚喜，再次光顧因為喜歡這裏不太擠迫。一款直徑11吋的「薄罉」上枱前已經分成八小塊，足夠四人共享。它半煎半炸得金黃香脆，口感薄而脆，咬上一口非常有嚼勁。蝦米、甘筍絲、蔥絲、粟米粒和蛋的組合散發出濃郁的香氣。整體口味一流，絕對值得一試。由於我們有八個人用餐，所以最後又多點了一份，未離枱已要回味。另外，「山渣糕」也是一道令人驚艷的美點，它的外觀呈現褐色，入口感到質地綿密紮實，入口即化，也帶來濃郁的口感和滋味，成為了次用餐中的亮點之一。

25-12-2023 (Mon)傍晚,老公由外面返嚟經過,就買半隻沙薑雞返嚟慶祝聖誕節,返到嚟我哋就開餐喇,先唔蘸薑蓉食,冇乜沙薑味,超淡,淡到近乎零,要蘸薑蓉.不過雞嘅肉質唔錯,就算雞胸肉都唔係好嚡,OK嘅.價錢:唔知幾錢,老公係都唔講.題外話:    咁細盒嘢都俾咁大個膠袋,真係唔環保.詳細分數係:味道:  0.5        環境: 3     服務: 3       衛生: 3    抵食:  2    cry

拖住一家大細6、7個人來食晚飯，見網上評論ok過嚟試下。裝修都幾靚，環境幾好。但坐低左完全冇人過來開茶水，要我哋自己出去拎兜來洗杯碗，自己去倒水，凳果d又係自己搬😓但結果埋單收我哋成舊水服務費，唉…最基本嘅服務都冇，憑咩收呢？同佢哋反映，就話公司規定要收，咁收得錢唔該俾返應有嘅服務啦⋯⋯🥲同埋食物質素還可以啦，不過條烏頭魚仍然有泥腥味去除唔到，同埋d麵炒得太乾，甚至有啲硬，呢啲希望有待改善⋯⋯😪

今日大家姐65歲生日🥳🎂兼榮休大日子，再加上二家姐同女女從法國遠道🎊而來，大家姐就宴請一圍（酒樓全包宴，可叫一圍或半圍），估唔到，2000蚊唔使，樣樣嘢都好夠份量，又夠熱，好正！龍蝦伊麵，龍蝦啖啖肉；魚大條又鮮；鮑魚冬菇大大粒；蝦球夠脆，配浸蕃茄解膩；炸子雞夾起仲有煙冒起.....樣樣餸送到黎，大家不禁嘩嘩聲，唯獨是個胡椒豬肚湯就嫌湯渣多過湯。仲有炒飯，壽桃包等等，食得好滿足，食唔曬仲要打包拎走。我地講笑笑話要食多幾餐😆

星期五突然想搵地方食嘢，突然想食潮州嘢，於是上網一check見到呢一間。抱着試一試嘅心態，味道還算可以， 份量又足，CP 值都幾高。 服務ok, 環境舒服，光線又好，值得再嚟

天時暑熱🥵，又唔想煮，就是但揾間酒樓食個晚飯啦😆。 而家食肆大部分都奉行儲分制，適逢有優惠卷，就嚟試下這間稻香集團的潮洲菜館🤗是日精選套餐，一套三款，有魚有菜有肉，就試吓啦：碧綠炒斑球 🥒🐟 ～ 魚肉起骨，啖啖肉，上枱好香噴噴，顏色都幾靚，味道不錯👍🏻滷水鵝件 ～ 唔係鵝片，當然係比例上較多杞子鮮竹浸時蔬🥬 ～ 清清地，有我喜歡吃的鮮竹😍，味道還可以，仲有湯飲🥣蒜蓉蒸蟶子 ～ 這道菜是另叫的，同樣有優惠，$48有4隻，好多蒜蓉，算抵食滷水雙併 ～ 這是優惠卷送的，不可有太大期望😌整體來講，潮州滷水方面，不太突出，當一般家常小菜吃，倒也可以接受☺️

第一次到此食肆食飯，由於有人不食得鵝，否則叫套餐$198便最最抵！沒辦法👐，最後只能散叫啦！ 點了一入鹽焗雞（半隻），一條檸檬🍋蒸烏頭，一個炒雜菇蒸冬瓜，4隻聖子，一個白飯。我想講，個蒸魚，超失望。放得好少檸檬🍋（見到細細片，青檸檬和黃檸檬片，但個汁同埋個魚，基本上都不是幾食抵弓有檸檬味！！！！，跟如期差太遠啦）。而且條魚蒸得過熟，有少少鞋口。至於半隻雞，都幾好味，不過$168半隻，但個size 都好細碟。聖子$48有水隻，是成餐比較抵食的！白飯正常（粒粒分別，是ok). 最後到個蒸冬瓜，都有驚喜，雖然都好清淡，但中間炒的不同菇類都炒得好食！我只想講，呢間不算好差，但又不是樣樣餸都好食！只能說不過不失吧！叫左4樣嘢$5xx埋單。我只能說，絕對有其他更好的選擇。

今次食評無食物質素評價，因為根本沒有食過！話說因有親戚回港探親，計劃一家人食晚飯，本來諗住去美心皇宮的，但之前喺呢度食過兩次都覺得okay，所以建議喺度食，兩星期前訂咗13位，訂枱時有問需唔需要訂埋餸，佢哋話唔洗，嚟度叫就可以。到食飯嗰日，原來迫埋一張中枱，根本唔夠坐，仲有原本叫咗炆班頭腩，有嗰阿姐話廚房無材料，想焗我哋轉咕嚕肉，話唔要就成張單cancel晒佢，最離普嘅係我哋加咗碟滷水拼盤，攞咗嚟枱面放低咗，過咗一陣，嗰個阿姐一手拎走咗去俾第二枱，我哋問做乜嘢攞走佢，佢猛咁喺度話廚房冇貨，原來佢攞咗去第二枱（我哋估可能係熟客啩），我哋話夾過㗎啦，佢都唔聽，淨係話廚房冇貨，就咁攞再比第二台！ 結果我哋全部起身，去咗美心皇宮！

我剛剛先食完，真心好味喎，每一個餸都好好食，最重要食物全部都好夠熱，我初頭都好懷疑，你哋講到咁唔好食，我食完簡直喜出望外，邊樹有你哋講到咁呀！我哋全家都讚好👍🏼👍🏼👍🏼👍🏼👍🏼👍🏼

真係無諗今日嘅潮樓會差到哩個地步，想好好地同亞媽嘆個早茶啫～等位時唔講限時，帶你入去先講只得1小時20分，好彩今日唔係一家大小，否則搞得細嚟，大嘅點食得切？跟住一路帶緊你入位就一路塞一包茶葉俾你，自己沖茶，但我又真係少見識，都唔知點搞佢個茶煲，想叫侍應問下，但唔會有人理你，你係要親自去捉個侍應……真係全自助。話要自助點餐，但果個 QR code 又細又隱蔽，係個茶壼後面細細個……係咪印大少少會好花錢？點餐系統，佢都真係“勁”，我都未用過一個點餐，想睇返自己叫咗咩要出返去重新掃 QR code 嘅。再嚟講食物，真係慘不忍睹。先嚟變肥咗嘅玉兔，相中可愛嘅玉兔，嚟到係一個肥大嘅奶蛋包？做唔到人哋咁可愛，就去偷圖呀？咁不如唔好放相啦！叉燒包又係一 pat 嘢塌哂……仲要皮帶酸味蝦餃係背酸味嘅煎堆仔好似未熟咁，饀料唔知咩嚟，成隻只係勁黐牙。鳳爪又係帶酸味嘅唯一，蝦米煎腸粉係正常嘅，但係豉油勁少……成餐茶，個茶包係超淡味，我覺得自己係食劣質食物，俾一個鐘頭真係有多。