潮成園

營業中

休息中

本身食粉麵都唔要求服務，但今日真係一肚氣，這間我一星期會吃三，四次的店，到店只是叫了什河凍O茶，杯茶好快到，但碗粉15分鐘未到眼見附近3張枱遲我入座都已上齊菜，我向員工追第一次佢話有單等等，但舖面只有8成客好多已食緊亦唔見有外賣單，再過3分鐘我追第2次，員工黑我面講等等啦，好我再等，由叫單起等了23分鐘都未出到一碗粉，最後我只比飲品錢就離開了，真的對你們很失望，食品再好員工態度差也是一個大問題😌

那個男員工落單的時候滿是埋怨 自言自語講粗口到我落單時我說我要凍檸樂第一次淨係比可樂 然後我再強調多次我要凍檸樂 第二次淨係俾冰底 最後我放棄了我隔籬枱的姨姨告訴另一個侍應 說我已經強調了幾次凍檸樂 最後都沒有檸檬 然後佢話張單冇寫

當日下午時間15:43進入店舖，見好耐沒係建生食野打算入去餐廳試下。當時有個店員(戴眼鏡稍肥的姐姐)幫我落單，我叫了一個咖哩牛腩飯+凍奶茶，落單時間15:45分左右。之後等左15分鐘，到16:00分見個飯都沒有蹤影，又見比我遲來的客人都已經有飯吃了，一問之下原來是沒有落單。咁OK的再落過，我誤以為該餐廳牛腩飯就只有咖哩牛腩飯，我沒睇清楚，所以情急之下說了牛腩飯+凍奶茶。後來發現來錯了，想轉返咖哩牛腩飯，之後該店員(戴眼鏡稍肥的姐姐)就指住我鬧：「係佢錯呀!唔關我事」。緊隨其後廚房師傅大叫：「點叫!?」，咁我再落單講漏「咖哩」兩字都係錯，所以沒有再反駁。餐廳都很快出返餐比我，但係師傅之後再補多句「治理國家就係連沒用的人都要一齊用」。我心念佢地咁做野都得，我都係食個飯姐，之後都唔會再去食。

店子開了沒太久，今日頭次幫襯，品質和服務冇令我失望，下午茶時段就只叫了牛腩河，用上了巨大湯碗，河粉份量頗多夠細食二人吃，而牛腩亦不少，腩是五花偏有咬囗不散的造法，此可能是為著慳柴火成本，但如老人家食就可能會嫌靱吧，對我來說郤是没問題，食落幾有牛油香及肉味，葱蒜用湯匙分開讓人自己調，而湯底則是絕配牛骨白濃湯混上大量腩汁很夠味，以$35來說很值不貴和誠意十足。注意店子還提供多款價位五十蚊起的咖喱飯套餐，跟冷熱飲品(加$2升級特飲)，可算區內廉超值之選了，而我看過正午市特別多人最好能早到或避開吧。

自從開咗呢間之後，就冇食過建生區其他嘅潮式粉麵因為呢間味道比較有味👍價錢又合理👍份量又多👍（講到好似打手咁）（但事實係因為建生區真係冇乜邊間好食）結果，今次再食，就叫牛雜牛腩河+凍檸茶少甜少冰外賣返到屋企，見佢係自動分湯，冇額外比辣油😆自動分湯，加分✨檸檬茶沖得幾好飲👍✨倒湯嘅時候發現，佢湯嘅份量都好多，倒完仲有半碗夾餸出嚟分開時，發現餸嘅量都唔少，牛湯有3-4嚿、肺2嚿、肚3-4嚿、百潔布1片、牛腩4-5嚿⋯（唔知有冇數漏）不過今次就冇加菜啦仲見佢個湯都幾濃，飲唔出唔知多唔多味精呢…交比大家試完再話我知😆

爽滑牛丸米線，有四粒牛丸，大量蔥粒，實物賣相比餐牌更吸引，首先試下啖湯，配上軟硬度適中嘅米線，好入味，牛丸好爽，冇筋完全唔會黐牙，好有牛味，而配角蔥粒一樣有驚喜，非常新鮮爽脆，配上湯汁食唔停口。五香牛什河粉，河粉爽口唔會斷，牛雜非常足料，而且牛味十足。牛肚彈牙無比，牛肺同牛蒡加埋湯汁好入味，牛腸帶點粉狀口感，款款都好好食，$35非常超值，食出喜出望外嘅感覺。店舖座位充足，有卡位坐得舒服，有自助水吧，而員工都好有效率，點餐後五到分鐘就到，野食價廉物美，但座位有污跡，清潔方面可以再改善，而且只收現金💰如果有電子支付更好。

平時都好鍾意食依啲牛雜粉麵🤪佢嘅牛雜入面有加埋菜😬 感覺上健康咗😂😂崩沙腩河粉都唔錯～可以一試，但我鍾意佢個牛雜飯多d😋炸雲吞好脆👍🏻係我至愛✨依到埋單$141💰 好味好飽😋