16
10
3
港鐵旺角站 C3 出口, 步行約4分鐘 繼續閱讀
電話號碼
22422288
付款方式
現金
其他資料
酒精飲品
外賣服務
加一服務費
海景景觀
Live Music
食評 (36)
等級4 2019-11-07
335 瀏覽
走過這麵店,被它放在門外的宣傳牌吸引,價錢真便宜!入內坐下,看到傳菜口上有大張相片,寫着手打爽口魚蛋,那就點了一碗魚蛋粗面加牛腩汁試試看。魚蛋麵超速上桌,除了魚蛋,還有魚片,份量不少。先試湯頭,還可以,而且因為加了牛腩汁,所以味道不錯。接着試粗麵,面不夠滑,但口感也可以。至於魚蛋和魚片,有魚味,不過不夠爽口。看見鄰桌的人在吃牛雜,樣子不錯,有機會還是試牛雜吧。由於是家小店,所以環境就只是一般啦,至於服務,也是一般啦,不過以這價錢來說,對環境和服務當然不可有高要求了。 繼續閱讀
(以上食評乃用戶個人意見 , 並不代表OpenRice之觀點。)
等級2 2019-05-23
423 瀏覽
食完晚飯睇完戲,同友人見有啲餓,就去左好平既潮成園,唔需要等位,坐左卡位。😎裝修簡單,環境當然唔算得最乾淨,但都可以接受,餐廳都係提供基本潮洲粉麵,有南乳豬手又有腐乳通菜,叫左一碗牛筋丸米($20)同一碗雲吞河($23),再架多一碟腐乳通菜($12)。☺️牛筋丸有四粒,彈牙,亦有肉汁,濃湯尚可,米粉唔算淋,有咬口。雲吞亦有四粒,多豬肉味,河粉唔算太油。粉麵有蔥蒜,亦可以自行加辣椒油。🙈下次宵夜太餓,都可以揀平價之選! 繼續閱讀
(以上食評乃用戶個人意見 , 並不代表OpenRice之觀點。)
等級1 2019-01-19
427 瀏覽
同老婆經過旺角,見到呢間!麵店好似唔錯,就入去試一下,但結果失望唔會再黎。首先,服務態度好差。坐低唔夠3分鐘當我同老婆仲睇緊食咩時,就有個呀姐好大聲,眼神唔多客氣咁問:點呀你地2個,仲未諗到食咩呀?我同老婆只好急急叫了碗牛筋麵同牛雜麵。第2,錯單,出單混亂,佢地出單會將碗麵問好幾台客係唔係人地點,感覺碗麵到手都已經食晒口水食晒塵。老婆叫左牛雜幼麵,點知出左粗麵而且仲少左牛肺,唔知佢賣晒定自動幫我地走左=.=第3,味道一般,牛雜食落無咩味。最後,份量少,碗已經細,裡面仲要麵少,餸少,幾啖食完,如果當下午茶應該剛好,但晚餐嘅話就有心理準備食下場或再點佢果啲菜。食後上openrice睇呢間野食評,好在無再點佢啲菜😂😂。 繼續閱讀
(以上食評乃用戶個人意見 , 並不代表OpenRice之觀點。)
等級3 2019-01-18
269 瀏覽
這條街打正旗號食牛的店,除左呢間標榜吃手打牛丸的, 隔離曾經還有一間自信心爆棚,但眼高手低的「好難食牛肉麵」,不過好似一年貸仔就玩完!真的,兩間我都食過,邊間有食力,現實已告訴了你結果。這間的牛,真的不錯,尤其以價錢計,係超值之作。招牌大大隻字話你知手打牛丸好堅,我之前有試過,不用說太多,我只需要話你知,佢贏元朗名店「失敗牛丸」幾條街已足夠。今時今日就係咁難搵一些牛有牛味的食店。我較經常食的是牛腩河, 通常我都會點半肥, 但當然伙記聽唔聽到有冇寫落單, 師父知道後又睬唔睬你, 完全睇你彩數。 香港今時今日咁嘅「服務」係夠架啦! 間間都一樣。 好似我今次食嘅牛筋腩河, 話明要半肥但始終都冇。 不過瘦還瘦牛腩都非常軟淋, 但牛味比有肥的差一啲。 牛筋反而好正, 非常粗,夠厚夠淋夠黏夠入味, 算你啦! 繼續閱讀
(以上食評乃用戶個人意見 , 並不代表OpenRice之觀點。)
等級2 2018-11-28
295 瀏覽
前兩日同朋友兩個人係旺角想食個 quick lunch 見呢間店都吾少人幫襯 就決定入去試下佢啲麵(餐廳應該主打麵食) 餐牌選擇吾多 不過粥粉麵飯都有 基本上都足夠迎合香港人嘅口味 朋友叫左個牛雜河 而我就叫左個招牌魚蛋米線 吾洗等好耐就有得食 兩碗麵嘅份量都偏少 不過其實呢點我欣賞 始終有啲人比較細食 細細碗就吾洗驚浪費食物 而且咁嘅價錢 都吾會要求太多 至於餸方面 朋友嘅牛雜就比較少 而我果碗就有魚片三塊魚蛋三粒 講到味道 個人認為魚蛋米線嘅湯底清左啲 冇乜味 魚片味道正常 而魚蛋就麻麻地喇 話明招牌魚蛋 唸住會係彈牙爽口嘅潮洲白魚蛋 點知係好唸嘅 整體黎講 如果想食得清啲經濟啲 而又吾係好肚餓嘅話都可以試下 繼續閱讀
(以上食評乃用戶個人意見 , 並不代表OpenRice之觀點。)